Morgunblaðið - 04.01.2005, Blaðsíða 4

4 ÞRIÐJUDAGUR 4. JANÚAR 2005 MORGUNBLAÐIÐ
FRÉTTIR
Sævar Karl
Bankastræti
ÚTSALAN HEFST
5. JANÚAR
Sævar Karl Bankastræti 7 Sími: 551 3470
www.saevarkarl.is
STÓRT snjóflóð féll við
Karlsá á Skutulsfjarðar-
braut síðdegis í gær. Flóðið
var talið vera um 100–150
metra breitt og allt að 3–4
metrar á dýpt. Hreif það
með sér einn ljósastaur auk
þess sem það lenti á snjó-
ruðningstæki. Ökumann
þess sakaði ekki og engar
skemmdir urðu á tækinu.
Lögreglan á Ísafirði fékk
tilkynningu um snjóflóðið
kl. 16:29 og um tuttugu mín-
útum síðar kom tilkynning
um að lítið snjóflóð hefði
fallið á veginn um Eyrarhlíð
milli Ísafjarðar og Hnífs-
dals.
Fyrr í gær féllu tvö snjó-
flóð úr Búðargili og Traðar-
gili í Hnífsdal. Annað flóðið
náði að hesthúsum sem þar eru og
hitt náði að fjárhúsum við Heimabæ.
Öll umferð var bönnuð um Engidals-
vog í Skutulsfirði, frá kirkjugarðin-
um og hringinn að Ísafjarðarflug-
velli. Þar eru fjárhús, hesthús og
sorpbrennslan Funi en þar féll snjó-
flóð á varnargarð fyrr í gær.
Festi bílinn í flóðinu
Kristján Kristjánsson
verkfræðingur var á ferð-
inni á Skutulsfjarðarbraut
rétt eftir að flóðið féll og
keyrði tuttugu til þrjátíu
metra inn í jaðar þess og
festi bíl sinn þar sem flóðið
var um hálfur metri á
þykkt. „Ég var á fólksbíl á
heimleið og labbaði í burtu,
settist inn í bíla sem þarna
voru í nágrenninu og biðu
þess að vegurinn yrði opn-
aður,“ sagði Kristján.
„Þetta er ekki í fyrsta
skipti sem ég lendi í svona
löguðu. Bíllinn minn var al-
veg fastur og ég reyndi
ekki að losa hann því maður
veit hvenær bílar eru orðn-
ir fastir. Það er ekki til
neins að spóla þá frekar niður.“
Hélt að bíll hefði farið út
af veginum með flóðinu
Um þetta leyti, eða rétt fyrir
klukkan 17, kom mokstursmaður
Ísafjarðarbæjar og stakk sér í gegn-
um flóðið á vinnuvél sinni. Moksturs-
maðurinn Guðjón Jóhannes Jónsson
sem þarna var í nágrenninu hélt að
hann hefði séð bíl með ljósum á fara
út af veginum með flóðinu. „Þess
vegna stakk ég í gegnum flóðið til að
vera viss, en þá var það bara ljósa-
staur sem hafði bognað í flóðinu,“
sagði hann. „Þegar ég sá hvers kyns
var lauk ég við að stinga í gegnum
flóðið. Þegar ég var kominn nokkra
metra inn í það sá ég að bílar biðu við
jaðarinn aftan við mig og biðu þess
að komast í gegn. Ég sneri því við og
sagði bílstjóra á fyrsta bílnum í röð-
inni að snúa við og reka hina til baka í
stað þess að bíða eftir opnun.“ Hann
var smeykur um að fleiri flóð gætu
fallið þarna en það gerðist þó ekki.
Allt að 150 metra
breitt snjóflóð féll á
Skutulsfjarðarveg
Ekki fyrsta snjóflóðið sem
Kristján Kristjánsson
festir sig í. Hann sakaði
þó ekki.
Stakk sér í gegnum snjó-
flóðið: Guðjón Jóhannes
Jónsson mokstursmaður
á Ísafirði.
Morgunblaðið/Halldór Sveinbjörnsson
Almannavarnarnefnd að störfum á Ísafirði síðdegis í gær þar sem mat var lagt á stöðuna.






 



 
  
  
























 


    
 

 Flóðið sem féll í gær er allt að 3–4 metrar á dýpt og 100–150 metrar á breidd.
UM 160 manns þurftu að yfirgefa heimili sín á Vest-
fjörðum í gær og í fyrradag vegna snjóflóðahættu.
Beðið var átekta eftir sérveðurspá Veðurstofunnar og
ætlaði almannavarnanefnd að hittast á miðnætti til að
endurmeta aðstæður.
Víða var ófært um Vestfirði vegna óveðurs og flug
Flugfélags Íslands til Ísafjarðar féll niður í gærmorgun.
Veðurstofa Íslands hefur verið með sérstaka snjóflóða-
vakt allan sólarhringinn, frá því um helgina, til að fylgj-
ast með ástandinu á Vestfjörðum.
Hús voru rýmd í Ísafjarðarbæ, í Bolungarvík og á Pat-
reksfirði í fyrrakvöld og fóru flestir íbúanna til vina og
vandamanna, að sögn lögreglunnar. Fleiri hús voru síðan
rýmd á Patreksfirði í gær. Nokkrir íbúar Bolungarvíkur,
Patreksfjarðar og Ísafjarðar vildu þó ekki yfirgefa heim-
ili sín, samkvæmt upplýsingum frá lögreglu, þar sem
þeir töldu sig ekki í hættu.
Sigríður Björk Guðjónsdóttir, sýslumaður á Ísafirði,
bendir á í þessu sambandi að skv. lögum um varnir gegn
snjóflóðum og skriðuföllum, mætti beita valdi við að
rýma húsnæði, ef þörf krefði.
Sjö hús, með 26 íbúum, voru á svokölluðum rýming-
arreitum í Bolungarvík, í fyrrakvöld. Eru það öll húsin í
Dísarlandi og þrjú hús við Traðarland, auk Traðarbæjar.
Fimmtán hús, með 38 íbúum, voru á rýmingarreitum í
Ísafjarðarbæ í fyrrakvöld. Eru það húsin í Fremri- og
Neðri-Breiðadal í Önundarfirði, Kirkjuból í Korpudal,
Veðrará í Önundarfirði, Fremstuhús í Dýrafirði, Selja-
land í Skutulsfirði og bærinn Hraun og íbúðir við Árvelli
í Hnífsdal.
Fjórtán hús, með 53 íbúum, voru á rýmingarreitum á
Patreksfirði í fyrrakvöld. Húsin eru við Hóla, Mýrar og
Urðargötu. Fimm íbúðarhús, með 21 íbúa, bættust við í
gær, auk atvinnuhúsnæðis á fjórum stöðum.
Snjóflóðavakt allan sólarhringinn
RÝMA þurfti tíu hús innst í Tálknafirði í gærkvöldi eftir að snjóflóð
féll rétt ofan við þau og er þetta er í fyrsta sinn sem rýma þarf hús
vegna snjóflóðahættu í sögu kaupstaðarins. Engin slys urðu á mönn-
um. Sautján manns, sem voru á svæðinu, fengu gistingu hjá vinum og
vandamönnum. Tveir neituðu að yfirgefa snjóflóðasvæðið og fengu að
vera þar áfram, gegn því að þeir hefðust við í kjallara húss síns, að
sögn Þórólfs Halldórssonar, formanns almannavarnanefndar á Pat-
reksfirði.
Að sögn Guðna Ólafssonar, snjóflóðaeftirlitsmanns í Tálknafirði, er
þetta mesti snjór á þessum slóðum í tíu ár. Almannavarnanefnd fundar
klukkan 7 í dag og metur hvort fyrirmælum um rýmingu húsa verði
aflétt. Alls hafa 74 íbúar á Patreksfirði þurft að rýma hús sín í gær og
fyrradag, auk 19 á Tálknafirði. Tveir neituðu einnig að rýma hús sín á
Patreksfirði, skv. upplýsingum frá lögreglu.
Tíu hús rýmd í Tálknafirði
SNJÓFLÓÐIÐ sem féll á Skutulsfjarðarbraut síðdegis í gær er eitt stærsta
snjóflóð sem fallið hefur á Vestfjörðum í tíu ár. Að sögn Odds Péturssonar,
snjóflóðaeftirlitsmanns Veðurstofunnar í Ísafjarðarbæ og Súðavík, féll
snjóflóð af svipaðri stærð í janúar 1995 á svipuðum slóðum á Skutuls-
fjarðarbraut en þá líkt og nú var lítil umferð um veginn og engin slys urðu
á fólki.
Eitt stærsta snjóflóð í tíu ár
BJÖRGUNARSVEITIN Sæbjörg hafði í nógu að snúast í gær, en bál-
hvasst var á Vestfjrörðum og skafrenningur framan af degi.
Á Flateyri var vörubíll nærri fokinn af veginum en betur fór en á
horfðist og komu björgunarsveitarmenn bílastjóranum til aðstoðar.
Þá aðstoðuðu björgunarmenn húseigendur við að moka frá dyrum
heimila sinna en á nokkrum stöðum hafði fennt fyrir hurðir þannig að
erfitt var fyrir fólk að komast út. Ekkert ferðaveður var á Flateyri í
gær.
Mokað frá húsum á Flateyri