Fréttablaðið - 26.04.2003, Blaðsíða 32

Ég er svona að fara hægt og ró-lega af stað aftur í söngnum
eftir að hafa eignast fyrsta barnið
mitt í byrjun febrúar,“ segir
Kristjana Stefánsdóttir djass-
söngkona. Ragnheiður Lóa Ólafs-
dóttir heitir stúlkan sem kom í
heiminn 2. febrúar.
„Ég hef tekið því rólega að
mestu frá því í desember. En al-
veg fram að jólum var ég á fullu
eiginlega. Jólamánuðurinn er
alltaf mjög annasamur, maður er
að jólast út um allt einhvern veg-
inn. Svo var ég að kenna alveg
fram á síðasta dag í FÍH. Dóttir
mín fæddist aðeins fyrir tímann.
Ég kom heim úr vinnunni klukkan
sjö um kvöldið og vatnið fór þá
um nóttina.“
Nú þegar dóttirin er að verða
þriggja mánaða finnst Kristjönu
tími kominn til að fara aftur af
stað, þótt rólega sé keyrt til að
byrja með.
„Þetta eru engin veikindi að
eignast barn, maður er alveg heil-
brigður. Ég er byrjuð að kenna
aftur og er svo með þessa tónleika
í Norræna húsinu núna síðdegis í
dag.“
Þrjár söngdívur
Í Norræna húsinu ætlar Krist-
jana að syngja lög sem söngdív-
urnar Ella Fitzgerald, Sarah
Vaughan og Nancy Wilson gerðu
fræg á sínum tíma. Með henni
spila þeir Agnar Már Magnússon
píanóleikari, Gunnar Hrafnsson
bassaleikari og Erik Qvick
trommuleikari.
„Þetta eru tíu lög sem ég syng,
flest komin frá Ellu Fitzgerald en
svo skýt ég inn á milli lögum frá
hinum tveimur. Þetta er mjög
hefðbundinn djass og fullkomlega
í anda þessara söngkvenna.“
Kristjana segir að þessar söng-
konur hafi allar haft mikil áhrif á
sig.
„Þetta er sú tónlist sem ég
hlustaði á þegar ég var að byrja
að hlusta á djass. Þær eru dásam-
legar söngkonur allar þrjár. Ella
er kannski stærsta nafnið hér á
landi, þökk sé Jóni Múla. Nancy er
hins vegar þekktari úti í Evrópu
og í Bandaríkjunum. Hún gerði
ógleymanlega plötu með Cannon-
ball Adderley og þessi eina plata
nægir alveg til þess að Nancy sitji
í manni.“
Tvær vikur í Hollandi
Í september síðastliðnum brá
Kristjana sér til Hollands þar sem
hún söng með hollenskum kvint-
ett á tónleikaferðalagi undir yfir-
skriftinni „Kristjana Swings the
Divas“. Þar söng hún einmitt
þessi sömu lög og hún ætlar að
leyfa Íslendingum að heyra í Nor-
ræna húsinu.
„Landinn er samt ekki búinn að
heyra þetta prógram þannig að
við ákváðum að dusta af því rykið.
Mér finnst gott að byrja á því að
rifja bara upp þessi lög sem ég
þekki síðan í haust.“
Kristjana ferðaðist með kvint-
ettinum vítt og breitt um Holland.
Samtals voru haldnir tíu tónleikar
á tveimur vikum.
„Í þessum kvintett eru strákar
sem ég kynntist meðan ég var í
námi þarna úti í Hollandi. Saxó-
fónleikarinn Jasper Staps hringdi
í mig og bauð mér að koma út. Við
héldum tónleika á klúbbum úti um
allt landið.“
Kristjana segir ekki síst hafa
verið gaman að vinna með
trompetleikarann Michael Varen-
kamp í þessari ferð. „Hann er orð-
inn stórt nafn úti í Hollandi. Hann
er af súrínömskum ættum, svart-
ur strákur og spilar og syngur í
anda Louis Armstrong án þess þó
að vera bara að herma neitt eftir
honum beinlínis, hann gerir þetta
alveg á sínum forsendum.“
Stelpujazz
Kristjana gaf út fyrstu sóló-
plötuna sína árið 2001. Hún hét
einfaldlega Kristjana og fékk
glimrandi dóma víðast hvar. Nú í
nóvember kom svo út platan
Fagra veröld, þar sem Kristjana
söng lög eftir Sunnu Gunnlaugs-
dóttur við ljóð eftir Tómas Guð-
mundsson, Stein Steinarr, Sigur-
björgu Þrastardóttur og fleiri.
„Þetta er svona stelpudjass,“
segir Kristjana. „Ofsalega ljóð-
ræn og falleg tónlist. Það er miklu
meiri mýkt yfir þessari plötu
heldur en fyrstu plötunni minni,
sem er hrjúfari og harðari. Fyrri
platan er líka hefðbundnari en
platan hennar Sunnu er meira
módern ljóðamúsík.“
Sunna lék sjálf á píanóið á nýju
plötunni og Sigurður Flosason
spilaði á saxofón.
„Svo mætti Sunna í upptökurn-
ar með stórstjörnu frá New York,
bassaleikara sem heitir Drew
Gress og er eitt stærsta nafnið í
nútímadjassi þar í borg. Svo er
hún gift bandarískum trommu-
leikara sem spilaði líka á plötunni,
Scott McLemore, þannig að þetta
voru miklar kanónur allt saman.“
Komin á spjöld sögunnar
Óhætt er að segja að Krist-
jana sé komin á spjöld sögunnar
sem fyrsta íslenska atvinnu-
söngkonan í djassi.
Því til staðfestingar má fletta
upp í lokabindinu í þriggja binda
verki Illuga Jökulssonar, Ísland í
aldanna rás, sem kom út nú fyr-
ir jólin.
„Meira að segja þar rakst ég á
grein um mig,“ segir Kristjana
og er ekki laust við að undrunar
gæti í röddinni.
Kristjana kennir nú söng við
djassdeildina í Tónlistarskóla
FÍH. Forveri hennar við deildina
var kanadíska söngkonan Tena
Palmer.
„Tena Palmer var búin að
vera hér í nokkur ár en er lögst í
tónleikaferðalög til Hollands og
Kanada. Hún er mjög flink tón-
listarkona, útsetur lög og spilar
á saxofón líka held ég.“ Á undan
Tenu var það Jóhanna Linnet
sem sá um söngkennsluna við
djassdeildina.
Margar á leiðinni
Þótt Kristjana sé fyrsta ís-
lenska atvinnusöngkonan sem
haslar sér völl í djassheiminum
er engin hætta á að hún verði sú
eina, því strax á næstu misser-
um má búast við fleiri lærðum
íslenskum djasssöngkonum
fram á sjónarsviðið.
„Það virðist vera mikill áhugi
á þessu núna. Ég er með ellefu
stelpur í djassdeildinni í tónlist-
arskóla FÍH, og svo eru fjörutíu
manns á biðlista.“
Kristjana segist reyndar hafa
nokkrar áhyggjur út af nýrri
reglugerð, sem takmarkar að-
gang að Tónlistarskóla FÍH
þannig að þar eiga einungis
nemendur búsettir í Reykjavík
rétt á að stunda nám. Reyndar
geta aðrir komist að ef sveitar-
félag viðkomandi fellst á að
greiða fyrir námið. Engin vissa
er þó fyrir því að um semjist í
öllum tilvikum.
„Ég vona samt að það gangi,
því ég er með margar flottar
dömur utan af landi að læra hjá
mér í skólanum.“
Byrjaði á sveitaböllunum
Nú í vor er svo ein íslensk
söngkona að ljúka námi úti í
Hollandi í djasssöng við sama
skóla og Kristjana var í. Sú heitir
Guðlaug Dröfn Ólafsdóttir.
„Hún er dóttir Labba sem var í
Mánum, sem er nú minn lærifaðir
í rauninni. Ég byrjaði átján ára að
syngja á sveitaböllum með Labba
og fékk þar mikið og gott uppeldi.
Svo var ég það heppin að Karl
heitinn Sighvatsson var organisti
í Hveragerðiskirkju þegar ég var
að klára stúdentinn frá Fjöl-
brautaskóla Suðurlands. Hann dró
mig inn í djassinn ef svo má segja.
Eftir sveitaballabröltið fór ég
reyndar af stað og dreif mig í
söngnám í Söngskólanum og
kláraði þar áttunda stig, var sex
ár að stúdera þar. En djassinn var
alltaf eitthvað svo spennandi.“
Framhjáhaldið olli tog-
streitu
Kristjana viðurkennir að
ákveðin togstreita hafi verið á
milli djasssöngsins og klassíska
söngsins meðan á náminu stóð.
„Sérstaklega síðasta árið þegar
maður var að gera upp við sig
hvað maður í raun og veru vildi.
Ég var líka alltaf að syngja ein-
hvers konar djass eða popp með-
fram, var alltaf í bölvuðu fram-
hjáhaldi. Söng mikið raddir og
auglýsingar fyrir sjónvarp og út-
varp og teiknimyndir. Kennarinn
setti mér svo stólinn fyrir dyrnar
þegar ég var að undirbúa loka-
prófið og sagði að ég yrði að ein-
beita mér að því. Ég lagðist því
síðustu mánuðina alveg í námið í
skólanum.“
Eftir sex ára nám í Söngskólan-
um hélt Kristjana til náms í
djasssöng í Hollandi. „Ég ætlaði
að prófa það og sjá til hvernig
gengi. En þegar ég kom þarna út í
djassinn var eins og ég væri kom-
in heim. Reyndar var ég hálf-
svekkt fyrstu tvö árin. Það var
enginn kennari sem passaði al-
mennilega fyrir mig. Ég kom því
heim í eitt ár, en vissi af kennara í
Haag sem ég fór svo til og gat
klárað þar á einu ári.“
Lögin hans Tómasar R.
Kristjana ætlar ekki að sitja
aðgerðalaus á næstunni, frekar en
venjulega. Meðal annars ætlar
hún að ferðast eitthvað um landið
með félögum sínum að flytja lögin
þeirra Ellu, Söruh og Nancy.
Í júlí ætla þau Agnar Már pí-
anóleikari svo að flytja lög bassa-
leikarans Tómasar R. Einarssonar
á tónleikum í Listasafni Sigurjóns
og fá þar til liðs við sig Helgu
Björk Ágústsdóttur sellóleikara.
„Tómas hefur samið svo rosa-
lega mikið af alveg dásamlegri
tónlist. Þetta er samt mikil vinna,
það er ekkert grín að brjótast í
gegnum laglínurnar hans þótt
þær séu mjög fallegar. Hann er
flóknari en maður heldur og kem-
ur manni alltaf á óvart.“
gudsteinn@frettabladid.is
32 26. apríl 2003 LAUGARDAGUR
Kristjana Stefánsdóttir djasssöngkona fer rólega af stað aftur í söngnum eftir að hafa eignast dóttur í febrúar.
Hún er byrjuð að kenna aftur og heldur tónleika í Norræna húsinu í dag.
Fyrsta atvinnusöngkonan í
djassi – en ekki sú síðasta
KRISTJANA STEFÁNSDÓTTIR DJASS-
SÖNGKONA
Syngur lög Ellu Fitzgerald, Söruh Vaughan
og Nancy Wilson í Norræna húsinu í
dag.
KRISTJANA OG RAGNHEIÐUR LÓA
Kristjana hefur tekið því rólega síðan Ragnheiður fæddist.
■ TÓNLIST
FR
ÉT
TA
B
LA
Ð
IÐ
/B
IL
LI
Iðnaðarlóð óskast til leigu
á höfuðborgarsvæðinu.
Vegagerðin óskar eftir húsnæði og lóð til
leigu fyrir þjónustumiðstöð
Reykjanesumdæmis.
Lóðin skal vera afgirt, u.þ.b. 8.000-10.000 m
2
, staðsett
í útjaðri höfuðborgarsvæðisins, með mjög gott vegasam-
band við annað hvort Hringveginn (Vesturlandsveg, Suð-
urlandsveg) eða Reykjanesbraut.
Húsnæði á lóðinni skal vera tvískipt, annars vegar um
150 m2 skrifstofur og hins vegar um 300 m2 véla- og
tækjasalur.
Lóðin skal vera staðsett í útjaðri höfuðborgarsvæðisins,
með mjög gott vegasamband við annað hvort Hringveg-
inn (Vesturlandsveg, Suðurlandsveg) eða Reykjanes-
braut.
Lóðin, ásamt húsnæðinu, skal vera tilbúin til afhending-
ar eigi síðar en 1. apríl 2004. Leigusamningur verður
skal gerður til 10 ára.
Áhugasamir sendi inn upplýsingar um húsnæði og lóð og áætlaða
leigu fyrir 12. maí n.k. merkt Vegagerðin, Daníel Árnason rekstrar-
deild, Borgartún 7, 105 Reykjavík.