Morgunblaðið - 03.09.2004, Blaðsíða 51

MORGUNBLAÐIÐ FÖSTUDAGUR 3. SEPTEMBER 2004 51
SKÓLADAGAR
Sjáðu betur í vetur
Gleraugnasalan Laugavegi 65
s. 551 8780 www.gleraugnasalan.com
KRISTÍN Steinsdóttir og Halla
Sólveig Þorgeirsdóttir voru
sæmdar Barna- og unglinga-
bókmenntaverðlaunum Vestnor-
ræna ráðsins árið 2004 fyrir bók-
ina „Engill í Vesturbænum,“ við
hátíðlega athöfn í Skála Alþingis
í gær. Þær stöllur munu skipta
með sér verðlaunafénu, að fjár-
hæð sextíu þúsund dönskum
krónum, en Halla Sólveig mynd-
skreytti bókina.
„Engill í Vesturbænum“ segir
frá atburðum í lífi lítils drengs í
fjörutíu og níu
stuttum frá-
sögnum. Þykir
bókin end-
urspegla vel
veruleika barns-
ins og hugsanir,
sem eru gjör-
ólík hugsunum
fullorðinna.
Þá þykja teikningar bók-
arinnar hvetja börn til þess að
nota ímyndunaraflið til að lifa af
í heiminum.
Bækur | „Engill í Vesturbænum“ fær verðlaun
Hvetur til notkunar
ímyndunaraflsins
Morgunblaðið/Golli
Frá afhendingu verðlaunanna:
Börn kunna að meta góðar bækur.
Á MEÐAN McDonalds-maðurinn
varar okkur með munninn fullan og
magann við skyndibitavánni kæra
Harold og Kumar sig kollótta um
allt hjal um óhollustu og leita log-
andi ljósi að bestu hamborgurum í
bænum. Þá er að finna á hamborg-
arastaðnum White Castle og má því
eiginlega kalla þá félaga White
Castle-mennina.
Það blasir við að hér er á ferðinni
kolgeggjuð gamanmynd, svo geggj-
uð reyndar, að hún er gerð af hinum
sömu og kokkuðu upp Dude,
Where’s My Car? sem fer nálægt því
að vera geggjaðasta mynd bíósög-
unnar.
Aðalhlutverkin, þeir Harold og
Kumar, eru í höndum John Cho og
Kal Penn, en báðir hafa komið áber-
andi við sögu í smærri hlutverkum;
Cho í American Pie-myndunum og
Penn í Van Wilder.
Þótt þeir séu vel ruglaðir þá eru
þeir samt ekki alveg farnir; Harold
vinnur nefnilega sem fjárfestir og
Kumar er læknanemi. En það spyr
enginn um starf og stétt þegar þörf-
in fyrir góðan hamborgara kallar.
Frumsýning | Harold & Kumar fá sér hamborgara
(Harold & Kumar go to White Castle)
Leitin að
heilaga
hamborg-
aranum
Ætlar þú að fá þér kokkteilsósu?
ÍSLENSKA kvikmyndin Dís verð-
ur frumsýnd í Smárabíói, Regn-
boganum, Laugarásbíói og Borg-
arbíói Akureyri í dag.
Myndin er byggð á samnefndri
metsölubók eftir þær Birnu Önnu
Björnsdóttur, Oddnýju Sturludótt-
ur og Silju Hauksdóttur.
Dís kom út hjá Forlaginu árið
2000, fékk lof gagnrýnenda og
hefur selst í meira en 10 þúsund
eintökum.
Dís lýsir lífi og leikjum ungra
Reykvíkinga, þeirra sem lifa og
hrærast í miðborginni, á póst-
svæðinu 101. Söguhetjan er Dís
Sigurðardóttir 23 ára reykvísk
stelpa sem býr á Laugavegi ásamt
Blævi vinkonu sinni. Fylgst er
með Dís sumarlangt þegar hún
reynir að gera upp við sig hvað
hún vill taka sér fyrir hendur í líf-
inu. Dís finnst hún umkringd
„framúrskarandi sjarmatröllum og
upplifir sjálfa sig óspennandi í
samanburði,“ eins og segir í til-
kynningu frá framleiðendum.
Henni finnst súrt að vera með-
almanneskja í tilvistarkreppu og
reynir að spyrna gegn því sjálf-
skapaða hlutverki sínu. Ýmislegt
mun drífa á daga Dísar þetta sum-
ar, ástarævintýri, vaxtarverkir og
jarðskjálfti.
Með hlutverk Dísar fer Álfrún
Helga Örnólfsdóttir, en með önnur
stór hlutverk fara Ilmur Krist-
jánsdóttir, Árni Tryggvason,
Gunnar Hansson, Þórunn Erna
Clausen, Ylfa Edelstein, Unnur
Ösp Stefánsdóttir og Ívar Örn
Sverrisson. Leikstjóri mynd-
arinnar er Silja Hauksdóttir og
hún skrifaði sjálf handritið ásamt
þeim Birnu Önnu og Oddnýju.
Framleiðandi myndarinnar er
Baltasar Kormákur fyrir Sögn
ehf.
Frumsýning | Íslenska kvikmyndin Dís
Dís á djamminu
Það var mikið djammað þetta viðburðaríka sumar í lífi Dísar.
Roger Ebert: Metacritic.com: 80/100
Variety: 80/100 (skv. útr.
Metacritic)
The Hollywood Reporter: 70/
100
The New York Times: 60/100
IMDB.com: 7.4/10
Erlendir
dómar
AUGLÝSINGADEILD
netfang: augl@mbl.is eða sími 569 1111