Morgunblaðið - 02.12.2004, Síða 44

44 FIMMTUDAGUR 2. DESEMBER 2004 MORGUNBLAÐIÐ
MINNINGAR
✝ Jóhanna Björns-dóttir fæddist á
Surtsstöðum í Jök-
ulsárhlíð í Norður-
Múlasýslu 27. febr-
úar 1912. Hún andað-
ist á elli- og hjúkrun-
arheimilinu Grund í
Reykjavík 25. nóv-
ember síðastliðinn.
Foreldrar hennar
voru Björn Sig-
björnsson bóndi frá
Surtsstöðum í Jök-
ulsárhlíð og Sigrún
Jóhannesdóttir frá
Syðri-Vík í Vopna-
firði. Systkini Jóhönnu eru Sig-
urbjörg, látin, Sigbjörn, látinn,
Jóhann E., látinn, Guðrún, býr á
Egilsstöðum og Bragi, býr á Eg-
ilsstöðum.
Jóhanna giftist í Reykjavík 16.
maí 1936 Sigurði Jónssyni bif-
reiðastjóra, d. 27. janúar 1958.
Börn Sigurðar af fyrra hjóna-
bandi eru Olgeir, f. 9. nóvember
1924 og Anna Clara, f. 26. maí
1927. Börn Jóhönnu
og Sigurðar eru 1)
Ólöf Ósk, f. 3. ágúst
1939, fyrri eigin-
maður Bragi Stef-
ánsson, þau skildu.
Seinni eiginmaður
Axel Þ. Guðmunds-
son, látinn. 2) Björn
Heimir, f. 6. apríl
1946, maki Bryndís
Magnúsdóttir.
Barnabörn, barna-
barnabörn og barna-
barnabarnabörn eru
15.
Jóhanna var hús-
móðir til 1958, en eftir lát eig-
inmanns vann hún utan heimilis,
lengst af hjá Bifreiðastöð Stein-
dórs og síðar hjá BSÍ (Umferðar-
miðstöðinni), eða þar til hún lét af
störfum vegna aldurs. Síðustu ár-
in bjó Jóhanna á elli- og hjúkr-
unarheimilinu Grund í Reykjavík.
Útför Jóhönnu fer fram frá
Fossvogskirkju í dag og hefst at-
höfnin klukkan 15.
Amma er farin.
Minningarnar já, þær raðast ekki
endilega upp í réttri tímaröð og ný-
liðnir dagar þegar amma var svo veik
koma svo sannarlega ekki fyrst upp í
huga minn er ég hugsa til ömmu. Það
eru minningarnar sem eru mér dýr-
mætastar sem koma fyrst upp í hug-
ann. Margar þær bestu eru frá því að
hún bjó í Hraunbænum þegar hún
var upp á sitt besta, sauð sér ýsubita
og ræktaði sína jógúrtgerla í krukk-
um á eldhúsborðinu sem okkur ung-
viðinu þótti nú ekki kræsilegt. En
þetta var víst svo hollt og gott fyrir
heilsuna. Alltaf var gott að koma til
ömmu sem var mikil rólegheitakona
og hafði unun af því að dekra við gesti
sína í mat og drykk. Enginn mátti
fara frá henni án þess að fá sér al-
mennilega að borða því annars var
hún alveg eyðilögð eins og hún orðaði
það. Ég man líka eftir því hvað það
var spennandi að fá að gista hjá
ömmu. Þegar kominn var háttatími
settist amma á sófabrúnina hjá mér
og sagði mér sögur úr sveitinni frá því
að hún var ung. Þarna hef ég án efa
fengið mínar fyrstu kennslustundir í
sögu liðinna ára. Og ekki má gleyma
hestunum. Hún ljómaði þegar hún
rifjaði upp afskipti sín af hestum og
mörg voru ævintýrin sem hún lenti í
með þessum vinum sínum.
Úr Hraunbænum fluttist amma í
Bleikjukvíslina þar sem hún bjó með-
an heilsan leyfði. Þá var nú margt
skrafað.
Ömmu var alla tíð ákaflega umhug-
að um fjölskylduna sína og vildi passa
upp á alla. Daglega var hún í sam-
bandi við Lillu og pabba og athugaði
hvernig allir hefðu það.
Síðustu árin dvaldi amma á Grund.
Líkaminn var þá tekinn að þreytast
mikið og stigversnaði. Það kom að því
að hún gat ekki lengur sinnt handa-
vinnunni sem hún hafði ávallt stundað
af miklum móð og þá lengdust dag-
arnir. Hugurinn var skýr og segja má
að hún hafi lifað fyrir fjölskylduna.
En nú hefur amma fengið lang-
þráða hvíld og er laus úr gamla
þreytta líkamanum sem var hættur
að vinna með henni. Ég trúi því að nú
sé hún loksins komin til Sigurðar afa,
með besta fáanlega útsýnið og vaki
yfir fjölskyldu sinni.
Elsku amma, Guð veri með þér.
Sjáumst síðar.
Þín sonardóttir
Lára B. Björnsdóttir.
JÓHANNA
BJÖRNSDÓTTIR
✝ Sigmundur Stef-án Björnsson
fæddist í Vík í Héð-
insfirði 20. maí 1941.
Hann lést á Fjórð-
ungssjúkrahúsinu á
Akureyri 19. nóvem-
ber síðastliðinn. Móð-
ir Sigmundar var
Halldóra Guðrún
Björnsdóttir, f. 13.
jan. 1916, d. 17. ágúst
1984. Systkini henn-
ar eru: Ása María f.
30. sept. 1910, d. 2.
júní 1956, Sigurður
Halldór, f. 27. mars
1912, d. 16. júlí 1978, Ásgrímur
Guðmundur, f. 15. des. 1913, d. 3.
feb. 1950, Birna Kristbjörg, f. 11.
maí 1918, d. 3. júní 2003, Stefanía
Sóley Ingiríður, f. 18. jan. 1920, d.
18. apríl 1972, Sigurlaug Soffía, f.
13. maí 1921, búsett á Dalbæ á
Dalvík, Kristín Ingibjörg, f. 13.
ágúst 1922, býr í Reykjavík og
Stefán Zophanías, f. 24. feb. 1924,
d. 9. mars 1991. Árið
1951 flutti Sigmund-
ur að Rangárvöllum
í Glæsibæjarhreppi
með móður sinni og
móðursystkinunum
Sigurði, Stefaníu og
Stefáni, ásamt
ömmu sinni Önnu
Lilju Sigurðardótt-
ur, f. 19. sept. 1890,
d. 3. des. 1964. Þau
voru síðustu ábúend-
ur í Héðinsfirði. Ári
síðar fluttu þau að
Kollugerði í sama
hreppi.
Sigmundur var ókvæntur og
barnlaus.
Sigmundur bjó á Akureyri frá
1977 og allt til æviloka. Hann var
starfsmaður hjá skipaafgreiðslu
KEA til ársins 1982 er hann lét af
störfum vegna veikinda.
Útför Sigmundar verður gerð
frá Akureyrarkirkju í dag og
hefst athöfnin klukkan 13.30.
Tilvera okkar er undarlegt ferðalag.
Við erum gestir og hótel okkar er jörðin.
Einir fara og aðrir koma í dag,
því alltaf bætast nýir hópar í skörðin.
En það er margt um manninn á svona stað,
og meðal gestanna er sífelldur þys og læti.
Allt lendir í stöðugri keppni’ um að koma
sér að
og krækja sér í nógu þægilegt sæti.
En þó eru sumir, sem láta sér lynda það
að lifa úti’ í horni, óáreittir og spakir,
því það er svo misjafnt, sem mennirnir
leita að,
og misjafn tilgangurinn, sem fyrir þeim
vakir.
En mörgum finnst hún dýr þessi hóteldvöl
þó deilt sé um hvort hótelið sjálft muni
græða.
En við sem ferðumst eigum ei annars völ,
það er ekki um fleiri gististaði að ræða.
(Tómas Guðmundsson.)
Ég sendi aðstandendum Simma
samúðarkveðjur.
Blessuð sé minning Sigmundar
Björnssonar.
Kveðja
Hannesína Scheving.
SIGMUNDUR
BJÖRNSSON
FRÉTTIR
Morgunblaðið birtir minningargreinar
alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgunblaðið í
fliparöndinni – þá birtist valkosturinn
„Senda inn minningar/afmæli“ ásamt
frekari upplýsingum).
Skilafrestur Ef birta á minningargrein
á útfarardegi verður hún að berast fyr-
lengri en 2.000 slög (stafir með bilum
- mælt í Tools/Word Count). Ekki er
unnt að senda lengri grein. Hægt er að
senda örstutta kveðju, HINSTU
KVEÐJU, 5-15 línur, og votta þeim sem
kvaddur er virðingu sína án þess að
það sé gert með langri grein.
Formáli Minningargreinum fylgir for-
máli, sem nánustu aðstandendur
senda inn.
ir hádegi tveimur virkum dögum fyrr (á
föstudegi ef útför er á mánudegi eða
þriðjudegi). Ef útför hefur farið fram
eða grein berst ekki innan hins tiltekna
skilafrests er ekki unnt að lofa
ákveðnum birtingardegi. Þar sem
pláss er takmarkað getur birting dreg-
ist, enda þótt grein berist áður en
skilafrestur rennur út.
Lengd Minningargreinar séu ekki
Minningargreinar
JÓLAHLUTAVELTA og kaffisala
Sjálfsbjargar, félags fatlaðra á höf-
uðborgarsvæðinu verður haldin í fé-
lagsheimili Sjálfsbjargar, Hátúni 12,
laugardaginn 4. desember og sunnu-
daginn 5. desember, kl. 14–17 báða
dagana. Margt góðra vinninga í boði,
m.a. sjónvarp.
Einnig verður lukkupakkasala og
kórsöngur auk þess sem hugvekja og
barnabókakynning verður á sunnu-
dag.
Jólahlutavelta Sjálfsbjargar
VINNUSTAÐIR og íbúar Sólheima
í Grímsnesi hafa opnað jóla- og
handverksmarkað í verslunarmið-
stöðinni Iðu í Lækjargötu og er
markaðurinn opinn alla daga frá
klukkan níu að morgni til klukkan
tíu að kvöldi.
Sólheimar eru byggðahverfi með
fjölþætta starfsemi þar sem áhersla
er lögð á virðingu fyrir náttúrunni
og einstaklingnum. Fjölbreytt at-
vinnustarfsemi er að Sólheimum, en
þar eru starfandi fjögur fyrirtæki
og sex verkstæði. Framleiðsluvörur
fyrirtækja og verkstæða eru til sýn-
is og sölu á árlegum jóla- og hand-
verksmarkaði í versluninni Iðu.
„Fjölbreytt handverk er frá
smíðastofu s.s. kirkjur, leikföng og
kynjaverur. Frá vefstofu dúkar,
treflar, mottur og veggteppi. Kerta-
gerðin selur kerti úr endurunnu
vaxi í öllum stærðum, gerðum og lit-
um auk kerta úr bývaxi. Bývaxkert-
in eru steypt úr hágæða hráefni sem
hreinsað er án notkunar kemískra
efna og kertin eru svo steypt af mik-
illi natni og nákvæmni. Óróar,
skartgripir, skálar og skrautmunir
unnir úr leir koma frá Keramik
vinnustofu Sólheima. Málverk,
teikningar, skálar, speglar og
skrautmunir frá Listasmiðju. Jurta-
stofa Sólheima hefur á boðstólum
sjampó, hárnæringu og mikið úrval
af sápum unnum úr hráefni úr ís-
lenskri náttúru.
Garðyrkjustöðin Sunna selur m.a.
marmelaði, sultur, chutney og tóm-
atsósu. Auk þess eru til sölu lífrænt
vottuð egg frá Sólheimabúinu.
Að auki er á boðstólum mikill
fjöldi muna frá íbúum Sólheima, s.s.
útsaumur, púðar, jólakort, lampar,
fígúrur og marg fleira,“ segir í til-
kynningu frá Sólheimum.
Íbúar Sólheima opna
jólamarkað í Iðu
FÉLAG íslenskra stórkaupmanna
(FÍS) mótmælir harðlega frumvarpi
til laga sem Alþingi samþykkti með
hraði á mánudag um að áfengisgjald
á sterkt áfengi hækki um 7%.
Í tilkynningu frá FÍS segir:
„Lagasetning þessi er í algerri and-
stöðu við það sem hefur verið að
gerast í nágrannalöndum okkar
undanfarið ár – en eins og kunnugt
er lækkuðu áfengisgjöld af sterku
áfengi í Danmörku um 45% í októ-
ber 2003, Finnar lækkuðu áfengis-
gjöld af öllu áfengi um 33% að með-
altali 1. mars 2004, Svíar stefna að
því að lækka skatta af sterku áfengi
um 40% innan fárra mánaða og
Norðmenn hafa lækkað áfengis-
gjöld um 20% síðan 2002. Íslend-
ingar hækkuðu hins vegar áfeng-
isgjöld á sterkt áfengi um 15% í
skjóli nætur í desember 2002 og aft-
ur í gærkvöld um 7%.“ FÍS segir að
í kjölfar skattahækkananna í des-
ember 2002 hafi umfang af hald-
lögðu smygluðu áfengi aukist um
30% og víngerðarefnabúðum á höf-
uðborgarsvæðinu, sem selji efni til
heimabruggunar, hefur farið ört
fjölgandi síðan.
„Samkvæmt könnun sem fram-
kvæmd var fyrir FÍS í desember
2003 hafði tæpur fjórðungur lands-
manna neytt heimabruggs undan-
farna 12 mánuði og rúmlega þriðj-
ungur ungs fólks á aldrinum 20–29
ára,“ segir í tilkynningunni.
FÍS segir að á ofangreindu megi
sjá að skýrt orsakasamhengi sé á
milli hækkunar á áfengisverði og
aukningar neyslu ólöglegs áfengis á
borð við smyglað og heimabruggað
áfengi. Erlendar rannsóknir bendi
jafnframt til hins sama.
Áfengisgjaldi
harðlega mótmælt
PÉTUR H. Blöndal, formaður efna-
hags- og viðskiptanefndar Alþingis,
segir að frumvarpið um hækkun
áfengis- og tóbaksgjalds hafi verið
afgreitt á þingi með flýti til að koma í
veg fyrir að almenningur stæði í bið-
röðum til að hamstra áfengi og tóbak.
„Þetta er gömul hefð,“ útskýrir hann,
þegar hann er spurður um flýtimeð-
ferðina á frumvarpinu, „Þegar verið
er að hækka álögur á vöru sem
hækkar í verði strax daginn eftir í
verslunum, fer svona í gegn í miklum
flýti.“ Umrætt frumvarp var lagt
fram á Alþingi um kl. 18 í fyrradag og
afgreitt sem lög frá Alþingi tæpum
fjórum tímum síðar.
Pétur rifjar upp að þegar genginu
hafi verið handstýrt, á sínum tíma,
hafi þau mál verið afgreidd með jafn-
miklum flýti, enda hafi ekki mátt til-
kynna gengisbreytingarnar fyrir-
fram. „En það er löngu liðin tíð,“
segir hann.
Skv. áfengisfrumvarpinu hækkaði
áfengisgjald á sterkum vínum um 7%
og tóbaksgjald um 7%. Var í frum-
varpinu reiknað með að smásöluverð
á sterku víni hækkaði um u.þ.b. 5,6%
og verð á tóbaki um 3,7% að jafnaði.
Komið í veg fyrir að
fólk hamstraði áfengi