Fréttablaðið - 26.04.2003, Blaðsíða 23

Veruleg andstaða
í veigamiklum málum
Ríkisstjórnin virðist hafa siglt
gegn almenningsálitinu í að
minnsta kosti tveimur stórum mál-
um. Á liðnum vikum og mánuðum
hefur innrásina í Írak borið þar
hæst. Þann 18. janúar mældist
fylgi við innrás í Írak aðeins um
9%. Um 91% var á móti. Þann 22.
mars mældust fylgismenn innrás-
ar nokkuð fleiri, eða 24%, á móti
76% sem voru andvíg.
Viku síðar, eða 29. mars, var
spurt hvort fólk væri fylgjandi því
að ríkisstjórnin styddi innrásina.
Reyndist þá fylgi stuðningsmanna
nokkuð lítið, eða 18%. Um 82% að-
spurðra sögðust vera á móti. Þess-
ar tölur breyttust nokkuð í könnun
blaðsins þann 12. apríl, þótt and-
staðan mældist enn veruleg. Þá
lýstu um 28% yfir stuðningi við
stefnu ríkisstjórnarinnar í málinu.
Um 72% voru á móti.
Annað mál ríkisstjórnarinnar
sem virðist búa við andstöðu
landsmanna, samkvæmt könnun
Fréttablaðsins, er kvótakerfið.
Þann 12. apríl mældust fylgis-
menn kerfisins einungis um 20%.
Um 80% lýstu sig andsnúin því.
Þó nokkur stuðningur
í öðrum
Ríkisstjórninni er þó ekki alls
varnað þegar kemur að viðhorfi
almennings til stjórnvaldsað-
gerða. Fylgið hefur mælst þó
nokkuð við virkjunarfram-
kvæmdir við Kárahnjúka og ál-
ver við Reyðarfjörð, eða 64%, í
könnun blaðsins 11. janúar. And-
víg voru 36%. Þann 1. febrúar
mældi blaðið afstöðu fólks til úr-
skurðar Jóns Kristjánssonar,
setts umhverfisráðherra, út af
Norðlingaölduvirkjun. Úrskurð-
urinn reyndist mælast ákaflega
vel fyrir. Um 80% kváðust
ánægð með hann.
Þá naut ákvörðun ríkisstjórn-
innar um að veita rúmum 6 millj-
örðum til samgöngumála og
menningarmála á landsbyggðinni
verulegs fylgis aðspurðra í könn-
un blaðsins 15. febrúar. Um 80%
voru fylgjandi, en 20% á móti.
Einkavæðing, landbúnaður
og hvalveiðar
Ef stjórnvöld komandi ára
hyggjast einkavæða í heilbrigðis-
og skólakerfinu meira en orðið er
þurfa þau að öllum líkindum að
glíma við talsverða andstöðu. Í
könnun blaðsins 27. janúar lýstu
um 60% sig andvíg frekari einka-
væðingu í heilbrigðiskerfinu, en
40% sögðust fylgjandi. Andstaða
við frekari einkarekstur í skóla-
kerfinu var heldur minni, en 57%
þeirra sem tóku afstöðu voru því
andvíg en 43% fylgjandi.
Niðurstaða könnunar frá því
27. janúar bendir til að meirihluti
þjóðarinnar sé jafnframt andvíg-
ur frjálsum innflutningi á land-
búnaðarafurðum. Ef eitthvert
stjórnmálaafl hefur slíkt á stefnu-
skránni á annað borð getur það þó
huggað sig við það, eins og í tilviki
einkavæðingar, að þó nokkur hóp-
ur fólks virðist þrátt fyrir allt
vera fylgjandi slíku. Í könnuninni
reyndust 57% andvíg frjálsum
innflutningi, en 43% voru honum
fylgjandi.
Ef stjórnmálamenn vilja hins
vegar hefja hvalveiðar á næst-
unni, eins og margir vilja og er
opinber stefna Íslendinga, þá
þurfa þeir hinir sömu ekki að ótt-
ast almenningsálitið. Í könnun
blaðsins í janúar lýstu um 88% sig
fylgjandi því að hefja hvalveiðar
strax í sumar. Aðeins um 12% eru
því andsnúin.
Tvístígandi um
Evrópusambandið
Þjóðin virðist á báðum áttum
þegar kemur að hugsanlegri um-
sókn Íslendinga um aðild að Evr-
ópusambandinu. Í þremur könn-
unum blaðsins, 11. janúar, 8. febr-
úar og 19. apríl, hefur fylgi stuðn-
ingsmanna umsóknar mælst í
kringum 27%, en andsnúnir hafa
verið á bilinu 42-45%. Óákveðnir
hafa hins vegar mælst nokkurn
veginn jafn margir fylgismönnun-
um í öllum könnunum þremur, eða
upp undir 30%. Þessar kannanir
virðast því benda til að um 70%
landsmanna séu annað hvort and-
snúnir inngöngu eða hafa ekki
ákveðið sig.
Draugar
Að síðustu er vert að geta þess
að samkvæmt könnun blaðsins frá
því í byrjun mars trúa um 40%
landsmanna á drauga. Ekki skal
fjölyrt neitt um það hvort átrún-
aðurinn á drauga skarast á ein-
hvern hátt við fylgi eða andstöðu
fólks í öðrum málum. Þjóðin virð-
ist tvíklofin á margan hátt, í
stuðningi við ríkisstjórnina og
andstöðu við hana, í stuðningi við
forsætisráðherra og andstöðu við
hann, í stuðningi við ESB og and-
stöðu við það, í stuðningi við
einkavæðingu og andstöðu við
hana, og nú síðast í þessu: trúnni á
drauga. Þess má jafnframt geta í
því sambandi að fleiri konur trúa
á drauga en karlar, samkvæmt
könnuninni, eða upp undir helm-
ingur.
gs@frettabladid.is
LAUGARDAGUR 26. apríl 2003
Kárahnjúkar
– hvað svo?
Atvinnukostir framtíðarinnar til umræðu
hjá Samfylkingunni á Lækjargötu 2A
Atvinna, virkjanir, menntun, hugvit, náttúra,
menning.
Stutt innlegg, fyrirspurnir, samræður
Margrét S. Björnsdóttir, forstöðumaður við
Háskóla Íslands
Óskar Helgi Guðjónsson, Ultima Thule
Tryggvi Felixson, kynningarfulltrúi
rammaáætlunar um virkjunarkosti
Helgi Hjörvar, frambjóðandi
Samfylkingarinnar og stjórnarmaður
í Landsvirkjun
Atvinna, konur, hugbúnaður, ferðaþjónusta,
nýsköpun, framtíð.
Stutt innlegg, fyrirspurnir, samræður
Ásgeir Friðgeirsson, ritstjóri striks.is og
frambjóðandi í Suðvestri
Jón Karl Ólafsson, formaður Samtaka
ferðaþjónustunnar
Rósa Erlingsdóttir, stjórnmálafræðingur
Ingibjörg Sólrún Gísladóttir,
forsætisráðherraefni Samfylkingarinnar
Matti þenur nikkuna
Elísabet Jökulsdóttir lyftir ljóðhugum
Jakob og Ragga svífa á vængjum söngsins
Gestgjafar: Mörður Árnason og Þórhildur
Þorleifsdóttir frambjóðendur
Samfylkingarinnar í Reykjavík
Dagskráin hefst um 13.30 og stendur fram
eftir degi til um 16.30
Allir velkomnir – kaffi og með því
FÁTÆKT
Hátt í 7% landsmanna segjast vera fátæk. Almennt virðist þjóðin bera sig fremur illa þegar kemur að stöðunni í buddunni. Einungis um
30% telja kjör sín hafa batnað á undanförnum árum. Enn færri telja að þau muni batna.
FRÉTTAB
LAÐ
IÐ
/VILH
ELM