Morgunblaðið - 13.12.2005, Side 6

6 ÞRIÐJUDAGUR 13. DESEMBER 2005 MORGUNBLAÐIÐ
FRÉTTIR
EKKERT PRUMP!
Sprenghlægileg
og afar
upphressandi bók!
ÞYRPING hf. er í viðræðum við fyrirtækið Borg-
arplast um kaup á fasteignum fyrirtækisins á norð-
anverðu Seltjarnarnesi, samkvæmt upplýsingum
framkvæmdastjóra Borgarplasts. Þá hefur félagið
keypt tvær eignir Seltjarnarnesbæjar á svæðinu,
áhaldahús og geymslur. Fyrirvarar eru gerðir við
kaupin um að ný tillaga að aðalskipulagi bæjarins,
þar sem iðnaðarsvæðinu Bygggörðum/Sefgörðum
er breytt í íbúðarbyggð, verði samþykkt og að
hentugt húsnæði fyrir áhaldageymslu bæjarins
finnist á næstu 2–3 árum.
„Í nýju aðalskipulagi er gert ráð fyrir að iðnaðar-
svæðinu verði breytt í íbúðarbyggð og hafa margir
sýnt því áhuga á að taka þátt í að umbreyta þessu,
Þyrping þar á meðal,“ segir Jónmundur Guð-
marsson bæjarstjóri.
Borgarplast er stærsti iðnrekandinn á svæðinu.
Að auki á Seltjarnarnesbær þar eignir, sem og
Fasteignir ríkisins. Þá eru þar nokkrir minni aðilar
með rekstur og þjónustu af ýmsu tagi. Seltjarn-
arnesbær á allar lóðir á svæðinu, aðeins eignir
ganga þar kaupum og sölum.
„Miðað við tillögu að aðalskipulagi er horft til
þessara breytinga á tuttugu ára tímabili,“ segir
Jónmundur. „Það gerist auðvitað hraðar, því mark-
aðurinn vinnur hraðar ef þetta verður að veruleika.
En það er enginn breyting að eiga sér stað í það
minnsta hvað okkur snertir, fyrr en eftir um tvö
ár.“
Svæðið þrír hektarar að stærð
Tillaga að nýju aðalskipulag Seltjarnarnesbæjar
til ársins 2024 er nú auglýst og þurfa athugasemdir
að hafa borist eigi síðar en 27. janúar 2006. í tillög-
unni segir að stefnt sé að því að reisa íbúðarbyggð
við Bygg- og Sefgarða, þar sem áður var skilgreint
iðnaðarsvæði. Samtals er svæðið sem afmarkað er
fyrir nýja íbúðarbyggð um 3 ha að stærð. Á því
svæði er gert ráð fyrir lágreistri þéttri íbúðar-
byggð, 2ja–3ja hæða og að hámarksnýtingarhlut-
fall verði 0,8. Aðspurður hvernig þeirri hugmynd að
breyta iðnaðarsvæðinu í íbúðarbyggð hafi verið
tekið segir Jónmundur að almennt hafi viðbrögð
verið jákvæð. Tveir kynningarfundir voru haldnir
vegna breytingarinnar, annars vegar fyrir íbúa í
grennd við svæðið og hins vegar fyrir þá hags-
munaaðila sem þar eru nú með starfsemi. Nið-
urstaða fundarins með íbúunum var að sögn Jón-
mundar mjög jákvæð en á fundinum með hags-
munaðilum hafi vaknað ýmsar spurningar, t.d.
hvort fólki væri skylt að selja og þá hvenær. „Svar-
ið við því er einfalt, það er nei,“ segir Jónmundur.
Fundurinn hafi þó verið jákvæður.
„En það byggist líka á því að ekki sé verið að ýta
neitt á menn, að þarna sé gefinn nægur fyrirvari og
það höfum við lagt áherslu á. Við viljum leggja fram
þessi drög og svo er það undir hverjum og einum
komið á þessu tímabili hvað hann vill gera. Þannig
að það verður engin formleg breyting á svæðinu
fyrr en að skipulagstímanum liðnum, þ.e. eftir tutt-
ugu ár, eða þá að menn fari sér hraðar í frjálsum
samningnum sín á milli.“
Ekkert iðnaðarsvæði skilgreint
Verði aðalskipulagstillagan samþykkt verður
ekkert skilgreint iðnaðarsvæði á Seltjarnarnesi en
á svokölluðu miðsvæði í kringum Eiðistorg, Aust-
urströnd og Hrólfsskálamel er hins vegar gert ráð
fyrir léttum iðnaði og margs konar þjónustu og
verslun. „Við höfum ekki markað neina stefnu um
að úthýsa einum eða neinum en hins vegar horfum
við fram á að það er gífurleg eftirspurn eftir hús-
næði á Seltjarnarnesi og þetta er auðvitað ákveðið
tækifæri til að koma til móts við þá þörf,“ segir Jón-
mundur. „Á sama tíma og líkur benda til, og þar er
Borgarplast besta dæmið, að þeir aðilar sem stundi
iðnað í Bygggörðum eigi möguleika á að flytja sig
annað. En það er þeim auðvitað í sjálfsvald sett en
þeir hafa tímann fyrir sér í því.“
Þyrping hf. er þróunarfélag í eigu Fasteigna-
félagsins Stoða hf. og Baugs Group hf. Félagið var
stofnað 1. nóvember 2002. Fasteignafélagið Stoðir
ákvað á stjórnarfundi 18. október 2002 að stofna
dótturfélagið Þyrpingu ehf. Það var síðan gert 1.
nóvember 2002. Hinn 13. ágúst 2003 var fé-
lagsformi breytt í hlutafélag og Baugur Group hf.
keypti þá hlut í félaginu.
Tilgangur félagsins er kaup og sala fasteigna og
lausafjármuna, byggingastarfsemi, verðbréfa-
viðskipti, lánastarfsemi og annar skyldur rekstur.
Iðnaðarsvæði á Seltjarnarnesi
verður breytt í íbúðarbyggð
Morgunblaðið/Sverrir
Þyrping hf. í viðræðum
um kaup fasteigna
Borgarplasts
Eftir Sunnu Ósk Logadóttur
sunna@mbl.is
Í NÚGILDANDI aðalskipulagi Seltjarnarness er svæðið við Bygggarða/Sefgarða skilgreint sem iðn-
aðarsvæði en þar fer fram ýmis iðnaðar- og atvinnustarfsemi. Telst svæðið fullbyggt. Niðurstaða um-
hverfismats á samanburði núverandi landnotkunar við Bygggarða/Sefgarða við stefnu nýju
aðalskipulagstillögunnar um íbúðarbyggð þar, er að núverandi landnotkun styðji síður við viðmið um
samfélag, heilsu og vellíðan og byggð og efnisleg verðmæti, en hafi líkt og stefna um íbúðarbyggð á
svæðinu, engin eða óveruleg áhrif á náttúrufar. Þrátt fyrir að núverandi nýting svæðisins skapi störf
í bæjarfélaginu, er talið vega á móti að nýting svæðisins sem íbúðarsvæðis gefur kost á fjölgun íbúða
og fjölbreyttari íbúðargerðum, segir í greinargerð með aðalskipulagstillögunni. Ásýnd iðnaðar-
svæðis við Bygggarða/Sefgarða er talin falla verr að nærliggjandi íbúðarbyggð og útivistarsvæðum,
auk þess sem starfsemi á svæðinu geti valdið ónæði og mengun á nærliggjandi svæðum.
Á stærstu lóðinni er plastverksmiðja en önnur atvinnustarfsemi er t.d. áhaldahús, verkstæði og
heildverslanir. Þar sem oft er sjónmengun af athafnastarfsemi þá er staðsetning athafnasvæðisins
óheppileg með tilliti til nálægðar Nesstofu og útivistarsvæðis á Framnesi, segir í greinargerðinni.
Dæmi eru um að íbúar hafi kvartað yfir loftmengun, þ.e. ólykt sem hefur komið frá athafnasvæð-
inu, við Heilbrigðiseftirlit Kjósarsvæðis. Eftir að gerðar voru viðeigandi ráðstafanir í viðkomandi
fyrirtækjum hefur ekki borið á slíkum kvörtunum.
Íbúðarbyggð heppilegri
REYKJAVÍKURBORG, dóms- og
kirkjumálaráðuneytið og Reykja-
nesbær eiga þá vefi sem best koma
út úr mati á vefjum opinberra stofn-
ana sem kynnt var í gær. Víða þarf
að bæta aðgengi á vefjum opinberra
stofnana til muna til þess að rafræn
þjónusta nái til allra.
Skýrslan er unnin af Sjá viðmóts-
prófunum ehf. fyrir forsætisráðu-
neytið og Samband íslenskra sveit-
arfélaga, og voru skoðaðir samtals
246 vefir og þeir metnir með tilliti til
rafrænnar þjónustu, innihalds, nyt-
semi og aðgengis. Fram kemur í
skýrslunni að víða þurfi að bæta að-
gengi að vefjum opinberra aðila til
þess að aukin og betri þjónusta geti
náð til allra sem þurfa á þjónustu
viðkomandi stofnana að halda.
Þegar vefir voru flokkaðir eftir
innihaldi þótti vefur Reykjavíkur-
borgar bera af, en vefir Akranes-
kaupstaðar og Sambands íslenskra
sveitarfélaga komu fast á hæla vefj-
ar borgarinnar. Þegar flokkað var
eftir nytsemi, þ.e. uppsetningu upp-
lýsinga á skipulegan hátt til að auð-
velda nýtingu vefjarins, kom vefur
dóms- og kirkjumálaráðuneytisins
best út. Næstir komu vefir landbún-
aðarráðuneytisins og heilbrigðis- og
tryggingamálaráðuneytisins. Vefur
Reykjanesbæjar þótti hafa best að-
gengi, en vefir Blindrabókasafns Ís-
lands og Fjölbrautaskóla Snæfell-
inga komu þar á eftir.
Rafræn málsmeðferð sjaldgæf
Vefir sveitarfélagana á höfuðborg-
arsvæðinu þóttu yfirleitt bjóða upp á
fleiri möguleika í rafrænni þjónustu
en vefir sveitarfélaga á landsbyggð-
inni. Öll sveitarfélögin reyndust upp-
fylla grunnskilyrði um rafræna þjón-
ustu, og 87% sveitarfélaga buðu upp
á þjónustu sem flýtir afgreiðslu. Hjá
43% sveitarfélaga var boðið upp á
rafræna móttöku og afgreiðslu, og
hjá aðeins 4% sveitarfélaga geta íbú-
ar notað sér rafræna málsmeðferð.
„Það er áhyggjuefni að í sveitar-
félögum á landsbyggðinni þar sem
fólk þarf yfirleitt að leita lengra eftir
þjónustu en á höfuðborgarsvæðinu
er rafræn þjónusta ekki eins mikil og
á höfuðborgarsvæðinu,“ segir í
skýrslunni. Þar er einnig bent á að
óheppilegt sé að vefir séu allt í senn,
þjónusta og upplýsingaveita fyrir
íbúa, og auglýsing fyrir aðila sem
reka ferðaþjónustu eins og er í
mörgum smærri sveitarfélögunum.
Mat lagt á vefi opinberra stofnana
Víða þarf að
bæta aðgengið
TENGLAR
..............................................
Sjá nánar á www.mbl.is/itarefni
Í FRUMVARPI þingmanna
Samfylkingarinnar, sem lagt
hefur verið fram á Alþingi, er
lögð til sú lagabreyting að
launamanni verði hvenær sem
er heimilt að veita þriðja aðila
upplýsingar um laun og önnur
starfskjör sín. Tilgangurinn er
að koma í veg fyrir svokallaða
launaleynd, að því er fram kem-
ur í greinargerð frumvarpsins.
Fyrsti flutningsmaður þess
er Ingibjörg
Sólrún Gísla-
dóttir, for-
maður
Samfylking-
arinnar.
Verði frum-
varpið sam-
þykkt, verður
launamanni
óheimilt að
gera ráðning-
ar- eða starfskjarasamning við
atvinnurekanda sem felur í sér
launaleynd.
Í greinargerð frumvarpsins
segir m.a.: „Í því felst að fyr-
irtæki semja við einstaka
starfsmenn um kaup þeirra og
kjör með því fororði að þeim sé
óheimilt að upplýsa þriðja aðila,
og þar með samstarfsmenn
sína, um efni þeirra samninga.
Slíkum ákvæðum er beinlínis
ætlað að koma í veg fyrir að
launafólk geti borið saman kjör
sín hvort heldur sem er milli
fyrirtækja eða innan fyrir-
tækja. Þau koma í veg fyrir að
samstarfsmenn á vinnustað
geti borið saman kjör sín og þar
með verður illmögulegt að
komast að því hvort fyrirtæki
mismuna starfsmönnum sínum,
m.a. á grundvelli kynferðis, og
gerast með þeim hætti brotleg
við ákvæði jafnréttislaga.“
Vilja
afnema
launaleynd
Ingibjörg Sólrún
Gísladóttir
LÖGREGLAN á Akureyri lagði
hald á nokkurt magn fíkniefna sl.
fimmtudagskvöld. Athugull vegfar-
andi hafði samband við lögreglu,
eftir að hann varð var við óeðlileg-
ar ferðir ungs manns á opnu svæði
milli Skarðshlíðar og Hörgár-
brautar. Lögreglan fór á staðinn
með leitarhund og fann hundurinn
120 e-töflur í holu og 120 grömm af
hassi í annarri holu á svæðinu. Um
helgina voru svo þrír menn um tví-
tugt handteknir og viðurkenndi
einn þeirra að hafa átt hassið. Eng-
inn hefur viðurkennt að eiga e-
töflurnar og er sá þáttur málsins
enn í rannsókn. Daníel Snorrason
lögreglufulltrúi sagði það jákvætt
að þetta mál hefði komið upp eftir
ábendingu frá bæjarbúa.
Fundu fíkniefni
á opnu svæði
UTANRÍKISRÁÐHERRA hefur
ákveðið að 12 milljóna króna við-
bótarfjárveitingu vegna jarðskjálft-
ans í Pakistan í október síðast-
liðnum verði varið til fjármögnunar
á flutningi Atlantshafsbandalagsins
á hjálpargögnum til nauðstaddra í
norðurhluta landsins. Alþingi sam-
þykkti umrædda fjárveitingu í fjár-
aukalögum ársins 2005 til viðbótar
18 milljóna króna framlagi, sem áð-
ur hafði verið tilkynnt um.
Hlutverk Atlantshafsbandalags-
ins á sviði neyðaraðstoðar var á
meðal umræðuefna á fundi utanrík-
isráðherra aðildarríkjanna sem
haldinn var í Brussel í síðustu viku.
Þar var áréttað að bandalagið hefði
brugðist við ákalli pakistanskra
stjórnvalda og mundi í samvinnu
við aðrar alþjóðastofnanir nýta
flugflutninga og hraðlið til hjálp-
arstarfsins.
12 milljónir til
Pakistans