Morgunblaðið - 28.04.2004, Blaðsíða 53

FÓLK Í FRÉTTUM
MORGUNBLAÐIÐ MIÐVIKUDAGUR 28. APRÍL 2004 53
SUMARIÐ 1985 lögðu tvímenn-
ingarnir Joe og Simon í ævintýra-
ferð til Perú, þá rúmlega tvítugir að
aldri, en markmiðið var að klífa
vesturhlið fjallsins Siula Grande.
Aðrir höfðu reynt við tindinn, sem
er 21.000 fet yfir sjávarmáli, en eng-
um tekist ætlunarverkið. Ferð
þessi, segir í upphafsorðum mynd-
arinnar, er orðin nútímagoðsaga í
veröld fjallaklifursmanna, og þegar
hugsað er til þessara orða að mynd-
inni lokinni er lítið annað hægt en
að kinka kolli og samþykkja nafn-
giftina. Stundum er nefnilega sann-
leikurinn ótrúlegri en nokkur skáld-
skapur, og er lýsingin á þeim
hrikalegu þolraunum sem félagarnir
upplifðu sannarlega staðfesting
þess.
Hér er um heimildarmynd að
ræða sem tvinnar saman sviðsetn-
ingu á atburðunum og frásögnum
þeirra Joes og Simons, sem teknar
voru upp við gerð myndarinnar. Þar
sem við sjáum þá félaga heila á húfi
nú tveimur áratugum síðar verður
aðalspurningin í myndinni ekki
hvort þeir lifi af heldur hvernig í
ósköpunum. Þar hvílir meginþung-
inn á Joe, sem slasast á leiðinni, og
sýnir einstaka hetjulund og þolgæði
er hann heldur ferðinni áfram.
Með því að blanda saman stór-
kostlegum tökum í hrikalegu lands-
laginu og tilgerðarlausum vanga-
veltum Joes og Simons um þessa
óhugnanlegu lífsreynslu býr leik-
stjórinn, Kevin Macdonald, til
óvenjulega tilfinningu í verkinu sem
vegur salt milli öryggis og gapandi
hyldýpis við fótskör söguhetjanna.
Þessar tvær víddir renna þó átaka-
laust saman, þannig að áhorfand-
anum finnst hann vera að upplifa
þrekraunina sjálfa, en ekki sviðs-
setningu á henni. Þá fer leikstjórinn
í alla staði vel með vandmeðfarinn
efniviðinn, haldið er fínlega um þá
mannlegu dramatík sem fólgin er í
sögunni en spennunni um leið haldið
í hámarki. En þegar allt kemur til
alls er Snerting við tómið í raun
kvikmynd sem best er að hafa sem
fæst orð um, sjón er sögu ríkari.
Heimildarmyndin Snerting við tómið fjallar um sanna atburði sem áttu sér
stað í Andesfjöllum um miðjan 9. áratuginn.
Sagan ótrúlega
KVIKMYNDIR
Háskólabíó
Leikstjórn: Kevin Macdonald. Tónlist:
Alex Heffes. Leikendur og viðmælendur:
Joe Simpson, Simon Yates, Brendan
Mackey, Nicholas Aaron, Richard Hawk-
ing. Lengd: 106 mín. Bretland, 2003.
TOUCHING THE VOID / SNERTING VIÐ
TÓMIÐ Heiða Jóhannsdóttir
SJÁLFSAGT er metsöluhöfundur-
inn Michael Crichton (Júragarður-
inn) farinn að missa flugið þó er erfitt
að ímynda sér annað en handritshöf-
undarnir hafi bætt um betur og hrein-
lega misþyrmt efni bókarinnar. Time-
line er ein sárafárra mynda sem
teljast nánast alvondar en handritið
er sýnu verst. Óskapnaðurinn kostaði
óhemju fé og ekki annað að sjá en að
einhver hafi komist með fingurna í
fúlguna.
Hugmyndin er enn ein „Tímavélar“
útfærslan, gerist að þessu sinni meðal
fornleifafræðinga sem lenda í tíma-
gati. Einn hverfur í ginnungagapið og
björgunarleiðangur er sendur í kjöl-
farið. Hinn endi gapsins er í Frakk-
landi á fjórtándu öld, í miðjum átök-
um Englendinga og heimamanna.
Vísindamennirnir eru flestir Skotar,
dálítið kyndugt í Hollywoodmynd, en
ástæðan kemur í ljós.
Donner virðist vera heillum horfinn
sem leikstjóri, engu líkara en hann
hafi gert myndina til þess eins að láta
skopast að sér. Hann er vissulega
með liðónýtt handrit þar sem ekkert
er reynt til þess að gera einhvern mat
úr skondnum kringumstæðum, en
það afsakar ekki hörmulega illa gerð
átakaatriði sem eru ómerkilegri en í
vísindaskáldskapar-B-myndunum
sem voru daglegt brauð uppúr miðri
öldinni sem leið. Leikhópurinn er lé-
legur brandari með Paul Walker, vita
hæfileikalausan sætabrauðsdreng, í
aðalhlutverki og aðrir svo sem ekki
hótinu skárri þó þeir virðist ögn ábúð-
armeiri. Höfundarnir leggja heldur
ekkert af mörkunum til að skapa heil-
legar söguhetjur né semja þeim eina
og eina línu af viti. Láta þær dragnast
úr einu atriðinu öðru verra með
álappalegri rómantík og ótrúverðug-
um hetjuskap á veikburða herðum.
Bjóða okkur upp á söguþráð og per-
sónur sem öllum stendur nákvæm-
lega á sama um.
Frances O’Connor og Paul Walker fara með aðalhlutverkið í Tímamörkum.
Tímasóun
KVIKMYNDIR
Sambíóin
Leikstjóri: Richard Donner. Handrit: Jeff
Maguire and George Nolfi, byggt á skáld-
sögu eftir Michael Crichton. Kvikmynda-
taka: Caleb Deschanel. Tónlist: Brian Tyl-
er. Aðalleikendur: Paul Walker, Frances
O’Connor, Gerard Butler, Billy Connolly,
David Thewlis, Anna Friel. 115 mínútur.
Paramount Pictures. Bandaríkin. 2004.
TÍMAMÖRK / TIMELINE

Sæbjörn Valdimarsson
www.vinnuskoli.is
Upplýsingar og skráning til 30. apríl:
Umhverfis- og heilbrigðisstofa
Skúlagötu 19 • 101 Reykjavík
Upplýsingasími: 563 2750
Vinnuskólinn býður fjölbreytt útistörf í sumar
fyrir nemendur í 8., 9. og 10. bekk í grunnskólum
Reykjavíkur.
ÍVA
ERZLÓV