Morgunblaðið - 04.06.2004, Blaðsíða 28

LISTIR
28 FÖSTUDAGUR 4. JÚNÍ 2004 MORGUNBLAÐIÐ
FANTASY Island-sýningin var
formlega opnuð á Skriðuklaustri í
maílok, þegar kynntar voru hug-
myndir átta innlendra og erlendra
listamanna að verkum sem sýnd
verða í Hallormsstaðarskógi og á
Eiðum síðla júnímánaðar.
Paul McCarthy og Jason Rhoades,
báðir mikilvirkir og mjög virtir í hinu
alþjóðlega listsamfélagi, lomu til Ís-
lands í gær til að vinna að stóru rým-
isverki sem verið er að undirbúa á
Eiðum. Segja má að verkið sé bygg-
ing með tilvísun til líkans að framhlið
Macy’s verslunarmiðstöðvar í Los
Angeles og inni í því verða hengdar
upp 15 kg þungar tólgarbaðsápur
sem m.a. er verið að framleiða hjá
Klink og Bank.
„Einhvers staðar eru tvær litlar
týndar kindur sem með vesældarlegu
jarmi leita að sínum stað í veröld-
inni,“ segir Rhoades og bætir við að
vonandi finni þær að lokum staðinn
sinn í Macy’s á Eiðum.
Gagnrýni á neyslusamfélagið
„Í eðli sínu gæti hugmynd okkar
verið gagnrýni á neyslu, neytendur
og neyslusamfélagið,“ segir
McCarthy. „Við Jason höfum verið að
vinna saman í mörg ár og Macy’s
henti okkur fyrir löngu þegar við vor-
um að vinna að allt öðrum hlutum.
Við vorum að leita að byggingalíkön-
um og fundum engin, þrátt fyrir
mikla leit. Dag einn fáum við símtal
þar sem okkur er boðið líkan af
Macy’s verslunarmiðstöð. Við förum
að sækja það og verðum undrandi á
að sjá að líkanið er aðeins af framhlið
byggingar. Ömurlegt líkan vægast
sagt. Við vorum að hugsa um að bæta
við það því byggingin var alls ekki
þarna. Bara löng framhlið, eins og
skrítinn gangur. Líkanið er því af
framhlið, en lítur út eins og líkan af
byggingu og er alveg fáránlegur hlut-
ur í verunni. Við fórum upp úr þessu
að hugsa mikið um framhliðar, fram-
hliðar á list, á byggingum, framhliðar
með engu fyrir aftan.
Þegar hugmyndin um Fantasy Is-
land kom upp sáum við tækifæri til að
raungera líkanið á Íslandi. Macy’s
hafði þá engin áform um að byggja
verslunarmiðstöðina, svo að við vor-
um að raungera líkan að húsi sem átti
ef til vill aldrei að verða raunverulegt.
Raungera hugmynd um ógert hús.“
Draumurinn raunverulegri
en raunveruleikinn sjálfur
Rhoades segir bygginguna á Eið-
um verða listrænan hlut. „Þetta verð-
ur höggmynd og sé hún byggð munu
kindurnar koma, finna sinn stað. Það
er kjarni málsins. Við höfum verið
með hugmyndina um Macy’s síðan
við komum þar inn fyrir dyr. Það hafa
aldrei fyrr skapast þær aðstæður að
við gætum unnið hugmyndina í verk.
Það er draumur okkar sem er að
verða hér að veruleika. Eins og Paul
sagði er líkanið aðeins að framhlið
Macy’s. Ég var lengi vel ekki viss um
að verslunarmiðstöðin hefði nokkurn
tíma verið byggð og þess vegna
byggðum við hana hér, áður en við
sáum hina raunverulegu miðstöð full-
byggða. Draumurinn er því að vissu
leyti raunverulegri en raunveruleik-
inn sjálfur. Líkön ættu að verða að
veruleika. Er það ekki einmitt saga
Fantasy Island verkefnisins; maður
kemur á eyjuna og á að eignast
draum sem maður átti ekki fyrir í
daglegu lífi.“
Það sem er á bak við
framhliðar
McCarthy segist aldrei hafa séð
staðinn þar sem verkið mun standa.
„Við sáum ljósmyndir og hluti af
sköpuninni er að við létum Heklu
Dögg Jónsdóttur (framkvæmda-
stjóra Fantasy Island) það eftir að
velja staðsetningu. Á ákveðinn hátt
þurfum við ekki að vita mjög ná-
kvæmlega hvernig staðurinn er því
við vissum að hann væri lengst austur
á Íslandi. Við tökum eitthvað sem er
staðsett í Los Angeles á mjög opin-
beran hátt og á afskaplega vel heima
þar; Macy’s verslunarmiðstöðina sem
er svo einkennandi fyrir lífsstílinn í
Los Angeles. Við færum það hingað.
Samt erum við ekki að yfirfæra Mac-
y’s heldur hugmyndina um Macy’s.
Byggingin er heldur ekki Macy’s
heldur meira eins og langur gangur,
framhliðin. Það er hægt að festast í
því að það sem hér er sé Macy’s, en
það er ekki svo. Þetta er skúlptúr
sem hefur pólitíska skírskotun, vísar
til nokkurs konar nýlendu- og land-
vinningastefnu amerískrar neytenda-
menningar og dettur eins og af himni
ofan á stað þar sem engar byggingar
né nokkuð annað er að finna. Algjör-
lega framandi. Það er svona álíka og
álverið sem hér á að byggja, sem á
upphaf sitt í fyrirtækja- og rekstr-
arumhverfi og hrapar niður á Reyð-
arfjörð eins og framandi furðuhlut-
ur.“
Macy’s líklega
langtímaverkefni
McCarthy segist ekki hafa neinar
væntingar til verksins, en á von á að
sér líki útkoman þegar hann loksins
sér hana. „Það geta ekki orðið mis-
tök, aðeins sköpun. Verk okkar snýst
um að vinna með fólkinu hér. Að
skiptast á hugmyndum við það og fela
öðrum vissar ákvarðanir um fram-
vindu. Við erum skaparar framvindu
sem gefur ekki nákvæma útkomu.“
„Þetta er líklega langtímaverk-
efni,“ segir Rhoades og bætir við að
þeir félagar hafi rætt um að bygg-
ingin geti haft hlutverk í framtíðinni.
„Við þurfum að geyma ýmislegt,
koma því fyrir, setja það inn í eitt-
hvað sem stendur fjarri. Kannski gef-
ur einhver okkur minjagripi frá ól-
ympíuleikunum eða við kaupum
eitthvað á E-Bay. Hvar eigum við svo
að geyma þetta? Jú, við sendum hlut-
ina til Íslands og setjum þá inn í
Macy’s.“
Fantasy Island sýningin verður
formlega opnuð í Trjásafninu á Hall-
ormsstað þann 19. júní nk. kl. 13.30.
Einnig opna þeir Paul McCarthy og
Jason Rhoades sýningu í Kling og
Bang Gallerí 21. júní á sólstöðum, þar
sem tólgarbaðsápurnar munu einnig
skipa sér í öndvegi.
McCarthy er nú á leið til Eind-
hoven í Hollandi þar sem hann vinnur
að sýningu sem opnuð verður 18. júní.
Sömuleiðis er Rhoades að opna sýn-
ingu í Sviss á næstu dögum.
Paul McCarthy og Jason Rhoades vinna stórt rýmislistaverk á Fantasy Island-sýninguna á Eiðum
Amerísk neytenda-
menning dettur eins
og af himni ofan
Hugmyndin um framhlið Macy’s verður raungerð á Eiðum.
Morgunblaðið/Steinunn Ásmundsdóttir
Kindarlegt líkan af Macy’s-verslunarmiðstöðinni í Los Angeles gaumgæft:
Paul McCarthy og Jason Rhoades ásamt Heklu Dögg Jónsdóttur, fram-
kvæmdastjóra Fantasy Island-sýningarinnar sem verður opnuð 19. júní nk.
Paul McCarthy og Jason Rhoades eru heimsþekktir rýmislista-
menn og hafa haft mikil áhrif á samtímalistina. Þeir eru nú að
vinna stórt verk fyrir alþjóðlega listsýningu á Austurlandi í júní.
Steinunn Ásmundsdóttir hitti þá á Skriðuklaustri í gær.
steinunn@mbl.is
LEIKFÉLAG Hólmavíkur
sýnir gamanleikinn Frænku
Charleys í Bæjarleikhúsinu
við Þverholt í Mosfellsbæ kl.
20 á laugardag. Leikstjóri er
Arnar S. Jónsson. Leikfélagið
hefur sýnt verkið á Hólmavík
og í Árneshreppi og á
Drangsnesi.
Næsta föstudag verður
verkið sýnt í Króksfjarðar-
nesi og lokasýningin verður
síðan í félagsheimilinu Ket-
ilási laugardaginn 12. júní.
Miðapantanir eru á allar
sýningarnar í síma 865 3838.
Gamanleik-
ur á ferð
DANSLEIKHÚSSAMKEPPNI
Leikfélags Reykjavíkur og Íslenska
dansflokksins verður haldin í þriðja
sinn í Borgarleikhúsinu fimmtu-
daginn 10. júní nk. Að þessu sinni
verður hún í samvinnu við Spron og
nb.is og var samningur þess efnis
undirritaður á dögunum.
Að þessu sinni voru níu verk eftir
fjórtán höfunda valin til keppni úr
innsendum tillögum. Höfundar
þeirra vinna nú hörðum höndum
við að fínpússa 10 mínútna verk
hver, úr hugmyndinni. Þrenn verð-
laun verða veitt af sérstakri dóm-
nefnd keppninnar, en áhorfendur
veita að auki ein verðlaun fyrir það
verk sem þeim fellur best í geð.
Morgunblaðið/Sverrir
Katrín Hall, listrænn stjórnandi Íd, Jóhannes Helgason frá Spron, Geir
Þórðarson frá nb.is – Sparisjóði og Guðjón Pedersen, leikhússtjóri LR.
Samkeppni um dansverk
Hafnarborg
Sýningum Arngunnar Ýrar, Ólaf-
ar Erlu Bjarnadóttur og Halldóru
Emilsdóttur lýkur á mánudag.
Sýningarnar er opnar alla daga
nema þriðjudaga frá kl. 11 til 17.
Sýningum
lýkur