Morgunblaðið - 14.09.2005, Blaðsíða 8

8 MIÐVIKUDAGUR 14. SEPTEMBER 2005 MORGUNBLAÐIÐ
FRÉTTIR
Viðræður eru í gangium dreifingu ásjónvarpsstöðinni
Enska boltanum á fleiri
fjarskiptakerfum en
ADSL- og breiðbands-
kerfi Símans en Íslenska
sjónvarpsfélagið, sem rek-
ur stöðina, hefur skv. úr-
skurði Samkeppniseftir-
litsins verið skikkað til að
afhenda sjónvarpsmerkið
til þeirra fyrirtækja sem
þess óska. Tvö fjarskipta-
fyrirtæki, Tengir og Ís-
landsmiðill, hafa óskað
eftir dreifingu stöðvarinn-
ar og segja forsvarsmenn fyrir-
tækjanna þau í stakk búin til að
veita notendum jafngóða þjónustu
og Síminn gerir nú.
Gunnar Björn Þórhallsson,
framkvæmdastjóri Tengis, sem
staðsett er á Akureyri, er sáttur
við úrskurð Samkeppniseftirlits-
ins og segir fyrirtækið eiga eftir
að auka umsvif sín í kjölfarið. Nú
hafi um tvö hundruð heimili að-
gang að ljósleiðaratengingu en
þar sem sjónvarpsefnið hafi ekki
verið til staðar var hægt á upp-
byggingu kerfisins. Í framhaldi af
því að Tengir fái sjónvarpsefnið
inn á kerfi sitt, ásamt efni frá öðr-
um sjónvarpsfyrirtækjum, er gert
ráð fyrir því að um eitt þúsund
heimili fái aðgang að ljósleiðara-
kerfinu á næstu árum. Gunnar
segir fjarskiptakerfi Tengis sam-
hæft Símans og hægt væri að
virkja fyrsta myndlykilinn nær
samstundis. „Ég er búinn að ræða
við menn á tæknideild Símans og
á gagnaflutningsdeildinni og viðra
hugmynd að tæknilegri útfærslu á
samtengingunni, eins og ég sé
hana. Hins vegar er ekki þar með
sagt að þeir vilji nota þá leið og
gætu í stað komið með tæknilegar
útfærslur sem væru gríðarlega
kostnaðarsamar. Ef það á að
kosta tugi milljóna að tengja fyrir
þessi fáu heimili sem hafa aðgang
hjá mér í dag er það sjálfgert að
það verði allt stopp. En það er
ekkert því til fyrirstöðu að við
gætum tengst þeim í dag, tengt
ljósleiðaranetið inn á fæðinguna
hjá Símanum sem gæti þá fætt til
notendanna í gegnum ljósleiðar-
anetið á sama hátt og þeir eru að
gera í gegnum ADSL-kerfið. Not-
andinn getur notað sama mynd-
lykil og er til staðar og það er því
hægt að nota núverandi aðgangs-
stýrikerfi,“ segir Gunnar Björn en
býst ekki við því að málin gangi
svo greiðlega fyrir sig enda hægir
viðskiptalega hliðin á ferlinu.
Mun hægja á upptöku
á gagnvirku sjónvarpi
Magnús Ragnarsson, fram-
kvæmdastjóri Íslenska sjónvarps-
félagsins, segir málið ekki ein-
göngu snúast um að tengja saman
víra, taka verði inn í reikninginn
rekstur á þjónustukerfum, inn-
heimtu og annað sem snýr að við-
skiptalegum þáttum, þau mál séu
óleyst og geti dregist lengi. Hann
er jafnframt ósáttur með úrskurð
Samkeppniseftirlitsins. „Það er
búið að segja mér að afhenda
þessu fólki þessi verðmæti en ekk-
ert hefur verið rætt um það hvað
ég fæ fyrir minn snúð eða hvað
þeir eiga að fá í sinn hlut. Einnig
er ekki útséð hvort Síminn verði
rekinn í þetta heildsöluhlutverk
sem verið er að setja mig í.“
Spurður út í áhuga Digital Ís-
lands á dreifingu Enska boltans
segir Magnús engar fyrirspurnir
hafa borist frá þeim en ljóst sé að
kerfi þeirra gæti verið nýtt til
dreifingarnar. „Segjum sem svo
að Digital Ísland biðji um sjón-
varpsmerkið en þeir eru með um
70 þúsund myndlykla úti í dag á
meðan við erum með um 10 þús-
und myndlykla úti, því er augljóst
að það myndi styrkja Digital Ís-
land í sessi á kostnað okkar og
verið að gera okkur mjög erfitt
fyrir.
Leiðinlegu áhrifin af því eru
þau að Digital Ísland er kannski
með nægilega gott kerfi en þetta
mun hægja á upptöku á gagnvirku
sjónvarpi, þeir senda út á örbylg-
jutíðni og eru aðeins með ein-
stefnudreifingu.“
Sama gangi yfir alla
„Ég fagna þessum úrskurði
Samkeppniseftirlitsins og tel
hann vera sigur fyrir neytendur.
Nú geta áhorfendur valið þær
flutningsleiðir, eða fjarskiptaleið,
fyrir það efni sem sóst er eftir án
þess að það sé bundið einu fyr-
irtæki,“ segir Njörður Tómasson,
framkvæmdastjóri Íslandsmiðils,
og bætir við að engir tæknilegir
örðugleikar standi í vegi fyrir
samtengingu fjarskiptakerfanna
en fyrirtækið rekur þráðlaust
stafrænt dreifikerfi. Njörður tel-
ur ákvörðun Samkeppniseftirlits-
ins vera mikilvægan þátt í því að
ná jafnræði á fjölmiðlamarkaðn-
um en sama verði að ganga yfir
alla og enn hafi hann engin við-
brögð fengið við beiðni sem send
var 365 ljósvakamiðlum í sumar.
Hann segir ennfremur virða Ís-
lenska sjónvarpsfélagið fyrir að
hafa unnið að heilindum í sam-
starfi við Íslandsmiðil.
Njörður vonast jafnframt til
þess að Samkeppniseftirlitið sjái
til þess að hvorki tæknilegar né
viðskiptahindranir komi í veg fyr-
ir að málið verði dregið á langinn
og Íslandsmiðill fái að dreifa
Enska boltanum, Stöð 2, Sýn, Bíó-
rásinni og Sirkus sem fyrst.
Fréttaskýring | Bitist um Enska boltan
Ekkert til
fyrirstöðu
Íslenska sjónvarpsfélagið skikkað til
afhendingar merkis Enska boltans
Enski boltinn er vinsæll að vanda.
Tengir og Íslandsmiðill í
stakk búin til dreifingar

Forsvarsmenn fjarskiptafyrir-
tækjanna Tengis og Íslandsmið-
ils, sem beðið hafa um að dreifa
merki Enska boltans í gegnum
fjarskiptakerfi sín, segja ekkert
því til fyrirstöðu að þau sendi út
efni Íslenska sjónvarpsfélagsins
og vonandi sé aðeins tímaspurs-
mál hvenær slík dreifing hefst.
Jafnframt benda þeir á að sama
verði að ganga yfir alla og dreif-
ing á efni 365 miðla verði einnig
að vera tryggð.
Eftir Andra Karl
andri@mbl.is
ÞEIR sem leið hafa átt um portið
fyrir framan menntamálaráðu-
neytið í hádeginu síðustu daga hafa
vafalítið rekið upp stór augu því þar
hefur gefið að líta dansandi verur.
Um er að ræða nemendur fram-
haldsdeildar Listdansskóla Íslands
sem dansa mótmæladans.
„Við höfum verið með innsetn-
ingar í portinu og viljum með því
mótmæla þeirri ákvörðun mennta-
málaráðherra að loka skólanum að
loknu nýhöfnu skólaári,“ segir Mel-
korka Sigríður Magnúsdóttir, nem-
andi á síðasta ári í framhaldsdeild
Listadansskóla Íslands, en alls
leggja um fimmtíu nemendur stund
á dansnám við framhaldsdeildina.
Spurð hvernig andinn sé meðal
nemenda skólans út af ákvörðun
ráðherra segir Melkorka nema
furðu lostna. „Hér eru allir afar
undrandi yfir þessari ákvörðun
menntamálaráðherra, ekki síst þar
sem hún tók þessa ákvörðun án
nokkurs samráðs við fagaðila.
Þannig að þetta kom eins og þruma
úr heiðskíru lofti. Þetta er því al-
gjört áfall fyrir nemendur sem eru
búnir að vera hér kannski árum
saman að fá allt í einu þennan
skell,“ segir Melkorka.
Skorum á ráðherra
að kíkja á okkur
Að sögn Melkorku er búið að gefa
það út að Menntaskólinn við Hamra-
hlíð eigi að taka við náminu á fram-
haldsstigi. „Okkur er tjáð að það
eigi að flytja framhaldsdeildina yfir
í MH og að námið eigi að fara fram í
íþróttahúsi skólans, sem er reyndar
enn óbyggt. Einnig hefur komið
fram að sveitarfélögin eigi að taka
við rekstri grunnskóladeildarinnar,
þannig að við sjáum fram á það að
grunnskóladeildin verði rifin í sund-
ur og færð inn í einkareknu
skólana,“ segir Melkorka.
Aðspurð hvort og hvaða viðbrögð
nemarnir hafi fengið við mótmæla-
dansi sínum segir Melkorka það
vera allt frá því að fólk klappi fyrir
þeim til þess að fólk látist ekki sjá
þær eða láti sig snarlega hverfa bak
við gluggatjöld hússins. Spurð
hvort þær hafi rekist á mennta-
málaráðherra í portinu svarar Mel-
korka: „Nei, því miður. Við skorum
bara á hana að labba þarna framhjá
eða kíkja á okkur einhvern tímann á
næstunni.“
Mótmæladansinn hófst sl. föstu-
dag og verður áfram daglega milli
kl. 11.45 og 12.30 fram til 23. sept-
ember.
Morgunblaðið/GolliInnsetningar dansnemenda hafa vakið nokkra athygli vegfaranda.
„Áfall fyrir nemendur skólans“
Eftir Silju Björk Huldudóttur
silja@mbl.is
Mótmæladans fyrir framan menntamálaráðuneytið