Morgunblaðið - 06.12.2005, Qupperneq 12

12 ÞRIÐJUDAGUR 6. DESEMBER 2005 MORGUNBLAÐIÐ
FRÉTTIR
Úr verinu á morgun
ÚR VERINU
Fiskirann-
sóknir í
Arnarfirði
HÆSTIRÉTTUR hefur staðfest þá
niðurstöðu héraðsdóms Reykjavíkur
frá því í sumar, að lögbannsúrskurð-
ur á hendur fjórum fyrrum starfs-
manna SÍF/Iceland Seafood hafi ver-
ið ólögmætur. Starfsmennirnir fjórir
hyggjast leita réttar síns, en þeir
telja sig hafa orðið fyrir verulegum
launamissi, kostnaði og miska vegna
málsins. Mál tveggja annarra fyrrum
starfsmanna SÍF/Iceland Seafood
gegn félaginu hefur verið þingfest
fyrir héraðsdómi þar sem m.a. er far-
ið fram á að gerð verði upp starfslok
og áunnið orlof frá þeim tíma er þeir
störfuðu sannanlega hjá fyrirtækinu.
Forsaga málsins er sú að í ársbyrj-
un sögðu sjö starfsmenn SÍF upp
störfum en um þær mundir var stofn-
að sérstakt félag, Iceland Seafood
International, að öllu leyti í eigu SÍF,
um ákveðinn rekstur, sérstaklega
frumvinnslu afurða og sölu þeirra.
SÍF/Iceland Seafood fór fram á lög-
bann á það að 5 af starfsmönnunum
hæfu störf hjá Seafood Union ásamt
því að þeir hagnýttu sér á nokkurn
hátt atvinnuleyndarmál og/eða trún-
aðarupplýsingar í eigu Iceland Sea-
food. Varð sýslumaðurinn í Reykja-
vík við þeirri beiðni á fjóra þeirra í lok
janúar á þessu ári. Fjórmenningarnir
undu ekki þeim úrskurði og fóru með
málið fyrir héraðsdóm Reykjavíkur
sem úrskurðaði þeim í hag og að lög-
bannsúrskurðurinn hefði verið ólög-
mætur. SÍF/Iceland Seafood áfrýjaði
síðan þeim dómi til Hæstaréttar, sem
nú hefur fellt úrskurð sinn.
Kröfum áfrýjanda vísað frá
Í dómsorði Hæstaréttar í máli eins
fjómenninganna, Björgvins Gests-
sonar, segir meðal annnars svo: „Vís-
að er frá héraðsdómi kröfu áfrýj-
anda, Iceland Seafood International
ehf., um að viðurkennt verði að
stefnda, Björgvini Gestssyni, sé
óheimilt að hagnýta sér á nokkurn
hátt atvinnuleyndarmál eða trúnað-
arupplýsingar í eigu áfrýjanda, sem
vera kynnu í vörslum stefnda eða
kynnu að komast í hans vörslur.
Synjað er kröfu áfrýjanda um stað-
festingu lögbanns er sýslumaðurinn í
Reykjavík lagði á 24. janúar 2005 við
því að stefndi hagnýtti sér á nokkurn
hátt atvinnuleyndarmál og/eða trún-
aðarupplýsingar í eigu áfrýjanda,
sem vera kynnu í vörslum stefnda
eða kynnu að komast í hans vörslur.“
Gróflega á okkur brotið
Björgvin Gestsson segir í samtali
við Morgunblaðið, að úrskurður
Hæstaréttar sé mikið fagnaðarefni,
en hafi í sjálfu sér ekki komið þeim
félögum á óvart. Þeir hafi alltaf verið
sannfærðir um að lögbannsúrskurð-
urinn hafi verið ólögmætur eins og nú
hafi komið í ljós.
„Við teljum að með þessum aðför-
um hafi gróflega verið á okkur brotið.
Sé maður ranglega úrskurðaður í
lögbann á maður klárlega rétt á bót-
um vegna þess. Það er ekki aðeins að
ranglega hafi verið sett lögbann á
störf okkar hjá Seafood Union, held-
ur vorum við opinberlega bornir
þungum sökum af stjórnendum SÍF/
Iceland Seafood meðan á þessum
málarekstri stóð. Við höfum fyrir vik-
ið orðið fyrir verulegum launamissi
auk annars kostnaðar og miska m.a.
fyrir þær sakir sem á okkur voru
bornar án rökstuðnings eða rann-
sóknar. Við höfum ekkert heyrt frá
Iceland Seafood og munum hiklaust
fara með málið fyrir dómstóla leysist
það ekki með öðrum hætti,“ segir
Björgvin.
Björgvin segir ennfremur, að þeir
félagarnir velti fyrir sér hvernig
sýslumaðurinn í Reykjavík geti kveð-
ið upp lögbannsúrskurð með þeim
hætti sem gert var. Og ekki síður
hver ábyrgð embættisins sé, þegar í
ljós komi að úrskurðurinn hafi verið
ólögmætur.
Fyrrum starfsmenn SÍF
hyggjast leita réttar síns
Hæstiréttur hefur staðfest ólögmæti lögbanns á störf þeirra AFLI á haustvertíðinni á síld er
nú orðinn ríflega 82.000 tonn.
Það eru um 74% leyfilegs heildar-
afla, sem er 111.000 tonn. Nær
allur aflinn hefur farið til mann-
eldis.
Samkvæmt upplýsingum frá
Samtökum fiskvinnslustöðva hef-
ur 45.400 tonnum verið landað til
vinnslu í landi, þar af 4.700 tonn-
um til bræðslu en bróðurpart-
urinn hefur farið í frystingu og
smávegis í söltun. Miðað við þess-
ar tölur hafa vinnsluskipin veitt
og unnið tæp 40.000 tonn.
Langmestum afla hefur verið
landað hjá Síldarvinnslunni í Nes-
kaupstað, 14.100 tonnum, Skin-
ney-Þinganes á Höfn hefur tekið
á móti 9.350 tonnum, Vinnslu-
stöðin í Vestmannaeyjum er með
6.900 tonn, Ísfélag Vest-
mannaeyja með 4.900, HB Grandi
á Vopnafirði er með 4.150 tonn.
Loðnuvinnslan á Fáskrúðsfirði er
með 4.100 og Hrafrystistöð Þórs-
hafnar með 1.400 tonn.
Vinnslugeta í síldarflökun hjá
HB Granda á Vopnafirði er nú
orðin 300 tonn á sólarhring.
Vinnslulína með fimm flök-
unarvélum hefur verið sett upp í
nýju húsnæði á staðnum.
Á liðnu sumri ákvað HB Grandi
hf. að setja upp vinnslulínu til
flökunar á síld á Vopnafirði.
Vinnslulína, sem í voru m.a. fimm
flökunarvélar, var keypt af Vísi
hf. á Djúpavogi. Reist var rúm-
lega 500 fermetra hús undir
starfsemina og er húsið áfast
uppsjávarfrystihúsinu á Vopna-
firði. Línan var tekin í notkun 8.
nóvember og hefur staðist ýtr-
ustu væntingar. Löndun, flokkun
og mötun inn á flökunarvélar eru
tölvustýrðar til að ná sem mest-
um afköstum. Þessi búnaður ger-
ir mögulegt að vinna úr um 300
tonnum af síld á sólarhring í stað
um 150 tonna áður með óbreyttri
frystigetu. Að auki fást meiri
verðmæti úr síldinni með þessum
hætti.
Veiðzt hafa
um 82.000
tonn af síld
Morgunblaðið/Ágúst Blöndal
Vinnslan Mestri síld hefur verið
landað í Neskaupstað. Þar er hún
nánast öll flökuð og fryst til mann-
eldis.
„ÆTLI mönnum þar ytra hafi ekki
helst komið á óvart hve vel gekk að
grafa stöðvarhellinn í Fljótsdal þrátt
fyrir ýmis vandamál sem upp komu,“
segir Matthías Loftsson á Hönnun
hf. Hann er nýlega kominn heim af
norrænni jarð- og bergtækniráð-
stefnu í Osló þar sem meðal annars
var fjallað var um virkjunarfram-
kvæmdirnar í Valþjófsstaðarfjalli í
Fljótsdal.
Á vef Kárahnjúkavirkjunar segir
að Matthías sé einn þriggja höfunda
ítarlegrar greinar um gröft stöðvar-
hellis Kárahnjúkavirkjunar sem lögð
var fram á ráðstefnunni og er birt á
Kárahnjúkasíðunni á ensku. Meðhöf-
undar eru Ægir Jóhannsson á VST
og Einar Erlingsson hjá Landsvirkj-
un. Ægir flutti erindi um málið á ráð-
stefnunni. Hún er árlegur viðburður í
Noregi í nóvember og ber heitið
Fjellsprengningsdagen. Þar koma
saman helstu sérfræðingar og verk-
takar í jarðgangagerð á Norðurlönd-
um og bera saman bækur sínar.
Stöðvarhellir Kárahnjúkavirkjun-
ar telst til meiriháttar framkvæmda í
heiminum á sína vísu, einkum þegar
horft er til jarðfræðilegra aðstæðna.
Hann er 120 metra langur, 14 metra
breiður og mesta lofthæð er 35 metr-
ar. Í grein þremenninganna er fjallað
um gröft hellisins, forsendur verk-
hönnunar, flókna jarðfræði, spennu í
bergi, bergstyrkingar og bergtækni-
leg vandamál. Fram kemur hvernig
brugðist var við vandamálunum og
þau leyst með þeim árangri að fram-
kvæmdin var talsvert á undan áætlun
þrátt fyrir að styrkja þyrfti bergið
talsvert umfram það sem gert var ráð
fyrir í upphafi.
„Jarðlögin á Íslandi eru mjög ólík
því sem menn venjast í gangagerð
annars staðar á Norðurlöndum,“ seg-
ir Matthías. „Sprungur og misgengi
eru hér algengari og umfangsmeiri
en víðast annars staðar. Einmitt í því
ljósi vakti athygli á ráðstefnunni í
Noregi að tæpast er hægt að tala um
nokkurn vatnsleka í stöðvarhellinum
og göngunum í Fljótsdal. Reyndar
kom þetta okkur sjálfum líka á
óvart.“
Stöðvarhússhellir
vekur athygli
Morgunblaðið/Steinunn Ásmundsdóttir
Skraufaþurrt hellisferlíki Athygli vekur að enginn leki hefur verið í
stöðvarhússhelli Kárahnjúkavirkjunar í Valþjófsstaðarfjalli.
Eftir Steinunni Ásmundsdóttur
austurland@mbl.is
GISTINÆTUR á hótelum í októ-
ber jukust um 2,5 % alls frá sama
mánuði í fyrra og voru nú 86.100.
Fjölgunin varð eingöngu vegna út-
lendinga. Gistinóttum Íslendinga
fækkaði um 4% og voru nú 20.000.
Tölur Hagstofunnar eiga eingöngu
við um gistinætur á hótelum sem
opin eru allt árið og tölur fyrir ár-
ið 2005 eru bráðabirgðatölur.
Eins og á síðustu mánuðum
fjölgaði gistinóttum hlutfallslega
mest á Suðurnesjum, Vesturlandi
og á Vestfjörðum, þar sem aukn-
ingin var 39,3%. Á höfuðborg-
arsvæðinu varð hins vegar 0,5%
samdráttur og gistinætur drógust
saman um 13% á Austurlandi.
Gistinóttum á
hótelum fjölgar
STÖÐUG aukning hefur verið í jóla-
verslun undanfarin ár og Rannsókn-
arsetur verslunarinnar spáir því að
jólaverslun hér á landi muni í ár
aukast um 10,8% frá því í fyrra.
Samkvæmt spánni mun hver Íslend-
ingur að jafnaði eyða tæpum 20.000
krónum aukalega vegna jólanna í ár
og virðist sem horfur í sölu raftækja,
fatnaðar, húsgagna og gjafavöru
séu bestar.
Í Skandinavíu er gert ráð fyrir
minni aukningu og gert er ráð fyrir
að jólaverslun muni að meðaltali
dragast saman í Evrópu. 58%
breskra verslana búast til dæmis við
minni sölu fyrir þessi jól en í fyrra
vegna lækkaðs kaupmáttar og auk-
ins atvinnuleysis. Útlit er fyrir að
einnig verði slegið met í netverslun
fyrir þessi jól en aðallega er um að
ræða erlenda netverslun sem er sér-
staklega hagstæð vegna stöðu krón-
unnar gagnvart erlendum gjald-
miðlum. Áætlað er að um fjórðungur
hefðbundinna jólainnkaupa í Evrópu
fari fram með netverslun í ár. Ís-
lendingar fara líka mikið til útlanda
fyrir jólin, ekki síst til Bandaríkj-
anna, en þessi beinu viðskipti ein-
staklinga við erlendar verslanir
koma ekki í ljós hér nema í gegnum
greiðslukortafyrirtækin. Aukning í
veltu greiðslukorta á jólum milli ár-
anna 2003 og 2004 var 17,5%.
Jólaverslun
heldur áfram
að aukast