Morgunblaðið - 26.11.2005, Qupperneq 48

48 LAUGARDAGUR 26. NÓVEMBER 2005 MORGUNBLAÐIÐ
UMRÆÐAN
Af sérstökum ástæðum er til sölu einn skemmtilegasti veitingastaðurinn í
bænum, grillstaður og pizzastaður.
Reksturinn byggist á grillmat, borgurum, samlokum, alvöru stórsteikum,
fiskréttum, hlaðborðum, eldbökuðum pizzum, léttvínsleyfi, og
heimsendingum. Veislur á staðnum og sendar út, partý, matarsendingar
í fyrirtæki o.fl.
Allar frekari upplýsingar veitir Leifur Aðalsteinsson á skrifstofu.
TÆKIFÆRI
Ármúla 1, sími 588 2030 – fax 588 2033
Ægir Breiðfjörð, löggiltur fasteignasali
SKIPTU VIÐ FAGMENN - ÞAÐ BORGAR SIG
Sérhæð, 97,7 fm, ásamt bílskúr í litlu fjölbýli á mjög góðum stað miðsvæðis
í Garðabænum. Mjög gott útsýni til suðurs og góð bílastæði. Þarna er stutt
í alla þjónustu. Íbúðin er rúmgóð 3ja herbergja og góðar svalir. Bílskúr er
með öllum lögnum. Verð 28,0 millj. kr.
FYRIR ELDRI BORGARA
GARÐATORG - GARÐABÆ
Ármúla 1, sími 588 2030 – fax 588 2033
Ægir Breiðfjörð, löggiltur fasteignasali
SKIPTU VIÐ FAGMENN - ÞAÐ BORGAR SIG
Til sölu mjög fallegt 165 fm einbýlishús með innbyggðum tvöföld-
um bílskúr. Húsið er byggt 1990 og er allt hið vandaðasta. Þrjú
góð svefnherbergi. Húsið er mjög vel skipulagt og rúmgott. Getur
losnað mjög fljótt. Verð 42,0 millj. kr.
STAKKHAMRAR – GRAFARVOGI
EINBÝLI Á EINNI HÆÐ
MARGIR Íslendingar eru þegar
farnir að undirbúa jólin þó að enn sé
alllangt í þau. Þegar er búið að spá
því að þjóðin muni slá
nýtt eyðslumet í des-
ember eða eyða 36 og
hálfum milljarði; fjór-
um milljörðum meira
en í fyrra. Dagblöð og
tímarit eru undirlögð
af jólaauglýsingum,
hillur kjörbúðanna
svigna undan ham-
borgarhryggjum, jóla-
öli og smákökum.
Á sama tíma og
neysla fer vaxandi í
samfélaginu er átak-
anlegt að vita til þess
að umtalsverður hóp-
ur fólks er heim-
ilislaus á Íslandi. Mið-
að við þrengstu
skilgreiningu eru um
það bil 50 heim-
ilislausir einstaklingar
á höfuðborgarsvæð-
inu, þ.e. fólk sem á
hvergi höfði sínu að
halla. Inni í þessari
tölu eru þó ekki allir
sem telja má heim-
ilislausa. Hún miðast
við þrönga skilgrein-
ingu og á í raun aðeins við um þá
sem eiga ekki í nein hús að venda.
Langflestir þeirra sem eru heim-
ilislausir halda til í Reykjavík og
gista ýmist á götunni, jafnvel í dag-
blaðagámum eða öðru slíku, eða þá í
gistiskýlum eða á meðferðarstofn-
unum.
Félagsmálaráðherra upplýsti það
í umræðum á Alþingi fyrir skömmu
að fyrir lægju tillögur um að stofna í
áföngum tvö heimili fyrir átta hús-
næðislausa einstaklinga, og myndi
rekstur fyrra heimilisins hefjast
2006 en hins seinna ári síðar – að því
gefnu að rekstur hins gengi vel.
Þetta á að gera í samvinnu félags-
málaráðuneytis, heilbrigðisráðu-
neytis og Reykjavíkurborgar.
Núna er eitt gistiskýli fyrir heim-
ilislausa karla og konur í Reykjavík
og eitt sérstakt gistiskýli fyrir kon-
ur, Konukot.
Gistiskýlið er rekið af Reykjavík-
urborg og opið allan sólarhringinn
allt árið. Nýlega ákvað svo velferð-
arráð Reykjavíkurborgar að veita
fjármunum til þess að Konukot gæti
einnig verið opið allan sólarhringinn
og er það sérstakt fagnaðarefni.
Þess eru einhver dæmi
að fólki undir áhrifum
sé vísað frá skýlunum
þó að samkvæmt
reglum eigi það ekki að
koma að sök. Neysla
innandyra er þó ekki
leyfð í Gistiskýlinu. En
það er lykilatriði að eng-
um sé vísað frá í þessum
skýlum og engar reglur
eiga að útiloka neinn.
Þó að Reykjavík-
urborg, Rauði krossinn
og yfirvöld félags- og
heilbrigðismála hafi lagt
sitt af mörkum í mál-
efnum heimilislausra er
engan veginn nóg að
gert og miklu skiptir að
félagsmálayfirvöld í
landinu geri sérstakt
átak í þessum efnum.
Það er einfaldlega ekki
nóg að stofna tvö heimili
fyrir sextán heim-
ilislausa, annað eftir ár
og hitt í óskilgreindri
framtíð. Ekki þegar vit-
að er að það eru a.m.k.
fimmtíu manns, og þá
miðað við þrengstu skilgreiningu,
sem eru heimilislausir á höfuðborg-
arsvæðinu einmitt núna.
Eiga heimilislausir að sofa úti í
kuldanum næstu tvö árin á meðan
þjóðin eyðir á fjórða tug milljarða í
þriggja daga jólahátíð? Það er auð-
velt að gleyma þessum fámenna hóp
þegar jólaljósin lýsa upp skamm-
degið, en það má einfaldlega ekki
gerast. Það er ríkri þjóð til skammar
þegar fólk þarf að gista á götum úti í
kulda og vosbúð. Allir þeir sem ekki
eiga í nein hús að venda eiga í það
minnsta að fá rúm yfir nóttina.
Stofna verður fleiri skýli samhliða
varanlegri úrræðum. Og það skiptir
máli að forgangsraða fjármunum í
þetta núna. Okkur er það ekki sæm-
andi að hér á Íslandi eigi fólk hvergi
höfði sínu að halla.
Jól á götunni?
Katrín Jakobsdóttir
skrifar um heimilisleysi
Katrín Jakobsdóttir
’Eiga heim-ilislausir að sofa
úti í kuldanum
næstu tvö árin á
meðan þjóðin
eyðir á fjórða
tug milljarða í
þriggja daga
jólahátíð?‘
Höfundur er varaformaður Vinstri-
hreyfingarinnar – græns framboðs.
ÞAÐ virðist fara óskaplega í taug-
arnar á þingmönnum Samfylking-
arinnar þegar á það er bent að flokk-
urinn og forystumenn hans hafi ekki
skýra stefnu í mikilvægum málum.
Hin kaldi raunveru-
leiki er hins vegar sá að
forystumenn Samfylk-
ingarinnar hafa á und-
anförnum árum og
misserum talað út og
suður í umræðum um
mál sem skipta okkur
Íslendinga miklu máli.
Evrópumálin
Á dögunum voru ut-
anríkismál til umræðu
á Alþingi og létu þing-
menn Samfylking-
arinnar þar nokkuð að
sér kveða. Einn þeirra,
Össur Skarphéðinsson, skugg-
aráðherra Samfylkingarinnar í utan-
ríkismálum, fjallaði þar af mikilli
innlifun og sannfæringu um mik-
ilvægi þess að Ísland gerðist aðili að
Evrópusambandinu.
Eins og kunnugt er höfum við,
sem ekki teljum það þjóna hags-
munum Íslendinga að gerast aðilar
að Evrópusambandinu, bent á að það
sem einkum standi í vegi aðildar Ís-
lands að sambandinu sé sú stað-
reynd að með slíkri aðild færðist yf-
irstjórn fiskveiða frá Íslandi til
Brussel. Rétt er þó að halda því til
haga að ókostir aðildar fyrir Ísland
eru mun fleiri.
Þetta er ekki í fyrsta skipti sem
skuggaráðherrann lætur til sín taka í
umræðunni um Evrópumál. Fram til
þessa hefur Össur þó í trúboði sínu
og Samfylkingarinnar fyrir aðild Ís-
lands að Evrópusambandinu við-
urkennt mikilvægi þess að Íslend-
ingar héldu tryggum yfirráðum
sínum yfir stjórn fiskveiða. Þannig
sagði Össur í Morgunblaðsgrein
þann 26. júní 2002, um þetta mál:
,,Án tryggra yfirráða yfir auðlindinni
kemur aðild að ESB að mínu mati
ekki til greina.“ Í sömu grein sagði
Össur: ,,Það er einfaldlega ekki í
kortunum að við samþykkjum aðild-
arsamning sem felur í sér framsal á
yfirráðum yfir auðlind Íslandsmiða.“
Samfylkingin slær nýjan tón
Þetta eru orð að sönnu hjá
skuggaráðherra Samfylkingarinnar
í utanríkismálum. En í umræðunum
um utanríkismál sem áður var getið
kvað við nýjan tón hjá fyrrverandi
formanni Samfylking-
arinnar. Þá sagði Öss-
ur: ,,Hins vegar vil ég
segja það alveg klárt og
kvitt að ég er líka
reiðubúinn að ganga í
Evrópusambandið
jafnvel þó yfirstjórnin
yrði í Brussel“, og átti
þar við yfirstjórn fisk-
veiða hér við land.
Er nema von að á
það sé bent að Sam-
fylkingin sé stefnulaus
stjórnmálaflokkur þeg-
ar forystumenn hans
tala með þessum hætti?
Afsal fiskveiðistjórnunar
Ef svo færi að Ísland gerðist aðili
að Evrópusambandinu er ljóst að yf-
irstjórn yfir mikilvægustu auðlind
Íslendinga, fiskimiðunum, myndi
færast frá Íslandi til Brussel. Sú full-
yrðing er ekki úr lausu lofti gripin,
enda hafa m.a. Franz Fischler, fyrr-
verandi yfirmaður sjávarútvegsmála
hjá sambandinu, og Ben Bradshaw,
sjávarútvegsráðherra Bretlands,
staðfest að slíkt afsal yrði fylgifiskur
aðildar Íslendinga að Evrópusam-
bandinu. Þá kemur skýr vilji Evr-
ópusambandsins í þessum efnum
fram í fyrirhugaðri stjórnarskrá
þess, þar sem sjávarútvegurinn er
eina atvinnugreinin sem sérstaklega
er tekið fram að skuli í raun alger-
lega vera undir yfirráðum sam-
bandsins, en um þetta ákvæði stjórn-
arskrárinnar voru engar deilur milli
aðildarríkjanna.
Það þarf varla að rifja það upp
hversu harða baráttu forfeður okkar
háðu fyrir sjálfstæði og fullveldi ís-
lensku þjóðarinnar. Enn síður þarf
að rifja það upp hversu hart Íslend-
ingar þurftu berjast fyrir yfirráðum
yfir auðlindinni við Íslandsstrendur
og dugði þar ekkert minna til en
stríð, það eina sem við Íslendingar
höfum nokkru sinni háð.
Málflutningur forystumanna Sam-
fylkingarinnar er móðgun við þá sem
þessa baráttu háðu.
Út og suður
Sigurður Kári Kristjánsson
fjallar um stefnu Samfylkingar
í Evrópumálum ’Ef svo færi að Íslandgerðist aðili að Evrópu-
sambandinu er ljóst að
yfirstjórn yfir mikilvæg-
ustu auðlind Íslendinga,
fiskimiðunum, myndi
færast frá Íslandi til
Brussel.‘
Sigurður Kári
Kristjánsson
Höfundur er þingmaður
Sjálfstæðisflokksins.