Fréttablaðið - 28.03.2003, Blaðsíða 32

KVIKMYNDIR „Hann fékk smá útbrot
og fékk bara krem á þau og þar
með var það búið,“ segir Björg
Ólafsdóttir um dularfullan húð-
sjúkdóm sem leikstjórinn Eli
Roth fékk þegar hann var au pair
hjá henni á bænum Ingólfshvoli
fyrir rúmum áratug. Roth dvaldi,
ásamt bróður sínum, á Ingólfs-
hvoli í einn mánuð þegar hann
var 19 ára og komst þá í snert-
ingu við skemmt hey sem virðist
hafa valdið útbrotunum. Hann
lýsir sjúkdómnum sjálfur þannig
að ef hann klóraði sér rifnuðu
heilu húðflyksurnar af honum og
þótt Björg kannist ekki við það að
sjúkdómurinn hafi verið svona
alvarlegur þá orkaði hann svo
sterkt á Roth að hann byggir hina
stórgóðu hryllingsmynd Cabin
Fever á þessari sérstöku lífs-
reynslu sinni.
Fyrirmyndarunglingur
í sveitinni
Björg ber Eli og bróður hans
vel söguna. „Þeir voru alveg til
fyrirmyndar og það var mjög
gott að hafa þá.“ Faðir Elis er
virtur geðlæknir í heimalandi
sínu og fjölskyldan dvaldi hér um
skeið á meðan hann kenndi við
Háskólann. „Pabbi hans hefur
alltaf verið mjög hrifinn af Ís-
landi. Hann kom hingað fyrst í
reiðtúr og heillaðist af sveitinni
og vildi endilega koma drengjun-
um hingað. Hann talar íslensku
og hefur skrifað okkur bréf. Þá
heldur hann alltaf sambandi við
móðursystur mína, sem er líka
geðlæknir.“ Björg segir Eli enn
geta „krafsað“ sig í gegnum ís-
lenskan texta „og hann kann að
segja „takk fyrir“, „skyr“ og eitt-
hvað fleira.“
Björg segist hafa heyrt lítil-
lega af velgengni Cabin Fever en
segist ekki hafa ákveðið hvort
hún muni sjá myndina þegar hún
kemur til landsins. „Það getur vel
verið, annars fer ég voðalega lít-
ið í bíó.“
Björg er dásamleg
manneskja
Eli segist enn halda sambandi
við alla vini sína á Íslandi. „Björg
Ólafsdóttir er ein af uppáhalds-
manneskjunum mínum í öllum
heiminum. Hún er dásamleg og
svo stjórnar hún einum stærsta
reiðskóla á Íslandi.“ Eli bætir því
við að hann hafi tekið svolítið upp
á 8mm kvikmyndatökuvélina
sína þegar hann var á Íslandi og
hann bindur vonir við það að geta
komið hingað í náinni framtíð,
með 35mm vél, og taka upp mynd
í fullri lengd. Þá er hann staðráð-
inn í því að koma til Íslands í til-
efni af frumsýningu Cabin Fever
en stefnt er að því að frumsýna
hana samtímis á Íslandi og í
Bandaríkjunum í sumar.
Roth þykir afskaplega þægi-
legur maður og er sagður leiftr-
andi skemmtilegur þannig að
blaðamannafundir með honum
minni einna helst á uppistand þar
sem hann fer á kostum. Hann
hefur meðal annars rekið ævin-
týri sín á Íslandi í heimspress-
unni og hefur þannig til dæmis
komið Selfossi á kortið í kvik-
myndabransanum.
thorarinn@frettabladid.is
32 28. mars 2003 FÖSTUDAGUR
BT Skeifunni • BT Hafnarfirði • BT Kringlunni
BT Smáralind • BT Akureyri • BT Egilsstöðum
Áskrift að
Sýn til
7. apríl
4.999
Pizza frá
Domino´s
2 Lítrar af
kók og 6 glös
Fáðu miða á myndina
Ótrúlegirkaupaukarfylgja!
Bíómiði á Final
Destination
fylgir með 500
fyrstu leikjunum
Kaupauki #4
#2
#3
#1
Fékk krem og málið
var úr sögunni
VIÐ TÖKUR Á ÍSLANDI
Eli með 8mm vélina sína á Íslandi. Hann var 19 ára þegar hann dvaldi hérna og fékk hugmyndina að Cabin Fever, sem hefur fengið frá-
bæra dóma gagnrýnenda enda er hún æsispennandi, óhugnanleg og bráðfyndin.
Bandaríski kvikmynda-
leikstjórinn Eli Roth
fékk hugmyndina að
hryllingsmyndinni
Cabin Fever á Íslandi
fyrir áratug. Þá fékk
hann undarlegan húð-
sjúkdóm sem var hæg-
ur vandi að lækna með
smyrslum en í mynd-
inni er hann að sjálf-
sögðu banvænn.
ELI Í BLÁA LÓNINU
Hann er yfir sig hrifinn af landi og
þjóð og kunni afskaplega vel við sig í
sveitinni hjá Björgu Ólafsdóttur. Hann
heldur enn sambandi við íslenska vini
sína og kann að segja „skyr“ og „takk
fyrir“.
BÖRN „Bandaríkjamenn eiga ekki
að sprengja Írak út af olíu. Það er
bara bull,“ segir Einar Þór Har-
aldsson en hann hefur stofnað
friðarfélagið Friður á Jörð ásamt
fjórum félögum sínum, Sindra
Snorrasyni, Hlyni Jónassyni,
Friðrik Birni Arasyni og Örnólfi
Eldon Þórssyni, úr 5-V í Vestur-
bæjarskóla. „Af hverju mega þeir
bara ekki eiga olíuna fyrst hún er
í þeirra landi? bætir hann við og
segir þá félagana ekki skilja það
að fólk sé drepið fyrir olíu.
Félagsskapurinn varð til í svo-
kallaðri „Smiðju“. „Við erum
alltaf í smiðju á föstudögum þar
sem við leikum leikrit, sýnum
hluti og gerum allt mögulegt og
þar ákváðum við að stofna félag-
ið.“
Drengirnir segjast ætla að
fylgja stærri mótmælahópum
eftir og vonast til að fleiri krakk-
ar bætist í hópinn. Þá hafa þeir
látið búa til 40 barmmerki með
spurningunni „Vilt þú sprengja
Írak?“ en merkjunum hafa þeir
meðal annars dreift til bekkjarfé-
laga sinna. Þeir segjast fylgjast
með fréttum af stríðinu og hafa
nokkrar áhyggjur af gangi mála.
Sindri segist byrja morgnana á
því að kíkja á fréttir frá BBC í
sjónvarpinu og svo aftur þegar
hann kemur heim úr skólanum.
Strákarnir segjast nánast
standa einir og óstuddir að friðar-
starfinu en þeir hafi þó notið lið-
sinnis nokkurra foreldra og nefna
þar sérstaklega til sögunnar Har-
ald Ólafsson veðurfræðing, Elísa-
betu Rónaldsdóttur klippara og
Eddu Kristínu Einarsdóttur arki-
tekt. ■
EINAR ÞÓR HARALDSSON,
SINDRI SNORRASON OG
HLYNUR JÓNASSON
Þeir félagar komust heldur
betur í feitt um daginn þegar
þeir fundu samvaxna banana
úti í búð. Þeir segjast ekki
hafa tíma að borða fyrirbærið,
ætla að hafa þá til sýnis í
Smiðjunni í skólanum og
geyma þá svo jafnvel í frysti. Á
heimatilbúnu mótmælaspjaldi
létu þeir Bush og Hussein
leiðast og það er því ef til vill
ekki svo galið að nefna tví-
burabananana samrýmdu eftir
þessum höfuðandstæðingum.
Stríðsátökin í Írak fara ekki framhjá unga fólkinu og valda þeim vitaskuld áhyggj-
um eins og fullorðna fólkinu. Fimm félagar úr Vesturbæjarskóla vilja leggja sitt af
mörkum í baráttunni fyrir friði og hafa stofnað félagsskapinn Friður á Jörð.
Langbest að hafa frið
FR
ÉT
TA
B
LA
Ð
IÐ
/V
IL
H
EL
M