Morgunblaðið - 04.01.2005, Blaðsíða 23

MORGUNBLAÐIÐ ÞRIÐJUDAGUR 4. JANÚAR 2005 23
MINNSTAÐUR
Opnum á morgun
miðvikudaginn 5. janúar með
MAGNAÐRI ÚTSÖLU
Fyrstir koma fyrstir fá!
Persónuleg þjónusta
og rólegt umhverfi
Hverafold 1-3 • Foldatorg Grafarvogi • Sími 577 4949
SUÐURNES
KANNAÐIR verða kostir þess að
breyta nafni Hitaveitu Suðurnesja
hf. eða einfalda það. Ástæðan er sú
að markaðssvæði fyrirtækisins hefur
breyst mjög með sameiningu og
kaupum á veitum í öðrum landshlut-
um og sölu á rafmagni víða um land.
Hugmyndir eru uppi um að gera HS
hf. að aðalheiti fyrirtækisins.
Hitaveita Suðurnesja minnist um
þessar mundir þrjátíu ára afmælis
síns. Stofnun fyrirtækisins hefur ver-
ið miðuð við 31. desember 1974 þegar
lög um fyrirtækið voru staðfest á rík-
isráðsfundi. Fyrirtækið einbeitti sér í
upphafi að því að virkja orkuna í
Svartsengi og leggja hitaveitu til
þéttbýlisstaðanna á Suðurnesjum.
Síðar var hafin rafmagnsframleiðsla
í Svartsengi og fyrirtækið tók við raf-
orkudreifingu á Suðurnesjum. Fé-
lagið hefur sameinast Rafveitu Hafn-
arfjarðar og Bæjarveitum Vest-
mannaeyja og keypt rafveituhluta
Selfossveitna í Sveitarfélaginu Ár-
borg og vatnsveitur á Suðurnesjum.
Þá hefur Hitaveita Suðurnesja samið
um orkusölu til stækkunar álvers
Norðuráls á Grundartanga og er að
byggja 100 MW orkuver á Reykja-
nesi í þeim tilgangi. Loks hefur fyr-
irtækið samið um sölu rafmagns til
Orkuveitu Húsavíkur.
8 milljónir til félaga
Í tilefni af afmælinu samþykkti
stjórn fyrirtækisins á síðasta stjórn-
arfundi að færa sautján félögum og
stofnunum á starfssvæði félagsins
peningagjafir til tækjakaupa eða til
styrktar starfsemi þeirra, samtals
átta milljónir kr. Styrkir til heil-
brigðisstofnana, líknarfélaga og
björgunarsveita á Suðurnesjum voru
afhentir við sérstaka athöfn sem
fram fór að loknum stjórnarfundi 30.
desember. Þar var ein milljón veitt
Heilbrigðisstofnun Suðurnesja, 750
þúsund Dvalarheimili aldraðra á
Suðurnesjum og sama fjárhæð Hæf-
ingarstöðinni í Keflavík og Þroska-
hjálp á Suðurnesjum. Þá voru tæp-
lega tvær milljónir samtals veittar
fimm björgunarsveitum á Suðurnesj-
um.
Á næstunni verða afhentir styrkir
til félaga og stofnana annars staðar á
veitusvæðinu. St. Jósefsspítali í
Hafnarfirði, Dagvistun minnissjúkra
og Björgunarsveit Hafnarfjarðar fá
500 þúsund hver aðili. Björgunar-
félag Vestmannaeyja fær afhentar
450 þúsund krónur og Skákfélag
Vestmannaeyja 300 þúsund. Þá fá
þrjár björgunarsveitir í Sveitarfé-
laginu Árborg afhentar samtals 550
þúsund kr.
Stjórnin ákvað jafnframt af þessu
tilefni að veita öllum starfsmönnum í
föstu starfi sérstakan afmæliskaup-
auka, að upphæð 50 þúsund kr.
Fram kom í ávarpi Ellerts Eiríks-
sonar, formanns stjórnar Hitaveitu
Suðurnesja, þegar styrkirnir á Suð-
urnesjum voru afhentir að stjórnin
hefði ákveðið að færa öllum grunn-
skólabörnum á veitusvæði fyrirtæk-
isins, um níu þúsund börnum, merkta
gjöf frá fyrirtækinu auk þess sem op-
ið hús verður í öllum starfsstöðvum á
fyrri hluta þessa árs.
Ákveðið hefur verið að hefja mark-
vissa vinnu starfshóps innan fyrir-
tækisins til að vinna að sköpun
ímyndar í nýju starfsumhverfi. Þá
verður leitað til sérfræðinga um kosti
þess að breyta nafni fyrirtækisins
eða einfalda það í ljósi breyttra að-
stæðna. Ellert segir að Hitaveita
Suðurnesja sé komin með starfsemi
víða um land og hafi komið til tals
innan fyrirtækisins hvort rétt sé að
breyta nafni þess. Hann segir að nú
séu menn þó einkum að velta fyrir
sér að einfalda nafnið með því að
gera skammstöfunina HS hf. að aðal-
heiti þess.
Hitaveita Suðurnesja afhendir styrki í tilefni afmælis
Kanna kosti þess
að breyta um nafn
Morgunblaðið/Helgi Bjarnason
Styrkir Stjórnarformaður og forstjóri Hitaveitu Suðurnesja ásamt fulltrú-
um líknarfélaga og stofnana á Suðurnesjum sem þáðu styrki fyrirtækisins.
AUSTURLAND
Múlasýslur| Múlaþing 2004 er komið út og er þetta
31. útgáfuár ritsins, sem selt er í áskrift. Ritstjóri
er Arndís Þorvaldsdóttir.
Meðal efnis að þessu sinni má telja ferðasögu frá
fimmta áratugnum, þar sem Guðríður Guðmunds-
dóttir prestsfrú á Skeggjastöðum segir frá ferð
sinni frá Hrafnabjörgum
í Hjaltastaðarþinghá
norður í Skeggjastaði,
„sem farin var má segja
akandi, gangandi, ró-
andi, ríðandi,“ sagði
Arndís í samtali við
Morgunblaðið. „Þá er í
Múlaþingi bréf sem
Gunnlaugur Eiríksson
frá Setbergi skrifaði
Stefáni systursyni sínum
í Bót, þar sem hann lýsir
búskap frá aldamótum
fram til 1920. Stefán Aðalsteinsson skrifar um ör-
nefni í Hrafnkelssögu, Helgi Hallgrímsson um
skriðuföll í Fljótsdal, Sigurður Kristinsson um fólk
frá bæjunum Hlíðarseli og Refsmýri í Fellum og
rekur sögu þess í gegnum 300 ár. Þá má geta grein-
ar Halldórs Walters Stefánssonar um atferli grá-
gæsa á Héraði, skrifa Björns Jónssonar frá Geita-
vík um gömul mið; fiskislóðir á Borgarfirði eystra,
frásagnar Skúla Guðmundssonar af Peninga-Bergi
og ritgerðar Sveinbjargar Sveinbjörnsdóttur um
Svein Einarsson, hleðslumeistara frá Hrjót.“
Greinar eftir leika og lærða
Arndís segir Múlaþing dæmigert byggðasögurit.
„Þar er haldið til haga fjölbreyttum fróðleik og ritið
er vettvangur fyrir fólk til að skrifa og koma sínu á
framfæri, hvort sem um er að ræða fræðimenn eða
alþýðumenn. Sem betur fer skrifa menn nú
ennþá, en konur mættu vera duglegri.
Í seinni tíð hafa komið náttúrufræðiþættir í
Múlaþingi og er kaflinn um grágæsina því ákveð-
ið nýmæli í ritinu. Þátturinn um fiskislóðirnar í
Borgarfirði er mjög merkur og Múlaþingi væri
mikil þægð í því að menn sem luma á slíku efni
kæmu því á framfæri. Þetta eru eins og hver önn-
ur örnefni sem gleymast ef þeim er ekki haldið til
haga,“ segir Arndís.
Útgefandi Múlaþings er Héraðsnefnd Múla-
sýslna og upplag ritsins 800 eintök. Kápuna prýð-
ir olíumálverk af Barðsnesi við Norðfjörð eftir
Hildi B. Halldórsdóttur, ljósmóður í Neskaup-
stað.
Merkur þáttur um fiskislóðir meðal efnis
Múlaþing gefið út
óslitið í 31 ár
Morgunblaðið/Steinunn Ásmundsdóttir
Arndís Þorvaldsdóttir, ritstjóri Múlaþings.
Tíu lið kepptu | Firmakeppni Hótels
Bjargs og Leiknis í innanhússknattspyrnu
var haldin á Fáskrúðsfirði 30. desember sl.
Þetta er í áttunda sinn sem keppnin er hald-
in. Tíu lið, frá Fáskrúðsfirði, Stöðvarfirði,
Egilsstöðum og Reyðarfirði mættu til
keppni og er þetta svipaður fjöldi og und-
anfarin ár. Lið salthúss og frystihúss
Loðnuvinnslunnar stóð uppi sem sigurveg-
ari, lið BYKO lenti í 2. sæti og jöfn í 3.–4.
sæti voru Bræðslan og Mikkarar. Sigurveg-
ararnir fengu að launum pítsuveislu á Hótel
Bjargi og farandgrip mikinn til varðveislu,
sem Loðnuvinnslan gaf á sínum tíma. Á síð-
astliðnu ári hafði þessi gripur verið í hönd-
um fiskimjölsverksmiðju Loðnuvinnslunn-
ar. Að þessu sinni voru leikmenn
sigurliðsins allir af erlendu bergi brotnir;
Ifet, Samir, Kenan og Adnan frá Bosníu,
Rimantas frá Litháen og Andrzej frá Pól-
landi. Frá þessu greinir á vefnum austur-
byggd.is.
Myndlist | Sigrún Björgvinsdóttir sýnir
um þessar mundir 30 myndverk úr ullar-
flóka í Flugstöðinni á Egilsstöðum. Verkin
eru unnin á sl. fjórum árum og eru öll inn-
römmuð í handsmíðaða lerkiramma. Verkin
eru öll til sölu og stendur sýningin fram yfir
áramót.
Egilsstaðir | Glitský yfir Egilsstöðum á nýju ári. Þessar undursamlegu skýjamyndir eru
algengar á Austurlandi og við hæfi að bródera upphaf nýs árs með einu slíku.
Ljósmynd/Ólöf Birna Blöndal
Litróf í himinglugga