Morgunblaðið - 03.01.2005, Blaðsíða 2

2 MÁNUDAGUR 3. JANÚAR 2005 MORGUNBLAÐIÐ
FRÉTTIR
Söfnunarsíminn er 907 2020
Með því að hringja í söfnunarsímann leggur þú fram 1.000 kr. til hjálparstarfsins
í Asíu. Einnig er hægt að leggja fram fé með kreditkorti á www.redcross.is,
eða millifærslu á bankareikning 1151-26-000012, kt. 530269-2649.
M
Á
T
T
U
R
IN
N
&
D
Ý
R
Ð
IN
kostar birtingu auglýsingarinnar
FLUGVÉL FARIN UTAN
60 milljónir króna hafa safnast hér
á landi til neyðarhjálpar Rauða kross-
ins á jarðskjálfta- og flóðasvæðum í
Asíu. Fjárhæðin er komin frá al-
menningi, stjórnvöldum, fyrirtækjum
og félagasamtökum. Sex íslenskir
læknar og tólf hjúkrunarfræðingar
fóru til Taílands í gær á vegum Land-
spítala – háskólasjúkrahúss til þess
að sækja slasaða sænska ferðamenn
á hamfarasvæðunum í Asíu.
Margra þúsunda enn saknað
Sameinuðu þjóðirnar telja að líða
muni mörg ár áður en ástandið verði
aftur eðlilegt á flóðasvæðunum í Asíu.
Alþjóðlegt hjálparstarf er sagt vera
farið að bera árangur og safnast hafa
sem svarar um 120 milljörðum króna
um allan heim. Talið er að allt að 150
þúsund manns hafi farist, langflestir
þeirra Asíubúar. Öruggt má telja að
um 400 Evrópumenn hafi farist og
líklegt að sú tala eigi eftir að hækka
mikið. Þjóðarsorg var í Svíþjóð, Nor-
egi og Finnlandi á nýársdag og í Dan-
mörku í gær vegna manntjónsins.
Rýmt vegna snjóflóðahættu
Almannavarnanefnd Ísafjarðar-
bæjar ákvað í gærkvöldi að rýma
svæði vegna snjóflóðahættu. Meðal
þeirra svæða sem rýma átti voru
svæði C í Skutulsfirði og M-N-O-
svæði í Hnífsdal. Nefndin leggur
áherslu á að íbúar haldi sig innandyra
og fylgist vel með veðri, veðurspá og
tilkynningum almannavarnanefndar,
en Veðurstofan spáir vondu veðri.
Janúkovítsj neitar enn
Víktor Janúkovítsj neitar enn að
viðurkenna ósigur sinn í forsetakosn-
ingunum í Úkraínu á öðrum degi jóla.
Janúkovítsj sagði af sér embætti for-
sætisráðherra í sjónvarpsávarpi á
gamlárskvöld.
Hætta hormónanotkun
Tæp 50% kvenna, á aldrinum 47–
53 ára, sem notað hafa tíðahvarfa-
hormón, hafa hætt því m.a. af ótta við
aukaverkanir. Þetta er niðurstaða
rannsóknar við hjúkrunarfræðideild
HÍ árið 2004.
Y f i r l i t
Í dag
Sigmund 8 Skák 43
Minn staður 12 Brids 43
Erlent 16 Dagbók 48/51
Daglegt líf 18/24 Menning 52/57
Forystugrein 30 Leikhús 52
Umræðan 32/36 Bíó 54/57
Bréf 37 Ljósvakar 58
Auðlesið efni 38 Veður 59
Minningar 39/42 Staksteinar 59
* * *
Kynningar – Morgunblaðinu í dag
fylgir auglýsingablaðið Glæsilegar
sérferðir Heimsferða 2005.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
í hverju þjóðfélagi. Þann kjarna þarf
að styrkja og treysta og við höfum
komið til móts við breyttar kröfur með
fæðingarorlofi fyrir báða foreldra,
sem var mikið jafnréttismál. Að sama
skapi höfum við lagt áherslu á að allir
geti eignast sitt eigið húsnæði. En bet-
ur má ef duga skal,“ sagði Halldór.
Börnin afgangsstærð
Ólafur Ragnar Grímsson, forseti Ís-
lands, sagði í nýársávarpi sínu að hann
hefði ákveðið að stofna til íslensku
menntaverðlaunanna sem yrðu ásamt
íslensku bókmenntaverðlaununum og
útflutningsverðlaununum helstu verð-
laun úr hendi forseta Íslands. Ís-
lensku menntaverðlaunin yrðu eink-
um bundin við grunnskólastarfið enda
hvað mikilvægast að rækta þar garð-
inn og skapa samstöðu sem dygði um
langa framtíð. Leitað yrði víðtæks
samstarfs um að gera verðlaunin vel
úr garði og tilnefninga óskað frá
foreldrum, nemendum, kennurum og
HALLDÓR Ásgrímsson, forsætisráð-
herra, hefur ákveðið að setja af stað
vinnu við að meta stöðu íslensku fjöl-
skyldunnar. Í sjónvarpsávarpi á gaml-
árskvöld sagði hann ýmis teikn á lofti
um að gömul og gróin fjölskyldugildi
væru á undanhaldi með óæskilegum
afleiðingum. Samheldni fjölskyldna
virtist minni og börnin þyrftu um-
hyggju foreldra sinna og tíma fyrir
leik og samræðu.
„Hverju er um að kenna? Langur
vinnudagur margra er auðvitað nær-
tæk ástæða, en örugglega ekki eina
skýringin. Er mögulegt að ýmiss kon-
ar afþreying tefji svo fyrir börnum og
fullorðnum að heimanám, elskulegur
agi og uppeldi líði fyrir? Er ástæða til
að sjá fjölskyldugerð fyrri tíma í hill-
ingum? Hefur stórfjölskyldan gefið
um of eftir? Látum við aðra um upp-
eldi barna okkar – dýrmætustu eign-
ina í lífinu?
Það er bjargföst trú mín að sam-
heldin og ástrík fjölskylda sé kjarninn
öllum sem meta skólastarfið mikils.
Karl Sigurbjörnsson, biskup Ís-
lands, ljáði einnig máls á annríki for-
eldra og vanrækslu barna í messu í
Dómkirkjunni á nýársdag.
„Það er alveg ljóst að við þurfum að
vakna upp og meta börnin meira og
gefa þeim tíma, börnunum sem sann-
arlega er mikilvægasta auðlind lands-
ins. Sú auðlind virðist afgangsstærð á
Íslandi. Það virðist enginn tími fyrir
börnin. Þau verða fórnarlömb lífs-
gæðakapphlaupsins. Vanlíðan barn-
anna, kvíði og vonleysi ber því vitni, og
alls konar dæmi um vanrækslu sem
börnin okkar líða. Það er auðvelt að
skella skuldinni á kerfið en er ekki
eitthvað að hvað varðar gildismat okk-
ar sjálfra? Er ekki kominn tími til að
horfa í eigin barm, er ekki eitthvað al-
varlegt að þegar við megum varla
vera að því að sinna því sem mestu
máli skiptir?“ spurði biskup.
Æska landsins var umfjöllunarefni í áramótaávörpum
Meta á stöðu íslensku
fjölskyldunnar
 Áramótaávörp/28–31
FYRSTA barn ársins 2005 fæddist
á Ísafirði kl. 7.49 að morgni nýárs-
dags. Áramótabarnið er stúlka sem
mældist 3.370 g og 51 sentimetri.
Foreldrar hennar eru þau Anna
Lára Guðmundsdóttir og Árni Víðir
Alfreðsson. Þetta er fyrsta barn
Önnu Láru en fjórða barn Árna
Víðis.
Aðspurður segir Árni Víðir allt
hafa gengið vel og að bæði móður
og barni heilsist vel. Að sögn Árna
Víðis var fæðingin upphaflega sett
20. desember og áttu þau Anna
Lára því alls ekki von á dótturinni
snemma á nýju ári. „Það kom okkur
í sjálfu sér ekkert á óvart að hún
færi eitthvað framyfir tímann, en
við áttum þó alls ekki von á því að
það yrði svona langt framyfir.“ Að
sögn Árna Víðis byrjuðu hríðirnar
seinnipart gamlársdags og þegar
líða fór á nóttina hafi það farið að
hvarfla að þeim Önnu Láru að
mögulega yrði dóttur þeirra fyrsta
barn ársins.
Spurður hvernig dóttirin tæki
allri þeirri athygli sem hún fái sem
fyrsta barn ársins segir Árni hún
taka henni með mikilli ró. „Hún er
alveg sallaróleg yfir þessu. Reynd-
ar fara flössin á myndavélunum
svolítið í hana, en að öðru leyti er
hún alveg róleg.“
Fyrsta barnið á höfuðborgar-
svæðinu leit ekki dagsins ljós fyrr
en síðdegis á nýársdag er lítil
stúlka kom í heiminn.
Ljósmynd/Sigurjón J. Sigurðsson
Fyrsta barn ársins 2005 fæddist á Ísafirði. Áramótabarnið er stúlka sem
hér liggur í faðmi móður sinnar, Önnu Láru Guðmundsdóttur. Við hlið
þeirra stendur faðirinn, Árni Víðir Alfreðsson, og eldri börnin hans þrjú,
Stefán Halldór, Rannveig og Anna Steinunn.
Fyrsta barn
ársins
fæddist á
Ísafirði
SKATTAR dæmigerðra fjölskyldna
í borginni hækka um tugi þúsunda á
þessu ári vegna skattahækkunar
R-listans. Þetta kemur fram í aug-
lýsingu sem borgarfulltrúar Sjálf-
stæðisflokksins
birta í Morgun-
blaðinu í dag.
Auglýsingin ber
yfirskriftina:
„Jólagjöfin sem
þú getur ekki
skilað.“
Í fréttatilkynn-
ingu frá borgar-
stjórnarflokki
Sjálfstæðis-
flokksins segir að
eitt síðasta verk R-listans fyrir jól
hafi verið að staðfesta verulegar
skatta- og gjaldahækkanir á Reyk-
víkinga í fjárhagsáætlun fyrir árið
2005, þvert á þau loforð sem gefin
voru fyrir kosningar 2002. Í auglýs-
ingunni eru tekin þrjú dæmi vegna
hækkunar útsvars, fasteignaskatta,
sorphirðugjalds og leikskólagjalds
þar sem annað foreldri er í námi:
Hjón með 6 m. kr. í árstekjur,
sem búa í íbúð þar sem fasteigna-
mat er 15 m. kr. greiða 25.772 kr.
meira árið 2005 en þau gerðu árið
2004.
Hjón með 3 m. kr. í árstekjur,
sem búa í íbúð þar sem fasteigna-
mat er 15 m. kr. og með barn á leik-
skóla, þar sem annað foreldri er í
námi greiða 68.652 kr. meira árið
2005 en þau gerðu árið 2004.
Hjón með 3 m. kr. í árstekjur,
sem búa í íbúð þar sem fasteignmat
er 15 m. kr. og með 2 börn á leik-
skóla, þar sem annað foreldri er í
námi, greiða 109.065 kr. meira árið
2005 en þau gerðu árið 2004.
Í dæmunum er ekki gert ráð fyrir
hækkun fasteignamats um áramót á
íbúðarhúsnæði. Það má því gera ráð
fyrir að fasteignaskattahækkanirn-
ar verði enn meiri. Hækkun fast-
eignaskatta kemur ekki aðeins íbúð-
areigendum við því slík hækkun
skilar sér til langs tíma í leiguverði.
Vilhjálmur Þ. Vilhjálmsson, odd-
viti sjálfstæðismanna í borgar-
stjórn, segir tilganginn með auglýs-
ingunni vera þann að vekja
Reykvíkinga til umhugsunar um
fjármálastjórn R-listans sem ein-
kennist af því að sífellt sé farið
dýpra ofan í vasa skattgreiðenda í
Reykjavík vegna langvarandi
óráðsíu í fjármálum borgarinnar og
skuldasöfnunar.
Auglýsing borgarfull-
trúa Sjálfstæðisflokks
Aukin
skattheimta
R-listans
Vilhjálmur Þ.
Vilhjálmsson
TVEIR drengir voru fluttir á
slysadeild Landspítalans vegna
gruns um reykeitrun eftir að
kviknaði í íbúðarhúsi við Króka-
byggð í Mosfellsbæ rétt fyrir
klukkan 17 í gær. Eldurinn mun
hafa kviknað í rúmdýnu en barst
upp í þak hússins og var töluverð-
ur eldur út um þakglugga þegar
slökkvilið höfuðborgarsvæðisins
kom á vettvang. Tæpa klukku-
stund tók að slökkva eldinn en
eldvakt var höfð við húsið til
klukkan 20.45. Húsið er raðhús á
einni hæð með millilofti. Ljóst er
að skemmdir eru talsverðar.
Lögreglan í Reykjavík fer með
rannsókn á upptökum eldsins.
Kviknaði í íbúðarhúsi
Morgunblaðið/Jim Smart