Heimilistíminn - 04.07.1974, Blaðsíða 32
Það er áreiðanlega enginn barnaleikur, að
vera bróðir stórstjörnu og ætla sér að ná
frama á sama sviði. En Chris er ekki
hræddur um að þurfa að lifa lífinu í
skugga Micks bróður síns.
Þvl er ekki að neita, aö flest við Chris
Jagger — röddin, framkoman og ekki sizt
útlitið — minnir á Mick bróður hans. Til er
llka heilmikið af fólki, sem er þeirrar
skoöunar, að Chris muni koma sér áfram,
aðeins af þvl að hann heitir Jagger.
Sjálfur er Chris salla rólegur yfir þessu.
Hann hefur engan áhuga á að láta bróður
sinn hjálpa sér á framabrautinni eða likja
eftir honum á nokkurn hátt.
— Mick vill að ég bjargi mér sjálfur,
segir Chris sem er 25 ára — og það hef ég
líka alltaf ætlað mér. Þó get ég ekki sagt,
að hann hafi ekki hjálpað mér eitthvað.
Til hvers eru annars bræður? Ég hef
ekkert á móti þvl aö fólk tali viö mig um
Mick, ég er nefnilega likur honum. En
venjulega umgengst ég hann ekki, þvi það
er alltaf fullt af fólki kringum hann. Auk
þess á ég mitt eigiö lif og hef frama minn
að hugsa um. Vissulega getur komið fyrir,
að fólk kaupi fyrstu plötuna mlna vegna
nafnsins, en þá keypti það heldur ekki
aðra, ef þvi fyndist hán léleg.
Chris hefur ekki misst
sjálfstraustið þótt bróðir
hans sé stórstjarna.
— Eg vil reyna sjdlfur
og ef ég er nógu góður,
hlýtur það að ganga.
Chris er ótrúlega líkur bróður slnum.
Hefur kannski ekki alveg eins stóran
munn, en sama úfna hárið, sama
manandi augnaráðið og brosið, sem alltaf
er á andliti hans.
Þegar hann var 16 ára, sigraði hann I
keppni undir nafninu Laurie Yearham.
Þar söng hann eitt af lögum Micks, „I’ ts
all over now” og gerði það svo sann-
færandi aö margir héldu, að þetta væri
Mick sjálfur að leika sér.
Vitanlega hefur Chris veriö undir
áhrifum frá bróöur sinum á unglings-
árunum. Rolling Stones urðu til, þegar
hann var 14 ára, og þá var hann fyrir
löngu oröinn venjulegur poppsjúkur ung-
lingur.
— Þegar ég var 12 ára, var ég alveg
galinn I Chuck Berry, segir hann. Svo
byrjuðu Stones, og það var svo sannar-
lega eitthvað við þá. Maður vissi, aö þeir
yrðu miklir, þót þeir væru ekkert sérlega
góöir I byrjun. Svo urðu þeir frægir, og
næstum allar svona hljómsveitir, sem
komiö hafa fram sfðan, eiga þeim eitt-
hvað aö þakka.
1 þann tlð sýndi Chris þess engin merki,
að hann ætlaði að feta I fótspor bróöur -
ins. Eins og svo margir bræður gera
ósjálfrátt, vildi hann varöveita sjálfstæði
sitt. Þrátt fyrir áhrifin frá Stones hélt
hann áfram að lifa hæglátu lifi I útjaðri
London.
Þegar hann var búinn með mennta-
skóla, fór hann i háskólann I Manchester,
þar sem hann hugðist lesa leiklistarsögu.
32