Morgunblaðið - 03.09.2004, Blaðsíða 22

MINNSTAÐUR
22 FÖSTUDAGUR 3. SEPTEMBER 2004 MORGUNBLAÐIÐ
SUÐURNES
AKUREYRI
Reykjanesbær | Menningar- og fjöl-
skylduhátíðin Ljósanótt var sett í
gær. Börn úr öllum grunnskólum
bæjarins söfnuðust saman við
Myllubakkaskóla í Keflavík og
slepptu hátt í þúsund litskrúðugum
blöðrum við afrískan trumbuleik.
Árni Sigfússon bæjarstjóri sagði við
það tækifæri að hinar litskrúðugu
blöðrur væru tákn um hið litskrúð-
uga samfélag í Reykjanesbæ. Fjöl-
menningarhátíð er hluti af Ljósanótt
og á laugardag verður fjölmenning-
arhópur með veitingar og boðið
verður upp á framandi tónlist og
dans.
Morgunblaðið/Helgi Bjarnason
Litskrúðugt samfélag
Reykjanesbær | „Mér finnst þetta
hvetja mann til dáða, til að halda
áfram á þessari braut,“ sagði Gerður
Pétursdóttir, leikskólastjóri í Hjalla-
túni Njarðvík. Hjallatún og útibú Ís-
landsbanka í Keflavík fengu í gær af-
hentar fyrstu viðurkenningar
Reykjanesbæjar fyrir fjölskyldu-
vænstu stofnanir og fyrirtæki í bæn-
um.
Gerður tók við viðurkenningunni
fyrir Hjallatún og Una Steinsdóttir,
útibússtjóri fyrir hönd Íslandsbanka.
„Já það gæti verið, án þess að ég vilji
alhæfa. Það er hluti af nútímastjórn-
un að auka sveigjanleika og hugsa
um hag starfsfólksins,“ sagði Una
þegar hún var spurð að því hvort sú
staðreynd að tvær konur væru að
taka við viðurkenningunni en enginn
karl væri til marks um að konur
sýndu meiri skilning á fjölskyldumál-
unum. Hún bætti því við að ef svo
væri mættu fleiri taka sér þessa
stefnu til eftirbreytni.
Kveðið er á um útnefningu fjöl-
skylduvænstu stofnunar og fyrirtæk-
is í fjölskyldustefnu Reykjanesbæjar
sem samþykkt var í byrjun síðasta
árs. Samkvæmt upplýsingum Hjör-
dísar Árnadóttur félagsmálastjóra er
tilgangurinn að vekja vinnuveitendur
og yfirmenn til umhugsunar um mik-
ilvægi þess að taka tillit til fjölskyld-
unnar í stefnumörkun fyrirtækja.
Það hafi tvímælalaust skilað árangri
þar sem það hafi verið gert.
Byggja upp fjölskyldutré
Fjölskyldu- og félagsmálaráð
Reykjanesbæjar fékk rökstuddar
ábendingar frá starfsmönnum á
þessum vinnustöðum og var sam-
mála um niðurstöðuna.
Gerður segir að markvisst hafi
verið unnið að því að auka innbyrðis
kynni starfsfólksins og fjölskyldan
öll verið tekin með í það. Á hverjum
starfsmannafundi kynna einhverjir
starfsmenn fjölskyldur sínar og
áhugamál og þannig er smám saman
byggt upp fjölskyldutré með þessum
upplýsingum. Í lok síðasta mánaðar
var haldin mikil fjölskylduhátíð í Sól-
brekkuskógi þar sem makar og börn
starfsmanna voru með. Fleira er gert
til að koma til móts við starfsmenn
sem eiga fjölskyldur.
„Allir græða“
Gerður er þess fullviss að þetta
starf hafi bætt mjög samstarfið á
leikskólanum. Það auki einnig starfs-
ánægjuna á vinnustaðnum og auki
öryggi starfsfólksins.
Una segir að í jafnræðisáætlun Ís-
landsbanka sé lögð áhersla á að jafn-
vægi sé á milli starfs og einkalífs
starfsmanna. Hún segir að í útibúinu
í Keflavík sé reynt að styðja vel við
bakið á starfsmönnum sem eru með
börn á leikskóla- eða skólaaldri.
Reynt sé eftir föngum að hafa sveigj-
anlegan vinnutíma og sýna tillitssemi
við veikindi barna og gefa frí á starfs-
dögum og í skólaviðtölum. Þar og í
Hjallatúni er foreldrum gefinn kost-
ur á að hafa börnin með í vinnuna
þegar nauðsyn ber til.
„Það er augljóst að sveigjanleiki
og skilningur skilar sér í ánægðari
starfsmönnum og ánægðari starfs-
menn leiða af sér ánægðari viðskipta-
vini sem skilar sér beint í betri af-
komu bankans. Þetta er einföld jafna
og það græða allir,“ segir Una.
Veittar viðurkenningar fyrir fjölskylduvænar stofnanir
Konur við stjórnvölinn á
báðum vinnustöðunum
Ljósmynd/Dagný Gísladóttir
Viðurkenning: Una Steinsdóttir, útibússtjóri Íslandsbanka, tók við við-
urkenningu síns vinnustaðar úr hendi Árna Sigfússonar bæjarstjóra.
NÝIR stúdentagarðar við Tröllagil 29 í eigu Félagsstofnunar
stúdenta við Háskólann á Akureyri verða teknir í notkun á morg-
un, laugardaginn 4. september. Opið verður frá kl. 13 til 15. Í
Stúdentagörðunum eru 36 tveggja og þriggja herbergja íbúðir
og fjögurra deilda leikskóli með rými fyrir 90 börn, sem fengið
hefur nafnið Töllaborgir. Íbúðirnar eru svar við mikilli eft-
irspurn stúdenta eftir hagstæðu leiguhúsnæði og leitað var eftir
samstarfi við Akureyrarbæ sem mun koma til móts við vaxandi
þörf bæjarbúa fyrir leikskólapláss með rekstri leikskóla í bygg-
ingunni.
Morgunblaðið/Kristján
Elstu börnin á Tröllaborgum að leik á leikskólalóðinni.
Stúdentagarðar og leikskóli
Sumarhúsabyggð | Bæjarráð Ak-
ureyrar óskar eftir því við sveit-
arstjórn Þingeyjarsveitar að Norð-
urorku hf. verði heimilað að vinna
skipulagstillögu að sumarhúsabyggð
í landi Reykja í Fnjóskadal í sam-
ræmi við gildandi svæðisskipulag
fyrir árin 1998-2018. Bæjarráði
barst erindi frá forstjóra Norður-
orku hf. vegna Reykja í Fnjóskadal,
sem ásamt heitavatnsréttindum er í
eigu Akureyrarbæjar og Norður-
orku hf. Forstjóri Norðurorku hf.
benti á að í svæðisskipulagi Eyja-
fjarðar og Fnjóskadals fyrir árin
1998 til 2018 væri gert ráð fyrir sum-
arhúsabyggð í landi Reykja. Í er-
indinu er leitað eftir afstöðu Ak-
ureyrarbæjar til frekari skipulags-
vinnu vegna sumarhúsabyggðar og
sagt að Norðurorka hf. sé reiðubúin
til að láta skipuleggja svæðið.
FERÐAFÉLAG Akureyrar
hefur að undanförnu staðið
fyrir byggingu nýs skála við
Drekagil. Húsið var for-
smíðað á Akureyri á tíma-
bilinu frá því í apríl á þessu
ári og fram í júlí, en aðra
helgina í júlí voru und-
irstöður steyptar og síðar í
þeim mánuði var gengið frá
gólfi og undirstöðum fyrir
stóran sólpall norðan og
vestan við skálann. Um miðj-
an ágúst var svo farið með
veggi og stafna skálans upp
að Drekagili og húsið sett
saman. Þá voru einnig settar sperrur á
húsið og timburklæðning á þær. Síðustu
helgina í ágúst var sett bárujárn á húsið
og kjölur ofan á það. Einnig var gengið
frá einangrun í loft og sólpallurinn klár-
aður. Þar með var skálinn orðinn fok-
heldur. Ingvar Teitsson, formaður
ferðafélagsins, sagði að áfram yrði unn-
ið fram eftir septembermánuði, eða eins
og veður leyfir við að ganga frá skál-
anum, bæði að innan og utan. „Við von-
umst til að ljúka frágangi sem mest áður
en vetur gengur í garð,“ sagði hann en
vetur kæmi oft snemma í Drekagili sem
er í 780 metra hæð yfir sjó. Það sem eft-
ir kann þá að verða yrði klárað næsta
vor, þannig að skálinn yrði tilbúinn fyrir
ferðamannatíð næsta sumar, í byrjun
júlí.
Nýi skálinn er 95 fermetrar að grunn-
fleti. Á neðri hæð er rúmgóð borðstofa
með eldunaraðstöðu og einnig eru þar
tvö fimm manna herbergi og forstofa. Á
efri hæð er tvískipt svefnpláss, með
svefnplássum á upphækkuðum bálkum
fyrir 30 manns.
Ferðafélag Akureyrar byggði fyrsta
húsið við Drekagil, skálann Dreka, árið
1968 og rúmar það 20 manns í gistingu.
Á síðustu tveimur áratugum hefur um-
ferð farið vaxandi og gistinóttum fjölgað
umtalsvert yfir sumarmánuðina. Á ár-
unum 2000 til 2001 lét FFA deiliskipu-
leggja hálendismiðstöð við Drekagil og
árið 2001 byggði félagið þar vandað
snyrtihús með 6 vatnssalernum og
tveimur gaskyntum sturtum. Á því
skipulagi var jafnframt byggingarreitur
fyrir nýjan gistiskála sem nú hefur risið.
Drekagil er á krossgötum í Ódáða-
hrauni og þar á samkvæmt Svæð-
isskipulagi miðhálendisins að vera há-
lendismiðstöð. Frá Drekagili er stutt í
Öskju sem jafnan hefur mikið aðdrátt-
arafl fyrir ferðafólk. Slóðir liggja frá
Drekagili í Herðubreiðarlindir og á
hringveg nr. 1 á Mývatnsöræfum, einnig
suður fyrir Dyngjufjöll og annaðhvort
suðvestur á Sprengisandsleið norðan við
Nýjadal eða norður Dyngjufjalladal í
Bárðardal og Mývatnssveit og einnig
má nefna slóð austur yfir Jökulsá á
Fjöllum við Upptyppinga og annaðhvort
suður í Kverkfjöll eða austur yfir
Kreppu í Möðrudal eða að Brú í Jök-
uldal.
Ljósmynd/Ingvar Teitsson
Unnið að smíði nýs skála við Drekagil.
Nýr skáli við Hálend-
ismiðstöð í Drekagili
SENDUM Í PÓSTKRÖFU
Öflug co-ensym unnin
úr rauðbeðum
Gagnleg fyrir hjarta-
og æðakerfið
www.islandia.is/~heilsuhorn
Glerártorgi, Akureyri, s. 462 1889
fæst m.a. í Lífsinslind í Hagkaupum,
Fjarðarkaupum
Árnesaptóteki Selfossi og
Yggdrasil Kárastíg 1.