Morgunblaðið - 19.02.2005, Qupperneq 61

MORGUNBLAÐIÐ LAUGARDAGUR 19. FEBRÚAR 2005 61
RÍKISÚTVARPIÐ hefur starfrækt
útvarpsstöðina Rondó frá síðasta
sumri, en hún sendir út klassíska
tónlist og djass allan sólarhringinn á
FM 87,7. Bjarki Sveinbjörnsson,
tónlistarráðunautur Ríkisútvarps-
ins, segir að rásin sé liður í til-
raunum útvarpsins með stafræna út-
varpssendingu.
„Við erum að vinna í tæknimálum
þessa stundina og til landsins er
kominn stafrænn sendir, sem við
vonumst til að verði kominn í gagnið
á Faxaflóasvæðinu um það leyti sem
stóru páskaeggin koma í verslanir,“
segir hann. Þegar stafrænu útsend-
ingarnar hefjast munu hlustendur
þurfa sérstök móttökutæki sem ná
bæði FM og stafrænum útsend-
ingum. „Vonandi verða innflytj-
endur þá í startholunum með að
flytja inn slík tæki,“ segir Bjarki.
Með þessum tækjum verður í fram-
tíðinni hægt að taka á móti öllum
rásum Ríkisútvarpsins.
Tilraunaútsending
Bjarki segir að þar sem á þessu
stigi sé um tilraunaútvarp að ræða
megi búast við að útsending geti fall-
ið niður tímabundið, án fyrirvara,
vegna tæknilegra breytinga eða við-
halds.
Tæknin heitir DAB – Digital
audio broadcasting, en hún hefur
verið að ryðja sér til rúms í ná-
grannalöndunum. Sem stendur eru
þó útsendingarnar hliðrænar, eða
hefðbundnar, og nást einungis á
Faxaflóasvæðinu. Þá má heyra út-
sendinguna á breiðbandi Símans og
dreifikerfi Norðurljósa (Digital Ís-
land) og unnið er í því að heyra megi
hana á Netinu. Með þessari tækni er
hægt að vera með fleiri en eina rás á
hverri tíðni og ætti hún því að leysa
vandamálið sem fylgt hefur því að
útvarpstíðni er takmörkuð auðlind,
að sögn Bjarka.
Dagskrá birt fram í tímann
Á vefsíðu stöðvarinnar, ruv.is/
rondo, er ætlunin að veita hlust-
endum grunnupplýsingar um þá
tónlist sem leikin er á rásinni. Þá
verða birtir listar yfir þau verk sem
leikin eru á heilum sólarhring í senn.
Jafnvel verður birt dagskrá stöðv-
arinnar heila viku fram í tímann, að
sögn Bjarka. „Svo getur vel verið að
þessi rás eigi eftir að þroskast upp í
alvöru klassíska tónlistarrás hjá
Ríkisútvarpinu, með dagskrárgerð-
armönnum og öllu tilheyrandi, en
það er framtíðarsinfónía,“ segir
Bjarki.
Útvarp | RÚV hyggur á tilraunir með
stafrænt útvarp fyrir páska
Kemur með stóru
páskaeggjunum
Bjarki Sveinbjörnsson
SKJÁR einn hefur keypt réttinn til að framleiða sjón-
varpsþætti að fyrirmynd bandarísku veruleikaþátt-
anna Bachelor og Bachelorette. Verður þetta stærsta
verkefni sem stöðin hefur ráðist í og hefjast sýningar
með íslenskum þátttakendum, piparsveini og hópi von-
góðra stúlkna í haust.
Hérlendis hefur Skjár einn haft bæði Bachelor og
Bachelorette til sýninga. Þættirnir hafa notið geysi-
vinsælda í Bandaríkjunum og reyndar víða um heim.
Búast má við því að íslensku þættirnir verði mjög líkir í
uppbyggingu enda gilda strangar reglur um slíkt.
Ætli rósir af Suðurlandi verði notaðar í rósaathöfn-
inni þegar piparsveinninn velur álitlegar stúlkur úr
hópnum? Hvar ætli piparsveinahúsið verði? Þessum
spurningum og mörgum fleiri verður svarað þegar
nær dregur. Verður spennandi að sjá hvernig Íslend-
ingar bregðast við þessu og hvernig ásóknin í þættina
verður.
Eins og aðdáendur þáttanna þekkja snúast þeir um
að útvalinn piparsveinn eða piparmeyja fær tækifæri
til að kynnast hópi ungra kvenna og manna með sam-
band í huga. Einn af öðrum detta þátttakendur út og
endar það með því að parið stendur eftir eitt. Þáttun-
um lýkur jafnan með bónorði eins og skemmst er að
minnast með Meredith Phillips og Ian McKee. Þess má
geta að þau eru nýhætt saman eftir árs samband.
Sjónvarp | Íslensk útgáfa af Bachelor hefst í haust á Skjá einum
Íslenskur piparsveinn
Andrew Firestone er einn
þeirra piparsveina sem
gengið hafa út í Bachel-
or-þáttunum.
Meredith hefur verið þátt-
takandi bæði í Bachelor og
Bachelorette. Nafn síðustu
rósarinnar hennar var Ian.
FRÁ og með næsta mánudegi, 21. febrúar, býður Regn-
boginn 400 króna miðaverð á fyrstu sýningar en tilboðið
verður í gildi alla daga vikunnar á allar myndir. Verða
sýningarnar, sem þetta miðaverð gildir á, auglýstar sér-
staklega í daglegum bíóauglýsingum dagblaðanna, með
rauðum lit.
Almennt miðaverð á erlendar kvikmyndir hefur ver-
ið 800 kr. um nokkuð skeið en kvikmyndahúsin hafa í
auknum mæli boðið upp á sértilboð eins og t.a.m. á
barnamyndir og efnt til sérstakra þemadaga þar sem
miðaverð hefur verið sett niður.
Kvikmyndir | Regnboginn
Það margborgar sig að taka daginn snemma þegar farið
er á óskarskandídata eins og Finding Neverland.
Hálfvirði á fyrstu
sýningar dagsins
Fyrir
flottar
konur
Bankastræti 11 ● sími 551 3930