Fréttablaðið - 04.06.2003, Blaðsíða 35

MIÐVIKUDAGUR 4. júní 2003
■ DANS
15
DANS Um miðjan maí var opnuð
milonga (tangóklúbbur) á Caffé
Kulture í Alþjóðahúsinu.
„Milonga er alþjóðlegt heiti á
tangódansstað þar sem fólk kem-
ur til að dansa tangó. Þetta er opið
öllum og getur fólk komið eitt eða
með öðrum, eins og hverjum hent-
ar. Leiknar eru syrpur af tangó,
milonga og vals og stöku sinnum
má heyra salsa og swing,“ segir
Bryndís Halldórsdóttir. „Milonga-
hefðin kemur frá Argentínu og er
alltaf spilaður og dansaður
argentínskur tangó í 3-5 laga
syrpum. Eftir hverja syrpu er svo
boðið upp í dans að nýju, með nýj-
um dansfélaga.“
Bryndís segir að nú séu starf-
ræktar mjög vinsælar milongur í
allri Evrópu, Bandaríkjunum og
auðvitað í heimalandinu tangós-
ins, Argentínu, einkum í Buenos
Aires. „Milonga á Caffé Kulture
er diskótek, þar er leikið er af
geisladiskum í hefðbundnum
syrpum eins og gert er í heima-
landinu. Í Buenos Aires er ein-
göngu boðið upp með augnagoti
og aldrei að vita nema þær hefðir
séu einnig í hávegum hafðar á
Caffé Kulture,“ segir Bryndís
hlæjandi.
Í júní er stefnt að því að bjóða
þeim sem hafa ekki lært tangó
upp á opinn tíma áður en dansinn
hefst. Upplýsingar og auglýsingar
eru á www.tango.is. Milongan er
skipulögð af tangóklúbbnum
tango.is í samvinnu við Caffé
Kulture og Alþjóðahúsið. Þess má
geta að nokkrir félagar úr
Tango.is komu nýlega heim úr vel
heppnaðri ferð til Buenos Aires.
Milongan í Alþjóðahúsinu er
opin öll miðvikudagskvöld kl. 21
til 24. Aðgangur er ókeypis og eru
allir velkomnir. ■

Steinunn Marteinsdóttir er með
sýningu á Hulduhólum í Mosfellsbæ.
Þar sýnir hún málverk og verk úr leir.

Eggert Pétursson sýnir í galleríinu i8
við Klapparstíg.

Útskriftarsýning myndlistar- og
hönnunarnemenda Listaháskóla Íslands
stendur nú yfir í Listasafni Reykjavíkur,
Hafnarhúsinu.

Í Gerðarsafni í Kópavogi stendur yfir
yfirlitssýning á verkum Gerðar Helga-
dóttur.

Gunnar Karl Gunnlaugsson sýnir
ljósmyndir af um það bil 60 brúm á
þjóðvegi 1 í Menningarmiðstöðinni
Gerðubergi.

Málverkasýning eftir Stefán Berg
Rafnsson stendur yfir á Kránni, Lauga-
vegi 73.

Fimmta alþingiskosningasýning
Kristjáns Guðmundssonar stendur í
Slunkaríki á Ísafirði. Að þessu sinni er
Kristján með grafíkmyndir í farteski sínu.

Birgir Rafn Friðriksson sýnir á
Næsta bar við Ingólfsstræti í Reykjavík.
Sýningin heitir Portret x og stendur til 7.
júní.

Jóna Þorvaldsdóttir sýnir átta svart-
hvítar ljósmyndir á Mokka við Skóla-
vörðustíg. Myndirnar eru teknar í Sló-
veníu, Bandaríkjunum, Portúgal og á
Kúbu á árunum 2000 til 2002.

Inger Helene Bóasson sýnir svart-
hvítar ljósmyndir í Vínbarnum. Myndirn-
ar kallar hún landslag líkamans.

Sýningin Handritin stendur yfir í
Þjóðmenningarhúsinu. Sýningin er á
vegum Stofnunar Árna
Magnússonar. Einnig er þar sýning sem
nefnist Íslandsmynd í mótun - áfangar
í kortagerð.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
Milonga á Caffe Kulture
DJÚPUR
TANGÓ
Ekki er
nauðsynlegt
að koma
með dans-
félaga á
tangókvöld,
en boðið er
upp í dans-
inn með
augnagot-
um.
FRÉTTAB
LAÐ
IÐ
/B
ILLI