Morgunblaðið - 10.06.2004, Blaðsíða 11

FRÉTTIR
MORGUNBLAÐIÐ FIMMTUDAGUR 10. JÚNÍ 2004 11
ÚTSALA - ÚTSALA
Dæmi um verð: Áður: Nú:
40—60% afsláttur
Síðumúla 13, sími 568 2870,
108 Reykjavík.
Peysa m/gatamynstri 5.200 2.900
Dömupeysa 6.400 2.900
Tunika 3.500 2.100
Kreptoppur 2.900 1.800
Skyrta m/bróderíi 5.300 2.200
Hettupeysa 4.900 1.900
Satínkjóll 7.900 3.200
Sítt pils 4.900 1.900
Dömujakki 5.900 2.900
Íþróttagalli 8.900 3.600
Hörbuxur 4.900 2.900
Gallabuxur 4.900 2.900
Dömuskór 5.300 2.500
Opið frá kl.10.00-18.00
Og margt margt fleira
Laugavegi 63, sími 551 4422
Laugavegi 63, sími 551 4422
Sportfatnaður
Einfaldur
Glæsileiki
NEMENDUR við Menntaskólann
Hraðbraut eru um þessar mundir
að ljúka sínu fyrsta ári við skólann
en hann hóf starfsemi sína í ágúst
árið 2003 og flutti nýverið í nýtt
húsnæði í Faxafeni. Skólaárið hjá
Hraðbraut er lengra en hjá öðrum
framhaldsskólum landsins og munu
nemendur ekki ljúka prófum fyrr
en 18. júní nk. Í skólanum eru
rúmlega 50 nemendur og stefnt er
að því að taka inn 100 nemendur í
vor en þegar skólinn er fullsetinn
munu 200 nemendur stunda þar
nám.
Ólafur Haukur Johnson skóla-
stjóri segir að starfsemi skólans
hafi gengið vel þetta fyrsta ár og
nemendur séu mjög ánægðir með
námið og nýja húsnæðið. „Nem-
endur standa sig vel í náminu og
virðast hafa fín tök á því. Tölu-
verður meirihluti nemenda hefur
aldrei fallið í einum einasta áfanga
en það er auðvitað eitthvað um fall.
Þá hefur enginn hætt í skólanum
til þessa vegna vandræða við nám-
ið, en ég á nú frekar von á því að
það muni einhverjir hætta eftir vet-
urinn og flytja sig í aðra skóla. Á
móti kemur að það eru töluvert
margir sem hafa sótt á okkur um
að fá að komast inn á seinna árið,
það eru þá nemendur sem eru
hálfnaðir með nám sitt í öðrum
menntaskólum,“ segir Ólafur.
„Skólaárið er svona langt vegna
þess að við brjótum skólaárið upp í
lotur, sem eru sex vikur að lengd
og þannig uppbyggðar að kennt er
í fjórar vikur, próf í eina viku og frí
í eina viku á milli. Þannig að í
sjöttu hverri viku er frí. Sjö slíkar
lotur eru á fyrra ári og átta á
seinna ári.“
Veitir nemendum mikinn aga
Aðspurður segist Ólafur ekki
hafa heyrt nemendur kvarta undan
þessu fyrirkomulagi og lengd skóla-
ársins. „Sumarvinnan verður auð-
vitað minni fyrir vikið en á móti
kemur að nemendur fá ávallt þetta
vikufrí yfir veturinn. Það keppast
allir við að halda þessu vikufríi og
vilja þar af leiðandi ekki falla í
áföngum vegna þess að þá missa
þeir vikufríið. Þetta veitir nem-
endum mikinn aga.“
Næsta sumar verða útskrifaðir
nemendur frá Hraðbraut í fyrsta
sinn. Kennsla í haust hefst 16.
ágúst og lýkur um miðjan júní á
fyrra námsárinu. Á síðara náms-
árinu lýkur kennslu í júlí. Sum-
arleyfi á milli námsáranna er 7–8
vikur. „Í síðustu lotunni hjá okkur
verða einungis teknir fyrir tveir
áfangar í staðinn fyrir þrjá í venju-
legri lotu. Við munum reyna að
hafa þá léttari því enginn sem
stundar námið sæmilega á að geta
fallið í þessum áföngum,“ segir
Ólafur að lokum.
Vinirnir farnir í sumarfrí
Bjartmar Alexandersson er for-
maður Autobahn, nemendafélags
skólans. Að sögn hans hafa nem-
endur ekki miklar áhyggjur af
lengd skólaársins. „Það hefur vissu-
lega reynt mikið á okkur og það er
ekki gaman að horfa á alla hina
sem eru komnir í frí og maður sit-
ur einn eftir í súpunni. Vinir manns
eru farnir í sumarfrí og maður er
sjálfur að ströggla við próf og lær-
dóm. Annars held ég að fólk taki
þessu mjög vel og ég hef ekki
heyrt að nemendur hafi áhyggjur
af því að fá ekki sumarvinnu. Sum-
ir ætla jafnvel ekki að vinna í sum-
ar. Þetta eru átta vikur sem við
höfum í frí og það er því tilvalið að
njóta þeirra því hinar 44 vikurnar
erum við á fullu við lærdóm.“
Nemendur við Hraðbraut klára
menntaskólann á tveimur árum og
eru því komnir fyrr á vinnumark-
aðinn. „Á endanum verða nem-
endur við Hraðbraut því ríkari en
aðrir,“ segir Bjartmar með bros á
vör og bætir því við að menn græði
á því að nema við Hraðbraut en
tapi ekki.
Skólaárið er lengra hjá Menntaskólanum
Hraðbraut en öðrum framhaldsskólum
Nemendur kvarta ekki
Morgunblaðið/Eggert
Bjartmar Alexandersson, formaður nemendafélagsins.
Morgunblaðið/Eggert
Ólafur Haukur Johnson, skólastjóri Hraðbrautar.
NÁMSRÁÐGJÖF Háskóla Íslands
hefur hlotið alls 24 milljónir króna í
styrk frá Evrópusambandinu til að
efla ráðgjöf fyrir nemendur með les-
blindu eða dyslexiu. Stærsti hópur
nemenda með hamlanir í háskóla-
Námsráðgjöf skólans hefur sinnt
stefnumótun og ráðgjöf fyrir nem-
endur með sértæka námsörðugleika.
Styrkur til
ráðgjafar
lesblindra
VILHJÁLMUR Þ. Vilhjálmsson,
oddviti Sjálfstæðisflokksins í borgar-
stjórn, segir hægt að staðhæfa það að
Reykjavíkurborg hafi keypt Stjörnu-
bíósreitinn á yfirverði. Þarna sé um
tugi milljóna króna að ræða en með
reiknikúnstum og misvísandi upplýs-
ingagjöf reyni forsvarsmenn R-list-
ans að fela þá staðreynd.
Af því tilefni lögðu fulltrúar Sjálf-
stæðisflokksins fram fyrirspurn í tíu
liðum í borgarráði á þriðjudag um
kaup á lóðinni og fyrirhugaða bygg-
ingu á reitnum. Vilja sjálfstæðismenn
m.a. vita af hverju kostnaður vegna
lóðakaupanna sé 17% hærri en upp-
haflegt kaupverð, eða 164 milljónir
króna en ekki 140 milljónir króna.
Einnig er spurt um kostnað við nið-
urrif mannvirkja og förgun úrgangs.
Vilhjálmur segir þetta gert til að fá
allar staðreyndir upp á borðið fyrir
áframhaldandi umræðu um þetta
mál. Hér sé ekki um neitt lítið mál að
ræða og það varði hagsmuni Reykvík-
inga. Fulltrúar R-listans megi ekki
komast upp með að fegra þetta á yf-
irborðinu og því þurfi að kafa undir
það.
Spyrja sjálfstæðismenn hvað Ístak
bauð í byggingarréttinn og hve marg-
ir fermetrar verða byggðir þarna.
Hve mörg bílastæði þurfi fyrir áætlað
byggingarmagn og hvort verktakinn
byggi þau á sinn kostnað eða greiðir
fyrir þau í borgarsjóð? Einnig er
spurt hvort verktaki greiði gatagerð-
argjöld af byggingu húsnæðisins.
Heimilt byggingarmagn á lóðinni
samkvæmt skipulagi er rúmir fjögur
þúsund fermetrar, segir Vilhjálmur,
og hann hafi þær upplýsingar frá
skipulags- og byggingasviði. Það sé
fyrir ofan bílakjallarann. Vilhjálmur
bendir á að í fyrirliggjandi tillögu Ís-
taks sé gert ráð fyrir 2.800 fermetrum
ofan jarðar. Veltir hann fyrir sér af
hverju verktakinn nýti sér ekki heim-
ild til að byggja rúma fjögur þúsund
fermetra. „Upplýsingarnar um þetta
mál hafa verið ofboðslega misvís-
andi,“ segir Vilhjálmur og vill fá málið
útskýrt.
Spurt um
Stjörnubíósreitinn
Segja upp-
lýsingar
misvísandi
SVIPUÐ veirusýking og nú hef-
ur komið upp á Húsafelli lét á
sér kræla þar í fyrra og gekk þá
yfir á um tveimur vikum, að
sögn Helga Helgasonar, heil-
brigðisfulltrúa hjá Heilbrigðis-
eftirliti Vesturlands.
Hann segir að miðað við ein-
kenni fólksins bendi allt til þess
að sama veira sé að verki nú, en
það þurfi þó að sannreyna og
því sé nú lögð áhersla á að fá
sýni frá fólki.
„Þetta gaus upp á tíu dögum
eða hálfum mánuði og síðan dó
það út. Þetta var talinn vera
smitsjúkdómur á staðnum. Þeg-
ar það kemur svo margt fólk
saman er voðinn vís ef einhver
er smitaður og ef þetta er mjög
smitandi eins og virðist vera í
þessu tilviki,“ segir Helgi.
Undanfarnar vikur hafa um
100 tilkynningar um sýkingar
borist frá fólki sem hefur dvalið
á Húsafelli. Í fyrradag gekk
Helgi í fjögur hús á svæðinu til
að kanna ástand fólks og var um
helmingur þess með einkenni
smits. Flestir fá uppköst og
sumir einnig niðurgang, en þeim
sem sleppa best verður einungis
flökurt. Sýkingin gengur yfir á
12–24 tímum og er því sjaldgæft
að fólk leiti læknis og þar af
leiðandi fá sýni til sem hægt er
að rækta.
Helgi veit þó til þess að saur-
sýni hafi fengist frá fólki sem
sýktist og segir að nú sé beðið
niðurstöðu úr þeirri rannsókn.
Síðan verði farið yfir málið og
skoðað af hverju þetta hafi kom-
ið upp á Húsafelli. „Kannski er
þetta að gerast alls staðar á
landinu en tilkynningar berast
ekki. Ef þetta er það sama og í
fyrra erum við að tala um sömu
veiru og hefur verið að stinga
sér niður á dvalarheimilum aldr-
aðra, bæði í haust og um jólin,“
segir hann.
Helgi segir að ekkert bendi til
þess að upptök sýkingarinnar
séu í vatninu á Húsafelli. „Mað-
ur getur aldrei verið 100%
öruggur, en það er ekkert sem
bendir til þess,“ segir hann.
Helgi segist ekki telja nauð-
synlegt að loka Húsafelli þar til
niðurstaða er komin í málinu.
„Við teljum svo ekki vera, það
væri mikill ábyrgðarhluti að
loka svæðinu,“ segir hann.
Virðist vera sama
veira og kom upp
á Húsafelli í fyrra