Morgunblaðið - 03.12.2004, Page 24

24 FÖSTUDAGUR 3. DESEMBER 2004 MORGUNBLAÐIÐ
MINNSTAÐUR
Kelp
Fyrir húð, hár og neglur
PÓSTSENDUM
www.islandia.is/~heilsuhorn
Glerártorgi, Akureyri, s. 462 1889
fæst m.a. í Lífsinslind í Hagkaupum,
Árnesaptóteki Selfossi,
Yggdrasil Kárastíg 1.
Fjarðarkaupum
Borgartúni 24
HÖFUÐBORGARSVÆÐIÐ
Skildinganes | Foreldrar og kennarar í leik-
skólanum Mýri í Litla-Skerjafirði vinna mun
nánar saman en í öðrum leikskólum, enda rek-
ur foreldrafélagið leikskólann, og segja bæði
foreldrar og starfsfólk að það myndist sér-
stakur andi í skólanum sem þeir þakka þessu
rekstrarfyrirkomulagi.
Leikskólinn er lítill, einungis rúmlega 40
börn á þremur deildum, og það eru foreldr-
arnir sem sjá um allan rekstur leikskólans, þó
Reykjavíkurborg greiði sömu upphæð með
hverju barni eins og fyrir börn í leikskólum
sem borgin rekur. Þetta þýðir að í stað þess að
vera starfsmenn borgarinnar eru leikskóla-
kennarar, starfsfólk og leikskólastjóri á Mýri í
vinnu hjá foreldrum barnanna sem myndar
sterk tengsl foreldranna við leikskólann.
Reksturinn gengur vel og geta foreldrarnir
sparað í rekstrinum með því að gera ýmsa
hluti sjálfir, loka leikskólanum í sumarfríinu
og annað, og reyna þá að láta starfsmennina
njóta þess í aðeins betri launum. Ef vel gengur
og afgangur er af rekstrinum er líka reynt að
láta starfsmennina njóta þess í formi bón-
usgreiðslna, þó það sé ekki alltaf hægt, enda
reksturinn misjafn milli ára, segir Elín Smára-
dóttir, formaður stjórnar foreldrafélagsins.
Elín hittir blaðamann yfir kaffibolla á lítilli
en huggulegri kaffistofu starfsmannanna,
ásamt Kjartani Valgarðssyni, sem er í stjórn
foreldrafélagsins, og Unni Jónsdóttur, sem
verið hefur leikskólastjóri frá stofnun skólans
fyrir 15 árum síðan.
Starfið á leikskólanum mótast óhjákvæmi-
lega mikið af því húsnæði sem hann starfar í.
Leikskólinn Mýri hefur frá upphafi verið starf-
ræktur í fornfrægu húsi sem var byggt árið
1906, og stóð áður við Reykjavíkurtjörn, en
vék fyrir nýju Ráðhúsi Reykjavíkur og var
flutt í Litla-Skerjafjörð.
Leikskólinn Mýri var stofnaður fyrir 15 ár-
um sem foreldrarekinn einkaleikskóli, og var
það hópur af konum sem voru unglæknar sem
ákváðu að stofna leikskólann. Ástæðurnar
voru mótaðar af tíðarandanum, en þá var ekki
hægt að fá leikskólapláss nema hálfan daginn
nema fyrir einstæða foreldra. Fyrst um sinn
þurftu foreldrarnir sem áttu börn á leikskól-
anum að greiða mun hærra verð fyrir leik-
skólaplássið en foreldrar á öðrum leikskólum,
en eftir að gerður var þjónustusamningur við
Reykjavíkurborg árið 1996 hafa leik-
skólagjöldin verið þau sömu á þessum leik-
skóla og leikskólum sem Reykjavíkurborgar.
Munurinn á foreldrareknum leikskóla og
hefðbundnum er sá að foreldrarnir fá í raun
peningana sem Reykjavíkurborg leggur leik-
skólanum til og þeir sjá um allan rekstur á
leikskólanum, ráða starfsfólk, sjá um húsnæði
og annað þess háttar. „Þessi leikskóli er rek-
inn með þessu framlagi, auk þess sem foreldr-
arnir leggja fram vinnu, sem sparar kostn-
aðinn aðeins, og við getum því borgað
starfsfólkinu örlítið hærri laun,“ segir Elín.
Starfsfólkið ánægt með fyrirkomulagið
Þetta rekstrarfyrirkomulag skilar greini-
lega ánægðara starfsfólki að mati Elínar, enda
helst Mýri vel á starfsfólki. „Fólk vill vinna á
þessum litla leikskóla í þessum nánu tengslum
við foreldrana. Þetta er öðruvísi heldur en
gengur og gerist á öðrum leikskólum.“
Til þess að leikskólinn nái endum saman
hafa foreldrarnir alltaf unnið talsvert fyrir
leikskólann, fyrstu árin leystu foreldrar af í
forföllum leikskólakennara, elduðu mat ef
matráðskonan var veik og annað þessháttar.
Segja má að dregið hafi úr þessari vinnu for-
eldra, en þeir gera engu að síður talsvert mikið
fyrir leikskólann umfram það sem foreldrar
gera á öðrum leikskólum.
Í dag taka foreldrarnir að sér að leysa
starfsfólkið af í eina og hálfa klukkustund á
meðan starfsmannafundum stendur annan
hvern mánudag, og skiptast allir foreldrarnir á
að taka það að sér. Framkvæmdanefnd for-
eldranna sér um minni háttar viðhald og ým-
islegt smálegt sem þarf að gera. Foreldrarnir
gera árlega vorhreingerningu á leikskólanum
og á haustin hittast þeir og taka slátur sem
endist leikskólanum allan veturinn.
Þessi störf foreldranna fyrir leikskólann
spara það fé sem fer til reksturs hans, og einn-
ig er reynt að fara sparlega með fé almennt.
T.d. er leikskólanum lokað í fimm vikur á
hverju sumri til að ekki þurfi að ráða afleys-
ingafólk. Elín segir að á hverju vori séu greidd
atkvæði meðal foreldra um hvort loka eigi leik-
skólanum næsta sumar eða ráða afleysingafólk
til starfa, og hingað til hafi það ekki brugðist
að foreldrar samþykki sumarlokunina, og miði
sitt sumarfrí við frí barnanna á leikskólanum.
Unnur segir það ekki bara vera sparnaðar-
ráðstöfun, heldur sé það einnig ákaflega gott
fyrir börnin að fara öll í frí á sama tíma, og
koma á sama tíma aftur úr fríinu.
„Þetta foreldrasamstarf gerir allt starfið að
öllu leyti einhvern veginn öðruvísi heldur en
hjá borgarskólunum. Andinn er öðruvísi, sam-
starfið er öðruvísi. Það vita allir foreldrar til
hvers er ætlast af þeim og þess vegna held ég
að foreldrarnir líti meira á skólann sem sinn
leikskóla,“ segir Kjartan. Hann segir kröfur
foreldra vissulega verða öðruvísi við þessar að-
stæður, og ýmislegt sem þeir myndu ef til vill
pirra sig á hjá öðrum leikskólum sé í lagi á
þessum.
Dugleg að borða slátrið
Krakkarnir upplifa leikskólann sinn aðeins
öðruvísi þegar foreldrarnir taka svo virkan
þátt í starfinu. „Það koma foreldrar og gæta
þeirra tvisvar í mánuði og krakkarnir eru
mjög spenntir að vita hvenær þeirra foreldrar
komi eiginlega. Svo eru þau ofsalega dugleg að
borða slátrið, og vita nákvæmlega hvernig
þetta slátur verður til,“ segir Elín.
Kjartan segir að vegna þess hversu tengdir
foreldrarnir eru rekstrinum og starfseminni
allri séu þeir minna að krefjast þess að hús-
næði, leikföng og annað þvílíkt þurfi að vera
nýtt og flott, en í staðinn sé meiri áhersla á að
starfið sjálft sé gott. Unnur tekur undir þetta,
og segist geta fullyrt að þetta samstarf við for-
eldrana virki mjög jákvætt á leikskólann.
„Það kemur öllum til góðs, bæði börnunum
og okkur starfsfólkinu. Það verður svolítið
nánara á milli starfsfólksins og foreldra, verð-
ur einhvern veginn huggulegra, þó það gæti
líka haft með það að gera að þetta er lítill leik-
skóli, fólk mætist í stigunum og annað þess-
háttar,“ segir Unnur.
Foreldrar barnanna á leikskólanum Mýri reka sjálfir leikskólann við mikla ánægju starfsmanna
Foreldrarnir vinna til að lækka kostnað
Morgunblaðið/Jim Smart
Afmæli Krakkarnir á Mýri héldu veislu á dögunum til að fagna 15 ára afmæli skólans.
STEFNT er að því að fjölga íbúum
á Eyjafjarðarsvæðinu um 1500
manns á þremur árum. Þetta er eitt
af markmiðum Vaxtarsamnings
Eyjafjarðar en formleg vinna við
hann er nú hafin. Samningurinn var
undirritaður á liðnu sumri og fjallar
um markvissa atvinnuuppbyggingu
og nýsköpun á Eyjafjarðarsvæðinu
en verkefnið mun standa til ársins
2007.
Þorsteinn Gunnarsson formaður
stjórnar Vaxtarsamnings Eyjafjarð-
ar sagði að lykilþátturinn í verkefn-
inu væru svonefndir klasar, þ.e.
matvælaklasi, ferðaþjónustuklasi,
heilsuklasi og mennta- og rann-
sóknarklasi. Verkefnastjórar verða
ráðnir nú á næstunni og í kjölfarið
hefst formleg vinna við verkefnið,
m.a. í samstarfi við fyrirtæki og
stofnanir á svæðinu. Halldór R.
Gíslason, starfsmaður Atvinnuþró-
unarfélags Eyjafjarðar, hefur verið
ráðinn verkefnastjóri yfir verkefn-
inu.
„Markmiðið með Vaxtarsamn-
ingnum er m.a. að efla Eyjafjarð-
arsvæðið og gera það að eftirsótt-
um valkosti til búsetu,“ sagði
Þorsteinn.
Ríkissjóður mun leggja til 90
milljónir króna í verkefnið, KEA 35
milljónir og Atvinnuþróunarfélagið
fyrir hönd sveitarfélaga í Eyjafirði
17,5 milljónir króna, alls 142 millj-
ónir króna en að auki hefur verið
samið við stofnanir um framlög í
formi sérfræðivinnu.
Vaxtarsamningur byggist á að-
ferðafræði sem miðar að því að
auka samkeppnishæfi einstakra
landsvæða, efla hagvöxt, þróa og
styrkja vaxtargreinar þeirra og efla
svæðisbundna sérþekkingu. Eyja-
fjarðarsamningurinn mun taka mið
af sambærilegum aðferðum en fyr-
irmynd hans er í grunnatriðum sótt
til Oulu-svæðisins í Finnlandi þar
sem hliðstætt verkefni stendur nú
yfir og þar er m.a. fyrirtækjarisinn
Nokia með höfuðstöðvar.
Halldór Gíslason verkefnisstjóri
sagði að næstu skref varðandi
framkvæmd samningsins væru að
ráða verkefnisstjóra og verður það
gert nú í desember. Þá verða
haldnir kynningarfundir, m.a. mun
útlendur sérfræðingur í kjarnaklasa
flytja erindi í janúar. Halldór gerir
svo ráð fyrir að með vorinu, í mars
eða apríl ættu fyrstu klasaverkefnin
að fara af stað á Eyjafjarðarsvæð-
inu.
Formleg vinna við Vaxtarsamning Eyjafjarðar hafin
Um 150 milljónum
varið til verkefnisins
Morgunblaðið/Kristján
Vaxtarsamningur Eyjafjarðarsvæðisins Þorsteinn Gunnarsson, formað-
ur stjórnar verkefnisins, Halldór R. Gíslason verkefnisstjóri, Baldur Pét-
ursson, iðnaðarráðuneyti, og Benedikt Sigurðarson, formaður stjórnar
KEA, en báðir sitja í stjórn verkefnisins sem kynnt var í gær.
AKUREYRI
Sól í hól| Sýningin „Sól í hól“ sem
opnuð var í Gömlu kartöflugeymsl-
unni um seinustu helgi verður lengd
vegna fjölda áskorana.Ólöf Sigríður
Davíðsdóttir og „Nói“, Jóhann Ingi-
marsson, eru með listmuni sína til
sýnis í gömlu kartöflugeymslunni í
Gilinu sem til stóð til að rífa en á nú
að endurbyggja og gera að arki-
tektastofu. Hugmyndina að sýning-
unni fékk Ólöf þegar hún var í heim-
sókn á Akureyri og fékk Nóa í lið
með sér. Ólöf er glerlistakona og býr
á Brákarey í Borgarnesi, Nói er fjöl-
listamaður og býr á Akureyri. Þau
vinna bæði í efni sem aðrir eru búnir
að farga og er þetta því sýning á
munum sem búnir eru til úr efni sem
aðrir voru hættir að nota í húsi sem
einnig var hætt að nota. Sýningin
verður opin um helgina 4.og 5. des-
ember frá 13 til 18.
Farangur| Jón Laxdal Halldórsson
setur upp á morgun, laugardaginn 4.
desember, sína elleftu sýningu á
Kaffi Karólínu. Sýningin hangir uppi
til áramót og heitir Farangur.
Kristján áritar| Kristján Jóhanns-
son áritar nýju plötuna sína á Ak-
ureyri á föstudag, 3. desember. Hún
kom út á miðvikudag, 1. desember
og heitir „Portami via“ . Kristján
verður í Hagkaupum kl. 14, í Penn-
anum/Eymundssyni í versl-
unarmiðstöðinni Glerártorgi kl. 16
og Nettó kl. 17.30.
  
ÍÞRÓTTABANDALAG Akur-
eyrar, ÍBA efnir til viðamikillar
sýningar í íþróttahúsi Síðu-
skóla á laugardag, 4. desember,
í tilefni af 60 ára afmæli banda-
lagsins. Öll 17 aðildarfélög ÍBA
auk fleiri kynna starfsemi sína
og þá verður fjölbreytt dagskrá
meðan á sýningu stendur eða
frá kl. 10 til 17.
Til marks um öflugt íþróttalíf
í bænum má nefna að um 3.300
iðkendur eru innan vébanda
ÍBA, 15 ára og yngri, en fé-
lagsmenn eru alls um 6.000
talsins.
Meðal dagskráratriða er fim-
leikasýning, júdó, taekwondo,
hástökk, línudans, þolfimisýn-
ing, boccia og badminton. Þá
verða fluttir fyrirlestrar um
hreyfingu og hreyfingarleysi
barna og kynjamun í hreyfingu
og meiðslum.
Íþróttabandalag
Akureyrar 60 ára
Sýning í
Síðuskóla