Morgunblaðið - 28.04.2004, Qupperneq 18

ERLENT
18 MIÐVIKUDAGUR 28. APRÍL 2004 MORGUNBLAÐIÐ
HART er deilt á sænska þinginu
um ný og hert innflytjendalög og
er ríkisstjórn jafnaðarmanna sök-
uð um að hafa afritað bresk lög um
sama efni. Eins og nú horfir bendir
flest til, að tillaga ríkisstjórnarinn-
ar um að setja strangar skorður
við aðflutningi vinnuafls frá Aust-
ur-Evrópu verði felld.
Sven Brus, fulltrúi kristilegra
demókrata og varaformaður fé-
lagsmálanefndar sænska þingsins,
segir, að svo virðist sem ríkis-
stjórnin sé í einhvers konar sjálfs-
morðshugleiðingum í samskiptum
sínum við þingið en á hinn bóginn
geti vel verið, að hún treysti því, að
skoðanir almennings á þessum
málum séu aðrar en margra þing-
manna. Var sagt frá þessu á frétta-
vef Sydsvenska Dagbladet.
Deilurnar um innflytjendamálin
hafa verið mestar í félagsmála-
nefndinni og þar er mikil andstaða
við þá tillögu Barbro Holmberg
innflytjendaráðherra, að Austur-
Evrópubúar verði útilokaðir frá
sænskum vinnumarkaði í nokkurn
tíma eftir inngöngu þeirra í Evr-
ópusambandið, ESB.
Holmberg og ríkisstjórnin hafa
lent upp á kant við þingið í ýmsum
málum. Má af þeim nefna, að hún
hefur sniðgengið þann vilja þings-
ins, að ákvarðanir um landvist
verði færðar frá útlendingaeftirlit-
inu og til félagsmála- og trygginga-
nefnda í lénunum. Í mars sl. kom
hún í gegnum þingið nýjum lögum
um smygl á fólki en þá aðeins í
„vanheilögu“ bandalagi við Hægri-
flokkinn. Sex þingflokkar hafa snú-
ist gegn ríkisstjórninni í um-
ræðunni um austur-evrópska
vinnuaflið og ekki er meirihluti
fyrir þeirri tillögu, að samgöngu-
fyrirtæki, til dæmis SAS-flugfélag-
ið, skuli bera nokkra ábyrgð á
flutningi hælisleitenda til Svíþjóð-
ar. Á þingi er ekki meirihluti fyrir
tillögu um að neita hælisleitendum
um að endurnýja umsókn, sem hef-
ur verið hafnað, og ekki heldur fyr-
ir tillögu um, að hælisleitendur
verið sviptir húsnæðisstyrk. Hefur
þessi styrkur íþyngt verulega sum-
um sveitarfélögum, til dæmis
Malmö.
„Félagsleg
ferðamennska“
Fyrrnefndur Brus segir, að til-
lögur sænsku stjórnarinnar séu
sniðnar eftir nýjum og mjög
ströngum lögum í Bretlandi. Hann
heldur því fram, að Göran Persson
forsætisráðherra sé vitandi vits að
höfða til tortryggni margra Svía í
garð innflytjenda þegar hann tali
um „félagslega ferðamennsku“.
Harðar
deilur um
innflytj-
endalög
Sænska ríkisstjórnin
vill stórherða lögin
en mikil andstaða
er við það á þingi
STJÓRNVÖLD í Póllandi hafa á
prjónunum að takmarka aðgang
útlendinga að vinnumarkaðinum
þar í landi. Er það svar þeirra við
sams konar takmörkunum í ýms-
um öðrum Evrópuríkjum.
Að því er fram kemur í pólska
blaðinu Rzeczpospolita, verður
aðeins gerð undantekning á með
fólk frá Írlandi og Bretlandi en
þar verða engar hömlur settar á
pólskt vinnuafl eftir stækkun Evr-
ópusambandsins 1. maí næstkom-
andi. Takmarkanirnar gilda gagn-
vart hinum ESB-ríkjunum 13 og
auk þess Noregi, Íslandi og
Liechtenstein.
Gömlu ESB-ríkin 15 hafa
áhyggjur af óheftu flæði ódýrs
vinnuafls og þeim félagslegu út-
gjöldum, sem því gæti fylgt, en
takmarkanirnar eru dálítið mis-
munandi. Þær eru strangastar í
Þýskalandi og Austurríki og eiga
að gilda í allt að sjö ár en í flestum
öðrum aðeins í tvö ár. Þess má
geta, að annað nýtt aðildarríki,
Ungverjaland, hefur áskilið sér
rétt til að grípa til sams konar að-
gerða.
Pólverjar svara Evrópu-
ríkjum í sömu mynt
DÓMSTÓLL í Kólumbíu sýknaði á
mánudag þrjá Íra, sem grunaðir
eru um aðild að Írska lýðveldis-
hernum (IRA), af ákærum um að
hafa veitt kólumbískum skærulið-
um FARC-hreyfingarinnar þjálfun.
Þeir voru hins vegar fundnir sekir
um að hafa ferðast á fölsuðum
vegabréfum.
Mennirnir voru dæmdir til fang-
elsisvistar fyrir brot á vegabréfa-
lögum og nam dómurinn á bilinu 26
mánuðum og upp í 44 mánuði. Þar
sem þeir hafa setið á bak við lás og
slá allt frá því að þeir voru hand-
teknir í ágúst 2001 var hins vegar
gert ráð fyrir, að sögn BBC, að
þeim yrði vísað úr landi, þ.e. þegar
þeir væru búnir að greiða sekt upp
á um fimm þúsund Bandaríkjadali.
Í gær kom hins vegar í ljós að
saksóknarar hyggjast áfrýja mál-
inu til hæstaréttar og sitja menn-
irnir því áfram í fangaklefa.
Vakti mikið uppnám
Mennirnir þrír, James Monagh-
an, Niall Connolly og Martin
McCauley, voru ekki viðstaddir
dómsuppkvaðninguna í fyrradag.
Þeir voru handteknir í ágúst 2001
eftir að hafa verið á ferð um griða-
svæði FARC-skæruliða sem um
árabil hafa átt í baráttu við kól-
umbísk stjórnvöld.
Málið vakti mikið uppnám á
sínum tíma og þá einkum á Norð-
ur-Írlandi en ýmsir töldu ferðir
mannanna í Kólumbíu til marks um
að IRA væri síður en svo í þann
mund að binda enda á starfsemi
sína.
Þrír meintir IRA-liðar
sýknaðir í Kólumbíu
Colombo. AP.