Morgunblaðið - 28.04.2004, Blaðsíða 49

ÍÞRÓTTIR
MORGUNBLAÐIÐ MIÐVIKUDAGUR 28. APRÍL 2004 49
„ÞETTA hafðist á hörkunni og vilj-
anum,“ sagði Hjalti Þór Pálmason,
leikmaður Vals, sem stóð sig mjög
vel í gær, eins og klettur í vörninni,
og stóð vaktina í sókninni einnig af
stakri prýði. „Þegar menn meidd-
ust skapaðist gat í liðinu sem maður
verður að nýta sér og þegar maður
fær að spila svona mikið kemst
maður í meira leikform. Svo er það
líka svo miklu skemmtilegra en að
spila bara vörnina og sleppa sókn-
inni.
Við töpuðum tvö núll fyrir þeim í
fyrra og vorum ákveðnir í að það
endurtæki sig ekki. Við náðum
þriggja marka forystu í lok fyrri
hálfleiks og þeir náðu að jafna
nokkrum sinnum í síðari hálfleik.
En við vitum að þetta er tómt basl
og það þarf að vera að í sextíu mín-
útur, þrjátíu duga ekki og það viss-
um við þegar við mættum til síðari
hálfleiksins.
Það er alls ekkert gefið í þessu
og þó svo að ég sé ágætlega ánægð-
ur með margt hjá okkur í kvöld er
sjálfsagt ýmislegt sem má laga. Nú
verður sest yfir myndband af leikn-
um á morgun og farið yfir það sem
við getum gert betur. Ég held samt
að yfir heildina hafi þetta verið
nokkuð gott hjá okkur,“ sagði
Hjalti.
Spurður um næsta leik sagði
hann: „Það verður harka og barn-
ingur eins og í kvöld. Við ætlum í
úrslitin, það er ekki spurning, og
það væri fínt að snúa dæminu við
frá því í fyrra.“
„Gat í liðinu sem maður
verður að nýta sér“
ÉG er í viðræðum við forsvarsmenn Grindavíkur um
að taka að mér þjálfun liðsins og ég mun líklega svara
þeim annað kvöld (í kvöld),“ sagði Falur Harðarson í
gær en hann var þjálfari Íslands- og bikarmeistaraliðs
Keflavíkur í körfuknattleik í vetur ásamt Guðjóni
Skúlasyni. Þeir sóttust ekki eftir því að taka að sér
þjálfun Keflavíkur á ný sem þjálfarateymi og var Sig-
urður Ingimundarson ráðinn í starfið.
Grindvíkingar voru í viðræðum við Sigurð sem valdi
að semja við Keflavík. Friðrik Ingi Rúnarsson, fyrr-
verandi þjálfari Grindavíkur, sóttist ekki eftir því að
verða ráðinn á ný hjá Grindavík en hann mun taka sér
frí frá þjálfun á næstu leiktíð. „Ég þarf að velta ýmsum
hlutum fyrir mér á næstu klukkustundum. Verkefnið
er vissulega spennandi, það er metnaður hjá Grindvík-
ingum og þeir eru spennandi kostur. Hins vegar eru
margir aðrir þættir sem spila inn í þetta og í raun
þyrfti ég fleiri klukkutíma í sólarhringinn til þess að
allir yrðu ánægðir. En við sjáum hvað setur,“ sagði
Falur í gær.
Falur svarar Grind-
víkingum í kvöld
Morgunblaðið/Sverrir
Falur Harðarson
Leikurinn var ágæt skemmtum,sterkar varnir og þó svo að sókn-
arleikur liðanna sé ekki sá áferðarfal-
legasti þá er engu að
síður gaman að fylgj-
ast með tilburðum
leikmanna. Það var
ekki mikið skorað
framan af leik, staðan var aðeins 5:4
fyrir Val þegar fyrri hálfleikur var
hálfnaður. Varnir liðanna voru sterk-
ar, en bæði léku framliggjandi vörn.
Önnur ástæða þess að lítið var skorað
var nokkur flumbrugangur á stund-
um, menn misstu boltann, áttu send-
ingar beinustu leið út af og annað í
þeim dúr. Valmenn notuðu fyrstu 17
sóknir sínar til að gera sjö mörk og
ÍR-ingar fjögur mörk úr fyrstu tólf
sóknum sínum.
Lokaspretturinn hjá Val var ein-
staklega glæsilegur því leikmenn
nýttu síðustu átta sóknir sínar eins
vel og hægt er, gerðu átta mörk.
Fram að þeim kafla hafði verið nokk-
uð jafnt á með liðunum og má eig-
inlega segja að gestirnir úr Breið-
holtinu hafi verið óheppnir því þeir
misnotuðu öll þrjú vítaköstin sem
þeir fengu í fyrri hálfleik og skutu
tvívegis í slá Valsmarksins úr hraða-
upphlaupum. Valur gerði síðustu
þrjú mörk fyrri hálfleiks og staðan
15:12.
Valsmönnum gekk erfiðlega að
eiga við Einar Hólmgeirsson, sem
var í miklu stuði. Hann hóf ekki leik-
inn, var eitthvað meiddur í tá, en
mætti til leiks þegar tólf mínútur
voru búnar og staðan 3:2. Það sem
eftir lifði fyrri hálfleiks gerði hann
sjö mörk, flest hver án mikils stuðn-
ings frá félögum sínum.
Síðari hálfleikur gekk löngum
þannig að annað liðið gerði tvö mörk
og hitt liðið gerði slíkt hið sama. Vals-
menn voru jafnan á undan en ÍR-ing-
ar fylgdu fast á eftir. Um tíma var
eins og leikurinn ætlaði að leysast
upp í vitleysu því að hver sóknin af
annarri hjá liðunum rann út í sandinn
á skömmum tíma, liðið réðu greini-
lega ekki alveg við þann hraða sem
þau vildu leika á til að freista þess að
stinga hitt af.
Júlíus Jónasson var rekinn af velli
þriðja sinni þegar um sex mínútur
voru eftir og staðan 23:23 og á loka-
kaflanum reynust taugar heima-
manna sterkari, þeir nýttu færin bet-
ur og komust yfir, þannig að gestirnir
urðu að taka áhættu og luku sóknum
sínum snaggaralega og stundum án
þess að vera í góðu færi. Þetta gekk
ekki eftir fyrir þá að þessu sinni, en
víst er um að leikurinn annað kvöld
verður mikil skemmtun.
Hjá Val var Baldvin öruggur á
vítalínunni, Hjalti Þór átti fínan leik,
stóð meðal annars vaktina vel í vörn-
inni þar sem Ragnar Ægisson stóð
sig einnig mjög vel. Bjarki Sigurðs-
son var drjúgur á lokakaflanum og
gerði fjögur mörk í síðari hálfleik.
Hjá ÍR var Einar heitur, sérstak-
lega fyrir hlé þegar hann var með
mjög góða nýtingu. Sturla Ásgeirs-
son átti líka ágætan dag, en Hannesi
Jóni gekk ekki eins vel og oft áður að
prjóna sig í gegnum vörn mótherj-
anna.
Klikkuðum alltof
mikið í fínum færum
„Þetta var virkilega lélega leikinn
leikur hjá okkur. Við klikkuðum allt
of mikið úr fínum færum sem við
fengum þó. Vörnin var svona allt í
lagi hjá okkur, en samt varla og við
getum verið miklu grimmari í henni.
Í sókninni lékum við illa, eins og
einstaklingar en ekki eins og liðs-
heild. Við opnuðum ekki fyrir neinn,
heldur voru þetta bara neglur fyrir
utan og í raun vorum við afskaplega
slappir í sókninni.
Nú er bara að berja sig saman fyr-
ir leikinn eftir tvo daga, vinna hann
og koma svo hingað aftur í þriðja
leikinn og vinna. Við unnum Val hér
um daginn í deildinni og getum alveg
gert það aftur, eins og í fyrra í úr-
slitakeppninni,“ sagði Bjarni Fritz-
son, fyrirliði ÍR-inga, mjög óhress
með frammistöðu liðsins á Hlíðar-
enda.
Valsmenn stóðust álagið
Morgunblaðið/Eggert
Bjarni Fritzson, fyrirliði ÍR, hafði ekki erindi sem erfiði gegn
Hjalta Þór Pálmasyni og félögum í Val.
VALSMENN létu ÍR-inga ekki
koma sér í opna skjöldu á Hlíð-
arenda eins og í fyrra þegar
Breiðhyltingar lögðu Val, 2:0, í
undanúrslitum Íslandsmóts
karla í handknattleik. Nú höfðu
Valsmenn betur, 29:25, og ætla
sér alla leið í úrslit, en til þess
þurfa þeir að vinna ÍR aftur, ann-
aðhvort annað kvöld í Aust-
urbergi eða að Hlíðarenda um
næstu helgi.
Skúli Unnar
Sveinsson
skrifar

 

<!
2
%? !
: $DD( :! 
<E
8E
,A


 F










,A


 F


64
63

;4
;7




* (
A (
" 6;
6:

;4
;<
-



8
 



 
 
 



 
FÓLK
 HAFSTEINN Ægir Geirsson varð
í 38. sæti á þriðja legg í siglingamóti í
Hyeres í gær. Hann varð í 14. sæti í
annari umferðinni og því 16. í fyrstu
og er því í 159. sæti yfir heildina.
 CHELSEA ákvað á mánudags-
kvöldið að áfrýja þriggja leikja banni
sem varnarmaðurinn Marcel Des-
ailly var dæmdur í eftir leik Chelsea
og Mónakó í fyrri leik liðanna í und-
anúrslitum Meistaradeildar Evrópu
í knattspyrnu. Á myndbandi sést
kauði gefa Fernando Morientes
hressilegt olnbogaskot.
 MIKAEL Forssell, leikmaður
Chelsea, verður áfram í láni hjá
Birmingham að sögn forráðamanna
félaganna. „Ég held þetta sé fínt fyr-
ir mig. Ég er ánægður með að vera
leikmaður Chelsea en annað ár undir
stjórn Steve Bruce hjá Birmingham
gerir mér ekkert nema gott.“
 JONATHAN Woodgate, varnar-
maður hjá Newcastle, leikur ekki
með félaginu á endasprettinum í
deildinni. Hann tognaði í leiknum við
Chelsea á sunnudaginn og í gær kom
í ljós að tognunin er það slæm að
hann leikur ekki meira með á leiktíð-
inni. Þetta er slæmt fyrir liðið þar
sem það er í harðri baráttu um fjórða
sætið í deildinni, síðasta sætið sem
gefur rétt til keppa í Meistaradeild-
inni á næstu leiktíð.
 ROBIN van Persie, tvítugur hol-
lenskur miðjumaður hjá Feyenoord
segist ætla að tilkynna innan tveggja
sólarhringa hvar hann leiki á næstu
leiktíð, en fjölmörg félög eru á eftir
þessum knáa leikmanni. Líklegast er
talið að hann fari til Arsenal, á fjög-
urra ára samning, fyrir um 2,3 millj-
ónir punda.
 MARADONA virðist á batavegi á
sjúkrahúsi í Argentínu, en þar var
hann lagður inn fyrir viku vegna
hjartatruflana og vandkvæða með að
anda. Í gær opnaði hann augun í
fyrsta sinn og neytti matar með
ágætum árangri. Hann er enn undir
stöðugu eftirliti.
 SIGURVEGARAR í einliðaleik
karla og kvenna á Wimbledon
mótinu í tenni sí sumar munu hvort
um sig fá ríflega eina milljón dollara í
verðlaun og er þetta í fyrsta sinn
sem verðlaunaféð nær milljóninni,
eðaum 73 milljónum íslenskra króna.
 DETROIT Pistons vann Milwau-
kee Bucks, 109:92, á útivelli í úrslita-
keppni NBA í körfuknattleik í fyrri-
nótt. Detroit er þar með komið í 3:1,
og þarf aðeins einn sigur í viðbót til
að komast áfram. Richard Hamilton
skoraði 27 stig fyrir Detroit en Dam-
on Jones og Joe Smith 17 hvor fyrir
Milwaukee.
 SACRAMENTO Kings knúði fram
útisigur á Dallas Mavericks, 94:92,
og er yfir, 3:1, og með pálmann í
höndunum. Mike Bibby skoraði 22
stig fyrir Sacramento og Dirk Now-
itzki 21 fyrir Dallas.