Morgunblaðið - 04.01.2005, Qupperneq 14

14 ÞRIÐJUDAGUR 4. JANÚAR 2005 MORGUNBLAÐIÐ
FRÉTTIR
ÚR VERINU
RÍKIÐ mun ekki breyta reglum til
að rekstraraðilar strætisvagna
njóti sama afsláttar af virðisauka-
skatti eins og aðrir hópferðabílar,
en segja Strætó bs. frjálst að
sækja mál fyrir dómstólum, telji
þeir á sér brotið.
Eins og fram kom í Morgun-
blaðinu fyrir áramót íhugar stjórn
Strætó bs. að stefna ríkinu vegna
mismununar þar sem ekki er gef-
inn sami afsláttur af virðisauka-
skatti við innkaup á nýjum stræt-
isvögnum eins og gefinn er við
innkaup á öðrum hópferðabílum.
Baldur Guðlaugsson, ráðuneyt-
isstjóri í fjármálaráðuneytinu, seg-
ir strætisvagna njóta annars konar
ívilnana sem aðrir hópferðabílar fá
ekki, enda fái þeir um 70% afslátt
af þungaskatti sem aðrir hópferða-
bílar fái ekki. Hann segir ákveðnar
ástæður fyrir því að ákveðið var að
endurgreiða 2⁄3 hluta virðisauka-
skatts af hópferðabílum, tíma-
bundið til loka næsta árs, og þær
ástæður eigi ekki við um stræt-
isvagna.
Ógnaði
umferðaröryggi
„Það lá fyrir að meðalaldur hóp-
ferðabifreiða var orðinn mjög hár,
og það var talið að svo hár aldur
gæti ógnað umferðaröryggi. Einn-
ig var talið að mikil mengun væri
frá svo gömlum bílum. Þess vegna
var tekin þessi ákvörðun til að
liðka fyrir endurnýjun hópbifreiða-
flotans með þessari sérstöku að-
gerð,“ segir Baldur.
„Þetta var ekki látið ná til al-
menningsvagna, bæði vegna þess
að samsetning þess flota er ekki
með sama hætti, en ekki síður
vegna þess að þegar giltu
ákveðnar sérreglur þeim til hags-
bóta, sem er þessi afsláttur sem
þeir njóta af þungaskatti, þeir fá
um 70% af honum endurgreiddan,“
segir Baldur. Þar njóta strætis-
vagnar ívilnana umfram aðra hóp-
ferðabíla, og segir Baldur að í
raun gildi einfaldlega mismunandi
reglugerðir um þessa afslætti fyrir
þessa tvo flokka bifreiða. Baldur
segir að reglugerðinni verði ekki
breytt. „Það verður ekki gert, en
þeir eru auðvitað frjálsir að því að
láta á þetta reyna.“
Fylgjast með
málarekstrinum
Stefán Baldursson, forstöðumað-
ur Strætisvagna Akureyrar, segir
að þessi mál hafi ekki verið rædd
sérstaklega, en gerir ráð fyrir því
að fylgst verði gaumgæfilega með
því hvernig málarekstur Strætó
bs. gangi. Ef það fari á þann veg
að endurgreiða skuli virðisauka-
skatt af strætisvögnum muni eitt
yfir alla ganga. Hann segir að ekki
hafi verið keyptir nýir vagnar und-
anfarin ár, þó til standi að kaupa
a.m.k. einn vagn á árinu 2005.
Guðni Jóhannesson, fram-
kvæmdastjóri FMG sem rekur
m.a. tvo strætisvagna á Ísafirði,
segir það vissulega réttlætismál að
sama gangi yfir strætisvagna og
aðra hópferðabíla, þótt endur-
greiðsla á þungaskatti strætis-
vagna komi að einhverju leyti þar
á móti.
Reglum um endurgreiðslu virðisaukaskatts ekki breytt
Strætisvagnar njóta
annarra ívilnana
Morgunblaðið/Golli
Á ÁRINU 2004 var Slysavarna-
félagið Landsbjörg kallað út 930
sinnum. Þetta eru eingöngu þau út-
köll sem berast frá Neyðarlínunni
en um 25% af útköllum hjálpar-
sveita berast eftir öðrum leiðum,
samkvæmt upplýsingum frá Lands-
björgu.
Að sögn Valgeirs Elíassonar,
upplýsingafulltrúa Landsbjargar,
er 101 björgunarsveit í landinu og
eru virkir félagar í þeim um 3.500.
Sveitirnar ráða yfir um 170 björg-
unarbifreiðum, 30 snjóbílum, 60
vélsleðum, 14 stærri björg-
unarskipum, 30 harðbotna hrað-
björgunarbátum auk smærri báta
og annarra tækja. Valgeir minnir á
að starf björgunarsveitanna bygg-
ist á sjálfboðaliðastarfi. Mikilvæg-
asta fjáröflun þeirra sé flugeldasala
en með henni sé aflað um 80% af
rekstrarfé björgunarsveitanna og
hjá sumum sveitunum sé flug-
eldasala eina tekjuöflunarleiðin.
Með umfangsmestu útköllum árs-
ins voru 14. janúar er snjóflóð féll
við bæinn Bakka, innst í Ólafsfirði,
23 janúar er Sigurvin GK hvolfdi í
innsiglingunni til Grindavíkur og 2.
maí er sex vélsleðamenn slösuðust
þegar þeir óku fram af snjóhengj-
um í Garðsárdal og Gönguskörðum.
Virkir félagar í Slysavarnafélaginu Landsbjörgu eru um 3.500
Sveitirnar kallaðar út 930 sinnum
Morgunblaðið/RAX
Tveimur bátsverjum Sigurvins GK bjargað á síðustu stundu úr innsiglingu
Grindavíkurhafnar eftir að bátnum hvolfdi skyndilega í foráttubrimi.
ÁKVEÐIÐ hefur verið að sameina
rekstur Netagerðar Friðriks Vil-
hjálmssonar hf. og Netagerðar
Vestfjarða hf. undir nafninu
Fjarðanet hf. Samtímis hefur verið
ákveðið að sameina inn í Fjarðanet
hf. Gúmmíbátaþjónustu Austur-
lands ehf. og Gúmmíbátaþjón-
ustuna ehf. á Ísafirði. Netagerð
Vestfjarða er dótturfélag Neta-
gerðar Friðriks Vilhjálmssonar,
sem á um 81% hlutafjár í félaginu.
Gúmmíbátaþjónusta Austurlands er
að fullu í eigu Netagerðar Friðriks
Vilhjálmssonar og Gúmmíbátaþjón-
ustan er að fullu í eigu Netagerðar
Vestfjarða. Sameiningin mun gilda
frá og með 1. janúar 2005.
Fjarðanet hf. er með starfsemi á
sjö stöðum á landinu; rekur alhliða
veiðarfæraþjónustu á sex stöðum: á
Fáskrúðsfirði, í Neskaupstað, á
Seyðisfirði, á Akureyri, á Siglufirði
og á Ísafirði. Einnig rekur Fjarða-
net hf. Gúmmíbátaþjónustu á
tveimur af starfsstöðvunum, í Nes-
kaupstað og á Ísafirði, ásamt
þvottastöð fyrir fiskeldispoka á
Reyðarfirði.
Fjarðanet hf. samanstendur af
mörgum netagerðum sem allar eru
rótgrónar og þekktar fyrir starf-
semi sína og þjónustu við sjávar-
útveginn í áratugi. Stærstu hlut-
hafar í Fjarðaneti hf. eru:
Hampiðjan hf., Eignarhaldsfélag
Austurlands hf., og Jón Einar Mar-
teinsson, framkvæmdastjóri félags-
ins.
Fjarðanet hf. mun eiga náið sam-
starf við Hampiðjuna hér á landi
og dótturfélög hennar, ekki síst á
Írlandi, í Litháen og í Danmörku. Í
því samstarfi mun félagið koma að
vöruþróun grunneininga veiðarfæra
og fiskeldiskvía og mun draga að
sér þekkingu í því samstarfi þar
sem hennar er þörf.
„Fjarðanet hf. veitir alhliða veið-
arfæraþjónustu á öllum starfsstöðv-
unum og framleiðir og þjónustar
allar gerðir veiðarfæra. Fjarðanet
hf. er leiðandi fyrirtæki í þjónustu
við fiskeldi, með framleiðslu á net-
pokum og festingum til fiskeldis,
rekstri á þvottastöð fyrir fiskeld-
ispoka og sölu á kvíum og öðrum
búnaði til fiskeldisstöðva. Áætluð
heildarvelta hinna sameinuðu fyr-
irtækja er um 400 milljónir króna á
þessu ári og heildarstarfsmanna-
fjöldi er um 40,“ segir í frétt frá
Fjarðarneti.
Netagerðir sameinast
Fyrirtækin sameinuð undir nafninu Fjarðanet hf. sem er
með starfsemi á sjö stöðum og um 40 starfsmenn
ÁHÖFNUM frystitogaranna Kleifabergs ÓF og Sigurbjargar ÓF voru
veittar viðurkenningar frá Icelandic UK í Bretlandi, dótturfélagi Sölu-
miðstöðvar hraðfrystihúsanna, á sjófrystifundi félagsins fyrir skömmu.
Viðurkenningarnar voru veittar fyrir framúrskarandi gæði sjófrystra af-
urða á síðasta fiskveiðiári. Einnig fengu þessi sömu skip, ásamt Hrafni
Sveinbjarnarsyni GK, viðurkenningu frá Icelandic US í Bandaríkjunum
fyrir framúrskarandi gæði sjófrystra afurða á síðasta fiskveiðiári. Á mynd-
inni taka þeir Vilhjálmur Sigurðsson, skipstjóri á Sigurbjörgu ÓF, og Víðir
Jónsson, skipstjóri á Kleifabergi ÓF, við viðurkenningunum úr hendi
Magna Þórs Geirssonar, framkvæmdastjóra Icelandic UK Bretlandi.
Viðurkenning fyrir gæði
á morgun
Eldað
fyrir
andann

jógamunkur
eldar andans fæði
í nýju kaffihúsi á
Laugaveginum