Fréttablaðið - 17.04.2003, Side 6

6 17. apríl 2003 FIMMTUDAGUR
■ Skipulagsmál
GENGI GJALDMIÐLA
Bandaríkjadalur 76.65 -0,73%
Sterlingspund 120.60 -0,58%
Dönsk króna 11.18 -0,09%
Evra 82.98 -0,13%
Gengisvístala krónu 119,38 -0,53%
KAUPHÖLL ÍSLANDS
Fjöldi viðskipta 323
Velta 5.312 milljónir
ICEX-15 1.422 0,38%
Mestu viðskipti
Ísl. hugbúnaðarsj. hf. 680.937.538
Kaupþing banki hf. 609.337.063
Landsbanki Íslands hf. 372.640.541
Mesta hækkun
Síldarvinnslan hf. 3,30%
Grandi hf. 2,63%
Flugleiðir hf. 2,17%
Mesta lækkun
Landsbanki Íslands hf. -0,96%
Búnaðarbanki Íslands hf. -0,93%
ERLENDAR VÍSITÖLUR
DJ*: 8328,9 -0,9%
Nasdaq*: 1403,2 0,9%
FTSE: 3854,9 -1,6%
DAX: 2838,6 0,2%
NIKKEI: 7879,5 0,5%
S&P*: 885,8 -0,6%
*Bandarískar vísitölur kl. 17.00
Veistusvarið?
1Einhver mikilvægasta viðureignin áyfirstandandi leiktíð í ensku úrvals-
deildinni í knattspyrnu fór fram í gær.
Hvaða lið áttust við?
2Mikið hefur verið fjallað um fyrirhug-aða sameiningu Kaupþings og Búnað-
arbanka Íslands. Hvað heitir forstjóri
Kaupþings?
3Fyrrum söngvari GusGus sendi frásér sína fyrstu sólóplötu á dögunum
undir listamannsnafninu Blake. Hvað
heitir tónlistarmaðurinn réttu nafni?
Svörin eru á bls. 46
Skoðanakönnun um forsætisráðherraefni eftir kosningar:
Flestir vilja Davíð áfram
SKOÐANAKÖNNUN Flestir vilja sjá
Davíð Oddsson, formann Sjálf-
stæðisflokksins, áfram sem for-
sætisráðherra eftir kosningarn-
ar í 10. maí samkvæmt skoðana-
könnun Fréttablaðsins sem gerð
var á laugardaginn. Úrtakið var
1.200 manns.
Um 46% þeirra sem tóku af-
stöðu vilja Davíð sem næsta for-
sætisráðherra og hefur fylgi
hans vaxið nokkuð, því í hin tvö
skiptin sem blaðið hefur spurt
almenning hvern hann vilji sjá
sem næsta forsætisráðherra
hefur Davíð fengið 43%.
Stuðningur við Ingibjörgu
Sólrúnu Gísladóttur, forsætis-
ráðherraefni Samfylkingarinn-
ar, fer stöðugt minnkandi. Í
byrjun febrúar vildu um 50%
landsmanna sjá hana sem næsta
forsætisráðherra landsins. Í
byrjun mars voru 46% sömu
skoðunar, en samkvæmt niður-
stöðum könnunarinnar á laugar-
daginn er stuðningurinn við
hana kominn niður í 44%.
Mælist hún nú í fyrsta skipti
með minna fylgi en Davíð.
Halldór Ásgrímsson, formað-
ur Framsóknarflokksins og ut-
anríkisráðherra, nýtur stuðn-
ings um 5% landsmanna í for-
sætisráðherrastólinn. Um 3%
vilja sjá Steingrím J. Sigfússon,
formann Vinstri grænna, sem
forsætisráðherra, en aðrir fá
minna.
Eins og áður sækja Davíð og
Ingibjörg Sólrún stuðning sinn
áberandi mest til íbúa í þéttbýli,
enda bæði frambjóðendur í
Reykjavík.
Davíð sækir um 58% af
stuðningi sínum í raðir karl-
manna, en Ingibjörg Sólrún
sækir 55% af stuðningi sínum til
kvenna.
Stuðningur við Halldór, sem
býður sig fram í Reykjavík, er
mestur á landsbyggðinni.
Af þeim sem vilja hann sem
forsætisráðherra eru tæplega
60% landsbyggðarfólk, þá nýtur
hann mun meiri stuðnings með-
al karla en kvenna. Svipaða sögu
er að segja af Steingrími J. ■
Meirihluti vantreyst-
ir lífeyrissjóðunum
Um 52% landsmanna bera frekar eða mjög lítið traust til lífeyrissjóð-
anna. Niðurstaðan kemur framkvæmdastjóra Landssambands
lífeyrissjóða ekki á óvart.
SKOÐANAKÖNNUN Meirihluti lands-
manna ber frekar eða mjög lítið
traust til lífeyrissjóðanna á Ís-
landi, samkvæmt skoðanakönnun
Fréttablaðsins sem
gerð var á laugar-
daginn. Úrtakið
var 1.200 manns.
Tæplega 52%
þeirra sem tóku
afstöðu í könnun-
inni sögðust bera frekar eða mjög
lítið traust til lífeyrissjóðanna.
Þar af sögðust 26% bera mjög lít-
ið traust til þeirra. Um 23%
aðspurðra sögðust bera mjög eða
frekar mikið traust til lífeyris-
sjóðanna, þar af sögðust aðeins
4% bera mjög mikið traust til
þeirra.
Hrafn Magnússon, fram-
kvæmdastjóri Landssambands
lífeyrissjóða, segir að þessi nið-
urstaða komi ekki á óvart.
„Það er enginn vafi á því að
fréttir um neikvæða ávöxtun
flestra lífeyrissjóðanna síðast-
liðin þrjú ár hafa mikið að
segja,“ segir Hrafn. „Einnig
hafa fréttir um lækkuð lífeyris-
réttindi sumra sjóða eflaust haft
áhrif.“
Hrafn segir að fólk virðist oft
ekki horfa á heildarmyndina,
þ.e. að íslensku lífeyrissjóðirnir
séu almennt vel reknir og
afkoma þeirra síðustu ár sé betri
en afkoma langflestra erlendra
lífeyrissjóða. Hann segir að þar
sem óánægja fólks stafi fyrst og
fremst af tímabundinni niður-
sveiflu markaða hafi hann ekki
trú á því að fólk vilji gera ein-
hverja meiriháttar breytingu á
lífeyrissjóðakerfinu.
„Ég held að það sé almennt
þokkalega góð sátt um lífeyris-
sjóðakerfið. Það er gott eins og
það er.“
Samkvæmt könnuninni er
nánast enginn munur á afstöðum
kynjanna til lífeyrissjóðanna. Þó
virðast konur bera örlítið meira
traust til þeirra en karlar.
Greinilegur munur er hins vegar
á afstöðu fólks út frá búsetu. Um
56% landsbyggðarfólks segjast
bera frekar eða mjög lítið traust
til lífeyrissjóðanna, samanborið
við tæplega 49% íbúa í þéttbýli.
Hrafn segist ekki hafa neina
haldbæra skýringu á þessum
mun. Vandræðagangurinn í
kringum Lífeyrissjóð Austur-
lands gæti samt hafa smitað eitt-
hvað út frá sér.
trausti@frettabladid.is
Listi Nýs afls:
Valdimar
er efstur
STJÓRNMÁL Stjórnmálasamtökin
Nýtt afl hafa ákveðið framboðs-
lista sinn í Norðausturkjördæmi
fyrir alþingiskosningarnar 10.
maí .
Þetta er þriðji listinn sem sam-
tökin birta, en áður var búið að
kynna framboðslista í Reykjavík-
urkjördæmunum báðum. Valdi-
mar H. Jóhannesson fram-
kvæmdastjóri skipar efsta sæti
listans. ■
1. Valdimar H. Jóhannesson framkv.stjóri
2. Halldór Brynjar Halldórsson nemi
3. Jóhanna Friðfinnsdóttir myndlistarm.
4. Jónas Rafnar Ingason viðsk.fræðingur
5. Gísli Baldvinsson ráðgjafi
ÞREYTTIR Á UMFERÐARGNÝ
Íbúar í vesturbæ Kópavogs
hafa skorað á bæjarráð að hefja
strax undirbúning að byggingu
hljóðmanar vestan við Kringlu-
mýrarbraut frá Fossvogsnesti
að Kársnesbraut. Bæjarverk-
fræðingur hefur fengið málið
til umsagnar. ■
Í LESTARVAGNI
Íbúar Hong Kong ganga nær undantekn-
ingarlaust með sóttvarnargrímur þegar þeir
fara út á meðal almennings af ótta við að
smitast af hinni alræmdu lungnabólgu.
Veiran sækir í sig veðrið:
Leggur
yngra fólk
að velli
FARALDUR, AP Óvæntur dauði sex
ungra og hraustra sjúklinga sem
smitaðir voru af hinni alræmdu
lungnabólguveiru veldur læknum
í Hong Kong þungum áhyggjum.
Eru þeir nú farnir að skrifa upp á
stærri lyfjaskammta á fyrstu
stigum sjúkdómsins.
Hingað til hefur HABL einkum
lagt að velli aldrað fólk og þá sem
þjáðst hafa af öðrum alvarlegum
sjúkdómum en nú um helgina lét-
ust sex hraustir einstaklingar á
aldrinum 35 til 52. Sérfræðingur
sem fylgst hefur með sjúklingum
á Prince of Wales-sjúkrahúsinu í
Hong Kong óttast að veiran hafi
þegar orðið fyrir stökkbreyting-
um. ■
VIÐ UPPHAF LEIÐTOGAFUNDAR
Utanríkis- og forsætisráðherrar Bretlands
mættu saman til leiðtogafundar Evrópu-
sambandsins í gær.
Evrukosning Breta:
Ekki kosið á
næstunni
BRETLAND Ekkert verður af því að
Bretar kjósi um upptöku evrunn-
ar á fyrri hluta núverandi kjör-
tímabils eins og Tony Blair for-
sætisráðherra hafði stefnt að.
Óvíst er um það hvort yfir höfuð
verði kosið um upptöku hennar
áður en kjörtímabilið rennur út
2006.
The Guardian segir að Blair og
Gordon Brown fjármálaráðherra
hafi komist að samkomulagi um
að ekki verði efnt til þjóðarat-
kvæðagreiðslu um upptöku evr-
unnar á þessu kjörtímabili nema
kringumstæður gjörbreytist. ■
Erlend skip á Reykjaneshrygg:
Í línudansi við lögsögumörk
SJÁVARÚTVEGUR Flugvél Landhelg-
isgæslunnar, TF-SYN, fór í eftir-
litsflug yfir úthafskarfamiðin á
Reykjaneshrygg í gær. Í ljós kom
að erlendum skipum hefur fjölg-
að talsvert frá því farið var í síð-
asta eftirlitsflug yfir svæðið á
föstudag.
Alls voru við veiðar tuttugu
og níu erlend skip og flest voru
þau í línudansi á lögsögumörk-
um Íslands. Samkvæmt upplýs-
ingum frá Landhelgisgæslunni
vakti það athygli að þrettán skip
voru frá þjóðum sem ekki eiga
aðild að Norðaustur-Atlantshafs
fiskveiðinefndinni og taka þar
af leiðandi enga ábyrgð á fisk-
veiðistjórnun á svæðinu. Mátti
sjá skip frá Belís, Lettlandi,
Litháen og Eistlandi. Fiskveiði-
nefndin hefur úthlutað þessum
þjóðum 1.200 tonna úthafs-
karfakvóta árlega en í fyrra
fóru þau langt fram yfir þau
mörk og er talið að þau hafi veitt
alls 30.000 tonn. Íslendingar
hafa heimild til að veiða alls 55
þúsund tonn af úthafskarfa á
stjórnunarsvæði Fiskveiði-
nefndarinnar. ■
HVERN VILTU SJÁ SEM
FORSÆTISRÁÐHERRA EFTIR
KOSNINGARNAR Í VOR?
1. feb. 1. mars 12. apríl
Davíð Oddsson 43% 43% 46%
Ingibjörg Sólrún 50% 46% 44%
Halldór Ásgr. 4% 7% 5%
Aðrir 3% 4% 5%
HVERSU MIKIÐ TRAUST BERÐ
ÞÚ TIL LÍFEYRISSJÓÐANNA Á
ÍSLANDI?
Mjög mikið 4%
Frekar mikið 19%
Hvorki né 25%
Frekar lítið 26%
Mjög lítið 26%
NESKAUPSTAÐUR
Um 56% landsbyggðarfólks segjast bera frekar eða mjög lítið traust til lífeyrissjóðanna,
samanborið við tæplega 49% íbúa í þéttbýli.
■
“Ég held að
það sé almennt
þokkalega góð
sátt um lífeyris-
sjóðakerfið.”
ERLENT FISKVEIÐISKIP
Nú sem stendur eru fjórir íslenskir togarar að veiðum á svæðinu en samkvæmt samning-
um aðildarríkja Norðaustur-Atlantshafs fiskveiðinefndinni ber Íslendingum að senda eftir-
litsskip þangað ef íslensk skip að veiðum verða fleiri en 10 talsins.
M
YN
D
/A
U
Ð
U
N
N
F
. K
R
IS
TI
N
SS
O
N
Áhugahópur:
Vilja lýðræði
í fjölmiðlum
FJÖLMIÐLAR Áhugahópur um lýð-
ræðislega umræðu í fjölmiðlum fer
fram á það við ljósvakamiðlana,
sérstaklega RÚV og Stöð 2, að
öllum flokkum sem bjóða fram til
kosninga nú í vor verði tryggður
jafn aðgangur að ljósvakamiðlum.
Tillaga þeirra er að hverjum flokki
verði úthlutað minnst fimm mínút-
um af dagskránni á besta tíma í
þessum miðlum í hverri viku fram
að kosningum. ■