Morgunblaðið - 04.01.2005, Blaðsíða 21
MORGUNBLAÐIÐ ÞRIÐJUDAGUR 4. JANÚAR 2005 21
MINNSTAÐUR
LANDIÐ
Akranes | Bæjarráð Akraness hefur
samþykkt að láta auglýsa opið alút-
boð á fjölnota íþróttahúsi, Akranes-
höllinni. Reiknað er með að húsið
verði óeinangrað og óupphitað og það
gæti kostað á þriðja hundrað millj-
ónir kr.
Á vegum Akraneskaupstaðar hef-
ur verið unnið að stefnumótun í upp-
byggingu íþróttamannvirkja, að sögn
Gísla Gíslasonar bæjarstjóra. Nið-
urstaðan var að byggja fyrst fjölnota
íþróttahús en undirbúa jafnframt
byggingu nýrrar sundlaugar og ann-
arrar aðstöðu á laugarsvæðinu og
huga að uppbyggingu golfvallarins á
Görðum.
Hönnun hf. var falið að undirbúa
útboð Akraneshallarinnar og eru út-
boðsskilmálar nú tilbúnir. Um leið og
bæjarráð fól Hönnun að auglýsa út-
boðið var skipulags- og umhverf-
isnefnd falið að ganga frá nauðsyn-
legu deiliskipulagi vegna byggingar
hússins á Jaðarsbökkum.
Skjól fyrir veðri
Gert er ráð fyrir að húsið verði um
110 metra langt og 77,5 metra breitt.
Þar verður stór knattspyrnuvöllur en
jafnframt vísir að frjálsíþrótta-
aðstöðu, það er að segja hlaupabraut
og stökkgryfja. Húsið verður að lág-
marki 12 metrar á hæð.
Óskað verður eftir tilboðum í
óupphitað og óeinangrað hús. Yrði
það fyrsta húsið með því fyrir-
komulagi hér á landi en sambærilegt
hús má meðal annars finna í Ballerup
í Danmörku. Jafnframt er verktök-
um boðið upp á að gera frávikstilboð í
upphitað og einangrað hús. Gísli seg-
ir ljóst að miklu muni í verði og
rekstri slíkra húsa, eftir því hvort
þau eru einangruð og upphituð eða
ekki. „Íþróttafólkið er fyrst og
fremst að sækjast eftir skjóli og góðu
undirlagi. Hitastigið í húsinu skiptir
minna máli,“ segir Gísli þegar hann
er spurður um þetta val og bætir því
við að þetta sé verkefnið sem bærinn
ráði við að þessu sinni.
Áætlað er að framkvæmdir hefjist
í sumar eða haust og ljúki vorið eða
haustið 2006, eftir því hvernig út-
færsla verði ákveðin.
Knattspyrnumenn Skagans hafa
fengið einhverja tíma í íþróttahöllum
í öðrum byggðarlögum en hafa ann-
ars þurft að æfa úti við. Gísli segir að
tilkoma Akraneshallarinnar muni því
bæta aðstöðu þeirra verulega. Einnig
muni hún lyfta undir þann vísi að
frjálsíþróttastarfi sem sé á staðnum.
Þá segir hann að til greina komi að
selja nágrönnum tíma til æfinga. Þá
muni Akraneshöllin bæta aðstöðu til
móta- og sýningarhalds á Akranesi.
Frekari uppbygging á íþróttasvið-
inu er í undirbúningi á Akranesi.
Starfshópur fer yfir framtíðar-
skipulag á laugarsvæðinu á Jað-
arsbökkum. Markmiðið er að þar
verði byggð ný sundlaug og síðan yf-
irbyggð laug í framtíðinni, auk ann-
arrar aðstöðu fyrir fjölskyldufólk og
laugargesti. Þá er verið að huga að
uppbyggingu golfvallarins að Görð-
um.
Akraneshöllin verður væntanlega óeinangruð og óupphituð
Ákveðið að auglýsa alútboð
Íþróttahöll Fyrirmyndin að Akraneshöllinni er í Ballerup í Danmörku.
Hólmavík | Efnt var til knattspyrnu-
móts í Íþróttamiðstöðinni á Hólmavík
á gamlársdag. Var þetta fyrsta
íþróttamótið sem haldið var í húsinu
en það var tekið í notkun laust fyrir
jólin en verður vígt síðar í þessum
mánuði.
Hinn burtflutti Hólmvíkingur Flosi
Helgason, sem verið hefur ákafur
talsmaður ýmissa framfara í heima-
byggð, stóð fyrir mótinu og fimm lið
skráðu sig til leiks. Liðin voru skipuð
vöskum karlmönnum á öllum aldri.
Það var lið sem bar heitið Lið 4 sem
sigraði og var það skipað fjórum ung-
um Strandamönnum, Kolbeini Skag-
fjörð Jósteinssyni, Erlendi Breiðfjörð
Magnússyni, Steinari Inga Gunnars-
syni og Smára Valssyni.
Reikna má með blómlegu íþróttalífi
í Íþróttamiðstöðinni á Hólmavík á
næstu misserum.
Morgunblaðið/Kristín Sigurrós
Sigurvegararnir Lið 4 sigraði, Kol-
beinn, Smári, Erlendur og Steinar.
Fyrsta mót-
ið í nýju
íþróttahúsi