Morgunblaðið - 04.06.2004, Blaðsíða 16
VIÐSKIPTI/ATHAFNALÍF
16 FÖSTUDAGUR 4. JÚNÍ 2004 MORGUNBLAÐIÐ
ÚR VERINU
BÁTASMIÐJAN Trefjar hf. í Hafn-
arfirði fékk pantanir í sex nýja Cleo-
patra-báta á sjávarútvegssýningu
sem haldin var í Glasgow í Skotlandi
dagana 20.–22. maí sl. Högni Berg-
þórsson, tæknilegur framkvæmda-
stjóri Trefja, segir bátana hafa slegið
í gegn á Bretlandseyjum, sérstak-
lega við humar- og krabbaveiðar.
Högni segir Cleopatra-bátana
hafa vakið mikla athygli á sýningunni
í Glasgow, fjöldi fyrirspurna sé enn
að berast og á sýningunni sjálfri
verði gengið frá pöntunum á sex nýj-
um Cleopatra-bátum. Allar pantan-
irnar komu frá Bretlandseyjum en
Högni segir að alvarlegar fyrir-
spurnir komi frá öðrum löndum,
enda sé sýningin í Glasgow nokkuð
stór og fjölsótt.
Trefjar hafa undanfarin ár selt
nærri 20 báta til Bretlandseyja og
segir Högni að Cleopatra-bátarnir
hafi reynst þar mjög vel, sérstaklega
í humar- og krabbaveiðum. „Við höf-
um verið leiðandi á Bretlandsmark-
aði í að hanna báta af þessari stærð
til humar- og krabbaveiða með gildr-
um. Við höfum til dæmis afgreitt
þessa báta með sérstökum búnaði til
að halda humrinum lifandi um borð
sem hefur mikið að segja um verð-
mæti hans. Bátarnir þykja sömuleið-
is mjög góðir sjóbátar og menn hafa
einnig hrifist af vinnuhagræðingu
sem felst í góðu skipulagi veiðibún-
aðar á dekki. Menn leggja auðvitað
mikið upp úr því að þurfa ekki að
taka eitt aukaskref, þúsund sinnum á
dag.“ Högni segir Bretlandsmarkað
orðinn mikilvægan fyrir Trefjar og
ekkert bendi til annars en að svo
verði áfram. „Það kemur sér vitan-
lega vel fyrir okkur að geta sótt á er-
lenda markaði, því heimamarkaður-
inn er nokkuð sveiflukenndur. Við
höldum góðu sambandi við alla þá
sem hafa keypt hjá okkur báta og
heyrum ekki annað en að þeir reynist
mjög vel. Áhuginn fyrir þessum bát-
um fer að minnsta kosti vaxandi, eins
og viðbrögðin í Glasgow staðfesta.“
Afhentu bát á sýningunni
Á sýningunni í Glasgow sýndu
Trefjar nýjan bát af gerðinni Cleo-
patra 26 sem síðan var formlega af-
hentur nýjum eiganda, Dave Rees
útgerðarmanni frá Polperro í Corn-
wall á suðvesturströnd Englands.
Báturinn hefur hlotið nafnið Viking
Girl, hann er 8 metra langur og
mælist 6 brúttótonn. Báturinn er
sérútbúinn til humar- og krabba-
veiða með gildrum, auk þess að vera
útbúinn til netaveiða og til veiða á
makríl með handfærarúllum.
Lest bátsins er hönnuð fyrir tíu
220 lítra fiskikör. Lestin er einnig
útbúin með úðarakerfi til að halda
humri lifandi um borð.
Í lúkar er svefnpláss fyrir 2 menn,
ásamt eldunaraðstöðu með eldavél
og örbylgjuofni. Aðalvél bátsins er af
gerðinni Cummins og er 315 hestöfl.
Siglingatæki eru af gerðinni Sim-
rad. Útbúnaður til netaveiða er frá
Rapp Hydema og handfærarúllur
eru frá DNG. Báturinn hefur þegar
hafið veiðar.
Bátar frá Bátasmiðjunni Trefjum í Hafnarfirði slá í gegn á Bretlandi
Sex pantanir á einni sýningu
Bátasmiðjan Trefjar í Hafnarfirði hefur selt um 20 Cleopatra-báta til Bret-
landseyja, nú síðast til Polperro í Cornwall á suðvesturströnd Englands.
Hér er kaupandi bátsins, Dave Rees, ásamt syni sínum Sam við nýja bátinn.
Sjómannadags-
blað Austurlands
er komið út. Á
meðal greinahöf-
unda í blaðinu má
nefna Valgerði
Sverrisdóttur,
iðnaðar- og við-
skiptaráðherra,
Árna M. Mathie-
sen sjávarútvegsráðherra og Magna
Kristjánsson skipstjóra. Þá eru í
blaðinu fjölmargar frásagnir, vítt og
breitt af Austurlandi.Efnisatriði eru
um 30 talsins og í blaðinu eru á ann-
að hundrað ljósmyndir. Ritstjóri
Sjómannadagsblaðs Austurlands er
Kristján J. Kristjánsson.
Á höfuðborgarsvæðinu er m.a.
hægt að nálgast Sjómannadagsblað
Austurlands í Bókabúð Lárusar
Blöndal, Listhúsinu í Laugardal,
verslunum Pennans – Eymundsson,
Grandakaffi Grandagarði, Kænunni
í Hafnarfirði og í Bókabúðinni Grímu
á Garðatorgi í Garðabæ. Á Akureyri
er blaðið fáanlegt í Pennanum – Bók-
vali í Hafnarstræti og í Pennanum á
Glerártorgi. Einnig er hægt að panta
Sjómannadagsblað Austurlands á
Netinu á slóðinni www.local.is.
Sjómanna-
dagsblað Aust-
urlands 2004
er komið út
MEDCARE Flaga hf. hefur selt nýtt
hlutafé að nafnverði 163,7 milljónir
króna á genginu 6,0. Söluverðið er
því 982 milljónir króna. Kaupendur
hlutafjárins eru Burðarás hf. og
Meidur Holding S.A., dótturfélag
Meiðs ehf., sem er fjárfestingafélag í
meirihlutaeigu Ágústar og Lýðs
Guðmundssona í Bakkavör. Eftir
hlutafjárútboðið er Meidur Holding
stærsti einstaki hluthafinn í Med-
care Flögu með 23,3% hlut.
Í tilkynningu frá Medcare Flögu
segir að andvirði hlutafjárins gangi
til fjármögnunar á kaupum félagsins
á bandaríska svefnrannsóknarfyrir-
tækinu SleepTech LLC. Dótturfélag
Medcare Flögu, Medcare Systems
Inc., hefur skrifað undir samning um
kaup á öllum eignarhlutum í Sleep-
Tech LLC.
Fyrirtækjaráðgjöf KB banka
veitti Medcare Flögu ráðgjöf við
kaupin á SleepTech og hafði umsjón
með sölu hins nýútgefna hlutafjár.
Greiða 21,5 milljónir
dala fyrir SleepTech
Fram kemur í tilkynningu Med-
care Flögu að vegna kaupanna á
SleepTech greiði félagið við undirrit-
un kaupsamnings alls 21,5 milljónir
dala að meðtöldum kostnaði, sem
svarar til liðlega 1,5 milljarðs ís-
lenskra króna. Kaupverðið sé auk
hins nýja hlutafjár fjármagnað með
langtímaláni að fjárhæð um 5,5 millj-
ónir dala og með útgáfu nýrra hluta
til seljenda að fjárhæð 2,5 milljónir
dala, einnig á genginu 6,0.
Þá segir í tilkynningunni að kaup-
verðið á SleepTech geti hækkað í
samtals 26,5 milljónir dala verði
rekstrarniðurstöður ársins 2004 í
samræmi við áætlanir seljenda.
Hækkunin, sem að hámarki geti orð-
ið 5 milljónir dala, verði einnig
greidd með hlutafé í Medcare Flögu
á genginu 6,0.
Vegna útboðsins á hlutafé í Med-
care Flögu, og greiðslu hluta kaup-
verðsins á Sleeptech með hlutafé við
undirritun, hækkar hlutafé Medcare
Flögu um 193.454.167 hluti og verð-
ur heildarhlutafé félagsins því
670.509.232 milljónir að nafnverði.
Ánægjulegt að fá
öfluga hluthafa til liðs
Haft er eftir Svanbirni Thorodd-
sen, forstjóra Medcare Flögu, í til-
kynningunni að fram hafi komið á
hluthafafundi félagsins í síðasta
mánuði, að stefnt verði að því að fjár-
magna kaupin á SleepTech að hluta
til með sölu nýs hlutafjár til kjöl-
festufjárfesta, sem hefðu fjárhags-
lega burði til að fylgja félaginu í þeim
verkefnum sem framundan eru.
„Það er því ánægjulegt fyrir okkur
að fá til liðs við félagið öfluga hlut-
hafa á borð við Meid Holding og
Burðarás,“ segir Svanbjörn.
Svanbjörn kaupir
Tilkynnt var til Kauphallar Ís-
lands í gær að félagið Gunn ehf., sem
er í eigu Svanbjörns Thoroddsen,
hefði keypti 15 milljón hluti í Med-
care Flögu á genginu 6,0. Kaupverð-
ið var því 90 milljónir króna. Einnig
kom fram í tilkynningunni að Svan-
björn ætti kauprétt á 5 milljón hlut-
um í félaginu.
Medcare Flaga
selur nýtt hlutafé
fyrir 982 milljónir
Kaupir allt hlutafé í bandaríska svefn-
rannsóknarfyrirtækinu SleepTech
!"
#$ %&
'$( )* $$
*$ !"
+( )
$$
,-".
$$/ ($0
1.0
)0
&
! 0!"
OLÍUREIKNINGUR landsmanna
mun í ár hækka um allt að þriðjung
frá síðasta ári, haldist olíuverð
óbreytt út árið, að því er spáð er í
Fréttabréfi Samtaka atvinnulífsins.
Fluttar voru inn olíur og eldsneyti
fyrir rúma 15,4 milljarða króna í
fyrra, en talið að sú tala gæti hækkað
um fimm milljarða í ár.
Í fréttabréfinu er fjallað um olíu-
verðshækkanir á heimsmarkaði og
áhrif hér á landi, en ástæður hækk-
unarinnar eru einkum aukin eftir-
spurn frá Kína og Indlandi og ótryggt
ástand í Mið-Austurlöndum. Í bréfinu
segir að verð á hráolíu sé hærra en
nokkru sinni fyrr í Bandaríkjadollur-
um reiknað. „Undanfarnar vikur hef-
ur olíutunnan selst á um eða yfir 40
dollara en viðlíka verð hefur ekki sést
frá því á árinu 1977. Á níunda og fyrra
hluta tíunda áratugarins var meðal-
verð á olíutunnunni rúmir 20 dollarar,
en síðan hefur olíuverð farið hækk-
andi. Olíuverð í dollurum á föstu verði
er nú tæpum fimmtungi hærra en í
byrjun síðasta áratugar þegar olíu-
verðshækkanir steyptu heimsbú-
skapnum í alvarlega lægð og rúmum
fjórðungi hærra en á árinu 2000 þeg-
ar OPEC, samtök olíuútflytjenda,
ákváðu að draga verulega úr olíu-
framboði. Í fyrra var meðalverð á ol-
íutunnunni um 30 dollarar og spár
standa nú til þess að verðið haldist yf-
ir 40 dollurum út árið og fari jafnvel
yfir 50 dollara. Ástæður þessara verð-
hækkana nú eru fyrst og fremst rakt-
ar til aukinnar eftirspurnar, ekki síst
frá Kína og Indlandi ásamt ótryggu
ástandi í Miðausturlöndum,“ segir í
Fréttabréfi Samtaka atvinnulífsins.
Um Ísland segir að íslenskur þjóð-
arbúskapur sé nokkuð næmur fyrir
breytingum á verði olíu og flutt hafi
verið inn eldsneyti og olíur fyrir rúma
15,4 milljarða króna í fyrra en vegna
gengishækkunar krónunnar hækkaði
innflutningsverð óverulega, þrátt fyr-
ir hækkun olíuverðs á heimsmarkaði.
„Haldist olíuverð óbreytt út árið
má búast við að olíureikningurinn
hækki um allt að þriðjung frá síðasta
ári eða um fimm milljarða króna. Slík-
ar verðhækkanir hafa veruleg áhrif á
atvinnulífið, ekki síst á rekstur sjáv-
arútvegsfyrirtækja sem að undan-
förnu hafa glímt við lágt fiskverð og
hátt gengi krónunnar. Olíukostnaður
er stór rekstrarliður hjá sjávarút-
vegsfyrirtækjum en hlutfall fiski-
skipa í heildarolíunotkun Íslendinga
hefur verið rúmlega 40% undanfarin
ár.“
Fimm millj-
arða hærri
olíureikningur ÞETTA HELST …
VIÐSKIPTI
● BAKKAVÖR Group jók í gær hlut
sinn í breska matvælaframleiðslufyr-
irtækinu Geest Plc þegar félagið
keypti 3,313,264 hluti sem sam-
svarar 4,45% af útgefnu hlutafé í fé-
laginu. Samtals á því Bakkavör
Group 10,975,124 hluti í Geest Plc.
sem er 14,72% af útgefnu hlutafé í
félaginu.
Í Hálffimm fréttum KB banka í gær
kemur fram að miðað við 5,57
punda lokagengi Geest í London
Stock Exchange í gær megi gera ráð
fyrir að hluturinn hafi verið um 2,4
milljarða króna fjárfesting og er
markaðsvirði hlutar Bakkavarar þá
komið upp í rétt rúma átta milljarða
króna.
Bakkavör eykur
hlut sinn í Geest
● BIG Food Group, sem er í fimmt-
ungseigu Baugs, hefur dregið til
baka tilboð sitt í hverfisversl-
unarkeðjuna Londis. Ástæðan er
sögð sú að ekki hafi fengist afhent-
ar þær fjárhagsupplýsingar frá fyr-
irtækinu sem þurfi til að byggja
formlegt tilboð á. Haft er eftir tals-
manni Big Food Group á fréttavef
Times að forsvarsmenn fyrirtæk-
isins álíti enn að samruni við Londis
komi hluthöfum beggja vel. Upplýs-
ingar um afkomu og minnkandi sölu
á fyrstu þremur mánuðum ársins,
sem birtar voru nýlega, eru taldar
hafa gert út af við áhuga BFG á
Londis. Talsmaður Londis lét hafa
eftir sér að stjórnendur Londis væru
fegnir að sjá á bak Big Food Group.
Tilboðið hefði hvort eð er hvorki ver-
ið fugl né fiskur.
BFG hættir við
tilboð í Londis
DANSKA fyrirtækið William Dem-
ant Invest A/S hefur keypt 20
milljón hluti í Össuri hf. Fjárfest-
ingin jafngildir 6,28% af heildar-
hlutafé fyrirtækisins, en kaupin
fóru fram á genginu 55,5. Kaup-
verðið er því liðlega 1,1 milljarður
króna.
Seljandi er Mallard Holding SA,
sem er í meirihlutaeigu Össurar
Kristinssonar, stofnanda Össurar
hf. Eftir söluna á Mallard Holding
18,7% hlut í Össuri hf.
Jón Sigurðsson, forstjóri Össur-
ar hf., sagði í samtali við Morg-
unblaðið það afar ánægjulegt að fá
William Demant um borð. „William
Demant Holding er mjög spenn-
andi fyrirtæki, sem t.d. var valið
fyrirtæki ársins í Evrópu í fyrra og
er auk þess að vinna á svipuðu sviði
og Össur,“ segir Jón. Hann segir
hugsanlegt að samvinna fyrirtækj-
anna tveggja muni aukast þegar
fram líða stundir, þótt ekkert sé á
borðinu um slíkt í augnablikinu.
Danir fjárfesta
í Össuri hf.
Morgunverðarfundur um veikinda-
fjarvistir kl. 8.30–10.00 í Sunnusal
Radison SAS, Hótel Sögu.
Í DAG