Morgunblaðið - 04.06.2004, Blaðsíða 8
FRÉTTIR
8 FÖSTUDAGUR 4. JÚNÍ 2004 MORGUNBLAÐIÐ
Verið þið bara kyrr, ég kem bara með skepnurnar hingað.
Dagur lúðrasveita í Hafnarfirði
Þar sameinast
kynslóðirnar
Dagur lúðrasveitaHafnarfjarðarverður haldinn á
morgun í Hafnarfirði.
Þetta er í þriðja skipti sem
efnt er til þessarar uppá-
komu, en fyrstu tvö árin
var haldið upp á daginn í
Reykjavík. „Þessum degi
er ætlað að vekja athygli á
lúðrasveitum og þeirra
starfi, ekki síst hjá ungu
fólki,“ segir Stefán Ómar
Jakobsson, stjórnandi
Lúðrasveitar Hafnarfjarð-
ar.
Í Hafnarfirði koma sam-
an níu lúðrasveitir af höf-
uðborgarsvæðinu, um 500
manns, og hefjast skrúð-
göngur víða um bæinn kl.
13 og síðan hátíðardags-
skrúðganga frá Íþrótta-
húsinu við Strandgötu kl. 14. Það
verður sýningarskrúðganga, ein-
ungis ætluð lúðrasveitum, og er
fólk vinsamlegast beðið um að vera
uppi á gangstétt og fylgjast með
hersingunni fara framhjá. „Við
hvetjum náttúrlega aðstandendur
og annað áhugafólk til að fjöl-
menna í miðbæ Hafnarfjarðar og
taka með sér fána til að hafa þetta
sem skrautlegast,“ segir Stefán
Ómar.
Eftir skrúðgöngurnar verða
skemmtiatriði og gleðistund í
Íþróttahúsinu við Strandgötu, þar
sem fram koma fönkbandið Run-
ólfur og stelpnabandið Barbarella.
Fyrir utan íþróttahúsið verður
boðið upp á ókeypis grillaðar pyls-
ur fyrir lúðrasveitarmeðlimi og
aðra gesti.
– Þið eruð að vekja athygli á
starfi lúðrasveita; er það öflugt nú
um stundir?
„Já, það gengur að vísu í bylgj-
um eins og hjá öðrum félagasam-
tökum, en það er á flestum stöðum
í góðum gír. Og mikil gróska í
skólahljómsveitum hjá yngri
krökkum. Þarna koma saman
tvenn lúðrasveitarsamtök, annars-
vegar Samband íslenskra lúðra-
sveita, sem eru með eldra fólki,
svona bæjarlúðrasveitir. Og hins-
vegar Samtök íslenskra skóla-
lúðrasveita, en þau eru með yngri
krökkum.“
– Hverjar eru vinsældir lúðra-
sveitartónlistar hjá ungu fólki?
„Ef krakkar kynnast því að vera
í lúðrasveit, þá finnst þeim það
gaman. Ég er með stóran hóp af
unglingum í Hafnarfirði, sem
hefðu ekki viljað missa af þssu. Ég
held að krakkar séu oft hræddir
við að ganga í lúðrasveit og for-
eldrarnir vilji frekar að börnin læri
á píanó eða eitthvað sem er ein-
faldara í meðförum. En ég vil
hvetja alla til að kynnast þessari
hljómsveita- og félagsstarfsemi,
því hún er þegar á reynir virkilega
skemmtileg og gefandi.“
– Sameinar lúðrasveitartónlist
kynslóðirnar?
„Tvímælalaust. Þarna leika allir
saman. Þarna eigum við okkar
sameiginlega tungumál og skiptir
ekki máli hvort maður
sé átta eða áttatíu. Það
er bara skemmtileg
blanda.“
– Er mikið af tónlist
samið fyrir lúðrasveitir?
„Já, það er mikið samið og mikið
gert af því að útsetja popplög sem
eru vinsæl á hverjum tíma; það er
vinsælt hjá lúðrasveitum að fá svo-
leiðis tónlist. Síðan er búið að um-
skrifa töluvert af klassískri sinfón-
íutónlist yfir í lúðrasveitartónlist.
Þar er krefjandi verkefni fyrir
lúðrasveitir. Loks semja mörg frá-
bær tónskáld fyrir lúðrasveitir,
Páll Pampichler Pálsson og
Tryggvi Baldvinsson, sem er
stjórnandi Lúðrasveitar verka-
lýðsins. Þessi hlið málsins er því á
góðu róli; við erum að færast nær
nútímanum í tónlistinni, að verða
nær í tíma með tónlist lúðrasveita
og stíllinn hefur örlítið breyst.“
– Er ekkert erfitt að sameina
spilamennskuna hreyfingunni í
skrúðgöngum?
„Það er mjög erfitt að sameina
það að ganga í skrúðgöngu, gæta
þess hvert maður gengur, lesa nót-
urnar, leika á hljóðfæri, ganga ekki
of nálægt næsta manni og labba í
takt. Ég held að bæði heilahvelin
séu nýtt þar. Þetta er mikil kúnst
og lærist á löngum tíma. Síðan þarf
líka að fylgjast með stjórnandan-
um, sem stýrir og gefur merki um
hvenær skal leikið, hvar beygt,
o.s.frv.“
– Hvað var það sem olli því að þú
fórst út í þetta?
„Ég er gamall og gróinn lúðra-
sveitarmaður úr Lúðrasveit Hafn-
arfjarðar. Þegar ég kom hingað ár-
ið 1988 var mér falið að reisa við
lúðrasveit tónlistarskólans, sem ég
gerði og stofnaði foreldrafélag sem
hefur verið mér stoð og stytta og
okkur sem starfa að þessu, aldrei
öflugra en nú, verkefnin óþrjót-
andi og fólkið með ómælda krafta.
Þetta hefði aldrei verið svona
blómlegt öðruvísi en með svona
sterka forelda sér við hlið. Mér
finnst gaman að vinna
með börnum og foreldr-
um og þetta veitir
manni nýja lífssýn að
umgangast unglinga og
er virkilega skemmtilegt og gef-
andi.“
– Eru þeir óalandi og óferjandi?
„Þeir lagast með árunum,“ segir
hann og hlær. „Þeir verða ágætir í
restina, það er svoleiðis. Ég fór í
ferðalag með elstu krökkunum í
Þórsmörk og við fullorðna fólkið
vorum í þeim pakka að við lágum
bara í bókunum, en krakkarnir sáu
um að grilla, leggja á borð og vaska
upp. Það var bara kallað: Matur!“
Stefán Ómar Jakobsson
Stefán Ómar Jakobsson er
fæddur 11. nóvember árið 1960 í
Hafnarfirði. Hann lauk stúdents-
prófi frá Flensborgarskóla og
blásarakennaraprófi frá Tónlist-
arskólanum í Reykjavík og svo
stundaði hann framhaldsnám í
básúnuleik í Graz Austurríki.
Frá 1986 hefur hann unnið við
tónlistarkennslu, fyrst við Tón-
listarskólann í Njarðvík og síðan
í Hafnarfirði, auk þess að vera
starfandi tónlistarmaður. Eig-
inkona Stefáns Ómars heitir
Hanna María Ólafsdóttir, banka-
starfsmaður í KB banka í Garða-
bæ, og eiga þau börnin Ólafíu
Mjöll, Sóleyju, Eirík Rafn, Jakob
Fannar og Agnar Frey.
Erfitt að spila
í skrúðgöngu