Fréttablaðið - 28.03.2003, Blaðsíða 6

6 28. mars 2003 FÖSTUDAGURVeistusvarið?
1Í kvöld verður keppt til úrslita íspurningakeppni framhaldskólanna.
Hvað tveir skólar keppa til úrslita?
2Íslensk kona að nafni Jóhanna Krist-jónsdóttir dvelur nú á Arabíuskaga. Í
hvaða landi dvelur hún?
3Nú á dögunum var gert samkomulagmilli Öryrkjabandalagsins og Heil-
brigðisráðuneytisins um hækkun grunnlíf-
eyris ungra öryrkja. Hver er heilbrigðis-
ráðherra okkar Íslendinga?
Svörin eru á bls. 46
LÖGREGLUMÁL Meintur morðingi
Lucille Yvette Mosco var í gær
framseldur frá Louisiana-ríki til
Flórída.
Robert Mosco, bróðir Lucille,
segir lögregluna í heimabæ
þeirra, Pensacola, vilja að hinn
meinti banamaður verði ákærður
fyrir morð að yfirlögðu ráði. Við
slíkum glæp liggur dauðarefsing í
Flórída. Sérstakur dómstóll á að
taka afstöðu til þess 8. apríl hvert
ákæruefnið verður.
Meintur árásarmaður, Sebasti-
an Young, var eiginmaður Lucille í
fimm ár þar til þau skildu í fyrra.
Young beitti konu sína ítrekað of-
beldi. Hann gekk laus þó hann
sætti ákæru fyrir líflátshótanir.
Young neitar alfarið að hafa
banað Lucille. Sonur hennar, Jón
Atli Júlíusson, sem er sextán ára,
slapp hins vegar illa særður eftir
átök við manninn, sem þá áður
hafði banað móður Jóns Atla með
skoti í höfuðið.
Fyrir utan framburð Jóns Atla
hefur lögregla ýmis sönnunar-
gögn sem tengja Young við ódæð-
ið, meðal annars blóð á fötum og í
bíl hans.
Jón Atli hefur náð sér furðuvel
og dvelur nú ásamt föður sínum á
heimili Roberts móðurbróður
síns. Feðgarnir munu fljótlega
snúa aftur til Íslands með jarð-
neskar leifar Lucille. Hún var 37
ára gömul. ■
MINNINGARATHÖFN UM LUCILLE MOSCO
Synir Lucille Yvette Mosco með föður sínum á minningarathöfn um móður drengjanna.
Lucille verður síðar jarðsett á Íslandi við hlið móður sinnar og ömmu. F.v. Robert Wayne,
Jón Júlíus Hafsteinsson og Jón Atli Júlíusson.
Meintur morðingi íslenskrar móður framseldur:
Lögregla vill
dauðarefsingu
SKELJATANGI 9
Fyrirhugað hús var of stórt.
Hæstiréttur:
Kári mátti
ekki byggja
DÓMSMÁL Hæstiréttur hefur dæmt
ógilt byggingarleyfi Reykjavíkur-
borgar til handa Kára Stefánssyni
fyrir 540 fermetra einbýlishúsi í
Skerjafirði.
Kári hugðist reisa hús sitt á
Skeljatanga 9. Nokkrir nágrannar
hans kærðu byggingarleyfið
vegna stærðar hússins og hafa nú
unnið málið á öllum úrskurðar- og
dómsstigum.
Kári hefur hins vegar keypt
nýja byggingarlóð í Vatnsenda-
landi í Kópavogi. Lóðin í Skelja-
tanga hefur verið til sölumeð-
ferðar. ■
MARGRÉT SVERRISDÓTTIR
Margrét segir sinn flokk alltaf hafa stutt
góð mál, hvaðan sem þau koma.
Margrét Sverrisdóttir um
samkomulag við öryrkja:
Mikið fagn-
aðarefni
STJÓRNMÁL „Við fögnum þessu
samkomulagi innilega því við höf-
um alltaf haft þetta á okkar
stefnuskrá. Við lögðum einmitt
áherslu á að þeir sem byggju við
fötlun frá barnsaldri ættu ekki
möguleika á að vinna sér inn
nokkurn lífeyri og ættu því rétt á
hærri örorku,“ segir Margrét
Sverrisdóttir framkvæmdastjóri
Frjálslynda flokksins. Margrét
segir sinn flokk alltaf hafa stutt
góð mál, hvaðan sem þau koma.
„Vegna tímasetningar finnst mér
mikil kosningalykt af þessu sam-
komulagi. Ég held að þetta sé
meðal annars af hræðslu við okk-
ur og þá fylgisaukningu sem okk-
ur hefur hlotist sem þeir drífa í
þessu,“ segir Margrét. ■
STRÍÐI MÓTMÆLT
Mikil andstaða er meðal spænsku þjóðar-
innar við stefnu þarlendra stjórnvalda í
Íraksmálinu.
Rafræn mótmæli:
100.000
bréf á sama
augnabliki
MADRÍD, AP Vefur stjórnarflokksins
á Spáni hrundi vegna álags þegar
yfir andstæðingar innrásarinnar í
Írak sendu yfir 100.000 mótmæla-
bréf í tölvupósti á netfang flokks-
ins. Mótmælin voru skipulögð
með nokkurra daga fyrirvara og
hafði flokkurinn reynt að undir-
búa sig eftir bestu getu. Bréfin
voru hins vegar nær öll send á
sama augnablikinu og fengu
flokksmenn því ekkert við ráðið.
Jose Maria Aznar, forsætisráð-
herra Spánar, er einn helsti stuðn-
ingsmaður bandarískra stjórn-
valda í herferðinni gegn Saddam
Hussein en mikill meirihluti
spænsku þjóðarinnar er mótfall-
inn innrásinni í Írak. ■
HVORKI KAUPAUKI NÉ LAUNA-
HÆKKUN Olav Fjell, forstjóri
norska olíufélagsins Statoil, fær
hvorki launahækkun né kaupauka
í ár. Stjórnarformaður fyrirtæk-
isins sagði Fjell hafa unnið gott
starf en sagði ekki sjálfgefið að
laun starfsmanna hækkuðu ár frá
ári. Fjell hefur rúmar 40 milljón
íslenskra krónaí laun.
■ Norðurlönd
BÓKHALD FLOKKANNA Það er aðeins
tímaspursmál hvenær stjórn-
málaflokkar verða skyldaðir til að
opna bókhald sitt og birta nöfn
styrktaraðila, að mati Sigurðar
Líndal lagaprófessors.
„Þetta er gert í flestum lönd-
um,“ segir Sigurður og bendir á að
þróunin sé í þá átt að þjóðfélagið
sé alltaf að verða opnara og gagn-
særra. Til dæmis séu nú til upp-
lýsingalög og upplýsingaskylda
hlutafélaga sé sífellt að verða víð-
tækari. Þetta endurspeglist síðan
í þeirri nýlegu kröfu almennings,
einkum hluthafa, að fá að vita
hversu há laun forstjórar stórra
fyrirtækja séu með.
„Þetta var farið með eins og
mannsmorð hér einu sinni. Mér
sýnist þróunin því vera í þá átt
núna að það sé verið að opna þjóð-
félagið.“
Sigurður segir að
vissulega greini menn á
um það hvort almanna-
hagsmunir séu í húfi
þegar rætt sé um að
skylda flokkana til að
opna bókhald sitt.
„Stjórnmálaflokkar eru náttúr-
lega á framfærslu almennings,
enda kostnaðurinn að talsverðu
leyti greiddur af almannafé og er
það réttlætt með því að þeir gegni
mikilvægu hlutverki í lýðræðis-
þjóðfélagi. Í framhaldi af því er
ekkert óeðlilegt að menn vilji vita
hvernig þessu fé er varið.“
Árið 1995 skipaði forsætisráð-
herra nefnd til að fjalla um og und-
irbúa frumvarp til laga um fjár-
hagslegan stuðning við stjórn-
málasamtök. Hvorki náðist sam-
staða um að skylda
flokkana til að birta
nöfn styrktaraðila né til
að birta ársreikninga
sína opinberlega. Í rök-
um nefndarinnar var
vísað á nýtt félagafrelsisákvæði
stjórnarskrárinnar frá 1995.
Nefndin taldi að það innihéldi frek-
ari löghelgun og vernd fyrir stofn-
un og starfsemi stjórnmálasam-
taka en áður gilti og fortakslausa
vernd innri málefna þeirra, sem
ekki yrði hróflað við af Alþingi.
Sigurður segir þessi rök nefnd-
arinnar vera hæpin.
„Ef stjórnmálasamtök njóta
sérstakrar stjórnarskrárverndar
finnst mér frekari ástæða til þess
að þau starfi fyrir opnum tjöldum.
Þá finnst mér einmitt þeim mun
meiri ástæða til þess að við vitum
hvað þau gera við peningana.“
Aðspurður segir Sigurður vafa-
samt að opna bókhald flokkanna
aftur í tímann. Hann segir að þeg-
ar menn hafi t.d. gefið fjármuni til
flokkanna hafi þeir gert það í
trausti þess lagaumhverfis sem þá
hafi gilt. Þeir hefðu kannski ekki
gert það vitandi að upplýsingarnar
yrðu gerðar opinberar.
„Íþyngjandi afturvirkni er
alltaf viðsjárverð og ég myndi
ekki mæla með slíku.“
trausti@frettabladid.is
SIGURÐUR LÍNDAL LAGAPRÓFESSOR
„Ef stjórnmálasamtök njóta sérstakrar
stjórnarskrárverndar þá finnst mér frekari
ástæða til þess að þau starfi fyrir opnum
tjöldum.“ segir Sigurður.
Opnun bókhalds
tímaspursmál
Sigurður Líndal lagaprófessor telur eðlilegt að bókhald stjórnmála-
flokka verði opnað. Þjóðfélagið sífellt að verða opnara og gagnsærra.
Vafasamt að opna bókhaldið aftur í tímann.
MARYLAND, AP Hlutverk Samein-
uðu þjóðanna í enduruppbygg-
ingu Íraks að loknu stríði var eitt
af meginumræðuefnunum á
fundi George W. Bush Banda-
ríkjaforseta og Tony Blair, for-
sætisráðherra Bretlands, í Camp
David í gær. Leiðtogarnir ávörp-
uðu blaðamenn að fundi loknum
og sögðu að leitað yrði eftir nýrri
ályktun frá Sameinuðu þjóðunum
til þess að tryggja að öflugt
hjálparstarf færi í gang í Írak
eins fljótt og auðið væri. Jafn-
framt hvöttu þeir Sameinuðu
þjóðirnar til þess að koma undir
eins á fót nýrri áætlun sem gerði
Írökum kleift að kaupa matvæli
og lyf fyrir olíu.
Bush og Blair ítrekuðu að her-
sveitir Bandaríkjanna og Bret-
lands myndu ekki hverfa frá Írak
fyrr en sigur væri í höfn og tekist
hefði að steypa Saddam Hussein
af stóli. Sögðust þeir ánægðir með
gang mála í Írak og lögðu áherslu
á að innrásarherinn væri hægt og
bítandi að grafa undan óvininum.
Að lokum sögðust Bush og
Blair harma andstöðu ýmissa
þjóðarleiðtoga við innrásina í Írak
og vörðu málstað sinn. „Ég efast
ekki um að réttvísin er okkar
megin,“ sagði Blair. ■
ENN VÍGREIFIR
„Við höfum skuldbundið okkur að afvopna Írak og frelsa írösku þjóðina og við munum sjá
til þess að það verði gert,“ sagði Blair á blaðamannafundinum í Camp David.
Fundur Bush og Blair:
Harma andstöðu
við innrás í Írak
FR
ÉT
TA
B
LA
Ð
IÐ
/T
H
O
R
ST
EN