Morgunblaðið - 19.09.2005, Side 25

MORGUNBLAÐIÐ MÁNUDAGUR 19. SEPTEMBER 2005 25
UMRÆÐAN
Til bókaútgefenda:
BÓKATÍÐINDI 2005
Skilafrestur vegna kynningar og
auglýsinga í Bókatíðindum 2005
er til 6. október nk.
Ritinu verður sem fyrr dreift
á öll heimili á Íslandi
Allar upplýsingar á skrifstofu
Félags íslenskra bókaútgefenda,
Barónsstíg 5, sími 511 8020.
Netfang: baekur@mmedia.is
————————————— ◆◆◆ —————————————
Frestur til að leggja fram
bækur vegna Íslensku
bókmenntaverðlaunanna 2005
er til 10. október nk.
Nánari upplýsingar á skrifstofunni.
Átt þú réttu græjurnar?
Láttu áhugasama vita!
Glæsilegur blaðauki um atvinnubíla og vinnuvélar
fylgir Morgunblaðinu miðvikudaginn 5. október.
Meðal efnis er:
Vinnuvélar - það nýjasta á markaðnum
Pallbílar - Græjur í bílana - Varahlutir
Dekk - Vinnufatnaður fyrir veturinn
og margt fleira
Auglýsendur, pantið fyrir kl. 16:00
föstudaginn 30. september.
Allar nánari upplýsingar veitir
Katrín Theódórsdóttir í síma 569 1105
eða kata@mbl.is
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
ALÞJÓÐLEGA Ólympíukeppnin í
efnafræði fór fram á Taívan dagana
15. til 26. júlí fyrr á þessu ári.
Keppnin var haldin í höfuðborg-
inni Taípei. Íslendingar sendu lið í
fjórða sinn til þessarar árlegu
keppni.
Þetta er í 37. skipti sem Ólympíu-
keppnin er haldin en hún var fyrst
haldin í Prag árið 1968. Markmið
keppninnar eru að hvetja nemendur
sem hafa áhuga á efnafræði til dáða,
gefa þeim tækifæri á að hitta annað
ungt fólk frá ýmsum löndum og
stuðla þannig að auknum tengslum
og alþjóðlegri samvinnu innan og ut-
an fræðigreinarinnar.
Í ár tóku 225 keppendur frá 59
löndum þátt í keppninni. Sigurveg-
ari keppninnar var Alexey Zeifman
frá Rússlandi, hann vann keppnina
líka í fyrra. Í öðru sæti, ekki langt á
eftir, var Jesada Temaismithi frá
Taílandi og í þriðja sæti var Anton
Repko frá Slóvakíu. Í fræðilega hlut-
anum náði bestum árangri Senan
Eminov frá Aserbaídsjan sem hafn-
aði í 22. sæti og í verklega hlutanum
stóð Maximilian Tromayer frá Aust-
urríki sig best en hann lenti í 47.
sæti.
Íslenska liðið skipuðu að þessu
sinni þau Arnar Þór Stefánsson,
MA; Hildur Knútsdóttir, VÍ; María
Óskarsdóttir, MR; og Tomasz Hall-
dór Pajdak, MR. Þau voru valin í lið-
ið vegna góðrar frammistöðu í
Landskeppninni í efnafræði sem
Efnafræðifélag Íslands og Félag
raungreinakennara héldu síðastlið-
inn vetur. Áður en haldið var til
Taívan gengust þau undir tveggja
vikna þjálfun í dæmareikningi og
vinnubrögðum á tilraunastofu við
Háskóla Íslands. Auk keppendanna
fjögurra fóru tveir þjálfarar með í
Ólympíukeppnina, þeir Finnbogi
Óskarsson og Gísli Hólmar Jóhann-
esson sem önnuðust þýðingu próf-
verkefnanna á íslensku og yfirferð
úrlausna keppendanna.
Árangur íslenska liðsins í ár var
svipaður og verið hefur hingað til;
enginn kom heim með verðlaunapen-
ing en keppendurnir stóðu sig að
meðaltali svipað og lið Norðmanna
og Svía. Hinir síðarnefndu náðu þó
einum bronsverðlaunum. Danir og
Finnar stóðu sig heldur betur líkt og
undanfarin ár. Danir náðu þremur
bronspeningum og Finnarnir lönd-
uðu tveimur bronspeningum. Besta
árangur íslenska liðsins átti Tomasz
Halldór. Tomasz Halldór stóð sig
best Íslendinganna í fræðilega hluta
keppninnar en Arnar Þór varð hlut-
skarpastur í verklega hlutanum.
Það setti svip sinn á keppnina að
fellibylurinn Haitang skall á eyjunni
við upphaf hennar. Fellibylurinn var
einn sá stærsti á þessum áratug, en
Taívan fær yfir sig einn til tvo felli-
bylji á hverju ári. Það fylgdi þessu
mikil spenna og ekki síst hjá Íslend-
ingunum sem vildu endilega kynnast
alvöru fellibyl. Þegar til kom fór
fellibylurinn að mestu yfir eyjuna
fyrir sunnan Taípei og það varð frek-
ar lítið úr honum á keppnisstaðnum.
Þetta voru að sjálfsögðu ákveðin
vonbrigði fyrir veðurbarða Íslend-
inga. Þetta þýddi þó að það rigndi
meira og minna allan keppnistím-
ann, sem minnti mjög á ættjörðina
nema að hitastigið var mun hærra og
rigningin því hlý. Ókosturinn var að
skoðunarferðirnar voru mjög votar.
Í lokin stytti upp og hægt var að
njóta veðurblíðunnar í þrjá daga áð-
ur en haldið var heim á leið.
Skipulag Ólympíukeppninnar í ár
var í höndum efnafræðideildar Nat-
ional Taiwan Normal University í
Taípei. Skipulagið var ásættanlegt,
en sumt hefði mátt betur fara. Á
heildina litið var samt mjög
skemmtilegt að kynnast landi og
þjóð, sem var Íslendingunum fram-
andi.
Styrktaraðilar íslensku efnafræði-
keppninnar voru margir og vill
Efnafræðifélag Íslands þakka eft-
irtöldum aðilum fyrir góðan stuðn-
ing: SPRON, Bankastjórn Seðla-
bankans, Actavis hf., Össur hf.,
Ensímtækni ehf., Málning ehf.,
Prokaria ehf., VGK, Lyfjaþróun hf.,
A&P Árnason ehf. og Sementsverk-
smiðjan. Menntamálaráðuneytið
styrkti Ólympíuliðið til ferðarinnar.
GÍSLI HÓLMAR
JÓHANNESSON,
Langalína 7, 210 Garðabæ.
Alþjóðlega Ólympíukeppnin í efnafræði 2005
Frá Gísla Hólmari Jóhannessyni,
þátttakanda í Ólympíuleikunum á
Taívan
Íslensku þátttakendurnir á Ólympíuleikunum í eðlisfræði, sem fram fóru á
Taívan. Frá vinstri eru Gísli Hólmar, Tomasz Halldór, Arnar Þór, María,
Hildur, Finnbogi og Chen, leiðsögumaður íslenska liðsins.
ÞEIR SEM eru ölvaðir af kaupæði
verðbréfaspákaupmanna hefðu gott
af því að lesa bréf dr. Valtýs Guð-
mundssonar, prófessors, sem kom
mági sínum, Jóhannesi bæjarfógeta, í
ógæfu og lagði Jónasi Jónssyni frá
Hriflu vopn í hendur til þess að
ófrægja bæjarfógetann fyrir meðferð
á ekknasjóðum. Þrátt fyrir skrif Jón-
asar var Jóhannes kjörinn formaður
Alþingishátíðarnefndar.
Í bréfum dr. Valtýs má lesa hroka-
gikksháttinn og einræðistilhneigingu
dr. Valtýs. Hann er maður Mussol-
inis. Vill ekki að vinnumenn hafi
kosningarrétt. Tapar margföldum
árslaunum prófessors í spek-
úlasjónum á kauphöll og verðbréfa-
og peningabraski. Fær 30 þúsund
krónur lánaðar hjá Jóhannesi mági
sínum, vitandi að hann getur aldrei
greitt upphæðina til baka. Svona geta
menn verið blindir í sjálfs sín sök.
Þeir sem nú kaupa verðbréf fyrir
lánsfé spila ógætilega með sjálft fjör-
egg sitt. Tefla á tæpasta vað. Við
þeim blasa örlög dr. Valtýs og ann-
arra hrokagikkja. Auðvaldsskipulag
það sem heimurinn býr við hefir sín
takmörk. Það er alltaf verið að reyna
að selja konunni sem á 10 kápur ell-
eftu kápuna. Sú sem er nakin er ekki
viðtalshæf. Hún er ekki á mark-
aðnum. Íslenskar landbúnaðarvörur
eru komnar á sælkeramarkað líkt og
hjá Rómverjum, sem notuðu páfugls-
fjaðrir til þess að kitla sig í kokinu svo
þeir gætu étið meira. Markaðurinn
fyllist fljótt. Það þarf að senda Alan
Greenspan bækling Ragnars Kvaran,
sem var tengdasonur Hannesar Haf-
stein. Hann skrifaði mergjað rit um
heimskreppuna og hagkerfi kapítal-
ismans. Seðlabankinn sýndi þann
drengskap að styrkja útgáfu
bæklingsins. Heill og þökk sé Birgi
Ísleifi og félögum hans.
Greinarhöfundur sótti sýnikennslu
í átökum 9. nóvember 1932.
Gúttóslaginn. Þá hófu vígamóðir
verkamenn Magnús lögreglumann á
loft við grindverkið á Austurvelli og
ætluðu að varpa honum á „grillteina“
girðingarinnar. Svo rík var heiftin í
brjósti þeirra. Ásgeir, bróðir minn,
var kominn með staf í hönd sér og
ætlaði að keyra hann í höfuð Hjalta
konsúls, sem var bæjarfulltrúi. Þá
sagði einhver nærstaddur: „Æ, látið
þið blessaðan gamla manninn í friði.“
Ásgeir bróðir minn var mannvinur.
Hann lét stafinn síga og sleppti
„blessuðum gamla manninum“. Ás-
geir var stéttvís og fórnfús verka-
maður og vaskur togaraháseti. Hann
ökklabrotnaði í ofviðri á Halamiðum.
Var lagður inn á sjúkrahús á Patreks-
firði. Þar setti hann á svið andafund
með draugaspili og tilheyrandi. Var
ritað um uppákomu þessa í tímariti
spíritista, Morgni.
PÉTUR PÉTURSSON,
þulur.
Tefla á tæpasta vað
Frá Pétri Péturssyni