Morgunblaðið - 08.07.2004, Blaðsíða 6
FRÉTTIR
6 FIMMTUDAGUR 8. JÚLÍ 2004 MORGUNBLAÐIÐ
DA VINCI LYKILLINN EFTIR DAN BROWN
1. PRENTUN 1-2000 UPPSELD
2. PRENTUN 2001-3500 UPPSELD
3. PRENTUN 3501-6500 UPPSELD
4. PRENTUN 6501-13500 UPPSELD
5. PRENTUN Á LEIÐINNI!
66 VIKUR EFST Á METSÖLULISTA
NEW YORK TIMES. MEST
SELDA BÓKIN Á ÍSLANDI.
„FRÁBÆRLEGA SPENNANDI
SAGA ... BÓK SEM MAÐUR
LES Í EINUM RYKK“ BIRTA
„FYRSTA FLOKKS
AFÞREYING“
MORGUNBLAÐIÐ
BJARTUR
VERÐ: 1.590 KR.
KRIMMI ÁRSINS
Í FYRRA komu 711 ofbeldisbrot til
kasta lögreglunnar í Reykjavík og
voru þau jafnmörg og árið áður en
aftur á móti fækkaði alvarlegum lík-
amsárásum og ekkert manndráp var
framið á árinu. Innbrot voru tæplega
1.900 í fyrra sem er 11% minna en
2002 en lögreglan hafði sett sér mark-
mið um að fækka þeim enda hafði inn-
brotum fjölgað jafnt og þétt frá árinu
2000. Þá var tilkynnt um liðlega 3.500
þjófnaði sem er 16% minna en árið áð-
ur. Frá árinu 1995 hafa verið framin
þrjú bankarán í umdæmi lögreglunn-
ar í Reykjavík og þar af voru þrjú
bankarán framin í fyrra. Meiri
áhersla var lögð á innbrota- og fíkni-
efnaeftirlit í fyrra en heldur minni á
umferðareftirlit.
Þetta var meðal þess sem fram
kom í máli Ólínu Laxdal þegar hún
kynnti ársskýrslu lögreglustjórans í
Reykjavík á fundi með starfsmönnum
og blaðamönnum í gær.
Hald lagt á meira
en 44 kíló af hassi
Fíkninefnabrot voru 708 árið 2003
sem er 47% fjölgun frá árinu áður og
munaði þar mest um fjölgun brota
vegna vörslu og neyslu fíkninefna og
vegna sölu og dreifingar fíkniefna.
Þessa fjölgun má að miklu leyti rekja
til frumkvæðisvinnu lögreglu og kom
fram í máli Ólínu að nú er fíkninefna-
leitarhundar á öllum almennum vökt-
um hjá lögreglunni í Reykjavík. Lög-
reglan lagði m.a. hald á liðlega 44 kíló
af hassi, 2,4 kg af amfetamíni og 2.305
e-pillur.
Kynferðisbrot voru 166 í fyrra sem
er örlitlu meira en árið áður en aftur á
móti fækkaði tilkynntum nauðgunum
um fimmtung milli áranna 2002 og
2003.
Gerð var krafa um að lögregluemb-
ættið í Reykjavík sparaði 5,6 milljónir
í fyrra og nam fjárveiting til þess
1.921 milljón króna en að teknu tilliti
til sérfjárveitinga var heildarrekstr-
arfé embættisins 1.945 milljónir.
Embættið var rekið með 25 milljóna
króna afgangi í fyrra en vegna upp-
safnaðs halla frá fyrra ári reyndist
uppsafnaður halli í lok ársins vera um
15 milljónir króna.
Þá voru starfandi hjá embættinu
256 lögreglumenn sem er 10% fækk-
un frá fyrra ári og voru því um 487
íbúar á hvern lögreglumann hjá lög-
reglustjóranum í Reykjavík. Um
miðjan níunda áratuginn voru um 380
íbúar á hvern lögreglumann en síðan
hefur íbúum á hvern lögreglumann
fjölgað jafnt og þétt.
Umferðarlagabrot 73% af heild
Brot og verkefni hjá lögreglunni í
Reykjavík voru 41.763 í fyrra sem á
móti 52.600 árið áður en heildarfjöldi
verkefna var 79 þúsund á móti 89 þús-
und árið áður. Stærsti brotaflokkur-
inn er umferðarlagabrot, en þau eru
um 73% af öllum skráðum brotum, og
fækkaði þeim um rúmlega fjórðung
frá fyrra ári. Hraðakstursbrot voru
liðlega 7.600 sem er þriðjungsfækkun
frá árinu áður og segir í ársskýrslunni
að ástæðan sé fyrst og fremst minna
eftirlit með löggæslumyndavélum.
Brot vegna gruns um ölvun við akstur
voru um 10% færri og 16% færri
vegna aksturs gegn rauðu ljósi.
Í upphafspistli sem Böðvar Braga-
son lögreglustjóri ritar í skýrslunni
kemur fram að á árunum 1996–2001
hafi skráð umferðaróhöpp að meðal-
tali verið 16.500 og að í þeim hafi að
jafnaði skemmst 34 þúsund bílar. Þá
segir að heildarkostnaður á ári vegna
umferðarslysa og umferðaróhappa sé
áætlaður um 20 milljarðar á ári eða
268 þúsund krónur á hverja fjögurra
manna fjölskyldu.
Fíkniefnabrotum fjölgaði um 47% í umdæmi lögreglustjórans í Reykjavík
Um 11% færri innbrot og
minna um þjófnaðarbrot
Morgunblaðið/Júlíus
BRÓÐURPARTUR olíunnar sem
var um borð í fjölveiðiskipinu Guð-
rúnu Gísladóttur KE-15, sem sökk
við strendur N-Noregs fyrir rúmum
tveimur árum, hefur lekið í hafið.
Alls voru 400 tonn af dísil- og
smurolíu um borð í skipinu þegar
það sökk. Vefsíða norska ríkissjón-
varpsins hefur eftir fréttablaðinu
Lofot-Tidende að þegar tankarnir
voru tæmdir um síðustu helgi hafi
aðeins 86 tonn af olíu verið eftir.
Stein-Inge Riise, hjá Riise Under-
water Engineering, segir að tilraun-
ir til að ná skipinu upp á yfirborð
sjávar séu líklega ástæða þess
hversu mikið af olíu lak frá skipinu.
Allt frá því skipið steytti á skeri og
sökk í júní árið 2002 hefur verið reki-
stefna um hvort hífa eigi skipið upp
eða láta það liggja á sjávarbotni.
Skipið var í eigu útgerðarfélagsins
Festi þegar það sökk, en Íshús
Njarðvíkur keypti það og ætlaði að
gera tilraun til að ná skipinu til hafn-
ar. Veður aftraði björgunaraðgerð-
um og ýmsir tæknilegir örðugleikar
sem og fjárskortur. Síðasta haust
tóku Norðmenn björgunaraðgerð-
irnar yfir á reikning Íslendinga. Í
sumar var tilkynnt að ekki yrði reynt
frekar að ná skipinu af hafsbotni, en
meirihluti var fyrir því innan norska
stórþingsins að róa að því öllum ár-
um að hífa skipið upp og koma því á
þurrt land.
Olían lak úr
Guðrúnu
Gísladóttur
ALLIR umsækjendur sem upp-
fylla formleg skilyrði um undir-
búning og lagt hafa inn umsókn
innan tilskilinna tímamarka, hafa
fengið skólavist í Háskóla Íslands
(HÍ). Fjöldatakmörkunum hefur
ekki verið beitt umfram það sem
gert hefur verið um árabil, segir í
fréttatilkynningu HÍ. Gert er ráð
fyrir um 2.500 nýnemum við Há-
skóla Íslands næsta skólaár og er
afgreiðslu umsókna að mestu lok-
ið.
Þær upplýsingar fengust frá HÍ
að á næsta skólaári verða ekki
teknir inn nemendur sem séu ekki
með stúdentspróf, en fjöldi þeirra
sem hefur verið veitt undanþága,
þ.e. eru ekki með formlegt stúd-
entspróf, hefur verið á bilinu 200–
300 talsins ár hvert.
Á síðasta háskólaári voru ný-
nemar um 3.000 þegar þeir voru
flestir. Rúmlega 6.000 nemendur
HÍ og nýir nemendur í viðbótar-
námi og í meistara- og doktors-
námi hafa verið skráðir á háskóla-
árið 2004–2005 sem er svipað
nýliðnu skólaári. Stefnir því í að
stúdentar HÍ verði rúmlega 8.500
á komandi háskólaári, en þeir
voru rúmlega 9.000 á því síðasta
þegar þeir voru flestir í janúar
2004 eins og fram kemur í frétta-
tilkynningu frá HÍ. Öllum um-
sækjendum verður svarað skrif-
lega varðandi umsóknir sínar og
hafa 1.900 greiðsluseðlar verið
sendir til nýnema sem óskað hafa
eftir skólavist í haust og vetur.
Verið er að vinna úr umsóknum
um 600 nýnema, þar af eru rúm-
lega 300 erlendir nemendur, eink-
um skiptinemar samkvæmt
stúdentaskiptiáætlunum og samn-
ingum sem Háskólinn er aðili að.
Fjöldatakmörk-
unum ekki beitt
Um 2.500 nýnemar í Háskóla
Íslands á næsta skólaári
STEFNT er að byggingu 32 her-
bergja hótels, sem opna á í júní á
næsta ári, í landi Golfklúbbs Borgar-
ness að Hamri nærri Borgarnesi, að
sögn Hjartar Árnasonar, staðarhald-
ara að Hamri. Ennfremur er unnið
við að stækka golfvöllinn úr 9 holu í 12
holu völl. „Það var sáð í nýjar brautir í
fyrra, og þær verða tilbúnar á næsta
ári,“ sagði Hjörtur þegar blaðamaður
og ljósmyndari Morgunblaðsins áttu
leið um Borgarfjörð í gær. Samhliða
uppbyggingu golfvallarins hefur ver-
ið unnið að trjárækt á svæðinu til að
auka skjól á vellinum, og hefur sú
vinna þegar skilað árangri.
Sögufrægt hús að Hamri
Gamla steinhúsið að Hamri er
byggt um 1920, og er þar rekið gisti-
hús og veitingasala, auk starfsemi
golfklúbbs Borgarness. Fékk golf-
klúbburinn húsið til afnota árið 1978,
og gerði það upp sem félagsheimili og
gistihús. „Nú stendur einnig til að
bæta við tveimur burstum, og stækka
á þann hátt húsið,“ útskýrir Hjörtur.
Hann rifjar ennfremur upp að niður-
soðin mjólk í dósum hafi verið fram-
leidd að Hamri á árum áður.
Hjörtur segir mikið um að íbúar
höfuðborgarsvæðisins keyri úr bæn-
um að Hamri síðdegis til að fara í golf.
„Það er mest um helgar að við fáum
fólk lengra að, og algjörlega háð veðr-
inu hvað er mikið að gera. Hins vegar
er nærri fullt í gistingu í júlí og
ágúst,“ bætir hann við. Hann segir sí-
fellt aukast að erlendir ferðamenn á
eigin vegum gisti að Hamri, enda
stendur gistihúsið steinsnar frá
hringveginum.
Níu holu golfvöllur að Hamri í Borgarfirði
Stækkaður í 12 holur
Morgunblaðið/RAX
Hjörtur Árnason, staðarhaldari að Hamri, mundar golfkylfuna.
FJÖLSKRÚÐUGIR litir Lagar-
fljótsins hafa notið sín vel í
blíðviðrinu undanfarna daga,
einkum sá grængolandi mjólk-
urhvíti, en það er þjóðaríþrótt
manna á Héraði að finna orð eða
hugtök sem ná að spanna litróf
Fljótsins.
Ferðamenn leggja nú leið sína í
mjög vaxandi mæli um svæðið og
nema gjarnan staðar við Fljótið
og ganga niður að vatnsborðinu
til að fleyta kerlingar og njóta
útsýnisins. Það er enda ekki af
verri endanum, Snæfellið gnæfir
yfir í botni Fljótsdals og opin víð-
áttan milli Smjörfjalla og Vatns-
skarðs blasir við ef litið er í haf-
átt.
Héraðsbúar telja sig hafa góð-
viðrið fast í hendi fram á helgina,
enda spáð suðvestlægum áttum
og bjartviðri eystra með allt að
20 stiga hita.
Sá grængolandi mjólkurhvíti