Morgunblaðið - 26.08.2005, Síða 4

4 FÖSTUDAGUR 26. ÁGÚST 2005 MORGUNBLAÐIÐ
FRÉTTIR
ÁRNI M. Mathiesen sjávarútvegs-
ráðherra segist ekki geta tekið undir
hugmyndir nokkurra Vestfirðinga
um að afnema byggðakvótann og
auka þess í stað
línuívilnunina.
Ekki séu liðin tvö
ár frá því að nú-
gildandi lögum
um byggðakvóta
var breytt og enn
sé lögbundinn að-
lögunartími ekki
liðinn. Tölur sýni
ennfremur að
sjávarbyggðir
kæmu misjafnlega út úr afnámi
byggðakvóta.
„Ég held að við eigum að hætta
þessu hringli og reyna einu sinni að
halda okkar stefnu og reyna á það
sem við erum búin að gera. Ágæt-
lega hefur gengið að úthluta þessum
byggðakvóta og tiltölulega litlar deil-
ur verið um skiptingu hans,“ segir
Árni. Sjávarútvegsráðherra segir að
þegar fram komi svona tillögur, eins
og Guðmundur Halldórsson á Bol-
ungarvík og fleiri Vestfirðingar hafa
sett fram og greint var frá í blaðinu í
gær, verði menn „að sjá aðeins út
fyrir sinn hafnarkjaft“. Ef byggða-
kvótinn verði afnuminn muni kvóti
vegna línuívilnunar dreifast með allt
öðrum hætti.
Mismunandi áhrif
Máli sínu til stuðnings nefnir Árni
að í línuívilnun hafi „ekki einum titti“
verið landað á Bíldudal. Nú sé Bíldu-
dalur með 3,5% byggðakvótans.
Raufarhöfn hafi fengið 2,37%
byggðakvótans, samanborið við 0,2%
línuívilnunar yfir veiðitímabilið
2004–2005. Hins vegar hafi Bolung-
arvík, heimabær Guðmundar Hall-
dórssonar í Eldingu, fengið 2,45% af
byggðakvótanum en þar hafi 10,6%
af línuívilnuninni verið landað. Í því
ljósi sé krafa Bolvíkinga ekki óeðli-
leg, enda Guðmundur mikill baráttu-
maður fyrir sitt fólk og allt gott um
það að segja.
„En ég er mjög hræddur um að
þessari tillögu verði víða tekið mjög
illa. Ekki þarf að fara lengra en til
Súðavíkur,“ segir Árni og bendir á
að þangað fari 5,24% af byggðakvót-
anum á meðan 0,1% af línuívilnun
hafi verið landað þar. „Ég er ekki að
segja að hlutirnir eigi að vera
óbreytanlegir til eilífðar en ef við
færum að breyta þessu núna er verið
að hringla með hlutina.“
Ráðherra telur ekki rétt að afnema byggðakvótann
„Menn verða að sjá út
fyrir sinn hafnarkjaft“
Árni M. Mathiesen
„ÉG get kannski ekki talað fyrir munn allra sjómanna og útgerðarmanna á
Suðurfjörðunum, en við erum flestir á móti breytingum á því fyrirkomu-
lagi sem nú er við úthlutun á aflaheimildum. Við viljum ekki hrófla við
byggðakvótanum og sjáum ekki ástæðu til að auka línuívilnun til dagróðr-
arbáta, sem láta beita í landi. Við höfum ekki heyrt á þessar hugmyndir
minnzt fyrr en við lásum um þetta í Morgunblaðinu,“ segir Guðjón Indriða-
son, fiskverkandi og útgerðarmaður á Tálknafirði. Þótt byggðakvótinn sé
ekki mikill, skipti hann töluverðu máli og hafi mildað sárustu kvalirnar.
Menn á Suðurfjörðunum séu undrandi á þessum hugmyndum.
Við styðjum byggðakvótaEftir Björn Jóhann Björnssonbjb@mbl.is
BORGARRÁÐ samþykkti í gær einróma að
falla frá hækkun leikskólagjalda hjá fjölskyldum
þar sem annað foreldrið er í námi, en tillaga Al-
freðs Þorsteinssonar þar að lútandi var lögð
fram á síðasta fundi ráðsins, en afgreiðslu henn-
ar frestað. Fulltrúar Reykjavíkurlista beindu
því til menntaráðs að hraða útfærslu áforma um
gjaldfrjálsan leikskóla eftir föngum.
Hækkanirnar áttu að koma til framkvæmda 1.
september nk., en í tillögunni sem samþykkt var
á fundi borgarráðs kemur fram að með yfirlýs-
ingu Reykjavíkurlistans um gjaldfrjálsan leik-
skóla í áföngum hafi forsendur þess að hækka
leikskólagjöld hjá fjölskyldum þar sem annað
foreldrið er í námi breyst.
Í bókun meirihluta Reykjavíkurlista vegna
málsins kemur fram að málefnasamningur
flokkanna segi að stefnt sé að því að draga úr
gjaldtöku á leikskólum. „Fyrsta skrefið í átt til
gjaldfrjáls leikskóla var stigið haustið 2004, en
næstu skref bíða nánari útfærslu menntaráðs í
kjölfar samþykktar borgarráðs sl. vor. Með því
að borgarráð fellur frá einföldun gjaldskrár-
innar nú er minnt á að menntaráð hefur það
verkefni „að útfæra ítarlega áform um gjald-
frjálsan leikskóla í Reykjavík“ skv. samþykkt
borgarráðs 14. apríl sl. og verði því verki hraðað
eftir föngum.“
Borgarfulltrúar Sjálfstæðisflokks sögðu í bók-
un sinni að þeir fögnuðu því að tillögu þeirra frá
14. apríl sl., um að fallið verði frá hækkununum,
sé nú borin upp aftur og samþykkt.
„Tillögu sjálfstæðismanna var á sínum tíma
vísað til menntaráðs en umræðu og afgreiðslu
frestað, enda ljóst að R-listinn hafði engan
áhuga á að veita henni brautargengi. Sú breytta
afstaða sem fram kemur í tillögu fulltrúa Fram-
sóknarflokksins er til bóta fyrir stóran hóp for-
eldra í samræmi við áður lýsta afstöðu fulltrúa
Sjálfstæðisflokks og því er tillagan samþykkt án
þess að afstaða sé tekin til greinargerðar henn-
ar,“ segir ennfremur í bókuninni. Áheyrnar-
fulltrúi F-lista fagnaði tillögunni, enda stefna
Frjálslyndra að lækka eða fella niður þjónustu-
gjöld hjá barnafjölskyldum.
Borgarráð hættir við hækkun leikskólagjalda þar sem annað foreldri er í námi
Útfærslu áforma um gjald-
frjálsan leikskóla hraðað
FRAMKVÆMDIR standa nú yfir í
Akralandi í Garðabæ og hafa gert
undanfarna tvo mánuði.
Egill Jónsson, byggingarfulltrúi
Garðabæjar, segir að í byggingu sé
nýtt hverfi, sem nefnt verður Akra-
hverfi. Reist verði fjölbýlis-, rað- og
einbýlishús á svæðinu og segir Egill
að í byggingu sé alls á fjórða hundr-
að íbúða. Kambur hf. sér um fram-
kvæmdir og er búist við því að þær
taki um tvö til þrjú ár. Í sumar er
unnið að byggingu fjölbýlishúsanna
og vegagerð fyrir einbýlis- og rað-
húsin en bygging þeirra hefst síðar,
að sögn Egils.
Morgunblaðið/RAX
Akrahverfi í Garðabæ í byggingu
BOGI Ágústsson, forstöðumaður
fréttasviðs Ríkisútvarpsins, og Óðinn
Jónsson, fréttastjóri Ríkisútvarpsins,
tóku þá ákvörðun í gær að Sigmundur
Sigurgeirsson, dagskrárgerðar- og
fréttamaður hjá svæðisútvarpi RÚV
á Suðurlandi, hætti í fréttaflutningi
fyrir Ríkisútvarpið.
Ákvörðun Boga og Óðins kemur í
kjölfar þess að fyrr í mánuðinum
skrifaði Sigmundur pistil á bloggsíðu
þar sem hann fjallaði um Bónusfeðga
og yfirmenn KB banka með heldur
óvægnum hætti.
Pistillinn hafði staðið á síðunni í
nokkra daga en var til umfjöllunar í
kvöldfréttum Stöðvar 2 í gærkvöldi.
Þar kom fram að Sigmundur hafi
tekið pistilinn af heimasíðu sinni í
kjölfar samtals við blaðamann DV og
nýr pistill sé kominn í staðinn.
Í tilkynningu frá Boga Ágústssyni
segir hann að það sé mat hans og Óð-
ins Jónssonar að „með skrifum sínum
hafi Sigmundur sýnt slíkt dómgreind-
arleysi að við treystum honum ekki
lengur til að vinna við fréttir í Rík-
isútvarpinu“. Bogi vildi ekki tjá sig að
öðru leyti um málið. Morgunblaðið
náði ekki tali af Sigmundi í gær.
Sigmundur hættir í fréttum fyrir
RÚV en með þessu er honum þó ekki
sagt upp störfum hjá stofnuninni.
Ekki liggur ljóst fyrir hver afdrif Sig-
mundar innan Ríkisútvarpsins verða
að öðru leyti en því að hann hættir í
fréttum. Málið er að öðru leyti til
skoðunar hjá lögfræðingi RUV.
Látinn hætta
í fréttum
vegna skrifa
á bloggsíðu
ÖKUMAÐUR var sviptur ökuleyfi er
hann var tekinn á 79 km hraða við
Hamrahlíð í gær. Lögreglan segist
ekki munu líða annan eins akstur á
þessum slóðum enda sé 30 km há-
markshraði í götunni. Blindraheim-
ilið og skólastofnanir séu við götuna
og því þurfi að aka með gætni. Þá
stöðvaði lögreglan ökumann á 71
km við götu þar sem einnig er 30 km
hámarkshraði og má hann búast við
ökuleyfissviptingu.
Missti ökuprófið
í Hamrahlíð
♦♦♦