Morgunblaðið - 19.01.2005, Síða 17

MORGUNBLAÐIÐ MIÐVIKUDAGUR 19. JANÚAR 2005 17
MINNSTAÐUR
Selfoss | Málflutningsskrifstofan ehf. á Selfossi og
Momentum ehf. hafa gert með sér samstarfssamn-
ing um greiðslumiðlun og innheimtuþjónustu fyrir
einstaklinga, fyrirtæki, sveitarfélög og stofnanir á
Suðurlandi. Um er að ræða samstarf sem felur í sér
sameiginlega frum- og milliinnheimtu en löginn-
heimtan verður á vegum Málflutningsskrifstofunn-
ar.
Markmið með samstarfinu er, samkvæmt upp-
lýsingum frá fyrirtækjunum, að bjóða bestu mögu-
legu innheimtulausnir og veita góða þjónustu. Sam-
starfið felur í sér aukna þjónustu á Suðurlandi.
Hjá Momentum starfa 10 manns. Fyrirtækið
býður viðskiptavinum innheimtukerfi þar sem nýj-
asta tækni er nýtt til að tryggja öryggi, áreiðan-
leika og skilvirkni. Með slíku innheimtukerfi ná
Málflutningsskrifstofan og Momentum að skapa
sér sérstöðu hvað varðar sveigjanleika og aðlög-
unarhæfni fyrir hvern og einn viðskiptavin. Enginn
kostnaður leggst á innheimtuaðila. Kröfuhafi fær
við greiðslu krafna ávallt höfuðstól og dráttarvexti
óskerta í sinn hlut.
Eigendur Málflutningsskrifstofunnar eru Guð-
jón Ægir Sigurjónsson og Óskar Sigurðsson hér-
aðsdómslögmenn. Hingað til hefur skrifstofan ann-
ast almenna löginnheimtu fyrir einstaklinga,
fyrirtæki, banka og sveitarfélög. Með þessu sam-
stafi getur viðskiptavinurinn jafnframt notið sér-
hæfðrar þjónustu Momentum á sviði frum- og milli-
innheimtu. Eftir að milliinnheimtuferli lýkur tekur
við löginnheimta á vegum Málflutningsskrifstof-
unnar.
Samstarf Guðjón Sigurjónsson, Guðmundur Þ.
Guðjónsson og Óskar Sigurðsson vinna saman.
Taka upp samstarf
um innheimtu
Húsavík | Þrátt fyrir að þorrinn sé ekki
genginn í garð hélt Kvenfélag Húsavíkur sitt
árlega þorrablót á Fosshóteli Húsavík um
síðustu helgi. Hefð er komin á að þær kven-
félagskonur þjófstarti þorranum á þennan
hátt og í kjölfarið fylgja blót í flestum ef ekki
Að vanda var fullt út úr dyrum og sá Guð-
rún Jónína Magnúsdóttir um að stjórna
blótinu. Skemmtiatriði voru heimafengin og
fór þar fremstur í flokki flytjenda Oddur
Bjarni Þorkelsson. Danshljómsveit Friðjóns
Jóhannssonar lék fyrir dansi frameftir nóttu.
öllum félagsheimilum Þingeyinga.
Þorrablótsnefndin bauð gesti velkomna
með söng, en þær eru frá vinstri Rannveig
Jónsdóttir, Halldóra Hólmgrímsdóttir, Helga
Kristinsdóttir, Sigurlína Jónsdóttir, Emilía
Harðardóttir og Sigrún Erlingsdóttir.
Morgunblaðið/Hafþór
Kvenfélagskonur þjófstarta þorranum
LANDIÐ
SUÐURNES
Blönduós | Lögreglustöðin á
Blönduósi hefur verið endurnýj-
uð frá grunni og var hún form-
lega tekin í notkun í fyrradag að
viðstöddum dómsmálaráðherra,
Birni Bjarnasyni. Jafnframt var
formlega tekið í notkun lyftuhús
við sýsluskrifstofuna en hún er á
hæðinni fyrir ofan lögreglustöð-
ina.
Bjarni Stefánsson, sýslumaður
á Blönduósi, rifjaði upp bygging-
arsögu hússins í stórum dráttum
og taldi aðstöðu lögreglunnar á
Blönduósi til mikillar fyrirmynd-
ar. Með tilkomu lyftuhússins svo
og upphitaðs bílastæðis fyrir ut-
an aðaldyr hefur aðgengi hreyfi-
hamlaðra verið tryggt sem kost-
ur er, sagði sýslumaður. Bygging
lyftuhúss var samstarfsverkefni
Blönduósbæjar, ríkissjóðs og
framkvæmdasjóðs fatlaðra og
kostaði um 20 milljónir.
Fyrirhugað er í nánustu fram-
tíð að Blönduósbær færi skrif-
stofu sína á efstu hæð þessa húss
en hún hefur staðið auð í nokkurn
tíma. Aðalverktaki við endurbæt-
ur á lögreglustöð og lyftuhús var
trésmiðjan Stígandi hf. á Blöndu-
ósi.
Við sama tækifæri undirrituðu
Björn Bjarnason dómsmálaráð-
herra og Bjarni Stefánsson sýslu-
maður árangursstjórnunarsamn-
ing milli ráðuneytis og sýslu-
mannsembættisins.
Endurnýjuð lög-
reglustöð opnuð
Morgunblaðið/Jón Sigurðsson
Gjöf Bjarni Stefánsson sýslumaður færði Birni Bjarnasyni dóms-
málaráðherra að gjöf bókina Héraðsstjórn í Húnaþingi við form-
lega opnun lögreglustöðvarinnar á Blönduósi.
Garður | Uppsigling er nafn á sönghópi sem hef-
ur það að markmiði að skemmta sjálfum sér og
öðrum án nokkurs tilkostnaðar fyrir þann sem á
hlýðir. Blaðamaður Morgunblaðsins slóst í för
með hópnum á elli- og hjúkrunarheimilið Garð-
vang í Garði og komst að því að ánægjan sem
hópurinn hefur af þessum uppákomum smitast
mjög auðveldlega til þeirra sem njóta. „Hér eru
engir stórsöngvarar á ferð, heldur syngur hver
með sínu nefi og hefur gaman af,“ sagði einn af
forsprökkum hópsins, Þorvaldur Örn Árnason,
sem kom Uppsiglingu á laggirnar fyrir tæpum
tíu árum.
Þorvaldur Örn Árnason og eiginkona hans,
Ragnheiður Elísabet Jónsdóttir, fluttu til Suð-
urnesja frá höfuðborgarsvæðinu fyrir um tíu ár-
um og búa nú í Vogum. Þau höfðu þá verið í söng-
hópnum Samstillingu í Reykjavík í fimmtán ár
en hópurinn kom reglulega saman og skemmti
sér með söng og hljóðfæraslætti. Hugmyndin að
Uppsiglingu er komin þaðan.
„Þegar við hjónin fluttum hingað suður þótti
okkur óhentugt að keyra alltaf inneftir til þess að
halda áfram að syngja með Samstillingu, sér-
staklega í ljósi þess að fædd var lítil stúlka. Það
var því ekkert annað að gera en stofna hóp hér
suðurfrá, ekki vildum við hætta,“ sagði Þorvald-
ur Örn í samtali við blaðamann. Ár hjónanna í
þess konar félagsskap spanna því aldarfjórðung.
Hópurinn fór hægt af stað, þau hjónin höfðu
samband við vini og kunningja á svæðinu til að
kanna áhuga þeirra á þátttöku og annað slagið
koma tilkynningar í staðarblöðunum um hvar og
hvenær hópurinn hittist. Að sögn Þorvaldar Arn-
ar er fastur kjarni í kringum 15 til 20 manns,
sumir hafa verið með frá upphafi en aðrir dvelja í
styttri tíma og nýir koma í staðinn. Allir eru vel-
komnir og þegar litið er yfir hópinn sést að með-
limir eru á ýmsum aldri. Yngsti hljóðfæraleik-
arinn er 10 ára dóttir Þorvaldar og Ragnheiðar,
Eyþrúður, sem minnst var á hér að ofan og má
segja að eigi heiðurinn af stofnun hópsins og er
að auki hálfvegis alin upp í honum. „Ég var alltaf
með þegar ég var yngri, svaf þó mest,“ sagði Ey-
þrúður í samtali við blaðamann, en hún spilaði
listafallega á fiðluna sína í nokkrum laganna og
söng með í öðrum. Þess á milli gluggaði hún í bók
um Kaftein Ofurbrók og félaga. „Núna kem ég
stundum með og spila kannski á fiðluna.“
Sönggleði smitast auðveldlega
Uppsigling kemur saman annað hvert föstudags-
kvöld og syngur lög úr möppu sem safnast hefur
í á undanförnum árum. „Meðlimir hópsins leggja
gjarnan til lög og ef þau öðlast náð fyrir augum
hópsins fara þau í möppuna. Heiðurinn af þessari
möppu eiga ein hjónin í hópnum, Sigurður og
Svanhildur, sem fóru í gegnum allt lagasafnið
okkar í fyrra og reyndu að finna höfund laga og
texta en við höfðum komist að því að margir
textar breytast í meðförum fólks og við vildum
hafa þá rétta,“ sagði Þorvaldur Örn, sem jafnan
leiðir sönginn og hljóðfæraleikinn.
„Þetta er sko það sem gefur föstudagskvöld-
unum gildi,“ sagði Ólafur Sigurðsson, einn af
meðlimum Uppsiglingar frá upphafi. „Hér syng
ég úr mér stressið eftir vikuna.“
Alla jafna hittist sönghópurinn í skátaheimili
Heiðarbúa í Keflavík en reglulega ákveða þátt-
takendurnir að heimsækja vistheimili og félags-
heimili til að skemmta öðrum um leið og þeir
skemmta sér sjálfir. Fyrir þessu framtaki tekur
blaðamaður ofan. „Það er nú alveg nauðsynlegt
fyrir okkur að fara svona meðal fólks annað slagið
til þess að fá tilbreytingu. Það yrði leiðigjarnt til
lengdar að vera alltaf á sama stað,“ sagði Þor-
valdur Örn og með því að slást í för með hópnum
varð blaðamanni ljóst að þetta er ekki bara góð
tilbreyting fyrir hópinn, heldur ekki síður fyrir þá
sem njóta. Allir fá sönghefti lánað meðan á flutn-
ingi stendur til að syngja með við undirspil gítara,
mandólíns, banjós og fiðlu. Undir lokin var svo
harmonikkan tekin úr töskunni og þá færðist
heldur betur fjör í hópinn. Slegið var upp dans-
leik á Garðvangi og þótt blaðamaður hafi ekki
dansað með hafði gleðin svo snnarlega náð að
smitast frá hópnum.
Næsti áfangastaður er Hlévangur í Reykja-
nesbæ.
„Syng úr mér stressið“
Morgunblaðið/Svanhildur Eiríksdóttir
Uppsigling Þorvaldur Örn Árnason, sem hér spilar á gítar, er einn af forsprökkum sönghópsins
Uppsiglingar. Dóttir hans Eyþrúður hefur verið tekin með frá fæðingu og hún grípur gjarnan í
fiðluna á söngkvöldunum.
Reykjanesbær | Atvinnu- og hafnarráð
Reykjanesbæjar hefur samþykkt að Reykja-
neshöfn selji Fram food Ísland hf. frystihús
Sjöstjörnunnar í Njarðvík og leigi fyrirtæk-
inu frystihúsið í Innri-Njarðvík. Fram food
Ísland hf. var stofnað um matvælafram-
leiðslu sem áður var undir merkjum Bakka-
varar hf., meðal annars í Reykjanesbæ.
Fram food Ísland greiðir 34 milljónir kr.
fyrir frystihús Sjöstjörnunnar á Hafnar-
bakka 11 og staðgreiðir. Fyrirtækið var áður
með meginhluta hússins á leigu. Jafnframt
var samþykkt að selja sambyggða verkstæð-
isbyggingu til Magnels ehf. fyrir 7 milljónir
staðgreitt.
Atvinnu- og hafnarráð hafnaði því að leigja
Hauki Guðmundssyni frystihúsið á Njarðar-
braut 51–55 í Innri-Njarðvík en samþykkti
að leigja það til Fram food Ísland ehf. frá 1.
febrúar næstkomandi. Pétur Jóhannsson
hafnarstjóri vonast til að leiga húsnæðisins
efli starfsemi Fram food Ísland ehf. á svæð-
inu.
  
Fram food
bætir við
frystiplássi
Áætlanir um símenntun | Fulltrúar
sveitarfélaga á Suðurnesjum hafa gert
samning við Miðstöð símenntunar á Suð-
urnesjum um samstarf við gerð tveggja ára
símenntunaráætlunar fyrir nokkrar af
starfsstéttunum sem hjá þeim vinna.
Á vef Reykjanesbæjar kemur fram að
undirbúningsvinna mun hefjast í lok mán-
aðarins og gert er ráð fyrir að áætlunin
verði tilbúin á næstu mánuðum. Stofnaðir
verða fimm vinnuhópar sem skiptast eftir
starfssviðum. Í þeim verða fulltrúar starfs-
fólks og sveitarfélaganna. Starfsmenn MSS
vinna með hópunum og verður símenntun-
aráætlun gerð fyrir hvert starfssvið eftir
hugmyndum hópanna.
„Með þessu móti fáum við tækifæri að
vinna markvissara að uppbyggingu starfs-
manna okkar, þjálfun þeirra og menntun,“
segir á vef Reykjanesbæjar.