Morgunblaðið - 03.04.2005, Blaðsíða 49
MORGUNBLAÐIÐ SUNNUDAGUR 3. APRÍL 2005 49
DAGBÓK
Stundum er sagt að versti óvinur samkyn-hneigðra sé þögnin. Ungt fólk heyrir ekkitalað um kynhneigð, hvað þá samkyn-hneigð eða tvíkynhneigð í skólanum, fé-
lagsmiðstöðinni, íþróttafélaginu. Þeir sem eru
hommar, lesbíur eða tvíkynhneigðir heyra aldrei
talað um sig, heyra ekki fjallað um neitt á sínum
forsendum vegna þess að reglan er sú að allir eru
gagnkynhneigðir þangað til annað kemur í ljós. Og
það líður oft á löngu þangað til annað kemur í ljós.
Fólk frestar því jafnvel í hið óendanlega að op-
inbera aðra kynhneigð en meirihlutinn. Þetta fólk
felur sig og kýs að lifa á röngum forsendum til þess
eins að verða ekki undir, lenda ekki í einelti, verða
ekki fórnarlömb fordóma, því þeir eru töluverðir,“
segir Sverrir Páll Erlendsson sem er í undirbún-
ingshópi ráðstefnunnar Hver er sá veggur, en hún
verður haldin á Akureyri 8. apríl næstkomandi.
Þar verður fjallað um samkynhneigð unglinga í
skólum, félagsstarfi, íþróttum og dreifbýli.
Sverrir Páll segir að á síðustu árum hafi sú
breyting orðið að fleiri kjósa að koma úr felum og
freista þess að lifa á sínum forsendum fyrr en áður.
Kynhneigðin er sumum ljós frá bernsku en hún
verður ljósari með kynþroskanum. Unglingsárin
eru viðkvæmur aldur og freistandi að reyna að
falla í fjöldann. Jafnvel hættulegt að vera öðruvísi.
„Þá er mjög nauðsynlegt að talað sé um kynhneigð
og sagt frá því að ekki séu allir eins. Það ætti að
vera hlutverk skólanna, en fræðsla um kynhneigð
er nánast engin í skóla. Þó er þar fjöldi unglinga
sem eru samkynhneigðir og tvíkynhneigðir. Þess
vegna verða skólarnir að taka til við þessa fræðslu
og ráðstefnan er að hluta ætluð kennurum, til að
auðvelda þeim að ræða um samkynhneigð við nem-
endur sína.“
Ef 5–10% mannfólksins eru hommar og lesbíur
og tvíkynhneigðir bætast jafnvel við þá tölu má líta
svo á að 1–2 nemendur í hverjum bekk, hverjum 25
manna hópi í félagsmiðstöðinni eða íþróttafélaginu
gætu verið samkynhneigðir.
„Á þessum stöðum þarf líka að vera hægt að
fjalla um kynhneigð. Hommar og lesbíur og tví-
kynhneigðir eiga líka að geta verið með í íþróttum
eða öðru félagsstarfi og fá störf til jafns við alla
aðra. Stundum hrökklast samkynhneigðir úr svona
félagsskap. Það er þjóðsaga að hommar hati fót-
bolta og aðrar átakaíþróttir. Þeir séu bara í ballett
og svoleiðis. Þetta eru sömu fordómar og að
hommi sé næstum eins og kona og lesbía sé hálf-
gerður karl. Það eru líka til slíkar týpur sem flestir
halda að allir falli undir. En það sést alls ekki á öll-
um hommum að þeir séu hommar og lesbíur geta
þess vegna alveg verið fegurðardrottningar og
sýningarstúlkur.“
Ráðstefna| Samkynhneigð og tengsl við skóla, íþróttir, félagslíf og dreifbýli
Þögnin versti óvinurinn
Sverrir Páll er kenn-
ari við Menntaskólann á
Akureyri. Hann var um
árabil félagsmála-
ráðunautur við skólann
en hefur á síðustu árum
starfað í þágu samkyn-
hneigðra, einkum í
tengslum við fé-
lagsskap samkyn-
hneigðra ungmenna á
Akureyri og Norður-
landsdeild FAS, Samtaka foreldra og aðstand-
enda samkynhneigðra. Hann á sæti í und-
irbúningsnefnd ráðstefnunnar Hver er sá
veggur.
Félagsstarf
Breiðfirðingafélagið | Félagsvist í
Breiðfirðingabúð sunnudaginn 3. apr-
íl. Kaffiveitingar, allir velkomnir.
Félag eldri borgara, Reykjavík |
Leikfélagið Snúður og Snælda sýnir
leikritið Ástandið sunnudagskvöldið
3. apríl kl. 20 í Iðnó. Ath. breyttan
sýningartíma. Næsta sýning verður
miðvikudaginn 6. apríl kl. 14. Miðasala
í Iðnó. Ath. allra síðustu sýningar.
Félag eldri borgara, Reykjavík |
Dansleikur sunnudagskvöld kl. 20.
Hljómsveitin Klassík leikur fyrir dansi.
Félagsstarf Gerðubergs | Fimmtu-
daginn 7. apríl kl. 13.15: „Kynslóðir
saman í Breiðholti“, félagsvist í sam-
starfi við Hólabrekkuskóla. Allir vel-
komnir.
Háteigskirkja | Kvenfélag Háteigs-
kirkju. Vorferð að Stokkseyri og Eyr-
arbakka þriðjudaginn 5. apríl frá
Setrinu kl. 16.30. Skráning eftir há-
degi laugardag og mánudag í síma
511 5405.
Hraunsel | Fimmtudaginn 7. apríl
verður opið hús kl. 14. Dagskrá og
veitingar verða í boði Rotaryklúbbs
Hafnarfjarðar. Á morgun verður fé-
lagsvist.
Hæðargarður 31 | Handverk, tré-
skurður, postulín, myndlist, glerlist,
bókmenntaklúbbur, sönghópur, fé-
lagsvist, leiktúlkun o.fl. Námskeið í
framsögn í apríl. Kennari Soffía Jak-
obsdóttir leikari og aðjúnkt við KHÍ.
Námskeið í þæfingu. Skráning hafin.
Allir velkomnir. Sími 568 3132.
Korpúlfar, Grafarvogi | Gönguhópur
frá Egilshöll kl. 11 á morgun.
Vesturgata 7 | Föstudaginn 22. apríl
verður farið í Borgarleikhúsið að sjá
Híbýli vindanna. Rútuferð frá Vest-
urgötu 7 kl. 19.15, skráning í síma
535 2740. Allir velkomnir.
Vesturgata 7 | Fimmtudaginn 7. apríl
kl. 10.30 helgistund í umsjón séra
Hjálmars Jónssonar dómkirkjuprests,
Þorvaldur Halldórsson leikur á hljóm-
borð. Allir velkomnir.
Kirkjustarf
Akureyrarkirkja | Fundur í æskulýðs-
félaginu kl. 20.
Grafarvogskirkja | Bænahópur kl. 20
alla sunnudaga. Tekið er við bæn-
arefnum alla virka daga frá kl. 9–17 í
síma 587 9070.
Hvítasunnukirkjan Fíladelfía |
Brauðsbrotning kl. 11. Ræðumaður
Vörður Leví Traustason Almenn sam-
koma kl. 16.30. Ræðum. Jón Þór Eyj-
ólfsson. Gospelkór Fíladelfíu leiðir lof-
gjörð. Barnakirkja. 6. apríl kl. 18 er
fjölskyldusamvera. Fimmtud. 7. apríl
kl. 15 er samvera eldri borgara.
Bænastund laugardag kl. 20 og virka
morgna kl. 7–8.
KFUM og KFUK | AD KFUK fundur
þriðjudagskvöld kl. 20 á Holtavegi
28. Kristín Sverrisdóttir, kennari og
námsráðgjafi, segir frá Kvöldskóla
KFUM. Kaffi. Allar konur velkomnar.
Kirkja Jesú Krists Hinna síðari
daga heilögu, mormónar | Að-
alráðstefna kirkjunnar sem fer fram í
Utah verður móttekin í kapellunni á
ensku og íslensku sem hér segir: 2.
apríl 15–16.30 (ekki beint) og 17–19
(beint) 3. apríl 9–11 (ekki beint), 12–14
(ekki beint) og 16–18 (beint). Allir vel-
komnir.
Staðurogstund
http://www.mbl.is/sos
HVÍLDARDAGSKVÖLD verður
haldið á Grandrokks í kvöld,
sunnudag 3. apríl. Að undanförnu
hefur sjóðheitur djass ráðið ríkj-
um í dagskránni og þá helst í
formi heimilda- og tónleikakvik-
mynda. Dagskráin er eftirfar-
andi:
20:00–21:00 Jazz – 9 hluti: Risk
(1945–1949)
21:00–22:00 Charlie Parker &
Dizzy Gillespie: The Founding
Fathers Of Be Bop
22:00–23:00 Thelonious Monk:
American Composer
23:00–01:00 The Miles Davis
Story Víðfræg heimildamynd sem
hlaut Emmyverðlaun árið 2001.
Sýningar hefjast stundvíslega
kl. 20:00 á 2.hæð Grandrokks og
er aðgangur ókeypis. Grandrokk,
Laugarásvídeó og Sonet standa
að Hvíldardagskvöldinu.
Hvíldardagskvöld
á Grandrokk
PÉTUR H. Ármannsson arkitekt og
deildarstjóri byggingarlist-
ardeildar Listasafns Reykjavíkur
heldur fyrirlestur á morgun, sunnu-
daginn 3. apríl, kl. 15 um framlag
Harðar Ágústssonar til íslenskrar
byggingarlistar í Listasafni Reykja-
víkur – Kjarvalsstöðum, en yfirlits-
sýning á verkum Harðar stendur
þar yfir um þessar mundir.
Í kynningu frá Listasafni Reykja-
víkur segir m.a.: „Hörður Ágústs-
son er fyrir löngu orðinn kunnur
sem einn af fremstu og fjölhæfustu
listamönnum þjóðarinnar. Á ferli
sem spannar meira en hálfa öld hef-
ur hann skilað margföldu lífsstarfi
sem myndlistarmaður, hönnuður,
kennari, gagnrýnandi, rithöfundur,
fræðimaður á sviði sjónvísinda og
brautryðjandi í rannsóknum á ís-
lenskri húsagerðarsögu. Síðast en
ekki síst er hann einn helsti bar-
áttu- og hugsjónamaður á sviði ís-
lenskra sjónlista, talsmaður þess að
umbúnaðurinn sem slíkur eigi sér
innihald og að mennt og menning-
ararfur forms og lita sé engu síðri
en orðsins list.
Á sýningunni í vestursal Kjar-
valsstaða er leitast við að varpa
ljósi á framlag Harðar Ágústssonar
á sviði myndlistar, hönnunar og
byggingarlistar og hvernig hinir
ólíku þættir fléttast saman í ein-
stæðu lífsverki, þar sem enginn
þeirra verður skilinn án vitundar
um hina.“
Í tengslum við sýninguna hefur
verið gefin út vegleg sýning-
arskrá.Sýningarstjórar eru Pétur
H. Ármannsson, Eiríkur Þorláks-
son og Guðmundur Oddur Magn-
ússon.
Sjá nánar: http://www.listasafn-
reykjavikur.is/Kjarvalsstadir/
syningar/hordur.shtml
Fyrirlestur um verk
Harðar Ágústssonar
Verndari Vildarbarna er Vigdís Finnbogadóttir.
Landsbanki Íslands sér um fjárhald sjóðsins.
Umsóknir um ferðastyrki
Vildarbarna
Styrkir verða í þetta skipti veittir til barna á aldrinum 6-14 ára.
Nánari upplýsingar og umsóknareyðublöð eru á heimasíðu Vildarbarna:
www.vildarborn.is og í útibúum Landsbanka Íslands.
Umsóknarfrestur er til 7. apríl 2005.
Úthlutað verður úr sjóðnum 21. apríl 2005.
Alva Lena og systir hennar í Florida.
Ferðasjóður Vildarbarna er sameiginlegt átak Icelandair og viðskiptavina félagsins til
að gera langveikum börnum og fjölskyldum þeirra, og börnum sem búa við sérstakar
aðstæður vegna veikinda, kleift að ferðast. Ferðasjóður Vildarbarna hefur gert 30
fjölskyldum kleift að fara í ógleymanlega og uppbyggjandi fjölskylduferð.