Fréttablaðið - 10.05.2003, Qupperneq 18

Þetta eru stórtíðindi og merki-legur fundur. Á þeim 13 árum
sem ég hef verið í þessum bransa
hafa rekið á fjörur mínar tvær
Nínumyndir. Þær eru mjög sjald-
gæfar og liggja ekki á lausu,“ seg-
ir Bjarni Sigurðsson sem rekur
Smiðjuna - listhús.
Nýverið fékk Bjarni, sem
gengur undir nafninu Bjarni í
Smiðjunni, í hendur 13 áður
óþekkt verk eftir Nínu Tryggva-
dóttur til innrömmunar og um-
boðs. Verkin bárust honum frá
Danmörku, árituð en ekki ársett.
Þá er rétt að taka fram að þau eru
öll nafnlaus þó hér séu þau nefnd
í myndatexta til hægðarauka.
Bjarni telur næsta víst að verkin
séu frá námsárum Nínu, senni-
lega allar frá árunum 1934 til
1939, en um er að ræða olíumál-
verk á striga - fimm talsins, þrjú
olíuverk á spjöld og afgangurinn
klippiverk sem eru minni myndir.
Sölusýning í þessum
mánuði
Nú stendur Bjarni í samninga-
viðræðum við eigendur verkanna
en ganga þarf frá ýmsum lausum
endum. Stefnt er að því að halda á
verkunum sölusýningu nú í þess-
um mánuði. Verk eftir Nínu
Tryggvadóttur eru með þeim eft-
irsóttustu íslenskra listmálara og
má heita nokkur tilviljun að þau
komi í ljós meðan beðið er dóms í
því sem kallað hefur verið Stóra
málverkafölsunarmálið. Þar eru 5
verk sem talin eru fölsuð eignuð
Nínu. Það liggur því beint við að
spyrja Bjarna beint hvort þessi
verk séu ekki fölsuð? Bjarni segir
það af og frá, eigendasagan sem
með þeim fylgir sé traustari en
svo. En hvernig bárust verkin þér
í hendur?
„Mér skilst að þau séu upp-
runnin hjá dönskum listmálara
sem deildi vinnustofu með Nínu á
sínum tíma. Hann er nú fallinn frá
og verkin eru úr búi hans. Þaðan
komu þau í hendur dansks gallerí-
eiganda og hann hafði svo sam-
band við mig eftir ákveðnum
krókaleiðum. Erfingjarnir telja
vænlegast að selja verkin á Ís-
landi enda Nína þekktust hérlend-
is þó svo að hún sé auðvitað lista-
maður á heimsmælikvarða.“
Sanngjörn verðlagning
Bjarni í Smiðjunni þrætir ekki
fyrir að umræðan um mál-
verkafalsanir hafi komið illa við
listaverkamarkaðinn. Hann segir
þetta einkum koma illa við þá sem
eldri eru en þeir hafi reyndar í
gegnum tíðina verið mikilvirk-
ustu listaverkakaupendurnir.
„Þeir halda að sér höndunum núna
og óttast að verða fyrir barðinu á
málverkafölsurum. Hins vegar er
þetta náttúrlega rétti tíminn til að
kaupa. Verð á málverkum hefur
staðið í stað lengi vel og þessi
fölsunarumræða hefur orðið til að
lækka þau í verði ef eitthvað er.“
Þó að Bjarni reki gallerí er inn-
römmun málverka hans aðal at-
vinna. „En ég hef haldið einhverj-
ar fjórar til fimm sýningar sem
vakið hafa athygli. Ekki fyrir
löngu hélt ég vel heppnaða sýn-
ingu á verkum Jóns Engilberts.
Öll verkin á sýningunni seldust
þannig að ofsagt er að listaverka-
markaðinn undanfarið sé í algjöru
frosti.“
Verðlagning verkanna er enn á
huldu en Bjarni í Smiðjunni segir
að hún verði sanngjörn. Líklegt
má teljast að tvö olíuverkanna,
þau sem stærst eru og máluð á
striga, fari á yfir milljónina.
Bjarni hefur enn sem komið er
ekki sett sig í samband við list-
fræðinga. Þeir sem teljast helstir
sérfræðingar í list Nínu Tryggva-
dóttur eru erlendis, þau Hrafn-
hildur Schram og Aðalsteinn Ing-
ólfsson. Í stuttu samtali við
Hrafnhildi segist hún ekki muna
til þess að svo mörg verka Nínu
hafi komið fram í einu. Hún
treysti sér ekki til að fullyrða um
mikilvægi þessa fundar að óat-
huguðu máli.
jakob@frettabladid.is
18 10. maí 2003 LAUGARDAGUR
Félagsmenn 4x4 og aðrir ábyrgir ferðamenn. Nú er
tími aurbleytunnar á fjallvegum. Hafa ber þessar að-
stæður í huga áður en lagt er í ferðalög og forðast
þannig skemmdir á vegum og landi.
Félagar, munið landgræðsluferðina í Þórsmörk
helgina 20. - 22. júní n.k.
Nánari upplýsingar má finna á vef klúbbsins, www.f4x4.is
S
Rúmur tugur áður óþekktra málverka eftir Nínu Tryggvadóttur er nú í höndum listaverkasala sem hyggst sýna þau og selja. Verk eftir Nínu
eru sjaldgæf og má heita sérkennileg tilviljun að þau skjóti upp kollinum nú þegar dóms í Stóra málverkafölsunarmálinu er beðið.
SVEITALÍF
Önnur skemmtileg klippimynd í hópi þeirra 13 verka sem fundust.
HLJÓÐFÆRALEIKARI
Olía á striga. Verk sem gera má ráð fyrir að Nína hafi málað á námsárum sýnum og má
strax greina hinn sérstæða kúbíska stíl sem hún er svo þekkt fyrir.
MÓDEL
Þetta er stærst þeirra verka sem Bjarni hefur til umsjónar. Olía á striga og fastlega má
gera ráð fyrir að myndin verði aldrei verðlögð á minna en milljón.
STILLT UPP Á STÓL
Olíuverk, líklega frá
námsárum Nínu.
KONUR Í ÞORPI
Stórskemmtileg klippimynd og athyglisvert
að sjá hvernig klippitækni Nínu nýtist
henni í olíuverkunum.
13 málverk eftir Nínu
- líta dagsins ljós BJARNI SIGURÐSSON
Þetta eru stórtíð-
indi enda ekki á
hverjum degi
sem á fjörur
manns rekur
verk eftir Nínu,
ég tala nú ekki
um í þessu
magni.