Morgunblaðið - 25.10.2005, Blaðsíða 17
MORGUNBLAÐIÐ ÞRIÐJUDAGUR 25. OKTÓBER 2005 17
VIÐSKIPTI/ATHAFNALÍF
Hluthafafundur FL GROUP hf.
Reykjavík, 23. október 2005
Stjórn FL Group hf.
Fundarboð
Hluthafafundur FL Group hf. verður haldinn þriðjudaginn 1. nóvember 2005 á Nordica Hotel að
Suðurlandsbraut 2 og hefst hann kl. 14:00.
Dagskrá fundarins:
1. Tillögur stjórnar um breytingar á samþykktum félagsins.
2. Kjör stjórnar.
3. Önnur mál.
Stjórn FL Group hf. leggur fyrir fundinn eftirfarandi tillögur, sem fela í sér breytingar á samþykktum félagsins:
1. Að heimilisfang félagsins verði að Suðurlandsbraut 12, 108 Reykjavík.
2. Að hlutafé félagsins verði hækkað með eftirfarandi hætti:
a. Að hlutafé félagsins verði hækkað um allt að 3.400.000.000 kr. með útgáfu nýrra hluta. Hluthafar skulu falla frá forgangsrétti
til áskriftar að hinum nýju hlutum, sem seldir verða í lokuðu hlutafjárútboði. Áskriftir skulu háðar því skilyrði að hver einstakur
áskrifandi kaupi hlutafé fyrir a.m.k. 5 milljónir króna. Áskriftargengi hinna nýju hluta skal vera 13,6. Skal heimilt að greiða fyrir
hlutina með reiðufé eða með hlutabréfum í Actavis Group hf., Bakkavör Group hf., HB Granda hf., Íslandsbanka hf., Kaupþingi
banka hf., Landsbanka Íslands hf., Marel hf., SÍF hf., Straumi - Burðarási Fjárfestingabanka hf. og Össuri hf. miðað við lokagengi
þessara hluta miðað við skráð lokagengi þessara hlutabréfa í Kauphöll Íslands hf. síðasta viðskiptadag fyrir upphaf
áskriftartímabils (viðmiðunardagur). Verði breyting á gengi hlutabréfa þessara félaga frá samþykkt þessari fram að greiðsludegi,
þannig að gengi þeirra á greiðsludegi verði meira en 5% hærra eða lægra en það var á viðmiðunardeginum, skal stjórn FL
Group hf. heimilt að hafna viðtöku viðkomandi hluta sem greiðslu og geta krafist peningagreiðslu í staðinn, en hafnað
áskriftinni að öðrum kosti. Þá getur stjórn félagsins áskilið sér rétt til að hafna framangreindum hlutabréfum sem greiðslu ef
það leiðir til þess að FL Group hf. eignast meira en 10% eignarhlut í viðkomandi félagi.
b. Að stjórn félagsins verði heimilað að hækka hlutafé þess um allt að 330.000.000 kr. með útgáfu nýrra hluta. Skal gengi hinna
nýju hluta verða 13,6 fyrir hverja krónu nafnverðs. Hluthafar skulu falla frá forgangsrétti til áskriftar, en hlutirnir skulu afhentir
sem hluti kaupverðs í skiptum fyrir hluti í Sterling Airlines A/S, Sterling Icelandic ApS og Flyselskabet A/S. Skal heimild þessi
gilda í 1 ár.
c. Að stjórn félagsins verði heimilað að hækka hlutafé þess um allt að 73.000.000 kr. að nafnverði með útgáfu nýrra hluta.
Hluthafar skulu ekki njóta forgangs til áskriftar að þessum nýju hlutum, sem nýttir skulu til að uppfylla kaupréttarsamninga við
starfsmenn. Útboðsgengi hlutanna og söluskilmálar skulu vera samkvæmt þeim samningum sem stjórn félagsins eða forstjóri
gera við hlutaðeigandi starfsmenn. Skal heimild þessi gilda í 5 ár.
3. Að stjórnarmönnum verði fækkað úr sjö í fimm.
Tillögur frá hluthöfum sem bera á upp á hluthafafundinum skulu vera komnar í hendur stjórnar félagsins með það miklum fyrirvara að
unnt sé að taka málið á dagskrá fundarins.
Dagskrá fundarins, endanlegar tillögur, endurskoðaður ársreikningur félagsins fyrir árið 2004, svo og árshlutauppgjör fyrir tímabilið frá
1. janúar 2005 til 30. júní 2005, áritað um könnun endurskoðanda félagsins, munu liggja frammi á skrifstofu félagsins hluthöfum til sýnis
7 dögum fyrir hluthafafund. Enn fremur verður hægt að nálgast fundargögn á vefsíðu félagsins, www.flgroup.is eða á aðalskrifstofu
FL Group hf. frá sama tíma.
Fundargögn verða afhent á fundarstað frá kl. 13:30 á fundardegi.
EIGENDUR Fons eignarhalds-
félags, Pálmi Haraldsson og Jó-
hannes Kristinsson, munu segja sig
úr stjórn Iceland Express innan tíð-
ar og eins og greint hefur verið frá
stefna þeir einnig að því losa um
eignarhald sitt á félaginu.
Spurður um hagnað Fons af sölu
Sterling til FL Group svarar Pálmi
því til að Fons hafi keypt Sterling á
fjóra milljarða króna á sínum tíma.
„Við keyptum Maersk Air með
sérstöku samkomulagi við A.P.
Møller í Danmörku, félag sem rekur
helmingi fleiri þotur en Sterling, og
floti Sterling fór úr tíu þotum í 30 við
sameiningu þeirra. Við keyptum
Maersk Air á ákveðnu kaupverði.
Það var að ósk A.P. Møller gert sér-
stakt samkomulag um að greina
ekki frá kaupverðinu. Það sam-
komulag verðum við að virða. En ég
skal þó segja það með sérstöku leyfi
frá þeim að við greiddum fyrir Ma-
ersk Air. Hvað það var mikið kemur
hins vegar engum við öðrum en
kaupenda og seljanda enda var það
ósk hans að ekki yrði greint frá því,“
segir Pálmi.
Ekki 11 milljarða hagnaður
Söluverð Sterling var tæpir 14,6
milljarðar og Pálmi segist ekki skilja
hvernig menn geti fengið út 11 millj-
arð söluhagnað þegar annað félagið
hafi verið keypt á fjóra milljarða og
auk þess hafi
verið greitt fyr-
ir Maersk Air.
Þá bendir
Pálmi á að FL
Group kaupi
Sterling á verði
sem nemi 3-4
sinnum áætluð-
um EBIDTA-
hagnaði þess
sem sé margfalt lægra en sambæri-
leg félög séu seld á.
Pálmi Haraldsson, eigandi Fons, um hagnað af sölu Sterling-flugfélagsins
Kaupverð Maersk trúnaðarmál
Pálmi Haraldsson
Eftir Arnór Gísla Ólafsson
arnorg@mbl.is
KAUPVERÐIÐ, sem FL Group
greiðir fyrir Sterling, er ekki hátt
þegar tekið er tillit til hlutfalls
heildarvirðis (EV) og tekna fyrir
fjármagnsliði (EBITDA) að mati
greiningardeilda bankanna. Gert
er í kaupsamningi ráð fyrir því að
Sterling skili 3,4 milljörðum króna í
EBITDA á næsta ári, en kaupverðið
mun taka breytingum í samræmi
við frávik frá þeirri tölu. Getur end-
anlegt kaupverð því verið á bilinu
10-20 milljarðar. Í Vegvísi grein-
ingardeildar Landsbankans segir
að EV/EBITDA hlutfall Sterling
við kaupin sé óvenjulega lágt, og sé
hægt að túlka það á tvo vegu. Ann-
ars vegar að FL Group sé að greiða
hagstætt verð fyrir Sterling, eða að
áhættan í rekstri Sterling sé meiri
en hjá sambærilegum félögum.
Segir í Vegvísinum að til að kaupin
skili ásættanlegri arðsemi fyrir FL
Group þurfi talsverð umskipti að
eiga sér stað hjá Sterling. Greining-
ardeild Íslandsbanka kemst að svip-
aðri niðurstöðu, en í morgunkorni
deildarinnar var bent á að um-
breyting Sterling yrði mun áhættu-
minni með FL Group sem bakhjarl,
sérstaklega eftir hlutafjáraukningu
félagsins.
Gott verð,
en talsverð
áhætta
ÞEIR stjórnarmenn í FL Group sem
gengu úr stjórn í sumar og Morg-
unblaðið náði tali af í gær vildu ekki
tjá sig um ástæðu úrsagnar sinnar
og ummæli Hannesar Smárasonar,
forstjóra félagsins, í Kastljósþætti í
fyrrakvöld. Þar þvertók Hannes m.a.
fyrir að heimildarlaus millifærsla
hefði átt sér stað út af reikningi FL
Group „á reikning út í bæ“.
Jón Þorsteinn Jónsson, stjórnar-
formaður Saxhóls, segist hafa horfið
úr stjórninni þar sem Saxbygg, sam-
eiginlegt félag Saxhóls og Bygg, hafi
selt hlut sinn í félaginu. Því hafi verið
fullkomlega eðlilegt að hann væri
ekki í framboði þegar kosið var í
stjórn hinn 9. júlí sl. Hreggviður
Jónsson, Inga Jóna Þórðardóttir og
Pálmi Kristinsson neituðu að tjá sig
um málið og Árni Oddur Þórðarson
vísaði til ræðu Ingu Jónu á áður-
nefndum hluthafafundi. Ekki náðist í
Gylfa Ómar Héðinsson.
Fv. stjórn-
armenn tjá
sig ekki
NÚVERANDI eigendur Iceland
Express geta ekki átt félagið áfram
í kjölfar kaupa FL Group á Sterl-
ing en
Fons eign-
arhalds-
félag, sem
á Sterling
á einnig
Iceland
Express. Þetta kom fram í viðtali
Morgunblaðsins við Pálma Har-
aldsson, annan eiganda Fons, í gær.
Haft var samband við Pál Gunn-
ar Pálsson, forstjóra Samkeppnis-
eftirlitsins, og hann spurður hvort
þetta mál kæmi til kasta eftirlits-
ins.
„Samkeppniseftirlitið mun fylgj-
ast vel með þessu máli og við mun-
um skoða stöðu eignarhalds Iceland
Express í ljósi þessara nýju frétta,“
sagði Páll við Morgunblaðið.
Á fréttavef mbl.is í gær kom
fram að viðskiptahættir FL Group
væru ekki til skoðunar hjá Fjár-
málaeftirlitinu, að sögn talsmanns
þess. Ekki var gefið upp hvort til
stæði að rannsaka starfsemi félags-
ins með einhverjum hætti.
Samkeppn-
iseftirlitið
fylgist með