Morgunblaðið - 04.01.2005, Blaðsíða 5

MORGUNBLAÐIÐ ÞRIÐJUDAGUR 4. JANÚAR 2005 5
FRÉTTIR
ILLUGI Jökulsson hefur látið af
störfum sem ritstjóri DV og hefur
fengið það verkefni að stýra vinnu-
hópi um stofnun nýrrar útvarps-
stöðvar á vegum Íslenska útvarps-
félagsins samkvæmt því sem fram
kemur á vísi.is. Útvarpsstöðin á
eingöngu að senda út talað mál og
verður ákveðið innan þriggja vikna
hvort hugmyndinni verður hrint í
framkvæmd að sögn Gunnars
Smára Egilssonar, framkvæmda-
stjóra. Í vinnuhópnum eru auk Ill-
uga Hallgrímur Thorsteinsson og
Sigurður G. Tómasson og fleiri.
Verið er að skoða þörfina fyrir
útvarpsstöð af þessu tagi að sögn
Gunnars Smára. Ekki hefur verið
ákveðið heiti á stöðina en óform-
legt vinnuheiti mun vera „Gufan“,
hvað sem stöðin verður svo síðar
kölluð ef af verður.
Á DV verður enginn settur í rit-
stjórastól í stað Illuga og mun því
Mikael Torfason stýra blaðinu
einn.
Illugi Jökulsson
hættir á DV
UNGUR maður réðst á stúlku í
heimahúsi á Selfossi á sunnudags-
kvöld með þeim afleiðingum að
stúlkan hlaut áverka í andliti. Hún
var flutt á heilsugæslustöðina á Sel-
fossi þar sem læknir skoðaði áverk-
ana.
Að sögn lögreglu var maðurinn
talsvert drukkinn og mun árásin
hafa verið tilefnislaus. Hann var
horfinn á braut þegar lögregla kom
á vettvang en verður boðaður í yfir-
heyrslu hið fyrsta.
Réðst á stúlku
á Selfossi
LITLU munaði að togarinn Gunn-
björn ÍS-302 sykki í höfninni á Flat-
eyri á þriðja tímanum í gær en fyrir
snarræði vélstjóra á öðrum bát tókst
að koma í veg fyrir að illa færi.
Sjór komst af einhverjum ástæð-
um inn á millidekk togarans svo að
hann tók að hallast uns hans lá á
bryggjukantinum.
Að sögn Samúels Sigurjónssonar,
vélstjóra á Halla Eggerts ÍS-197,
sem einnig liggur við festar í Flat-
eyrarhöfn, sá hann að Gunnbjörn tók
að hallast óeðlilega mikið og sá í
hvert stefndi. Þá voru engin ljós á
bátnum. Hann hringdi í eigandann
sem lóðsaði hann að ljósavél en í ljós
kom að rafmagnskapall frá landi
hafði slitnað í sundur svo rafmagns-
laust var um borð.
Eftir að hafa komið ljósavélinni í
gang tókst honum að dæla sjónum úr
skipinu svo það rétti sig við. Ekki er
talið að skemmdir hafi orðið á skip-
inu vegna atviksins. Gunnbjörn er
með heimahöfn í Bolungarvík en
leggur upp afla sinn á Flateyri. Skip-
ið er 263 brúttótonn smíðað í Njarð-
vík árið 1984.
Halli Eggerts átti upphaflega að
fara á veiðar í fyrradag en sökum
veðurs verður væntanlega ekki hald-
ið á sjó fyrr en í dag, að sögn Sam-
úels. Bálhvasst var í byljum á Flat-
eyri í gær og vindur að jafnaði um 24
metrar á sekúndu.
Litlu munaði að skip sykki í Flateyrarhöfn
Vélstjóri á öðrum bát
sá í hvað stefndi
LÖGREGLAN í Kópavogi hefur
upplýst amfetamínmál sem kom
upp þegar hún fann efnið á ein-
um gesti veitingahúss í bænum
aðfaranótt sunnudags. Maðurinn
var handtekinn en síðan sleppt að
yfirheyrslum loknum.
Sömu nótt var bíl ekið út af
Hafnarfjarðarvegi þar sem hann
valt. Ökumaður, sem var einn í
bifreiðinni og er grunaður um
ölvun við akstur, var fluttur á
slysadeild en meiðsli hans reynd-
ust minniháttar.
Á sunnudagsmorgun var til-
kynnt innbrot í fimm bíla í
Hjallahverfi. Málin eru í rann-
sókn.
Fíkniefnamál
upplýst
TF-ELU Airbus-vél frá Íslandsflugi
flaug frá Liege í Belgíu áleiðis til
Rabat í Marokkó í fyrradag til að
sækja þangað fjörutíu tonn af bún-
aði til lækninga, sem nýta á á ham-
farasvæðunum við Indlandshaf.
Vélin mun á næstu fjórum dögum
fljúga með búnaðinn til Maldíveyja,
Sri Lanka, Taílands og Indónesíu.
Vélin er í leiguflugi fyrir Kon-
unglega flugfélagið í Marokkó og
eru tveir Íslendingar í áhöfn.
Vél frá Íslandsflugi
dreifir hjálpargögnum
ÖKUMAÐUR jeppabifreiðar var
fluttur á slysadeild Landspítalans í
Fossvogi eftir umferðaróhapp á
Reykjanesbraut seinnipartinn í gær
en hann var ekki talinn alvarlega
slasaður.
Að sögn lögreglunnar í Keflavík
voru tildrög slyssins þau að öku-
maður jeppabifreiðarinnar lenti ut-
an í traktor með haugsugu í eftir-
dragi og missti við það vald á
bifreiðinni sem lenti á ljósastaur en
hafnaði síðan utan vegar.
Ók utan í traktor