Morgunblaðið - 03.09.2004, Blaðsíða 4

FRÉTTIR
4 FÖSTUDAGUR 3. SEPTEMBER 2004 MORGUNBLAÐIÐ
ÞREMUR mönnum var bjargað um borð
í Kaldbak rúmar 27 sjómílur norðnorð-
vestur af Skagatá á sjötta tímanum í gær-
morgun eftir að leki kom að 200 brúttó-
tonna tog- og netabátnum Kópnesi ST-46
frá Hólmavík. Vélin hafði þá misst afl
þegar sjór komst í vélarrúm og var bát-
urinn tekinn að sökkva og var hann sokk-
inn um klukkan níu í gærmorgun.
Neyðarkall barst frá bátnum til Siglu-
fjarðarradíós laust fyrir klukkan fimm og
fóru skipverjar í flotgalla og yfirgáfu
skipið í björgunarbáta. Kaldbakur var þá
staddur í um tólf sjómílna fjarlægð og
heyrði neyðarkallið og bjargaði hann
mönnunum um borð um hálfsexleytið.
Þyrla Landhelgisgæslunnar, TF-LÍF,
var kölluð út og fór hún í loftið klukkan
hálfsex en var snúið við eftir um tuttugu
mínútna flug þegar ljóst var að mönn-
unum hafði verið bjargað. Björg-
unarskipið Sigurvin frá Siglufirði var
einnig í viðbragðsstöðu.
Blíðskaparveður var á slysstað og voru
skipverjar allir við góða heilsu en siglt var
með þá til Siglufjarðar þar sem þeirra
beið skýrslutaka. Kópnes frá Hólmavík
var smíðað í Noregi árið 1960 og hét áður
Geirfugl GK og Héðinn ÞH. Útgerð og
eigandi skipsins er Kópnes ehf.
Kópnes sökk um 27 sjómílur NNV af Skagatá eftir að leki kom að skipinu
Þremur skipverjum bjargað
úr gúmbjörgunarbát
Morgunblaðið/Einir Einisson
Skipverjar Kópness, Daði skipstjóri ásamt Arnari, syni sínum, og Hjálmari um borð í Kaldbaki.
Morgunblaðið/Einir Einisson Morgunblaðið/Hafþór Hreiðarsson
Kópnesið hélst á floti dágóða stund áður en það sökk. Skipið hét upphaflega Héðinn ÞH 57 frá Húsavík en síðan lengst af Geirfugl GK 66.







 
 








 



   NAUÐSYNLEGT er að herða skoð-
unareftirlit með vélarrými skipa í
ljósi tíðra sjóslysa að undanförnu, að
mati Jóns Arilíusar Ingólfssonar,
framkvæmdastjóra rannsóknar-
nefndar sjóslysa. Þrír bátar hafa
sokkið á vikutíma eftir að leki kom
upp í vélarrúmi skipanna og segist
Jón ekki muna annað eins, enda hafi
tíðarfar verið mjög gott þegar bát-
arnir fórust.
Síðastliðinn fimmtudag sökk
Björgvin ÍS 468 undan Dýrafirði og
björguðust tveir menn sem um borð
voru, síðar sama dag sökk Fjarki ÍS
44 suðaustur af Gjögri og bjargaðist
einn maður sem var um borð. Í gær-
morgun var loks þremur mönnum
bjargað eftir að leka varð vart í vél-
arrúmi Kópness ST-46 norður af
Skagatá, sem sökk nokkru síðar.
Tæring í lögnum
„Það sem hefur einkennt öll þessi
óhöpp er leki í vélarrúmi og það er
nokkuð sem þarf að taka alvarlega til
skoðunar. Hvort um er að ræða tær-
ingu á lögnum eða botnleika eða eitt-
hvað slíkt hafa menn ekki náð að sjá.
Þeir verða ekki varir við þetta fyrr en
það er kominn mikill sjór í vélarrúmið
og þá er auðvitað vita vonlaust að sjá
einhverjar uppsprettur.“
Tæring í lögnum geti átt sér stað
svo árum skipti án þess að eigendur
báta verði þess varir og hrokkið í
sundur fyrirvaralaust, eins og kann
að vera í einhverju þessara tilvika.
Jón reiknar með að rannsóknar-
nefnd sjóslysa leggi til við Siglinga-
stofnun að eftirlit með vélarrýmum
verði hert í ljósi atburða liðinnar viku.
Sönnunargögnin á miklu dýpi
Rannsóknarnefndin kannar við-
hald og viðhaldssögu báta sem koma
til kasta nefndarinnar, auk þess sem
byggt er á framburði skipverja.
Jón bendir á að í mörgum tilvikum
verði að búa við það að sönnunar-
gögnin glatist í hafinu en öll skipin
þrjú sem hér um ræðir eru á miklu
dýpi og mjög kostnaðarsamt eða
ómögulegt er að ná þeim upp.
Jón ræddi við skipstjóra Kópness-
ins í gær áður en lögregluskýrsla var
tekin af skipverjum. Hann segir að
skipstjórinn hafi enga hugmynd haft
um hvað hefði gerst fyrr en allt var
orðið um seinan.
Rannsóknarnefnd sjóslysa man ekki eftir jafntíðum sjóslysum í góðu veðri
Vilja herða
eftirlit með
vélarrými skipa


  
 







 

     
  
  











!!"  


            !









!!





!!#







!!$











4.49 Vaktstöð siglinga (Siglufjarð-
arradíó) fær neyðarkall frá skip-
inu. Kaldbakur fer til móts við
Kópnes.
5.25 Þyrla Landhelgisgæslunnar, TF-
LIF, fer í loftið en snúið við eftir
um 20 mínútna flug.
5.29 Kaldbakur kominn að skipinu.
5.40 Kaldbakur bjargar skipverjum
um borð.
9.07 Skipið sekkur.
Atburðarásin
ÍSFISKTOGARINN Kaldbakur EA-1 var staddur um 12 sjómílur frá
Kópnesi þegar neyðarkall kom frá bátnum. Að sögn Víðis Benedikts-
sonar, 1. stýrimanns um borð, var Kaldbakur á leið á miðin frá Ak-
ureyri þegar kallið kom. „Við settum okkur strax í samband við þá
og vorum í talstöðvarsambandi við þá allan tímann. Þeir eru með
neyðartalstöð í gúmbátnum og vissu af okkur allan tímann.“
Þegar að var komið var Kópnes vélarvana og á reki og björg-
unarbátur á floti þar skammt frá með mönnunum þremur. Annar
björgunarbátur hékk utan í skipinu, uppblásinn.
Víðir segir að örlítil slagsíða hafi verið komin á Kópnes þegar þeir
nálguðust bátinn.
Skipverjar hafi á hinn bóginn allir verið við góða heilsu og í flot-
göllum en einn þeirra hafði þó blotnað. Kaldbakur sigldi með skip-
verjana til Siglufjarðar.
„Vorum í talstöðvar-
sambandi allan tímann“
ÞRIÐJUNGUR þjóðarinnar vill
frjálsan innflutning á landbún-
aðarvörum, og rúmlega 43% vilja
innflutning á þeim tíma sem þær
eru ekki til hérlendis. Nærri fjórð-
ungur þjóðarinnar er alveg andvíg-
ur innflutningi á landbún-
aðarvörum.
Þetta kemur fram í niðurstöðum
úr þjóðarpúlsi Gallup, en könnunin
var gerð dagana 11.–24. ágúst.
Gallup hefur kannað afstöðu fólks
til þessa máls frá 1993, og virðist
sem þjóðin vilji í sífellt vaxandi
mæli leyfa frjálsan innflutning á
landbúnaðarvörum. Fjöldi þeirra
sem vill frjálsan innflutning hefur
vaxið úr 23% árið 1993 í 33% í dag.
Mikill munur er á afstöðu
kynjanna til málsins, karlar eru
mun hlynntari frjálsum innflutningi
en konur. Um 41% karla vill óheft-
an innflutning en 24% kvenna. Eins
mælist talsverður munur á afstöðu
fólks eftir búsetu, þeir sem búsettir
eru í Reykjavík eru hlynntari frjáls-
um innflutningi en þeir sem búa á
landsbyggðinni.
Úrtakið í könnuninni var 1.217
manns á aldrinum 18–75 ára, valdir
með tilviljunarúrtaki úr þjóðskrá.
Svarhlutfall var 62%.
Þriðjungur
vill frjálsan
innflutning
MÁLFLUTNINGUR í þjóðlendu-
máli ríkisins gegn Bláskógabyggð
hefst í Hæstarétti á miðvikudag og
mun ljúka daginn eftir. Hæstiréttur
mun í dag fara í vettvangsferð um
þau svæði sem deilt er um, sam-
kvæmt upplýsingum frá réttinum.
Sjö dómarar skipa dóminn í
þessu máli og munu þeir ásamt lög-
mönnum málsaðila fara um hin um-
deildu svæði í hinum gamla Bisk-
upstungnahreppi. Landeigendur
unnu málið fyrir óbyggðanefnd og í
Héraðsdómi Suðurlands en ríkið
áfrýjaði til Hæstaréttar.
Þorsteinn A. Jónsson, skrif-
stofustjóri Hæstaréttar, segir að
dómarar fari iðulega í vettvangs-
ferðir þegar deilt sé um landa-
merki. Ferðunum hafi þó fækkað í
seinni tíð. Þá sé fátítt að svo margir
dómarar skipi dóm í landamerkja-
máli. Vettvangsferðin er því óvenju
fjölmenn.
Hæstiréttur í
vettvangsferð
„ÉG VEIT ekki hvernig mýs urðu
að rottum,“ segir Þorkell Björnsson
veiðimaður, en í frétt í veiðihorni
Morgunblaðsins í liðinni viku er
greint frá því að Þorkell hafi í tví-
gang í sumar veitt urriða sem
reyndust verða með hálfmeltar
rottur í maganum. Fréttin er tekin
af vefsíðunni fluguveidi.is.
Þorkell sagði nokkrum kunn-
ingja sinna frá því að hann hefði
veitt urriða og þeir verið með mýs í
maganum, önnur var hálfmelt, hin
nýgleypt. „Einhver kunningjanna
kom sögunni svo á framfæri, en ég
veit ekki hvernig mýsnar breyttust
í rottur, þakka bara fyrir að þær
urðu ekki að minkum,“ sagði Þor-
kell. Þá nefndi hann einnig að þetta
hefði gerst í fyrrasumar, ekki fyrr í
sumar eins og fram kom í fréttum.
Mýs urðu að
rottum
ÞRÍR Írar eiga bílbeltum að þakka
að þeir meiddust ekkert er þeir
misstu stjórn á bílaleigubíl sínum á
Vatnsnesi í gærkvöld með þeim af-
leiðingum að bifreiðin valt og hafn-
aði á toppnum.
Að sögn lögreglunnar á Blöndu-
ósi varð óhappið skammt frá bæn-
um Urðarbaki rétt fyrir klukkan 19
í gærkvöld. Missti ökumaðurinn
vald á henni í lausamöl. Bifreiðin
skemmdist heldur ekki mikið en
var samt fjarlægð af vettvangi með
kranabíl.
Veltu bíl í
lausamöl