Morgunblaðið - 12.11.2005, Blaðsíða 25

MORGUNBLAÐIÐ LAUGARDAGUR 12. NÓVEMBER 2005 25
MINNSTAÐUR
tengslum við uppbygginguna í
Naustahverfi. Framkvæmdastjór-
inn benti á að með þessari tak-
mörkum væri verið að hlusta á
raddir örfárra íbúa á kostnað
fjöldans og jafnframt væri verið að
beina flutningum að hluta til inn á
Þórunnarstræti og hluta Þing-
vallastrætis. Við þær götur byggi
líka fólk. Guðmundur, formaður
umhverfisráðs, sagði að íbúar við
Mýrarveg og í Naustahverfi væru
mjög ósáttir við að Dalsbrautin
yrði ekki byggð áfram frá Mið-
húsabraut og norður að Þingvalla-
stræti. Íbúar í Lundarhverfi hefðu
lagst eindregið gegn því.
Guðmundur Guðlaugsson sagði
þetta alls ekki rétt en sjálfur býr
hann í Beykilundi í Lundarhverfi.
„Það er rakalaus þvættingur hjá
formanni umhverfisráðs að segja
að íbúar í Lundarhverfi hafi lagst
eindregið gegn Dalsbrautinni. Það
hefur mér vitanlega aldrei verið
gerð könnun um vilja íbúa Lund-
arhverfis. Það voru ekki bara íbúar
í Lundarhverfi sem mættu á fund
um málið, heldur líka kennarar við
Lundarskóla, sem höfðu hvað hæst
á móti, en þeir eru ekki allir bú-
settir í hverfinu.“
Guðmundur sagði jafnframt að
hefði formaður umhverfisráðs vilj-
að fara að vilja íbúa hefði honum
borið skylda til að kynna áhrif af
því að Dalsbrautin yrði ekki byggð
fyrir þeim íbúum sem það kæmi
verst niður á, þ.e. íbúum við Þór-
unnarstræti.
„Það var aðeins hlustað á þá sem
ekki vildu Dalsbrautina og þeir
höfðu hæst. Ég get því tekið undir
með framkvæmdastjóra GV grafa
að það hafi aðeins verið hlustað á
raddir örfárra og ekki gerð tilraun
til að fá fram skoðanir annarra,“
sagði Guðmundur Guðlaugsson.
Eins og fram hefur komið hafa
báðar tengibrautirnar, Dalsbraut
og Miðhúsabraut, verið á skipulagi
í rúm 30 ár, eða frá árinu 1973.
Bæjarstjórn tók um það ákvörð-
un fyrr á árinu að Dalsbraut yrði
tekin út úr aðalskipulagi, sem gild-
ir til 2018, og þess í stað gert ráð
fyrir göngu- og hjólreiðastíg í veg-
stæðinu.
Framkvæmdir við Miðhúsabraut
eru ekki hafnar.
Morgunblaðið/Kristján
Fimm ára | Verslunarmiðstöðin
Glerártorg er fimm ára um þessar
mundir og verður margt um að vera
þar um helgina. Ellen Kristjáns-
dóttir og Eyþór Gunnarsson taka
lagið sem og Karlakór Akureyrar.
Kristjana Arngrímsdóttir tekur
einnig lög af væntanlegum diski sín-
um, Friðrik V. töfrar fram gómsæta
humarrétti og leikfangaland verður
fyrir börnin. Á sunnudag verður les-
ið upp úr bókum frá Hólaútgáfunni
og Bókaútgáfunni Tindi og góð til-
boð í gangi á Kaffi Torgi.
  
Kræklingar | Fundur með sérfræð-
ingum í kræklingarækt verður á
Borgum, húsi Háskólans á Akureyri
á mánudag, 14. nóvember kl. 14.30.
Rætt verður um vaxtarmöguleika
á Íslandi, framtíðarsamvinnu frum-
kvöðla á norðurslóðum og leitað eftir
þekkingu frá svæðum sem lengst
hafa þróað skelrækt.
  
VIÐ sem kröfðumst jafnréttis er
þema Héraðsskjalasafnsins á Ak-
ureyri á norræna skjaladaginn sem
er í dag, 12. nóvember. Í tilefni af 30
ára afmæli kvennafrídagsins var opn-
uð sýningin … nú fylkja konur liði …
Við þá sýningu hefur nú verið bætt
skjölum frá fyrstu tímum jafnrétt-
isbaráttu á Akureyri og t.d. minnst
athafnakvennanna Vilhelmínu Lever,
sem fyrst kvenna kaus í bæjarstjórn-
arkosningum, og Kristínar Eggerts-
dóttur, sem fyrst akureyrskra
kvenna sat í bæjarstjórn. Sýningin er
opin frá kl. 10 til 19 virka daga og 12
til 17 á laugardögum, en hún stendur
út nóvember. Í dag verður gestum
boðið upp á kaffi og konfekt og leið-
sögn um sýninguna frá kl. 12 til 16.
Við sem kröfðumst
jafnréttis
Heimkynni | Aðalsteinn Svanur
Sigfússon opnar í dag, laugardag, kl.
14 sýningu í Populus tremula (í kjall-
ara Listasafnsins á Akureyri).
Sýningin heitir Heimkynni og er
þriðja sýning Aðalsteins í sýninga-
röðinni Heimkynni. Hún verður að-
eins opin um helgina, frá kl. 14 til 18
báða dagana.
Húsverndardagur | Í tengslum
við sýninguna Af norskum rótum
efnir Minjasafnið á Akureyri til
húsverndardags í dag, laugardag-
inn 12. nóvember, milli kl. 14 og
16.
Magnús Skúlason, fram-
kvæmdastjóri Húsafriðunarsjóðs
ríkisins, verður á safninu til skrafs
og ráðagerða varðandi viðhald og
endurbætur á gömlum húsum og
umsóknir í húsafriðunarsjóð, en
frestur til að sækja um er til 1.
desember næstkomandi.
Hanna Rósa Sveinsdóttir,
deildastjóri í muna- og húsadeild
Minjasafnsins, verður einnig á
staðnum.
  
UPPSTEYPU nýrrar viðbygging-
ar við Dvalarheimilið Hlíð er nán-
ast lokið. „Verkið hefur gengið al-
veg ljómandi vel og er nánast á
áætlun,“ sagði Guðríður Friðriks-
dóttir, framkvæmdastjóri Fast-
eigna Akureyrarbæjar. „Húsnæðið
á að taka í notkun í september á
næsta ári og ég geri mér vonir um
að það takist.“ Guðríður sagði að
steypuvinnan hefði verið erfiðust
enda veðrið verið allavega undan-
farna mánuði.
Það voru tveir íbúar á Hlíð, þau
Irene Gook og Alfreð Jónsson, sem
tóku fyrstu skóflustungurnar að
nýbyggingunni í lok apríl sl. Þar
verður hjúkrunarheimili með 60
einstaklingsherbergjum, eldhús,
matsalur og aðstaða fyrir starfs-
fólk. Alls er viðbyggingin tæpir
4.000 fermetrar að stærð og stað-
sett vestan núverandi bygginga.
Nýja húsnæðið mun bæta mjög úr
brýnni þörf fyrir hjúkrunarrými í
bænum.
Það er Trétak á Dalvík sem
byggir húsið en fyrirtækið átti
lægsta tilboð í verkið og hljóðaði
það upp á rúmar 653 milljónir
króna. Kostnaðarskipting sam-
kvæmt samningi milli heilbrigðis-
ráðuneytisins og Akureyrarbæjar
er þannig að ríkissjóður greiðir
30%, Framkvæmdasjóður aldraðra
40% og Akureyrarbær 30%.
Viðbyggingin við Hlíð risin
Verkið gengið
ljómandi vel
Morgunblaðið/Kristján
Framkvæmdir Uppsteypu viðbygg-
ingar við Dvalarheimilið Hlíð er að
ljúka og verður hjúkrunarheimili
fyrir aldraða tekið þar í notkun
næsta haust.