Morgunblaðið - 03.09.2004, Blaðsíða 45

AFMÆLI
MORGUNBLAÐIÐ FÖSTUDAGUR 3. SEPTEMBER 2004 45
Mánudaginn næst-
an, 6. september,
verður 67 ára Guð-
freður Hjörvar Jó-
hannesson, ræstir.
Sjálfsagt er þetta
ekki merk fregn í
hugum margra meðal
þjóðar sem vinnu-
þrælkun og jarðar-
hreysi heyra sögubók-
um til; líkamleg
þreyta aðeins keypt í
þrekþjálfun hjá Jóni
eða Gunnu; og puð
pabba og afa argasta
heimska, ef komast á í
álnir.
Í hugum okkar vina Guðfreðs er
það hins vegar undarlegt krafta-
verk, að maðurinn skuli ekki fyrir
löngu dauður, svo furðuleg sem
ævi hans hefir verið: Hann er ör-
verpi í hópi sjö systkina vestan af
Patreksfirði. Fann snemma lausn
á að sitja í skóla með lokuð eyru
og augu; uppreisnarpjakkur, sem
þrjóskan hreinlega draup af. Undi
sér bezt á sjó, og á þar aflakóng-
inum Finnboga Magnússyni og
Dómhildi konu hans það að þakka,
að hann kynntist fólki sem bar
hjartaþel til meðbræðra sinna.
Öðrum virtist Guðfreði sama um
allt og alla, og það var honum
sannarlega líka. 42ja ára er hann
kominn hingað til Reykjavíkur og
nýr kafli lífsins hefst. Leiddur af
Bakkusi kóngi, þræddi hann götur
og torg, gisti Klepp; gisti Vífils-
staði og síðar Vog, svona til að ná
sæmilegum handstyrk á flöskunni
á ný. Já, vann meira að segja það
afrek að koma íbúðarkytru í skipti
fyrir mjöðinn góða, og hallaði sér
svo glaður í húsasund með fjúk-
andi haustlauf að kodda og sæng.
Svo var það 1979 á Vífilsstöðum,
að hann fer að raula með náunga
sem kunni þá list að leika á píanó.
Öllum, er á hlýddu, varð ljóst, að
pjakkurinn hafði hlotið mikla rödd
í vöggugjöf. Undarleg tilviljun var,
að þar mætti hann á AA-fundi
fólki frá Langholtskirkju, víking-
unum og frumherjunum Villa Páls
og Valgerði, sem þúsundir mættu
muna og nýtt líf þakka. Tilviljun,
nei, hrein forlög. En snúum aðeins
aftur. Löngun til söngs lét Guðfreð
ekki í friði, og feiminn, með skjálf-
andi hné, mætti hann söngstjóra
Söngsveitarinnar Fílharmóníu,
GUÐFREÐUR
HJÖRVAR
JÓHANNESSON
Marteini H. Friðriks-
syni. La Travíata átti
að æfast þennan vet-
urinn, og meira að
segja syngjast á
ítölsku. „Eg kann
ekkert. Eg get þetta
ekki og það á erlendu
máli. Útilokað!“ Mar-
teinn bað hann að líta
upp og rétta bak, því
fæstir hinna kynnu
þetta heldur. Guðfreð-
ur sagði mér, að þeg-
ar hann leit í þessi
fögru augu stjórnand-
ans, full að vináttu og
skilningi, þá hafi það læðzt að sér,
að líklega væru til góðir menn, –
ekki bara illir skálkar. Hann söng
með, eignaðist góða félaga; síðan
varð hann félagi annarra kóra;
Karlakórs Reykjavíkur og margra
fleiri, sem eg kann ekki að telja
alla upp, og þar sem þetta er ekki
grafskrift, hirði eg ekki um að
spyrja mér fróðari svara.
16. maí 1987 stakk Guðfreður
tappa í flöskuna í hinzta sinn. Erf-
itt, þurfti þrekmenni til, og er bar-
áttan varð hvað erfiðust, þá greip
hann nál og tvinna, saumaði út af
slíkri snilli, að við sem höfum séð
trúum vart eigin augum.
Guðfreður hætti að trúa því, að
allir væru vondir skúrkar; hætti að
trúa að lán og gæfa væri einhverj-
um óskabörnum skaparans gefin;
birta og ylur væru skini sólar
tengd, skildi að allt er þetta innra
viðhorfi háð, birtu huga og hjarta-
þels. Og hvílík breyting! Hvert
sem hann leit mætti hann augum
vina, vina sem vildu gefa honum
hlutdeild í hamingju lífsins með
sér. Hann hitti Ingimar Einarsson,
arkitekt, sem hvatti hann til að
flytja af götunni í eigin íbúð,
kenndi honum ráð til. Hann gerð-
ist ræstir Iðnskólans, vann þar til
hann var, fyrir 7 árum, ráðinn
ræstir Guðbrandskirkju á Lang-
holtshæð. Þar hitti eg hann á
hnjánum við að ná gráma af stein-
flís, skrúbbaði og fægði, þar til
samvizkusemi hans starði í augu
þess skapara, er hann þakkar nú
sérhvern dag, er hann vaknar til.
Við tókum tal saman, og allt í einu
rak hann upp þann smitandi hlátur
er fylla myndi hvern dal á Íslandi
og jafnvel yfirgnæfa öldu sem
brotnar við hamravegginn. Á
þeirri stund þakkaði eg fyrir að
hjartað mitt litla var komið í
grisju, því hláturstyrkurinn var
slíkur, að öðrum eins hefi eg aldrei
kynnst.
Önnur mynd samvizkuseminni
tengd: Í morgunsárið var Guðfreð-
ur mættur uppi í kirkju með fötu
sína og skrúbb. Eitthvað var
skrokkskjóðan að kvarta, og kapp-
inn herti tök á skafti, en alltaf
jókst verkurinn fyrir brjósti og út
í hendur. Þar kom, að Guðfreður
þoldi ekki við lengur og hringdi í
neyðarlínuna, svona til að fullvissa
sig um, að einhver pest væri að
ganga. Sjúkrabíll var sendur á
staðinn, og eftir að hafa reynt
tungurótartöflur sínar án árang-
urs, þá bundu þeir sjúklinginn á
börur og hröðuðu sér til dyra.
„Nei, bíðið aðeins við, vinir, ýtið
mér að öryggishnöppum hússins,
eg fer sko ekki út, fyrr en kerfið
er komið á!“ Er á spítalann var
komið, leyndist æfðu liði ekki hvað
var að ske, hjartað að gefa sig, og
æfðar líknarhendur tóku til við að
dytta að lífdælunni.
Miklir örlagavaldar í lífi Guð-
freðs eru öðlingarnir Guðmundur
Jónsson óperusöngvari og kona
hans, Elín. Kennslu Guðmundar,
vináttu þeirra hjóna, örlæti segist
hann aldrei fá fullþakkað. Og núna
á sunnudaginn, 5. sept. kl. 20,
kemur Guðmundur ásamt mörgum
nemum sínum, og söngsystrum og
söngbræðrum inn í Guðbrands-
kirkju, til þess að heiðra Guðfreð á
þeim tímamótum, er hann lætur af
störfum, til að njóta sumaryls lífs-
ins. Vinir hans, starfsfólkið, hefir
undirbúið með honum kveðju- og
þakkarfagnað undir stjórn lista-
hjónanna Jóns Stefánssonar og
Ólafar. Þar sem Guðfreður á lítið
af vösum undir blóm, datt honum í
hug að bjóða ykkur vinum sínum
til söngfagnaðar, biðja ykkur að
greiða fyrir, því sig langi til að
hressa aðeins upp á eldhús safn-
aðarheimilis Guðbrandskirkju í
þökk til þess staðar, er sumarið
hefir vafið hann hlýjast að sér.
Vinkona hans Gerður G. Bjarklind
verður kynnir, og allt listafólkið
leggur það, er það hefir fram að
færa, sem gjöf í þökk til hvunn-
dagshetjunnar fyrir kynnin ljúf.
Vel má vera vinur kær, að þér
sárni við mig þetta skrif, en mig
langar til að sem flestir fái að
njóta listahátíðarinnar með okkur,
og eg gat ekki auglýst: „Blóm af-
þökkuð en munið eftir eldhúsinu.“
Til þess þykir mér of vænt um þig
og Guðbrandskirkju á Langholts-
hæð, líka þá, er sárna mundi að
missa af þessari einstæðu stund.
Kveðja frá Stínu.
Haukur.
UPPBOÐ Uppboð
Uppboð munu byrja á skrifstofu embættisins á Hafnarbraut
25, Hólmavík, sem hér segir á eftirfarandi eignum:
Miðtún 1, Hólmavík. Gerðarþoli Jón H. Halldórsson, eftir kröfu Lífeyr-
issjóðs Vestfirðinga og KB banka, föstudaginn 10. september 2004,
kl. 13:00.
Kópnesbraut 1, Hólmavík. Gerðarþoli Jóhann Pálsson, eftir kröfu
Landssíma Íslands, föstudaginn 10. september 2004, kl. 13:00.
Vonarholt, Hólmavíkurhreppi. Gerðarþoli Hólmfríður Jónsdóttir,
eftir kröfu Tollstjórans í Reykjavík og Kreditkorta hf., föstudaginn
10. september 2004, kl. 13:00.
Arnkötludalur, Hólmavíkurhreppi. Gerðarþoli Hólmfríður Jónsdóttir,
eftir kröfu Tollstjórans í Reykjavík og Kreditkorta hf., föstudaginn
10. september 2004, kl. 13:00.
Hólmavík, 1. september 2004,
Áslaug Þórarinsdóttir sýslumaður.
Uppboð
Framhald uppboðs á eftirfarandi eignum verður háð á þeim
sjálfum sem hér segir:
Dofraborgir 23, 0201, Reykjavík, þingl. eig. Hilmar Hólmgeirsson,
gerðarbeiðendur Íbúðalánasjóður, Íslandsbanki hf., útibú 528 og
Tollstjóraembættið, þriðjudaginn 7. september 2004 kl. 15:00.
Fellsás 7, 0101, Mosfellsbæ, þingl. eig. Jörgen Bendt Pedersen og
Kolbrún Guðjónsdóttir, gerðarbeiðendur Íbúðalánasjóður, Lífeyr-
issjóður sjómanna, Lífeyrissjóður verslunarmanna, Mosfellsbær,
Sparisjóður Reykjavíkur og nágrennis, útibú og Vátryggingafélag
Íslands hf., þriðjudaginn 7. september 2004 kl. 11:30.
Fellsás 7, 0102, Mosfellsbæ, þingl. eig. Kristín Lóa Pedersen, gerðar-
beiðandi Lífeyrissjóður sjómanna, þriðjudaginn 7. september 2004
kl. 11:00.
Grundarhús 14, 0101, Reykjavík, þingl. eig. Margrét Helgadóttir,
gerðarbeiðandi Landssími Íslands hf., innheimta, þriðjudaginn
7. september 2004 kl. 13:30.
Hamratangi 5, 0101, Mosfellsbæ, þingl. eig. Guðrún Helga Kristjáns-
dóttir og Vicente Carrasco, gerðarbeiðendur Og fjarskipti hf. og
Vátryggingafélag Íslands hf., þriðjudaginn 7. september 2004
kl. 10:00.
Lindarbyggð 9, 0101, Mosfellsbær, þingl. eig. Sigurður Björn Sigurðs-
son og Ágústa Daníelsdóttir, gerðarbeiðandi Samskip hf., þriðjudag-
inn 7. september 2004 kl. 10:30.
Sýslumaðurinn í Reykjavík,
2. september 2004.
Uppboð
Framhald uppboðs á eftirfarandi eignum verður háð á þeim
sjálfum sem hér segir:
Helgugata 4, Borgarnesi, þingl. eig. Guðni Haraldsson, gerðarbeið-
andi Byggðastofnun, miðvikudaginn 8. september 2004 kl. 13:30.
Hl. Sæunnargötu 8, Borgarnesi, þingl. eig. Guðbjartur Þór Jóhannes-
son og Ingibjörg Kristín Gestsdóttir, gerðarbeiðendur Íbúðalánasjóð-
ur og Kaupþing hf., miðvikudaginn 8. september 2004 kl. 14:00.
Sumarbústaður nr. 123 fastnr. 222-8788, í landi Dagverðarness í
Skorradal, þingl. eig. Gestur Guðjón Haraldsson, gerðarbeiðendur
Rafmagnsveitur ríkisins, Reykjav., Skorradalshreppur og Trygginga-
miðstöðin hf., miðvikudaginn 8. september 2004 kl. 11:00.
Sýslumaðurinn í Borgarnesi,
2. september 2004.
Stefán Skarphéðinsson, sýslumaður.
R A Ð A U G L Ý S I N G A R
upplýsingar er að finna á mbl.is/upplýsingar
ATVINNU- OG RAÐAUGLÝSINGAR
AUGLÝSINGADEILD netfang: augl@mbl.is, sími 569 1111