Morgunblaðið - 25.10.2005, Blaðsíða 6

6 ÞRIÐJUDAGUR 25. OKTÓBER 2005 MORGUNBLAÐIÐ
FRÉTTIR
Á FUNDI forsætisráðherra Norður-
landanna og Eystrasaltsríkjanna
síðdegis í gær var m.a. rætt um þró-
un innan Evrópusambandsins og
Evrópska efnahagssvæðisins og
tengslin við Rússland og Úkraínu.
Fundarhöld héldu áfram fram eftir
kvöldi og átti þá m.a. að ræða um við-
brögð við fuglaflensu og á sérstökum
fundi forsætisráðherra Íslands og
Noregs átti að fjalla um stöðu fisk-
veiðistjórnunar við Svalbarða.
Þetta kom fram á blaðamanna-
fundi sem haldinn var í Þjóðmenn-
ingarhúsinu að loknum fyrsta fundi
þeirra síðdegis í gær. Halldór Ás-
grímsson, forsætisráðherra, sagði að
viðræðurnar á ráðherrafundinum
hefðu verið afar áhugaverðar, opnar
og afdráttarlausar.
Sameiginleg Evrópustefna
gagnvart Rússlandi
Göran Persson, forsætisráðherra
Svíþjóðar, sagði að löndin í Norður-
landaráði og Eystrasaltsríkin hefðu
öll áhuga á góðri samvinnu og góðum
tengslum við Rússland. „En það er
líka mikilvægt að hafa í huga að
mörg okkar eru einnig í Evrópusam-
bandinu. Og við viljum að það verði
ein sameiginleg stefna Evrópu gagn-
vart Rússlandi,“ sagði hann. Um-
ræður um tengslin við Rússland
myndi því einnig fara fram á vett-
vangi Evrópusambandsins.
Aðspurður sagðist Halldór ekki
vilja svara spurningum um Sval-
barða og um deilur Noregs og Rússa
vegna veiðistjórnunar á svæðinu.
Hann myndi hitta Jens Stoltenberg,
hinn nýja forsætisráðherra Noregs,
á fundi síðar um kvöldið og þegar
þeir hittust væri alltaf rætt um fisk-
veiðar. Að svo komnu vildi hann ekki
svara spurningum en myndi kannski
gera það eftir fundinn.
Spurt var á fundinum hvort vinnu-
markaður á Norðurlöndunum yrði
opnaður frekar fyrir vinnuafli frá
Eystrasaltsríkjunum. Halldór sagði
að margir íbúar þessara ríkja væru
við störf á Íslandi og hið sama gilti
um flest önnur Norðurlöndin. Sér-
stakar reglur giltu um vinnuafl frá
Eystrasaltsríkjunum fram til 2006
og verið væri að ræða hvað tæki við
eftir það. Aðspurður sagði hann að
ráðherrarnir hefðu ekki rætt um
ólöglegt vinnuafl frá þessum löndum.
Þá var spurt hvenær Eystrasalts-
ríkin yrðu aðilar að Norðurlandaráði
og enn varð Halldór fyrir svörum.
Hann sagðist ekki vita til þess að þau
hefðu sótt um aðild en samvinna milli
ráðsins og Eystrasaltsríkjanna færi
vaxandi og þau tækju þátt í sumum
stofnunum ráðsins, þ.á m. Norræna
fjárfestingabankanum. Ekkert hefði
hins vegar verið rætt um beina aðild
að ráðinu.
Ráðherrarnir voru spurðir um af-
stöðu þeirra til umsóknar Íslendinga
um sæti í öryggisráði Sameinuðu
þjóðanna og sagði Halldór það ljóst
að hin Norðurlöndin og Eystrasalts-
ríkin stæðu við bakið á Íslendingum í
því máli og Íslendingar ættu góða
möguleika á sæti í ráðinu.| 8
Fundur forsætisráðherra Norðurlandanna og Eystrasaltsríkjanna
Morgunblaðið/Kristinn Ingvarsson
Göran Persson, forsætisráðherra Svíþjóðar, og Jens Stoltenberg, starfsbróðir hans frá Noregi.
Morgunblaðið/Kristinn Ingvarsson
Ráðherrarnir við upphaf blaðamannafundar. F.h. Jens Stoltenberg, forsætisráðherra Noregs, Göran Persson, forsætisráðherra Svíþjóðar, Andrup Ansip,
forsætisráðherra Eistlands, Anders Fogh Rasmussen, forsætisráðherra Danmerkur, Halldór Ásgrímsson, forsætisráðherra Íslands, Matti Vanhanen, for-
sætisráðherra Finnlands, og Aigar Kalvitis, forsætisráðherra Lettlands. Á myndina vantar Algirdas Brazauskas, forsætisráðherra Litháens.
Rætt um þróun innan ESB
og tengslin við Rússland
Eftir Rúnar Pálmason
runarp@mbl.is
MEIRIHLUTI umhverfisráðs
borgarinnar samþykkti á seinasta
fundi sínum að leggja til við borg-
arráð að gjaldskrá vegna mengun-
ar- og heilbrigðiseftirlits hjá fyrir-
tækjum og stofnunum hækki um
14,75%.
Árni Þór Sigurðsson, formaður
umhverfisráðs, segir skýringu
hækkunarinnar þá að gjaldskráin
hafi verið óbreytt í þrjú ár.
Á fundinum var einnig samþykkt
3% hækkun á gjaldskrá fyrir sorp-
hirðu og á gjaldskrá fyrir meindýra-
varnir, en þær hækkanir eru ein-
göngu í samræmi við verðlags-
breytingar að sögn Árna.
Hann bendir einnig á að umhverf-
isráðherra setji reglur um útreikn-
ing á gjaldi fyrir mengunar- og heil-
brigðiseftirlit, sem eigi að standa
undir kostnaði við eftirlitið. „Engu
að síður innheimtum við ekki fyrir
kostnaðinum við þetta, þannig að
við erum eftir sem áður að greiða
þetta að einhverju leyti niður með
skattfé,“ segir hann.
Segir hlut fyrirtækja
og stofnana verða
um 100 milljónir
Á fundi umhverfisráðs lagði Ólaf-
ur Jónsson, einn af fulltrúum minni-
hlutans, fram bókun þar sem segir
að fulltrúi atvinnulífsins mótmæli
14,75% hækkun gjaldskrárinnar.
Með þeirri hækkun sé tekin til baka
öll hagræðing sem náðst hafi und-
anfarin þrjú ár. „Skv. starfsáætlun
fyrir árið 2006 er gert ráð fyrir allt
að 19 stöðugildum við eftirlit og að
hlutur fyrirtækja og stofnana vegna
þess verði um 100 milljónir króna,“
segir m.a. í bókun hans.
Fulltrúar R-listans sögðu á móti í
bókun að um misskilning væri að
ræða að fyrirhugað sé að fjölga
stöðugildum frá því sem nú er.
Frestuðu gjaldskrá
um handsömun katta
Þá samþykkti umhverfisráð að
fresta ákvörðun um drög að nýrri
gjaldskrá fyrir handsömun katta í
Reykjavík þar sem verklagsreglur
um eftirlit og innheimtu eru ekki til-
búnar.
Lagt til að gjaldskráin
hækki um 14,75%
Mengunar- og heilbrigðiseftirlit Reykjavíkurborgar
GARÐAR Baldvinsson, formaður
Félags ábyrgra feðra, fagnar laga-
frumvarpi dómsmálaráðherra sem
ríkisstjórnin hefur samþykkt þar
sem er að finna ákvæði um að sam-
eiginleg forsjá barna verði megin-
reglan í íslenskum rétti eftir skilnað
eða sambúðarslit.
Garðar tekur þó fram að hann hafi
ekki séð sjálft frumvarpið, heldur
frétt af því.
„Við fögnum þessu stórkostlega
enda hefur sameiginleg forsjá verið
baráttumál Félags ábyrgra feðra í
mörg ár,“ segir Garðar. „Félagið
hefur oft gert tillögur um sameig-
inlega forsjá, m.a. þegar barnalög-
um, sem tóku gildi 2003, var breytt.
Þá lögðum við til að sameiginleg
forsjá yrði meginreglan og að beitt
yrði þvingunarúrræðum.“
Þau þvingunarúrræði sem Garðar
nefnir eru í anda tillagna forsjár-
nefndar og felast í frystingu meðlags
og barnabóta. „Sumir hafa misskilið
þetta á þann veg að við séum að tala
um afnám [meðlags og barnabóta] til
viðkomandi. En málið snýst um um-
gengnina en ekki beinlínis um refs-
ingar. Þvingunarúrræðin eiga að
vera til þess að knýja á um að um-
gengnin sé virt.“
Garðar segist hins vegar ekki hafa
vitneskju um hvort frumvarpið taki á
styttingu málsmeðferðar vegna for-
sjármála, en vonar innilega að svo sé,
enda um gríðarlega mikilvægt atriði
að ræða.
Sameiginleg forsjá
barna verði meginregla
„Fögnum
þessu stór-
kostlega“
LÖGREGLAN á Selfossi veitti
sportbifreið eftirför á Suðurlands-
vegi á milli Hveragerðis og Selfoss
um klukkan átta á sunnudags-
morgun. Ökumaður sportbílsins
neitaði að sinna stöðvunarmerki
lögreglunnar, jók hraðann og
komst undan lögreglu á rúmlega
180 km hraða.
Ökumaður og félagi hans fund-
ust í öðrum bíl á Selfossi skömmu
síðar og voru þeir handteknir, en
neituðu að vísa á sportbílinn. Það
kom þó ekki aðsök þar sem sport-
bifreiðin fannst stuttu síðar á bíla-
sölu á Selfossi. Mennirnir voru
færðir til yfirheyrslu og er mál
þeirra í rannsókn vegna gruns um
ölvunar- og hraðakstur.
Flúðu und-
an lögreglu
á sportbíl
SAMKVÆMT fjárlagafrumvarpinu
sem lagt hefur verið fram á Alþingi
verður engu fé varið til fangelsis-
bygginga á næsta ári en þá hafði ver-
ið gert ráð fyrir að endurbæta og
stækka fangelsin á Kvíabryggju og
Akureyri. Í dómsmálaráðuneytinu
fengust þær upplýsingar að áætlun
um uppbyggingu fangelsanna væri
óbreytt.
Fangelsismálastofnun gerir ráð
fyrir að kostnaður við endurbætur á
Kvíabryggju verði 27 milljónir og
um 130 milljónir á fangelsinu á Ak-
ureyri. Auk þess kosta endurbætur á
lögreglustöðinni um 80 milljónir. Á
vef stofnunarinnar er bent á að
dómsmálaráðherra hafi í maí form-
lega tilkynnt að ráðuneytið hefði
gert tillögu Fangelsismálastofnunar
um uppbyggingu fangelsa ríkisins að
sinni. Jafnframt að samþykkt hefði
verið að hefja þegar framkvæmdir
við uppbyggingu fangelsanna á
Kvíabryggju og á Akureyri.
Einungis spurning um útfærslu
Stefán Eiríksson, skrifstofustjóri
dómsmála- og löggæsluskrifstofu
dómsmálaráðuneytisins, sagði í sam-
tali við Morgunblaðið að fyrirætlanir
ráðuneytisins um að hafist yrði
handa á Kvíabryggju og Akureyri á
næsta ári hefðu ekki breyst. Áfram
væri unnið að málinu í samræmi við
fjárlagafrumvarpið. „Það hefur ekk-
ert breyst í þessari stefnumörkun af
hálfu ráðuneytanna tveggja, heldur
er þetta einungis spurning um út-
færsluna, hvar fjárheimildir koma
inn og þess háttar,“ sagði Stefán.
Ástæðan fyrir því að þetta hefði
ekki verið inni í fjárlagafrumvarpinu
væri sá að heildarkostnaðurinn hefði
ekki legið fyrir þegar verið var að
ganga frá fjárlagafrumvarpinu.
Áform um breyting-
ar fangelsa óbreytt
♦♦♦