Morgunblaðið - 08.07.2004, Síða 44

ÞAÐ ER ákaflega alvarlegt að málum
skuli vera svo háttað hjá þjóð sem er
vel upplýst og kurteis alla jafna að 25
manns látist að meðaltali í umferðar-
slysum á ári hverju, 3.400 slasist og
þar af um 700 varanlega. Leita þarf
nýrra leiða til þess að fækka slysum og
ein þeirra leiða gæti verið sú að setja
tölvukubba í bíla og auka þannig eft-
irlit með akstri manna.
Þetta kom fram í máli Böðvars
Bragasonar lögreglustjóra á fundi þar
sem ársskýrsla embættisins fyrir árið
2003 var kynnt.
„Mér finnst umræða um þessi mál
allt of lítil og við erum að streitast við
sömu hlutina árum eða áratugum
saman varðandi eitthvað sem við telj-
um að eigi að bæta umferðina en gerir
það bara ekki.“
Böðvar sagði ástæðu til að athuga
hvort ekki mætti nýta tæknina enn
frekar en gert er til þess að stemma
stigu við slysum.
„Ég vil gera tillögu um að fjölga
mjög eftirlitsmyndavélum í borginni,
ná niður hraðanum í gegnum þá hluti
og ég vil líka að það verði settur upp
starfshópur til að kanna með hvaða
hætti tæknin geti komið til varðandi
bifreiðirnar sjálfar og ég er með þá
hugmynd, sem er vel framkvæmanleg,
að setja tölvukubb í hvern einasta bíl.
Ef það ástand væri komið gæti lög-
reglan stöðvað bifreið og tengt kubb-
inn við sínar eigin tölvur og séð akst-
urslag bifreiðarinnar bæði þann dag
sem athugaður er og líka það sem áður
hefur gengið á.“
Böðvar sagðist telja ástæðu til þess
að reyna ný vinnubrögð því þau gömlu
hefðu ekki sýnt nógan árangur.
Tölvukubbur í hvern bíl?
Lögreglustjórinn í Reykjavík vill
reyna ný vinnubrögð í forvörnum
 Um 11% færri/6
TÆKNILEGA er ekkert því til fyrirstöðu að setja tölvukubba í bifreiðir
þannig að hægt sé að fylgjast með aksturslagi ökumanna. Fyrirtækið ND á
Íslandi ehf. hefur til að mynda þróað þráðlausan ökurita, SAGA, sem nú
þegar er í notkun í 70 bifreiðum fyrirtækja hér á landi, til viðbótar við þá
230 ökurita sem ekki hafa þráðlausa tengingu. Möguleikar eru fjölmargir,
t.d. er hægt að nota hann til að fylgjast með ökulagi ökumanna. Í þessu
sambandi má nefna að Íslandspóstur hefur verið með ökuritann í notkun
frá því í október 2001 og minnkaði heildartjónatíðni um 43%, tjónakostn-
aður um 56% og 51% fækkun varð á tjónum þar sem ökutæki Íslandspósts
voru í órétti á árinu 2002 frá árinu áður.
Ökuriti fylgist með ökulagi
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 8. JÚLÍ 2004 VERÐ Í LAUSASÖLU 220 KR. MEÐ VSK.
Lágmúla og Smáratorgi
opið kl. 8-24
alla daga
Forsýning var á söngleiknum Hárinu í Austurbæ í gærkvöldi við góðar undirtektir. Húsfyllir var á sýningunni og klöppuðu áhorfendur eftir hvert söng-
atriði. Söngleikurinn hefur áður verið sýndur á Íslandi við miklar vinsældir, síðast árið 1994, en boðskapurinn er ætíð sá sami – friður, ást og hamingja.
Morgunblaðið/ÞÖK
Friður, ást og hamingja í Hárinu Frumvörp-
in í allsherj-
arnefnd
BJARNI Bene-
diktsson, formað-
ur allsherjar-
nefndar Alþingis,
segir að nefndin
muni hittast fyrir
hádegi í dag, en á
dagskrá eru fjöl-
miðlafrumvarp
ríkisstjórnarinn-
ar og frumvarp
stjórnarandstöð-
unnar um þjóðaratkvæðagreiðslu
vegna fjölmiðlalaganna. Báðum
þessum frumvörpum var vísað til
allsherjarnefndar að lokinni fyrstu
umræðu á Alþingi í gær. Óvíst er
hvenær hægt verður að taka frum-
vörpin til annarrar umræðu.
Bjarni segir að frumvarp ríkis-
stjórnarinnar verði kynnt nánar á
fundi nefndarinnar í dag. Síðan
verði framhaldið rætt, m.a. hvaða
umsagnaraðila nefndarmenn hafi
áhuga á að fá til að fjalla um frum-
varpið. Hann segir aðspurður
ómögulegt að segja til um það hvað
málin verði lengi í nefndinni og hve-
nær þau komi til annarrar umræðu.
Það verði þó að minnsta kosti ekki í
þessari viku.
 Alþingi/10
Bjarni
Benediktsson
Lokaskýrsla Rannsóknarnefndar flugslysa um flugslys í Hvalfirði
Undirbúningur ekki réttur
Í skýrslunni kemur fram að flugmennirnir
höfðu ekki aflað sér veðurupplýsinga fyrir brott-
för frá Reykjavík eins og verklagsreglur Flug-
skóla Íslands kveða á um að gert sé við undirbún-
ing fyrir yfirlandsflug. Flugneminn hafði auk þess
litla reynslu af yfirlandsflugi og hefði undirbún-
ingur flugsins því mátt vera betur ígrundaður að
mati rannsóknarnefndarinnar. Eftir lendingu á
Stóra-Kroppi ákváðu flugmennirnir að bíða af sér
veðrið og lögðu af stað til Reykjavíkur rétt fyrir
níu þegar myrkur var skollið á. Flugkennarinn
lagði ekki inn flugáætlun og aflaði ekki veðurupp-
lýsinga áður en hann lagði af stað.
Á leiðinni til Reykjavíkur var mikill éljagangur
og ekki mögulegt að komast til Reykjavíkur. Flug-
kennarinn taldi of seint að snúa við og lenda aftur
á Stóra-Kroppi sökum myrkurs en vélin var skráð
til takmarkaðs næturflugs og hefði ekki átt að
fljúga í slíku myrkri, að mati nefndarinnar.
Átti að leita aðstoðar
Rannsóknarnefndin segir að þegar ljóst var í
hvað stefndi hefði flugkennarinn átt að leita að-
stoðar flugumferðarstjórnar eða hjá nálægum
flugvélum. Nefndin telur að vel hert þriggja
punkta öryggisbelti hafi bjargað þeim frá frekari
meiðslum. Nefndin beinir því til Flugmálastjórnar
Íslands að hún bæti aðbúnað á flugvellinum á
Stóra-Kroppi og merki óskráða flugvelli inn á
sjónflugsflugkort.
UNDIRBÚNINGUR fyrir flug vélarinnar TF-
FTR hinn 28. mars í fyrra, sem endaði með brot-
lendingu við bæinn Eystra-Miðfell í Hvalfjarðar-
sveit, var ekki í samræmi við verklagsreglur Flug-
skóla Íslands og hefði átt að vera betri. Þetta er
meðal þess sem fram kemur í skýrslu Rannsókn-
arnefndar flugslysa, RNF, um slysið. Tveir menn
voru í vélinni þegar hún brotlenti um klukkan
21:30, flugkennari og nemandi, og komust þeir
báðir lífs af. Lögðu þeir frá Reykjavík klukkan
18:15 og til stóð að fljúga til Hellu og aftur til baka.
Fljótlega eftir flugtak fór veður versnandi og flug-
kennarinn ákvað að reyna að snúa vélinni aftur til
Reykjavíkur en það reyndist ekki mögulegt vegna
veðurs. Í staðinn flugu þeir að Stóra-Kroppi.
„HANN hefur það sem þarf til að
bera, mikinn metnað og keppn-
isskap og dálitla þolinmæði,“ sagði
Ásgeir Guðbjartsson, hinn lands-
kunni aflaskipstjóri, oft nefndur
Geiri á Guggunni, um dótturson
sinn Ásgeir Pálsson, skipstjóra á
frystitogaranum Normu Mary, þeg-
ar skipið kom til hafnar í Reykjavík
í gær með fullfermi. Sá síðarnefndi
reri til margra ára með afa sínum á
Guðbjörgu ÍS og segist hafa lært
mikið af honum og Guðbjarti
frænda sínum, syni Ásgeirs. „Þar
lærði ég allt sem ég kann, enda eru
þeir fyrirmyndirnar, þeir afi og
Guðbjartur, og reyndust mér
óskaplega vel.“
Norma Mary kom til hafnar í gær
með um 360 tonn af grálúðu-
afurðum en aflinn fékkst við Aust-
ur-Grænland. Ásgeir sagði veið-
arnar hafa gengið vel. „Þetta er
ágætur túr en ég er hræddur um að
afa hefði ekki þótt þetta beysinn
afli á sínum tíma,“ sagði aflaskip-
stjórinn ungi.
Fiskinn eins
og afinn
Morgunblaðið/Eggert
Fyrrverandi og núverandi aflaskip-
stjórar, Ásgeir Guðbjartsson og
dóttursonurinn Ásgeir Pálsson.
 Aflasæld/C4