Fréttablaðið - 28.03.2003, Blaðsíða 8

8 28. mars 2003 FÖSTUDAGUR
KÆRI SÁLI
„Það er alveg greinilegt að hafið
er sálfræðistríð á milli liðanna.“
Atli Eðvaldsson, landsliðsþjálfari í knattspyrnu,
um leik Íslands og Skotlands. DV, 27. mars.
ÍSLENSKT, JÁ TAKK
„Við fengum að koma með okk-
ar eigið lamb svo það hlýtur að
hafa hjálpað eitthvað.“
Ragnar Ómarsson í tilefni af því að hafa verið
valinn matreiðslumaður Norðurlanda. Mbl, 27.
mars.
HVAÐ SEGIR BLAIR?
„Mér skilst að það fólk sem
brenndi íslenska fánann í Kaup-
mannahöfn hafi talið sig vera að
brenna breska fánann.“
Halldór Ásgrímsson um það þegar kveikt var í
íslenska fánanum í Kaupmannahöfn. Fréttablað-
ið, 27. mars.
Orðrétt
Flóttamenn til Akureyrar:
Sjö ár í flóttamannabúðum
FLÓTTAMENN Kristján Þór Júlíusson,
bæjarstjóri á Akureyri, bauð tutt-
ugu og fjóra flóttamenn frá
Júgóslavíu velkomna til bæjarins.
Fólkið átti að baki langt og strangt
ferðalag. Í hópnum eru þrettán full-
orðnir og ellefu börn. Fólkið, sem er
serbneskt að uppruna, var hrakið
burt frá Krajina-héraði í Króatíu
árið 1996 ásamt hundruðum þús-
unda manna og hefur dvalið í flótta-
mannabúðum síðan.
Að sögn Péturs Bolla Jóhannes-
sonar verkefnastjóra er koma
flóttafólksins hluti af samvinnu-
verkefni milli félagsmálaráðuneyt-
is og Akureyrarbæjar. Akureyrar-
bær sér um fræðslumál og heilsu-
gæslu og útvegar íbúðir fyrir fólkið.
Rauði krossinn hefur útvegað hús-
gögn og fengið stuðningsfjölskyld-
ur sem verða fólkinu til aðstoðar.
Mun starfsfólk Akureyrarbæjar
ásamt túlki vera fólkinu innan hand-
ar eftir í daglegu amstri, sinna fé-
lagslegri þjónustu og aðstoða við að
aðlagast bæjarlífinu.
Af hálfu bæjarins hefur verið
unnið um skeið að fræðslu- og fé-
lagsmálum hópsins. Allur hópurinn
mun sækja vorskóla í fyrstu en
börnin ganga í sína hverfaskólaeftir
sumarfrí. Fullorðnir halda áfram
námi í íslensku og samfélags-
fræðslu í Menntasmiðjunnni. Er
með þessu fyrirkomulagi vonast til
að bæjarbúar og aðfluttir aðlagist
hverjir öðrum sem best.
Ekki er gert ráð fyrir að fólkið
fari að vinna fyrr en í fyrsta lagi
eftir þrjá mánuði en að sögn Péturs
hafa þegar borist fyrirspurnir um
að fá fólkið í vinnu. ■
FLÓTTAMENN BOÐNIR VELKOMNIR
Í hópnum eru þrettán fullorðnir og ellefu
börn. Af hálfu bæjarins hefur verið unnið
nokkurn tíma í undirbúningi að komu
flóttafólksins.
KOMIN TIL AKUREYRAR
Flóttafólkið á Akureyrarflugvelli. Fólkið er
að uppruna frá Serbíu og hefur verið á
hrakningum frá 1996.
Vilja níu millj-
arða í breytingar
ASÍ telur tillögur í velferðarmálum brýnni en þær skattaaðgerðir sem
stjórnmálaflokkar hafa lagt fram. Forsvarsmenn ASÍ telja raunhæft að
tillögurnar geti komið til framkvæmda á næstu fjórum árum.
VELFERÐARKERFIÐ Hagdeild Alþýðu-
sambands Íslands hefur metið
kostnað við tillögur sambandsins í
velferðarmálum sem kynntar voru
fyrir skömmu. Kostnaður við til-
lögurnar nemur árlega rúmum níu
milljörðum króna. Á blaðamanna-
fundi með forsvarsmönnum ASÍ í
gær kom fram að þeir telji tillög-
urnar eiga að hafa forgang um-
fram þær skattaaðgerðir sem
stjórnmálaflokkarnir hafa lagt
fram. Ekki er í tillögum um heil-
brigðismál gert ráð fyrir að þær
valdi kostnaðarauka til lengri
tíma. Þær byggi annars vegar á
aukinni skilvirkni og hagræðingu
og hins vegar á að draga úr gjald-
töku og auka þjónustu.
Aðgerðir í húsnæðismálum eru
afar brýnar að mati ASÍ. Gert er
ráð fyrir að eyða biðlistum eftir
um 1.700 félagslegum leiguíbúðum
á þremur árum. Annars vegar er
miðað við að fjölga þeim íbúðum
sem lánað er til á lægstu vöxtum
og hins vegar að auka vaxtaniður-
greiðsluna þannig að hún miðist
við 1% vexti í stað 3,5% eins og
gert er í dag. Að auki er lagt til að
vaxtaniðurgreiðsla gagnvart eldri
félagslegum leiguíbúð-
um verði aukin miðað
við 1% vexti og er
kostnaður við það áætl-
aður 1.250 milljónir
króna.
Gert er ráð fyrir rúmum 4,5
milljörðum króna í tryggingarmál.
Af því er miðað við að 1,6 milljarða
þurfi til að tryggja öryrkjum sem
búa einir tekjur sem nema 110 þús-
und krónum með því að hækka
tekjutryggingu. Vegna nýlegra
samninga við öryrkja upp á einn
milljarð er viðbótar-
kostnaður til að ná settu
marki 600 milljónir. Til-
laga er gerð um að
800.000 milljónir fari til
atvinnuleysisbóta með
það að markmiði að hækka bætur í
93.000 krónur á mánuði. Miðað er
við 3,5% atvinnuleysi. Dragi hins
vegar úr atvinnuleysi verður
heildarframlagið lækkað.
Forráðamenn ASÍ telja brýnt að
jafna hlut fjölskyldna í landinu og
stemma stigu við fátækt. Mælst er
til að sveitarfélög dragi úr gjald-
töku til þeirra sem hafa lægstu
launin vegna þjónustu við börn í
grunnskólum, tómstundum barna
og íþrótta og tónlistarskóla sem
nemur 500 milljónum. Þá er lagt til
að ríkissjóður verji 1,6 milljörðum
til hækkunar á barnabótum og
dragi úr tekjutengingu sem bráða-
aðgerð.
kolbrun@frettabladid.is
Hunang
N
O
N
N
I
O
G
M
A
N
N
I
I

Y
D
D
A
•
N
M
0
9
0
8
3
•
s
ia
.i
s
VERKFALL Í KRISTJANÍU
Á sama tíma og atvinnuleysi mælist með
mesta móti hafa hasssalar í Kristjaníu farið
í verkfall.
Uppsagnir í Danmörku:
Atvinnuleysi
eykst
KAUPMANNAHÖFN, AP Atvinnuleysi
er meira en það hefur mælst í
þrjú og hálft ár. 159.500 manns
voru á atvinnuleysisskrá í síðasta
mánuði. Það nemur um 5,7% af
heildarfjölda vinnufærra manna
hjá þessari frændþjóð okkar sem
telur 5,3 milljónir manna. Talið
er að atvinnuleysi eigi enn eftir
að aukast.
Ein helsta ástæðan fyrir
auknu atvinnuleysi nú er að
stjórnvöld hafa ákveðið að fækka
opinberum starfsmönnum. 4.000
af þeim 133.000 manns sem vinna
hjá hinu opinbera var sagt upp
störfum. ■
RASMUSSEN KYRR Poul Nyrup
Rasmussen, fyrrum forsætisráð-
herra Danmerkur, mun ekki
sækjast eftir starfi fram-
kvæmdastjóra Atlantshafsbanda-
lagsins. Hann mun líklega bjóða
sig fram til Evrópuþingsins á
næsta ári. Kristin Krohn Devold,
utanríkisráðherra Noregs, er
nefnd sem næsti framkvæmda-
stjóri Nató.
DREGIÐ ÚR ÞRÓUNARAÐSTOÐ
Embættismenn á vegum Afríku-
sambandsins segjast óttast að
Bandaríkin og Bretland muni
draga verulega úr aðstoð við Afr-
íkuríki í kjölfar hins kostnaðar-
sama stríðsreksturs í Írak. Mörg
lönd í álfunni reiða sig að miklu
leyti á þróunaraðstoð og því veldur
þetta afrískum ráðamönnum þung-
um áhyggjum.
NÍU VEGNIR ÚR LAUNSÁTRI Níu
manns létu lífið þegar menn vopn-
aðir vélbyssum gerðu árás úr laun-
sátri á þjóðvegi skammt vestur af
Algeirsborg í Alsír. Ekki er vitað
hverjir árásarmennirnir voru en
vígasveitir íslömsku samtakanna
GIA halda til á svæðinu.
ÁRÁS Á VÍGI UPPREISNARMANNA
Búrúndíski herinn hefur tilkynnt
að 68 uppreisnarmenn hafi verið
drepnir í árás sem gerð var á vígi
þeirra skammt frá Bujumbura.
Herinn beitti stórskotaliði og
sprengjuvörpum. Talsmaður upp-
reisnarmanna vísar yfirlýsingum
hersins á bug og fullyrðir að að-
eins tveir hafi fallið.
Síldarminjasafnið:
Milljóna
styrkur
SAFN Menntamálaráðherra og for-
svarsmenn Síldarminjasafnsins á
Siglufirði hafa undirritað 35 millj-
óna króna samning um frekari upp-
byggingu safnsins.
Um er að ræða styrk frá ríkinu
til byggingar bátaskemmu sem ætl-
að er að varðveita valin sýnishorn
af síldarskipum fyrri ára. Styrkur-
inn greiðist út á þremur árum. Á
Síldarminjasafninu eru varðveittar
minjar og upplýsingar um þá sögu
og mannlíf sem síldarævintýrið
skapaði. Við undirskrift samnings-
ins kynnti menntamálaráðherra
ákvörðun safnaráðs að tilnefna
Síldarminjasafnið á Siglufirði í
samkeppni um evrópsku safna-
verðlaunin árið 2004 fyrir Íslands
hönd. ■
■ Norðurlönd
■ Afríka
KOSTNAÐARTILLÖGUR KYNNTAR
Forráðamenn ASÍ telja raunhæft að tillögur í velferðarmálum geti komið að fullu til fram-
kvæmda á næstu fjórum árum. Aukinn hagvöxtur í þjóðfélaginu eigi að geta komið til
móts við kostnað vegna endurbóta í velferðarkerfinu.
FR
ÉT
TA
B
LA
Ð
IÐ
/V
IL
H
EL
M