Morgunblaðið - 03.12.2004, Side 51
MORGUNBLAÐIÐ FÖSTUDAGUR 3. DESEMBER 2004 51
DAGBÓK
Hvar er LÍN?
ÉG undirritaður er nemandi við
Söngskólann í Reykjavík. Ég er á
fyrsta ári í skólanum. Mér finnst
mjög gaman að vera í þessu námi
enda er ég með svo frábæran söng-
kennara – Sigurð Bragason. Hann er
meiriháttar. Ég er 23 ára gamall. Ég
hef einnig verið viðloðandi kórastarf
frá því ég var ungur strákur, fyrst í
barnaskóla og svo menntaskóla, og
nú í dag er ég í stórum og góðum kór
sem gefur mér mjög mikið.
Það sem mér hefur fundist verst
við þetta nám er það hvað þetta er
allt saman dýrt. Ég borga allt að
100.000 fyrir önnina í skólanum. Síð-
an á maður náttúrulega eftir að borga
bækur og það getur verið kostnaður
upp á 20–30 þúsund ef allt er talið.
Svo er auðvitað ýmislegt annað sem
fellur til eins og tónleikar, uppá-
komur og fleira sem við þurfum í
mörgum tilfellum að bera kostnaðinn
af sjálf.
Mig langar að spyrja einnar spurn-
ingar. Hvar er Lánasjóður íslenskra
námsmanna þegar kemur að okkur
ungu krökkunum sem erum að byrja
í þessu námi? Er lánasjóðurinn bara
ætlaður og hugsaður fyrir þá nem-
endur sem eru að klára söngnámið og
hugsanlega að fara að læra söng-
kennarann? Námið í Söngskólanum
er átta stig. Grunnnám, miðnám og
framhaldsnám. Ég er sjálfur í grunn-
námi.
Mér eins og öðrum finnst ósann-
gjarnt að námið sé bara niðurgreitt
fyrir þá sem eru að klára námið.
Hvers eigum við að gjalda sem erum
að byrja? Ég hef lesið mér til um það
á Netinu að ýmsar borgir og lönd
borgi fyrir sína nemendur í söng-
skólum þegar þeir hefja sitt nám. Af
hverju er þetta ekki borgað á Íslandi?
Er söngnám ekki metið til jafns við
aðra menntun í þjóðfélaginu? Mér er
spurn.
Takið ykkur nú saman, kæru ráða-
menn þessa lands, og hjálpið okkur
ungu námsmönnunum að byrja okkar
nám í Söngskólanum. Ég veit að sum-
ir nemendur geta og hafa vel efni á
þessu námi en aðrir eru úr tekju-
litlum fjölskyldum og hafa ekki efni á
að stunda námið.
Nú er tækifærið. Hlúið að söng-
námi æskunnar.
Valgeir Matthías Pálsson,
Vallhólma 6, Kóp.
Velvakandi
Svarað í síma 5691100 frá 10–12
og 13–15 | velvakandi@mbl.is
Bændasamtökin hafa undanfarnar vikurstaðið fyrir almennum bændafundumþar sem farið hefur verið yfir stöðu ogstarfsemi Bændasamtaka Íslands.
Alls hafa nú verið haldnir 20 fundir og aðeins
einn eftir, en hann fer fram á Kirkjubæjarklaustri
9. desember. Haraldur Benediktsson, formaður
bændasamtakanna, segir mætingu og undirtektir
hafa verið mjög góðar. „Flesta daga hafa verið
tveir fundir á dag og eru dagfundirnir frekar
daufari í mætingu. Eitthvað um 500 bændur hafa
komið á fundina. Bændasamtökin eru mjög
ánægð með hvernig til hefur tekist. Undirtektir
eru góðar og í raun ekkert samhengi á milli hvort
fundir eru fjölmennir eða fámennir, þeir hafa allir
verið mjög málefnanlegir. Viðhorfin eru greini-
lega mjög misjöfn á milli landshluta og áherslur í
umræðum mismunandi á milli svæða. Þessir fund-
ir eru nauðsynlegir fyrir okkur, að heyra sjónar-
mið bænda. Bændur sem mæta á þessa fundi hafa
með komu sinni áhrif á umræðuna og hvernig tak-
ast skal á við verkefnið að vera í forustu fyrir
greinina. Bændur skulu ekki vanmeta hve gífur-
lega mikilvægt það er fyrir okkur að heyra þeirra
sjónarmið.“
Hvað brennur á bændum?
„Eins og áður segir er misjafnt á milli land-
svæða. Við framkvæmdum skoðanakönnun á
fundunum þar sem við báðum bændur að velta
fyrir sér þremur spurningum. Upp úr stendur hve
afkoman er slök, binding mikil og vinna við bú-
störf er mikil. Margir nefna nauðsyn þess að
koma á fót einhvers konar stétt manna til að leysa
af á búum. Eins hefur fólk áhyggjur af þróun í
samþjöppun á framleiðsluheimildum og verði á
þeim. Jarðasölumál voru mjög mikið rædd. Einn-
ig er ljóst að bændur telja sig ekki njóta jafnréttis
til lánafyrirgreiðslu hvar sem þeir búa.“
Hvað þurfa bændur að tileinka sér á 21. öld?
„Landbúnaður er eins og aðrar atvinnugreinar í
stöðugri þróun. Hér áður var landbúnaður skil-
greindur fyrst og fremst sem framleiðsla á mjólk
og kjöti. Í dag er landbúnaður miklu meira en það.
Það er ljóst að alþjóðasamfélagið mun í vaxandi
mæli stjórna hvernig heimilt verður að styðja við
landbúnað, sem við segjum að sé meginstoðin við
byggð í sveitum. Það er nauðsynlegt að ekki verði
neinar kollsteypur, það þolir hefðbundinn land-
búnaður illa, og að við búum okkur undir framtíð-
ina tímanlega. Þarna eigum við sóknarfæri að efla
landbúnaðinn og tryggja fjölbreytileika hans.“
Landbúnaður | Bændafundir bændasamtakanna hafa staðið yfir í nóvember
Atvinnugrein í stöðugri þróun
Haraldur Benedikts-
son er fæddur á Akra-
nesi árið 1966. Hann
lauk námi frá Bænda-
skólanum á Hvanneyri
og varð síðan lausráð-
inn starfsmaður
Bændaskólans og
Rannsóknarstofnunar
landbúnaðarins.
Haraldur hefur starfað
við búrekstur á Vestri-
Reyni frá 1984. Hann var kjörinn formaður
Búnaðarsamtaka Vesturlands frá 2002 og
Bændasamtaka Íslands frá mars 2004.
Haraldur er kvæntur Lilju Guðrúnu Eyþórs-
dóttur og eiga þau tvö börn.
OPIÐ hús verður í Glerblásturs-
verkstæðinu á Kjalarnesi um
helgina. Þar geta gestir fylgst með
glerblæstri og mótun, og mun m.a.
ungur glerblásari frá Bandaríkj-
unum, Evan Schauss sýna listir sín-
ar ásamt íslenskri stúlku, Maríu
Dröfn, sem nýverið útskrifaðist frá
glerblástursskóla í Svíþjóð.
„María Dröfn er í rauninni annar
Íslendingurinn sem menntar sig í
glerblæstri sem ég veit um,“ segir
Sigrún Einarsdóttir, eigandi Gler-
blástursverkstæðisins, en hún hefur
stundað glerblástur og glerlist síðan
1982. „Glermótun og blástur er eitt
af erfiðari handverkum. Þetta er
mjög gömul handverksgrein og þau
verkfæri sem eru notuð í hefð-
bundnum glerblæstri eru svipuð í
prinsippinu og á miðöldum, þegar
glerblástursstóllinn kom til sög-
unnar. Gler er mjög merkilegt efni, í
senn gegnsætt og ógagnsætt, fljót-
andi og hart.“
Kaffi og piparkökur verða í boði
fyrir gesti og segir Sigrún alla vel-
komna í heimsókn.
Glerblástursverkstæði opnar dyr sínar
Verkstæðið er milli Klébergsskóla
og Grundarhverfis og verður opið
á laugardag kl. 10–17 og á sunnu-
dag kl. 10–15.
JÓHANN Hjálmarsson er
skáld mánaðarins hjá
Þjóðmenningarhúsinu og
af því tilefni verður hald-
in dagskrá honum til
heiðurs í Bókasal Þjóð-
menningarhússins í dag
kl. 17.
Þar mun Gauti Krist-
mannsson flytja erindi
um Jóhann, ljóð hans og
ljóðaþýðingar auk þess
sem Guðmundur Emilsson kynn-
ir tónverk fyrir hljómsveit og
kór eftir bandaríska tón-
skáldið William Harper,
samið við ljóðið Marlíð-
endur úr svonefndum
Eyrbyggjuþríleik Jó-
hanns. Þá mun Jóhann
Hjálmarsson lesa ljóð sitt
og einnig verður fluttur
kafli úr verkinu af hljóm-
diski.
Að lokum mun síðan
Silja Aðalsteinsdóttir
spjalla við skáldið og opna fyrir
umræður. Dagskráin er opin.
Ferðalög skáldskaparins
Jóhann
Hjálmarsson
..
Simms Guide jakki
Þú ert alltaf þurr í Guide
Gore-tex jakka frá Simms.
Aðeins kr. 36.800
Hafnarstræti 5 - sími 551 6760 • www.veidihornid.is • Síðumúla 8 - sími 568 8410
Sendum samdægursMunið gjafabréfin
Fyrir veiðimanninn
í fjölskyldunni þinni
Mesta úrval landsins af veiðivörum
Prologic vöðlur
4 mm neopren vöðlur með
Max4 mynstri frá Prologic.
Aðeins kr. 12.900
Ron Thompson kastveiðisett
Ron Thompson grafit kaststöng
og Okuma Aliax hjól með 8 legum
og aukaspólu.
Aðeins kr. 12.500
Leirdúfukastari
Leirdúfukastari fyrir 1 eða 2
leirdúfur. Frábært verð.
Aðeins kr. 5.990
Perfect Cast DVD
Einhver besta veiðimynd sem tekin hefur
verið upp á Íslandi. Góð kastkennsla.
Aðeins kr. 3.990
Dr. Slick hnýtingaverkfæri
Vönduð amerísk fluguhnýtingaverk-
færi í handhægu boxi. Frábært verð.
Aðeins kr. 3.995
Hnýtingamyndbönd
Fluguhnýtinganámskeið á
2 íslenskum myndbönd-
um. Samtals um 4 klst.
Aðeins kr. 3.990
Scierra fluguveiðisett
3ja hluta stöng, diskabremsuhjól, upp-
sett flotlína og kastkennsla á DVD.
Aðeins kr. 19.900
demetra
opnar í dag föstudaginn 3. desember
nýja og glæsilega verslun með kristal
og handunnar glervörur.
Frábær opnunartilboð
Allir velkomnir!
demetra
Skólavörðustíg 21a, sími 551 1520
NÚ á sunnudag lýkur sýningunni
Þrjár af okkur, sem listakonurnar
Áslaug Höskuldsdóttir, Ingunn
Erna Stefánsdóttir og Guðrún Indr-
iðadóttir opnuðu á dögunum í Bak-
salnum í Galleríi Fold við Rauðar-
árstíg, en listakonurnar reka
saman leirlistarvinnustofuna Okk-
ur í Brautarholti 16 ásamt fleirum.
Verkin á sýningunni eru öll unn-
in á þessu ári í steinleir eða postu-
lín, enda er leirinn aðal viðfangs-
efni þeirra. Form og vinnsluaðferð-
ir eru þó mjög mismunandi og
höfundareinkenni augljós, en efni
og litir tengja verkin saman. Þann-
ig verður úr samstæð sýning
þriggja einstaklinga.
Sýningarlok í Fold