Morgunblaðið - 04.07.2004, Blaðsíða 29

ÓLAFUR Ragnar Grímsson
var kjörinn forseti Íslands 26.
júní. Baldur Ágústsson og
Ástþór Magnússon voru líka í
framboði. Ólafur hlaut
næstum 7 af hverjum 10
atkvæðum. 2 af 10
kjósendum skiluðu auðu.
Aldrei hafa verið eins mörg
auð atkvæði í
Ólafur Ragnar
Grímsson forseti
forseta-kosningum hér á
landi.
Ólafur þakkaði þjóðinni
fyrir að velja sig sem forseta.
Hann var hissa á sterkum
aðilum sem börðust fyrir að
fólk skilaði auðu. Davíð
Oddsson forsætis-ráðherra
sagði kosninguna vera
slæma fyrir forsetann.
AUÐLESIÐ EFNI
MORGUNBLAÐIÐ SUNNUDAGUR 4. JÚLÍ 2004 29
NÝ uppfærsla óperuhússins
Komische Oper í Berlín, á
Brottnáminu úr kvennabúrinu
eftir Mozart hefur vakið mikið
umtal og sterk viðbrögð í
Þýskalandi.
Sagan gerist á 18. öld og
lýsir afdrifum kvenna sem
rænt er á hafi úti og seldar í
kvennabúr Tyrkja-soldáns.
Spænski leikstjórinn Cal-
ixto Bieito hefur valið þá leið
að sviðsetja óperuna í nútím-
anum og í stað soldánsins
ræna úkraínskir mafíósar
austur-evrópskum stúlkum
og halda nauðugum í
vændis-húsi.
Íslenski óperu-söngvarinn
Finnur Bjarnason tekur þátt í
uppfærslunni og segir að
leikstjórinn sé mikill rólynd-
ismaður sem vilji bara í ljósi
heims-ástandsins varpa ljósi
á nútíma-þrælahald kvenna.
„Hann lítur þannig á að
þrælar nútímans séu stúlkur
á vestrænum hóru-húsum og
þar lætur hann söguna
gerast. Hann gerir þetta eins
svaðalegt og hægt er og
gagnrýnendur sýningarinnar
segja að þetta sé tilgangs-
laust ógeð en aðdáendurnir
segja: „Jú, vissulega er þetta
ógeð en það hefur tilgang,“
þeim finnst sýningin vera
samfélagsspegill.“
Óperusýning
veldur fjaðrafoki
Sýning á óperunni Brottnámið úr kvennabúrinu vekur reiði og
umtal í Þýskalandi.
SADDAM Hussein, fyrrverandi
forseti Íraks, kom fyrir dómara í
Bagdad á fimmtudag. Þar voru
lesnar upp ákærur á hendur
honum en Saddam er meðal
annars sakaður um að hafa efnt til
blóðugra styrjalda gegn Íran og
Kúveit. Þá er hann sakaður um að
hafa látið myrða hundruð þúsunda
óbreyttra borgara úr röðum
sjía-múslíma og Kúrda í eigin
landi.
Þetta var í fyrsta sinn sem
Saddam kom opinberlega fram frá
því að hann var handsamaður í
desember síðastliðnum. Saddam
var kokhraustur í dómsalnum og
krafðist þess að dómari ávarpaði
sig sem „forseta Lýðveldisins
Íraks“.
„Þú veist að þetta er allt
sjónarspil sett upp af þrjótinum
Bush til að hjálpa honum í
kosningabaráttunni,“ sagði
Saddam.
Saddam neitaði öllum
sakargiftum og sýndi engin merki
iðrunar. Raunar vildi hann ekki
viðurkenna lögmæti réttarins.
Hann spurði dómarann hvernig
hann, sem Íraki, gæti talað um
„innrásina“ í Kúveit 1990,
dómaranum ætti að vera ljóst að
„Kúveit er hluti af Írak“.
Saddam lýsti því yfir á sínum
tíma að Kúveit, sem er olíuauðugt
furstadæmi, væri nítjánda hérað
Íraks.
Saddam er 67 ára gamall. Hann
var snyrtilega klæddur í
réttarsalnum, í gráum, teinóttum
jakkafötum og hvítri skyrtu en
bindislaus. Hann hefur grennst en
virtist við góða heilsu.
Saddam fyrir dómara í Bagdad
Reuters
HÁKON, krónprins Noregs, var
í heimsókn á Íslandi í síðustu
viku. Konan hans Mette-Marit
var með og Ingrid Alexandra
dóttir þeirra.Þau ferðuðust um
landið með Ólafi Ragnari
Grímssyni, forseta Íslands.
Þau opnuðu norska list-
sýningu í Garðabæ, heim-
sóttu Reykholt og Þingvelli og
skoðuðu sýningu á hand-
ritunum í Þjóðmenningar-
húsinu.
Hákon var ánægður með
heimsóknina. Hann var spurð-
ur hvort Leifur heppni væri
norskur eða íslenskur. Hann
sagði að þjóðirnar gætu átt
Leif saman.
Getum átt
Leif saman
Hákon krónprins
í heimsókn
MIKIL gleði hefur verið í
Grikklandi og Portúgal eftir að
knatt-spyrnu-lið þjóðanna
tryggðu sér rétt til að leika í
úrslitum Evrópu-mótsins í
knattspyrnu. Heima-menn í
Portúgal unnu Hollendinga
2:1 í undan-úrslitum og
Grikkir lögðu Tékka 1:0 með
svokölluðu silfur-marki í
framlengingu.
Hvorugt liðanna var hátt
skrifað fyrir mótið og á það
sérstaklega við um Grikki
sem höfðu aldrei unnið leik í
úrslita-keppnni er þeir komu
til leiks í Portúgal. Þjóðirnar
mættust í fyrsta leik mótsins
12. júní og þar komu Grikkir á
óvart með því að vinna 2:1.
Fyrir 13 árum varð Luis
Figo, fyrirliði Portúgals,
heims-meistari með U-21 árs
landsliði Portúgals á
Leikvangi ljósanna í Lissa-
bon, þar sem úrslita-leikurinn
verður í dag. Síðan hefur
hann átt sér þann draum að
sigra á stór-móti og „að gera
það á heima-velli væri auðvit-
að algjör draumur“, segir
Figo.
Reuters
Úr fyrsta leik EM, Portúgalinn Costinha í baráttu við Grikkj-
ann Zisis Vryzas.
Portúgalar og
Grikkir gleðjast
LANDSMÓT
hestamanna er haldið á
Gaddstaðaflötum við
Hellu nú um helgina.
Svona mót eru haldin á
tveggja ára fresti.
Þau eru
uppskeru-hátíð íslenska
hestsins.
Mótið var sett
síðasta fimmtudag og
lýkur í dag. Mörg
þúsund manns fylgjast
með.
Hestamót
haldið
á Hellu