Morgunblaðið - 08.07.2004, Qupperneq 17
Fis kringum landið | Um helgina
leggja félagar úr Fisfélaginu Slétt-
unni og Fisfélagi Reykjavíkur upp í
hópflug kringum landið. Fljúga á með
ströndinni og verður viðkoma höfð á
helstu flugvöllum og í Skaftafellsþjóð-
garði. Fyrsti áfangastaður fluggarp-
anna verður á Hornafjarðarflugvelli á
laugardag og hafa þeir næturdvöl í
bænum. Á vefnum hornafjordur.is er
fjallað um ferðalagið og þar kemur
m.a. fram að 15 fis, hvert með tveimur
mönnum innanborðs, ætli í hringferð-
ina. Áætlað er að ferðin taki viku og
endi í Reykjavík 17. júlí nk.
Öðruvísi keppni | Á sunnudaginn
fara fram Öðruvísi Ólympíuleikar fé-
lagsmiðstöðvarinnar Ný-ungar á
Egilsstöðum og eru þeir nú haldnir í
annað sinn. Leikarnir verða á Vil-
hjálmsvelli og keppt í nokkrum
stórundarlegum keppnisgreinum,
m.a. táblýantssparki, mjaðma-
hnykkjabolta, staurblindumbolta og
skutlukasti. Sigurvegarinn hlýtur að
launum utanlandsferð fyrir tvo frá
Ferðaskrifstofu Austurlands. Kepp-
endur eru úr 8.–10. bekk og geta
áhugasamir skráð sig hjá Ný-ung
fram á laugardagskvöld.
MINNSTAÐUR
MORGUNBLAÐIÐ FIMMTUDAGUR 8. JÚLÍ 2004 17
AUSTURLAND
ÞEGAR verið var að rífa húsin
Grund og Ártún á byggingarlóð
nýrrar verslunarmiðstöðvar á Reyð-
arfirði fannst byrgi frá stríðs-
árunum.
Sigfús Guðlaugsson rafveitustjóri
lét flytja byrgið upp að Stríðs-
árasafninu, þar
sem því verður
fundinn staður.
Gætti sjávar-
falla inni við
Á Reyðarfirði
voru níu til tíu
byrgi þar sem
fólk hélt til á
meðan hættu-
ástand varði, en
einnig voru miðstöðvarklefar, rými
undir steyptum tröppum og aðrar
gluggalausar vistarverur notaðar.
Í byrginu sem fannst á bygging-
arlóðinni voru bekkir meðfram
veggjum og rúmaði um tuttugu
manns. Ekki var steypt gólf og því
gætti sjávarfalla í byrginu og þess
vegna lítið hægt að nota það þegar
hlutverki þess var lokið.
Skothríð í myrkrinu
Óskar Ágústsson á Reyðarfirði
ólst upp á bænum Grund, nánast
við hliðina á byrginu og segist muna
vel eftir því. Meðal annars man
hann til þess að hafa verið borinn
þaðan út í sænginni sinni að næt-
urlagi. Í annað sinn hafi hann og
annar smápatti sloppið út og þeir
orðið vitni að skothríð í rökkrinu.
Einhvern tíma hafði honum og tek-
ist að sjá mikla lest skriðdreka fara
hjá.
Óskar segist hafa fengið fyrstu
enskukennsluna fimm ára gamall
þegar hann sat á skotfærakassa hjá
hermönnunum og einn þeirra benti
á fjall handan fjarðarins og sagði
„mountain“. Gat því fimm ára
pjakkurinn stært sig af nokkurri
enskukunnáttu í félagahópnum, sem
hefur sjálfsagt fylgst leynt og ljóst
með hernaðarbröltinu í annars
kyrrlátum íslenskum firði.
Gamalt stríðsárabyrgi vekur upp minningar
Pjakkur á skotfærakassa
Óskar Ágústsson
Morgunblaðið/Hallfríður Bjarnadóttir
Fortíðin hífð upp og flutt um set: Sigfús Guðlaugsson rafveitustjóri lét
flytja byrgið, sem eldri Reyðfirðingar þekkja vel, í Stríðsárasafnið.
AUGLÝSINGADEILD netfang: augl@mbl.is, sími 569 1111
Þorlákshöfn | Útilistaverk
eftir Erling Ævarr Jónsson
var afhjúpað við veitinga-
staðinn Hafið bláa í Ölfusi á
dögunum. Listaverkið er af-
steypa af ströndinni og
hafsbotninum við frá Þjórsá
að Selvogi.
Hannes Sigurðsson út-
gerðarmaður og eigandi
veitingastaðarins Hafið bláa
sagði um leið og hann bauð
gesti velkomna að hafsbotn-
inn hefði lengi verið honum
hugleikinn. Hann sagði að
sér hefði leikið forvitni á að
vita hvort aðrir sæju hafs-
botninn fyrir sér eins og
hann. Því hefði honum fund-
ist tilvalið að láta gera af-
steypu af botninum og gefa
gestum veitingarstaðarins
kost á að virða fyrir sér
þessi náttúruundur.
„Þar sem ég er enginn
listamaður sjálfur ákvað ég
að fá til verksins listamann-
inn Erling Ævarr Jónsson
sem hefur mikla reynslu af
sjómennsku á þessum slóð-
um og þekkir vel til aðstæðna,“ sagði Hannes Sigurðsson.
Verkið sem var um eitt ár í vinnslu er unnið úr múrblöndu og málað með
sundlaugarmálningu. Erlingur sagði að þetta væri frumraun sín á þessu sviði
en hann hefði lært leirkerasmíði í fjögur ár áður en hann hóf sjómennsku
sem hann hefur stundað í fimmtíu ár þar af þrjátíu og fimm ár sem skipstjóri.
Afsteypa af strönd-
inni og hafsbotninum
Hafið bláa: Erlingur Ævarr Jónsson ásamt
eigendum Hafsins bláa, Þórhildi Ólafsdóttur
og Hannesi Sigurðssyni.
Morgunblaðið/Jón H. Sigurmundsson