Morgunblaðið - 04.06.2004, Blaðsíða 4

FRÉTTIR
4 FÖSTUDAGUR 4. JÚNÍ 2004 MORGUNBLAÐIÐ
Fæst í verslunum Lyf & heilsu.
Roll-on og
Sprey
Afterbite
skal bera á skordýrabit. Þunnt lag er borið
á 3-4 sinnum á dag og dregur það úr þeim
óþægindum sem fylgja skordýrabiti.
fælir burt hvimleið
skordýr eins og bitmý og
moskítóflugur og kemur
þannig í veg fyrir bit.
MEÐALEINKUNN nemenda í
10. bekk grunnskóla sem þreyttu
samræmd próf í vor var í flestum
tilvikum hæst í Reykjavíkurkjör-
dæmi suður og var meðaleinkunn
nemenda þar yfir landsmeðaltali í
öllum sex greinum sem prófað var
í að þessu sinni.
Meðaleinkunnir nemenda í
Reykjavík norður og Suðvestur-
kjördæmi voru í öllum tilfellum
jafnar eða yfir landsmeðaltali.
Landsmeðaltal í íslensku var 6,8, í
stærðfræði 5,8, í ensku 7,0, í
dönsku 6,5, í náttúrufræði 6,3 og í
samfélagsfræðum 6,3.
20% nemenda fengu
undir 5 í einkunn í dönsku
Alls voru rúm 20% nemenda í
dönsku undir 5 í einkunn á sam-
ræmdu prófi í ár, í íslensku var
hlutfallið tæp 8%, í ensku rúm 13%
í náttúrufræði rúmt 21% og 18% í
samfélagsfræðum. Líkt og undan-
farin ár var hlutfall þeirra sem
ekki náðu 5 í einkunn hæst í
stærðfræði.
Tæp 35% þeirra sem þreyttu
prófið náðu ekki tilskilinni lág-
markseinkunn. Þess ber að geta að
svipað hlutfall nemenda hefur ekki
náð fimm í einkunn í samræmdu
prófi í stærðfræði síðustu ár. Árið
1998 var hlutfallið rúm 27% og
1999, 34,5%, Árið 2000 var hlut-
fallið óvenjuhátt, tæp 46%, árið
2001, 32,5,% og 2002 og 2003,
36,5%.
Sigurgrímur Skúlason, deildar-
stjóri hjá Námsmatsstofnun, segir
að samræmd próf hafi gengið
þokkalega fyrir sig í ár og munur
á einkunnunum milli landshluta
minni nú en oft áður, að því er
virðist. Sér sýnist að próf í ensku
og íslensku hafi verið léttari í ár
en oft áður sem skýrist af því að
fleiri séu með hærri enkunnir í
þessum fögum.
Enginn nemandi náði 10 í ein-
kunn í íslensku í ár og hefur það
ekki gerst frá 1999. Sigurgrímur
bendir á að alla jafnan séu fáir
nemendur með 10 í íslensku, oft
einungis 1 nemandi á ári. Þá hafi
Námsmatsstofnun unnið að því að
undanförnu að stytta samræmd
próf en við það eykst vægi hverrar
spurningar. Lítið megi út af
bregða til að nemandi lækki í ein-
kunn. Þá námundist færri stig upp
að einkunninni 10, þ.e. frá 9,75, en
t.a.m. að einkuninni 9, eða frá 8,75
til 9,25.
Þreyta of mörg
samræmd próf
Þátttaka í samræmdum prófum í
ár í íslensku, ensku og stærðfræði
var 95–7%, í dönsku, 80% og 60–
65% í náttúrufræði og samfélags-
fræðum. Ekki liggur ljóst fyrir
hversu margir nemendur þreyttu
öll sex prófin. Þeim sem innritast í
framhaldsskóla ber að þreyta fjög-
ur próf eða fleiri.
Sigurgrímur Skúlason segist þó
vera þeirrar skoðunar að nemend-
ur eigi ekki að þreyta fleiri en
fimm próf.
„Það er þriggja ára námsefni
undir og það er mjög mikið að
vera að horfa á þau öll og alger
óþarfi,“ segir Sigurgrímur. Um
50% nemenda í grunnskólum
landsins þreyttu öll prófin sem
haldin voru í fyrra.
Fyrstu niðurstöður samræmdra prófa í 10. bekk birtar
Rúmur þriðjungur nem-
enda féll í stærðfræði
ALLS þreyttu 442 nemendur í 23
framhaldsskólum samræmt stúd-
entspróf í íslensku í maí sl. en
Námsmatsstofnun hefur yfirfarið
og birt niðurstöður prófanna. Um
er að ræða 85% af þeim nem-
endum sem skráðu sig til prófs-
ins. Meðaleinkunn á kvarðanum
1–10 var 5,8 og fékk einn nem-
andi einkunn á bilinu 9 til 10. Al-
gengasta einkunnin var 5–5,5 og
6–6,5.
Þá var staðlaður einkunnastigi
hannaður til að birta niðurstöður
samræmdra stúdentsprófa. Með-
altal hans er 75, hæsta einkunn
100 og lægsta einkunn 50. Með-
aleinkunn þess hóps sem nú
þreytti samræmt stúdentspróf í
íslensku var 78. Af þeim 442
nemendum sem þreyttu prófið
fengu sjö samræmda stúdents-
einkunn á bilinu 91 til 100 sem
telst vera ágætiseinkunn.
Samræmt stúdentspróf í ís-
lensku verður aftur haldið um
áramót og er stefnt að því að
nemendum verði skylt að þreyta
samræmd próf í íslensku, ensku
og stærðfræði frá og með næsta
vori.
Knútur Hafsteinsson, formaður
Samtaka móðurmálskennara, seg-
ir útkomu úr prófum sem þessum
alltaf afstæða. Það að einungis
einn nemandi hafi fengið einkunn
á bilinu 9–10 kunni að skýrast af
því að prófað sé úr færni en ekki
þekkingu eins og á hefðbundnum
skólaprófum.
Sumt af því námsefni sem
byggt sé á hafi nemendur lært
áður en þeir vissu að prófað yrði
upp úr því á samræmdu prófi.
Samræmd stúdentspróf voru
gagnrýnd af nemendum og kenn-
urum sem mörgum fannst þau
óþörf og með þeim væru allir
framhaldsskólar steyptir í sama
mót. Knútur segist hafa verið
gagnrýninn á prófin í fyrstu en
sér lítist ágætlega á uppbyggingu
þeirra.
„Hugsunin á bak við þetta er
sú að það sem eftir stendur í ís-
lensku stúdentsins þegar hann er
búinn að vera í framhaldsskól-
anum er að hann geti bæði tjáð
sig og skilið það sem hann er að
lesa og beitt grunnhugtökum,“
segir Knútur.
Meðaleinkunn stúd-
entsefna var 5,8
FORSÆTISRÁÐHERRA og utan-
ríkisráðherra eru sammála um að fá
lögfróða menn til að fara yfir þá
stöðu sem upp er komin í kjölfar
ákvörðunar forseta Íslands að skjóta
fjölmiðlalögunum, sem Alþingi sam-
þykkti í lok maí, til þjóðaratkvæða-
greiðslu. Utanríkisráðherra telur
vonlaust að atkvæðagreiðslan fari
fram samhliða forsetakosningunum
26. júní næstkomandi.
„Við vorum sammála um það við
forsætisráðherra í dag að málið væri
flókið, að það hefði skapast hér mikil
óvissa og það væri nauðsynlegt að
við fengjum lögfróða menn til að
fara yfir stöðuna og ráðleggja okkur
um framhaldið,“ sagði Halldór Ás-
grímsson utanríkisráðherra í sam-
tali við Morgunblaðið að loknum
þingflokksfundi Framsóknarflokks-
ins í gær. Halldór sagði að málið
væri ekki komið það langt að þing
verði kallað saman. Fyrst þurfi rík-
isstjórnin að átta sig betur á stöð-
unni.
Hann sagði að þingmenn Fram-
sóknar hefðu fyrst og fremst verið
að ræða málin og fara yfir stöðuna á
fundinum. Þingmennirnir hafi stutt
það sem Halldór sagði við fjölmiðla á
fundi í utanríkisráðuneytinu síðdeg-
is á miðvikudag, þar sem hann sagði
öruggt að fram færi þjóðaratkvæða-
greiðsla og að virða verði ákvæði
stjórnarskrár sem kveður á um að
þjóðaratkvæðagreiðslan eigi að fara
fram eins fljótt sem verða megi. Að-
spurður í gær hvort hann telji að
hægt sé að hafa þjóðaratkvæða-
greiðsluna samhliða forsetakosning-
unum hinn 26. þessa mánaðar, segist
Halldór telja það vonlaust.
Halldór Ásgrímsson að loknum þingflokksfundi
Lögfróðir menn ráðleggi
ríkisstjórn um framhaldið
Morgunblaðið/ÞÖK
Þingmenn Framsóknar komu saman í gær til að ræða stöðu mála.
„VIÐ erum þeirrar skoðunar að
þing verði að kalla saman og þjóð-
aratkvæðagreiðslan verði eins fljótt
og auðið er. Þannig hlýða menn
best ótvíræðum fyrirmælum stjórn-
arskrárinnar,“ sagði Össur Skarp-
héðinsson, formaður Samfylkingar,
við Morgunblaðið að loknum
tveggja stunda þingflokksfundi um
þá stöðu sem upp er komin í kjölfar
ákvörðunar forseta Íslands að stað-
festa ekki fjölmiðlalögin.
Í ályktun sem þingflokkurinn
samþykkti er hvatt til þess að Al-
þingi verði kvatt saman hið fyrsta.
„Nú liggur fyrir að það þarf þjóð-
aratkvæðagreiðslu um fjölmiðlalög-
in. Stjórnarskráin mælir alveg ótví-
rætt fyrir um að þá kosningu skuli
halda eins skjótt og auðið er. Þess
vegna þarf þingið að koma saman,
til þess að verða í reynd við þeim
fyrirmælum, því þingið þarf að
ákveða lög um framkvæmd kosn-
inganna og síðast en ekki síst dag-
setningu kosninganna,“ segir Össur.
Þá óska þingmenn Samfylkingar
eftir samráði og samstarfi við aðra
þingflokka um málið. „Við teljum að
til að tryggja sem breiðasta sam-
stöðu um niðurstöðuna og ekki síst
um framkvæmdina, þá þurfi sam-
ráð. Það mun ekki standa á okkur í
þessum efnum, við munum greiða
fyrir þessu máli eins og hægt er.
[…] Þetta er ekki mál sem varðar
bara ríkisstjórnina, heldur þjóðina
alla. Hún á sinn leik núna og það er
þess vegna sem það á að gera þetta
mál eins ópólitískt og hægt er og
það gera menn með náinni sam-
vinnu.“
Kostur sem þarf að skoða
Össur segir að Samfylkingin telji
að það eigi að skoða til þrautar
þann möguleika að láta þjóðarat-
kvæðagreiðslu um fjölmiðlalögin
fara fram samhliða forsetakosning-
unum. „Þá er hægt að nýta kjör-
skrár og sömuleiðis spara mikið
fjármagn, og menn hljóta að horfa
til þess. En auðvitað eru ákveðnir
annmarkar á því líka sem menn
þurfa að horfa til, en við segjum að
þetta er kostur sem þarf að skoða
og menn þurfa þá að ná samkomu-
lagi um það.“
Samfylking vill
samráð flokka
Morgunblaðið/ÞÖK
Slegið á létta strengi við upphaf þingflokksfundarins í gær.
ÞINGFLOKKUR Vinstrihreyfing-
arinnar – græns framboðs hefur
sent frá sér yfirlýsingu að loknum
þingflokksfundi í gær, þar sem
lögð er áhersla á að Alþingi komi
saman til fundar við fyrsta hent-
ugt tækifæri vegna ákvörðunar
forseta Íslands um að staðfesta
ekki fjölmiðlalögin.
Vill VG að hver þau skref sem
talin séu nauðsynleg og tekin verði
á næstunni vegna málsins séu und-
irbúin sameiginlega og með aðild
allra stjórnmálaflokka.
Í yfirlýsingunni segir þingflokk-
urinn, að virða beri ákvörðun for-
setans, og um leið rétt þjóðarinn-
ar, vafningalaust. Þegar eigi að
hefja nauðsynlegan undirbúning
að framkvæmd allsherjaratkvæða-
greiðslu meðal kosningabærra
manna í landinu, þjóðaratkvæða-
greiðslu, í samræmi við ótvíræð
ákvæði stjórnarskrárinnar. Segir
flokkurinn að kalla eigi Alþingi
saman til fundar við fyrsta hent-
ugt tækifæri og það hafi með
höndum nauðsynlega ákvarðana-
töku og undirbúning vegna at-
kvæðagreiðslunnar.
Allir flokkar taki þátt
í undirbúningnum