Morgunblaðið - 25.10.2005, Síða 3

Búum til fleiri fræga Íslendinga!
Icelandair þakkar framkvæmdaaðilum Iceland Airwaves,
samstarfsaðilum, þúsundum gesta og öllum þeim frábæru
listamönnum sem fram komu fyrir vel heppnaða hátíð.
Icelandair er stofnandi og aðalbakhjarl Airwaves.
Hátíðin var sett á laggirnar til að styðja við bakið á íslenskum
tónlistarmönnum með því að tryggja þeim vettvang fyrir
tónlist sína. Tugir erlendra útgáfufyrirtækja sóttu hátíðina
í ár og verður gaman að sjá hvert framhaldið verður.
Iceland Airwaves eykur ferðamannastrauminn til Íslands utan
háannatíma og hátíðin er nú þegar orðið eitt best heppnaða
landkynningarverkefni sem Icelandair hefur staðið að.
Umfjöllun um hátíðina í erlendum fjölmiðlum hefur verið
mikil frá upphafi og í ár sóttu hátíðina yfir 150 blaðamenn
frá Evrópu, Bandaríkjunum og Asíu.
Sjáumst á næsta ári!