Fréttablaðið - 26.04.2003, Blaðsíða 2

2 26. apríl 2003 LAUGARDAGUR
„Nei, reyndar ekki, en sambýlis-
kona mín á einn.“
Ríkisendurskoðun gerði athugasemd við kaup
Kvikmyndasjóðs á ísskáp sem allan tímann stóð í
kaffistofu sjóðsins.
Spurningdagsins
Þorfinnur, áttu ekki ísskáp?
■ Skoðanakönnun
Bush segir Saddam hafa eyðilagt gereyðingarvopn sín:
Sennilega óvígur frá upphafi stríðs
WASHINGTON, AP George W. Bush
Bandaríkjaforseti segist hafa
undir höndum gögn sem gefi til
kynna að Saddam Hussein hafi
hugsanlega látið lífið eða særst í
loftárásum Bandaríkjamanna á
fyrsta degi stríðsins í Írak. Ef
þetta reynist rétt getur það varp-
að ljósi á ýmislegt varðandi þróun
mála í stríðinu, að mati forsetans.
„Það gæti skýrt hvers vegna stífl-
ur voru ekki sprengdar í loft upp
og olíulindir eyðilagðar.“
Þetta kom fram í ítarlegu sjón-
varpsviðtali við forsetann hjá
Tom Brokaw á NBC. Bush notaði
jafnframt tækifærið og varaði
Sýrlendinga og Írani við því að
skipta sér af málum í Írak en ít-
rekaði þó að ekki væru uppi nein
áform um að ráðast á löndin tvo.
Aðspurður sagði forsetinn að
bandarískar hersveitir myndu
dvelja í Írak eins lengi og nauðsyn
krefði og viðurkenndi að það gæti
tekið allt að því tvö ár að koma á
jafnvægi í landinu.
Bush hélt ræðu í Ohio skömmu
fyrir viðtalið og lýsti því þá yfir
að hugsanlegt væri að Írakar
hefðu eytt gereyðingarvopnum
sínum áður en stríðið hófst. Í við-
talinu á NBC dró forsetinn nokkuð
í land og sagðist telja að banda-
rískir sérfræðingar myndu á end-
anum finna ólögleg vopn í Írak. ■
Norsk fyrirhyggja:
Gervihnettir
elta börnin
NOREGUR AP Norska tölvufyrirtækið
Chess Communications Inc. hefur
áætlanir um að selja agnarsmátt
GPS-staðsetningartæki sem for-
eldrar geta notað til að fylgjast með
ferðum barna sinna.
Með því að notast við gervihnetti
verður hægt að fylgjast með ferð-
um nýja GPS-tækisins úr farsíma.
Foreldrar geta forritað GPS-tækið
þannig að þeir fái skilaboð fari
barnið út fyrir áður ákveðið svæði.
Nákvæmni tækisins í staðsetning-
um skeikar aðeins um fimm metrar
til eða frá. Verðið er um 20 þúsund
krónur auk 1.000 króna mánaðar-
legs áskriftargjalds. ■
Í VOPNAVERKSMIÐJU HERSINS
Í opinberri heimsókn til Ohio lét Banda-
ríkjaforseti þau orð falla að hugsanlegt
væri að Írakar hefðu eyðilagt gereyðingar-
vopn sín áður en innrás Bandaríkjamanna
og Breta hófst.
Spennan eykst
Samanteknar niðurstöður síðustu tveggja skoðanakannana gefa góða vísbendingu um hverjir eru
inni og hverjir úti í kjördæmunum og hverjir berjast um sæti á Alþingi.
SKOÐANAKANNANIR Ingibjörgu Sól-
rúnu Gísladóttur vantar tæplega
eitt þúsund atkvæði, en Siv Frið-
leifsdóttur vantar 71 atkvæði til
þess að ná kjördæmakjörin inn á
þing, ef samanteknar niðurstöður
síðustu tveggja skoðanakannana
Fréttablaðsins eru skoðaðar eftir
kjördæmum. Allan fyrirvara
verður að hafa á vangaveltum
sem þessum, en niðurstöðurnar,
sem unnar eru úr samanlagt 2.400
manna úrtaki úr könnunum sem
gerðar voru 19. og 24. apríl, gefa
margar forvitnilegar vísbending-
ar um það hverjir eru inni og
hverjir úti í kosningaslagnum.
Reykjavík norður
Spennan er mikil í Reykjavík
norður. Þeir frambjóðendur sem
virðast standa tæpast eru þau
Kolbrún Halldórsdóttir, Vinstri
grænum, og Sigurður Kári Krist-
jánsson, Sjálfstæðisflokki. Af níu
kjördæmakjörnum þingmönnum
kjördæmisins virðist Sigurður
vera síðastur inn, með 3.856 at-
kvæði á bak við sig. Fast á hæla
honum kemur Helgi Hjörvar,
þriðja sætis maður Samfylking-
arinnar, með 3.585 atkvæði. Á
þeim munar því aðeins 271 at-
kvæði. Halldór Ásgrímsson utan-
ríkisráðherra er um 360 atkvæð-
um á eftir Sigurði Kára. Aðrir
koma lengra á eftir. Ásta Möller,
Sjálfstæðisflokki, er með 3.085
atkvæði á bak við sig, og á eftir
henni kemur síðan Ingibjörg Sól-
rún Gísladóttir, talsmaður Sam-
fylkingarinnar, með 2.868 at-
kvæði. Samfylkingin þarf sam-
kvæmt þessu að bæta við sig um
1.000 atkvæðum í Reykjavík
norður til þess að hún komist
kjördæmakjörin á þing.
Reykjavík suður
Þær Jónína Bjartmarz, Fram-
sóknarflokki, og Margrét K.
Sverrisdóttir eru tæpastar í
Reykjavík suður. Margrét virðist
vera síðust inn, með 3.856 atkvæði
á bak við sig. Um 400 atkvæði eru
í Ágúst Ólaf Ágústsson, sem knýr
dyra sem fjórði maður Samfylk-
ingarinnar. Fast á hæla honum er
Birgir Ármannsson, Sjálfstæðis-
flokki, með 3.350 atkvæði á bak
við sig. Lengra er í aðra
samkvæmt þessum niðurstöðum.
Ögmundur Jónasson, Vinstri
grænum, þarf ríflega þúsund at-
kvæði til þess að skjótast kjör-
dæmakjörinn inn á þing, og fella
þar með Margréti eða Jónínu,
samkvæmt þessum niðurstöðum.
Suðvesturkjördæmi
Staðan virðist æsispennandi í
Suðvesturkjördæmi. Kannanirnar
sýna einungis 71 atkvæðis mun á
Siv Friðleifsdóttur umhverfisráð-
herra, sem nær ekki kjördæma-
kjöri samkvæmt könnununum, og
Bjarna Benediktssyni, sem skipt-
ar 5. sæti á lista Sjálfstæðisflokks-
ins og er síðastur inn. Katrín Júlí-
usdóttir, fjórða sæti á lista Sam-
fylkingar, er einnig skammt undan
og virðist vanta um 130 akvæði til
að fella Bjarna. Þrjúhundruð at-
kvæðum á eftir Katrínu kemur Jó-
hanna B. Magnúsdóttir, í fyrsta
sæti hjá Vinstri grænum.
Norðvesturkjördæmi
Steinunn Kristín Pétursdóttir,
sem skipar 3. sæti á lista Frjáls-
lyndra, er síðust inn sem kjör-
dæmakjörinn þingmaður í Norð-
vesturkjördæmi, með 1.802 at-
kvæði á bak við sig. Henni er veitt
öflug samkeppni af þingmönnun-
um Kristni H. Gunnarssyni, þing-
flokksformanni Framsóknar-
flokksins, sem kemur næstur með
1.785 atkvæði, og Einari Oddi
Kristjánssyni, þingmanni Sjálf-
stæðisflokksins, sem hefur 1.666
atkvæði á bak við sig samkvæmt
könnunum. Hér virðist því vera
mikil spenna í uppsiglingu þar
sem gamalreyndir þingmenn etja
kappi við áður óþekkt nöfn í heimi
stjórnmálanna.
Norðausturkjördæmi
Dagný Jónsdóttir, þriðja á lista
Framsóknarflokksins, er síðust
inn með 2.423 atkvæði á bak við
sig. Sá sem ógnar henni helst, og
er einungis 40 atkvæðum frá því
að fella Dagnýju samkvæmt
þessu, er Brynjar S. Sigurðsson,
þrítugur framkvæmdastjóri frá
Siglufirði sem skipar fyrsta sæti á
lista Frjálslyndra. Lára Stefáns-
dóttir, sem skipar þriðja sæti
Samfylkingarinnar, er með 2.184
atkvæði á bak við sig og vantar
þar með 239 atkvæði til að fella
Dagnýju.
Suðurkjördæmi
Kjartan Þ. Ólafsson, í fjórða
sæti á lista Sjálfstæðisflokksins,
og Kolbeinn Proppé, oddviti
Vinstri grænna, eru hnífjafnir í
Suðurkjördæmi og mælast báðir
með 2.288 atkvæði á bak við sig.
Samkvæmt því vantar annan
hvorn þeirra aðeins 30 atkvæði til
þess að fella Jón Gunnarsson, sem
er í 4. sæti á lista Samfylkingar-
innar, og er síðastur inn sem kjör-
dæmakjörinn þingmaður. Hér er
því mikil spenna í uppsiglingu,
eins og svo víða annars staðar, af
þessum niðurstöðum úr könnun-
um Fréttablaðsins að dæma.
Uppbótarþingmenn
Hafa þarf í huga í þessum
vangaveltum að ekki hefur verið
tekið með í reikninginn hér hvar
uppbótarþingsæti kunna að lenda.
Þá sem einungis vantar herslumun
til að gerast kjördæmakjörnir geta
átt góða von á uppbótarþingsæti.
Samkvæmt niðurstöðunum eru
Kristinn H. Gunnarsson og Siv
Friðleifsdóttir inni sem uppbótar-
þingmenn hjá Framsóknarflokkn-
um, Birgir Ármannsson og Ásta
Möller hjá Sjálfstæðisflokki, Lára
Stefánsdóttir og Helgi Hjörvar hjá
Samfylkingu og þau Ögmundur
Jónasson, Jóhanna B. Magnúsdótt-
ir og Kolbeinn Proppé hjá Vinstri
grænum. Frjálslyndir fengju eng-
an uppbótarþingmann ef þetta
gengi eftir.
gs@frettabladid.is
UMHVERFISMÁL „Það er fátt jafn
erfitt sem flokkur minn hefur
gengið í gegnum enn umræðan um
Kárahnjúkavirkjun,“ sagði Össur
Skarphéðinsson á opnum stjórn-
málafundi með fulltrúum flokk-
anna á Hótel Borg í gær. Ýmis
náttúruverndarsamtök boðuðu til
fundarins. Helst var rætt um
virkjanaframkvæmdir á hálend-
inu. Fulltrúar þriggja flokka af
fimm lýstu sig andsnúna Kára-
hnjúkavirkjun, sem er talsvert
annað hlutfall en fyrirliggjandi
stuðningur við framkvæmdirnar á
Alþingi segir til um.
Fulltrúarnir sem lýstu sig mót-
fallna voru þau Katrín Fjeldsted
frá Sjálfstæðisflokki, Margrét K.
Sverrisdóttir, Frjálslynda flokki
og Kolbrún Halldórsdóttir frá
Vinstri grænum. Össur Skarphéð-
insson sat fundinn fyrir hönd Sam-
fylkingarinnar. Hann varði stuðn-
ing þingmanna hennar við virkj-
anaframkvæmdirnar og sagði
ákvörðunina byggða á mikilli yfir-
legu. Einar Sveinbjörnsson, að-
stoðarmaður umhverfisráðherra,
sat fundinn fyrir Framsóknar-
flokkinn. Í máli hans kom fram að
Framsóknarflokkurinn telur eðli-
legt að auðlindir landsins verði
nýttar eins og frekast er unnt.
Eins og aðrir á fundinum lagði
hann þó áherslu á að friðland, eins
og í Þjórsárverum eða á Torfajök-
ulssvæðinu, njóti verndar. Allir
fundarmenn voru sammála um að
þjóðgarður norðan Vatnajökuls
væri góð hugmynd og að vernda
bæri vatnasvæði Jökulsár á Fjöll-
um. ■
HALLDÓR ÁSGRÍMSSON
Hann virðist vanta um 360 atkvæði í
Reykjavík norður til þess að komast á þing
sem kjördæmakjörinn.
STJÓRNMÁLAFUNDUR UM UMHVERFISMÁL
Þrír af fimm fulltrúum stærstu flokkanna lýstu sig andsnúna Kárahnjúkavirkjun.
FR
ÉT
TA
B
LA
Ð
IÐ
/V
IL
H
EL
M
Fulltrúar flokkanna ræddu Kárahnjúkavirkjun á opnum fundi um umhverfismál:
Þrír af fimm á móti
FR
ÉT
TA
B
LA
Ð
IÐ
/B
IL
LI
Í RÉTTA ÁTT „Framsókn þokast
upp á við sem er í samræmi við
mínar tilfinningar. Hins vegar
væru þetta alls kostar ómöguleg
kosningaúrslit. Enn er hálfur
mánuður í kosningar en ef áfram
heldur í þessa átt ætti þetta að
geta farið bærilega,“ segir Val-
gerður Sverrisdóttir iðnaðarráð-
herra.
SÍGANDI LUKKA BEST „Þetta er í
rétta átt og má kannski segja að
sígandi lukka sé best. Það er ljóst
að til að sigra í þessum kosning-
um þarf að hafa fyrir því og berj-
ast fyrir þeim sigri. Það munum
við gera,“ segir Ingibjörg Sólrún
Gísladóttir, forsætisráðherraefni
Samfylkingarinnar.
AÐ HERÐA RÓÐURINN „Þessar
niðurstöður eru ekki í samræmi
við þá tilfinningu sem ég hef
fengið á vinnustöðum eða annars
staðar. Hins vegar er þetta mjög
skýr áminning til okkar sem vilj-
um veg Vinstri grænna sem
mestan, við verðum að herða róð-
urinn. Því eftir tíunda maí verður
ekki aftur snúið,“ segir Ögmund-
ur Jónasson, þingmaður Vinstri
grænna.
HÖLDUM GALVÖSK ÁFRAM „Mér
finnst við vera með heldur sterk-
ari stöðu en þessi könnun sýnir.
Miðað við þær viðtökur sem við
fáum hefði ég haldið að við mynd-
um mælast hærri. Þetta er bara
ein skoðanakönnun af mörgum og
við höldum galvösk áfram með
bjartsýni og staðreyndirnar að
vopni,“ segir Gunnar Ingi Birgis-
son, þingmaður Sjálfstæðisflokks.
SÁTT OG ÁNÆGÐ „Ég er ennþá
ánægður með það fylgi sem er að
mælast hjá okkur. Þó skoðana-
kannanir sveiflist um eitt, tvö
prósent á milli kannana er það
vísbending um að við höfum þó
nokkuð fylgi meðal þjóðarinnar.
Við munum reyna að auka fylgið
ef við getum með okkar málflutn-
ingi. Okkar fólk mun halda áfram
sinni vinnu,“ segir Guðjón Arnar
Kristjánsson, formaður Frjáls-
lynda flokksins.
STÓRTILBOÐ
VIKING FELLHÝSI
Aðeins í dag laugardag og sunnudag
Epic 1906 9 fet
Verð kr. 798.000
Innifalið í verði
100.000 kr. úttektar-
ávísun í nýrri verslun sem
verður opnuð í maí. Fellihýsin
eru tilbúin á götuna með bremsubúnaði.
Takmarkað magn. Til afgreiðslu strax
Netsalan
Garðatorgi 3, 210 Garðabær Símar: 565 6241/ 544 4210 Fax: 544 4211
Netfang: netsalan@itn.is Heimasíða: www.itn.is/netsalan www.itn.is/netsalan
Opið í dag, laugardag, frá kl. 11 - 17
og sunnudag frá kl. 11 - 16
*himinn fylgir ekki