Fréttablaðið - 13.11.2003, Blaðsíða 1

MEST LESNA DAGBLAÐ Á ÍSLANDI Suðurgötu 10, 101 Reykjavík — sími 515 7500
Tónlist 38
Leikhús 38
Myndlist 38
Íþróttir 34
Sjónvarp 40
FIMMTUDAGUR
EIGNARHALD FJÖLMIÐLA Polit-
ica, félag stjórnmálafræðinema við Há-
skóla Íslands, heldur opinn fund um
eignarhald á fjölmiðlum í hátíðarsal Há-
skóla Íslands í dag. Á meðal gesta eru
Gunnar Smári Egilsson, Bogi Ágústsson
og Ingibjörg Sólrún Gísladóttir. Fundurinn
hefst kl. 12.
DAGURINN Í DAG
VEÐRIÐ Í DAG
BLÍÐA HJÁ AKUREYRINGUM
Á Akureyri gæti orðið nokkuð bjart og milt.
Þyngra yfir Suðurlandinu. Annars er þetta
bara frábært veður um land allt. Sjá síðu 6
síðir kjólar ● hárbönd og svitabönd
Alsæl í nýjum
Henson-galla
tíska o.fl.
Auður Lilja í Djúpu lauginni:
▲
SÍÐUR 24 & 25
Quaqartoq
skemmtilegur bær
ferðir o.fl.
Freyr Eyjólfsson:
▲SÍÐUR 26 & 28
13. nóvember 2003 – 281. tölublað – 3. árgangur
Rickshaw á Nasa í kvöld
Richard Scobie:
▲
SÍÐA 36
Nýrómantík og
heimsfrægð
SPRENGJUÁRÁS Í ÍRAK Að minnsta
kosti 25 fórust í sprengjuárásinni og þar á
meðal sautján ítalskir hermenn. Silvio
Berlusconi, forsætisráðherra Ítalíu, harmaði
árásina. Sjá síðu 2
SPÁIR HRUNI SPRINKLE-
NETWORK Mark Ashley Wells segir ásak-
anir á hendur sér um hryðjuverk gagnvart
sænska píramídanum ekki vera svaraverðar.
Hann spáir hruni SprinkleNetwork. Sjá síðu 4
KÍNVERJARNIR YFIRHEYRÐIR
Dómyfirheyrslur yfir kínversku stúlkunum
tveimur sem komu í fylgd Ástralans á
fölsuðum vegabréfum fóru fram í Héraðs-
dómi Reykjaness í gær. Ástralinn verður
ákærður fyrir ólöglegan flutning fólks á
milli landa. Sjá síðu 2
STÓR ORÐ UM VANDA SAUÐ-
FJÁRBÆNDA Þingmenn spöruðu ekki
stóru orðin þegar þeir ræddu aðgerðir og
stefnu í landbúnaðarmálum. Samfylkingar-
menn sögðu landbúnaðarráðherra helsta
vanda bænda. Sjá síðu 6
ATVINNUMÁL Forsvarsmenn Ís-
lenskra aðalverktaka fara ekki
dult með áhyggjur sínar af verk-
efnastöðu á Suðurnesjum og blasa
uppsagnir við á næstu mánuðum
og misserum að óbreyttu. Sam-
dráttur í starfsemi Varnarliðsins á
Keflavíkurflugvelli bitnar hart á
aðalverktökum líkt og öðrum en
rúmlega 200 manns vinna hjá fyr-
irtækinu á Suðurnesjum. Óttast er
að segja þurfi upp að minnsta
kosti fjórðungi starfsmanna á
næsta ári eða rúmlega 50 manns.
Talsmenn Verkalýðs- og sjó-
mannafélags Keflavíkur vildu ekk-
ert tjá sig um málið. Ekki náðist í
Stefán Friðfinnsson, forstjóra ÍAV
og Guðmundur Geir Jónsson, for-
stöðumaður framkvæmdasviðs
fyrirtækisins í Keflavík, sagði
verkefnastöðuna góða í bili og ekki
væri verið að segja neinum upp
þessa dagana.
Uppsagnir hjá
ÍAV yrðu enn eitt
áfallið sem riði yfir
Suðurnesjamenn.
Tæplega tíundi
hluti íslenskra
starfsmanna Varn-
arliðsins á Keflavík-
urflugvelli bíður nú
uppsagnarbréfa.
„Það er ljóst að
við verjumst uppsögnunum ekki,
það er grjótharður samdráttur á
vellinum,“ sagði Kristján Gunnars-
son, formaður Verkalýðs- og sjó-
mannafélags Keflavíkur.
„En samdrátturinn á vellinum
virðist nær eingöngu bitna á Ís-
lendingum sem þar starfa en ekki
bandarískum ríkisborgurum,“
sagði Kristján.
Alls starfa tæplega 900 Íslend-
ingar hjá Varnarliðinu á Keflavík-
urflugvelli og gera má ráð fyrir að
hátt í 700 manns hafi atvinnu sína
óbeint af starfsemi þess.
Rétt rúmlega 100 starfsmönn-
um Varnarliðsins verður sagt upp
um næstu mánaðamót. Uppsagnir
90 starfsmanna voru dregnar til
baka eftir að verkalýðshreyfingin
gerði athugasemdir við fram-
kvæmd þeirra. Varnarliðið lýsti
þá yfir því, að það vildi fara að
lögum en lagði ríka áherslu á að
tafir gætu leitt til frekari upp-
sagna. Og það virðist nú ætla að
koma á daginn.
Kristján Gunnarsson segir
áhugaleysi ráðamanna gagnvart
ástandinu algert. Þingmenn hafi
lítið sem ekkert skipt sér af og
röraverksmiðja sé það eina sem
virðist í pípunum í atvinnuupp-
byggingu á svæðinu.
„Verksmiðjan virðist hins veg-
ar föst í þessum pípum, það heyr-
ist lítið af henni. En við þurfum
eitthvað stórt inn á þetta svæði,“
sagði Kristján.
Fulltrúar verkaýðsfélaganna á
Suðurnesjum hafa átt einn sam-
ráðsfund með Varnarliðsmönnum
vegna atvinnumálanna og annar
fundur er boðaður í fyrramálið.
the@frettabladid.is
VIÐSKIPTI Gengið verður frá niður-
færslu hlutafár Norðurljósa um
80% í lok vikunnar. Í framhaldinu
mun það verða fært upp aftur með
því að breyta skuldum í hlutafé,
samkvæmt heimildum Frétta-
blaðsins. Með því munu eigendur
sambankaláns fyrirtækisins fara
með meirihlutavald innan þess.
Grundvallaratriði slíks samkomu-
lags liggja fyrir.
Kostir Jóns Ólafsson, aðaleig-
anda fyrirtækisins, eru ekki
margir í stöðunni. Enginn rekstr-
argrundvöllur er hjá Norðurljós-
um nema að fjármögnun þess
verði breytt. Eigendur sambanka-
lánsins tryggja hag sinn best með
því að fá nýja fjárfesta að félag-
inu. Hinn kosturinn er að félagið
fari í gjaldþrot og mun Jóni hafa
verið gerð grein fyrir því að sú
leið yrði farin ef ekki næðist sam-
komulag um annað. Við gjaldþrot
yrði hlutur Jóns í fyrirtækinu
enginn og bankinn myndi líkleg-
ast leysa til sín þrotabúið sem
meirihlutaeigandi krafna. Breyt-
ing á vægi hlutafjár verður ekki
gerð nema með samþykki Jóns
sem meirihlutaeiganda.
Kaupþing-Búnaðarbanki hefur
engin áform um að eiga félagið og
leitar nú kaupanda. Engir kaup-
endur eru hins vegar í sjónmáli
enn sem komið er samkvæmt
heimildum Fréttablaðsins. Jón
Ólafsson vildi ekki tjá sig um mál-
ið. ■
Hundrað störf hjá
Aðalverktökum í hættu
Samdráttur í starfsemi Varnarliðsins á Keflavíkurflugvelli mun bitna hart á starfsemi Íslenskra
aðalverktaka. Að óbreyttu þarf að segja upp fjórðungi starfsmanna fyrirtækisins á Suðurnesjum
á næsta ári og koma þær í kjölfar uppsagna rúmlega 100 starfsmanna Varnarliðsins.
Hlutafé Norðurljósa verður aukið:
Lánardrottnar munu verða
meirihlutaeigendur
LÖGREGLAN FRELSAR DÆTUR BYSSUMANNS
Vopnaður maður hélt sjö ungum dætrum sínum og einni konu í gíslingu í íbúð í Dallas í Bandaríkjunum í gær. Sérsveit lögregunnar um-
kringdi húsið og sat um það í níu klukkustundir áður en hún réðst til atlögu og skaut manninn til bana.
Breskir foreldrar:
Bannað að
velja kyn
LUNDÚNIR, AP Bresk yfirvöld hafa
lagt bann við því að foreldrar noti
nútímatækni til að velja kyn ófæd-
dra barna sinna.
Fyrir rúmu ári síðan fór breska
ríkisstjórnin fram á það að Frjóvg-
unar- og fósturvísastofnunin færi
yfir þetta mál. Stofnunin komst að
þeirri niðurstöðu að það skyldi ein-
ungis vera heimilt að beita tækn-
inni til að komast hjá kynbundum
erfðasjúkdómum og heilkennum á
borð við dreyrasýki. Úrskurðurinn
byggir m.a. á könnun sem sýnir að
80% þjóðarinnar eru á móti því að
foreldrar fái að velja kyn barna. ■
■
Samdrátturinn
á vellinum virð-
ist nær ein-
göngu bitna á
Íslendingum
sem þar starfa
en ekki banda-
rískum ríkis-
borgurum.
M
YN
D
/A
P
● íslensk gisting í Columbia
Bandaríkin:
Umsátur í
Dallas
DALLAS, AP Vopnaður maður, sem
hélt sjö dætrum sínum og einni
konu í gíslingu í íbúð í Dallas í
gær, var skotinn til bana þegar
sérsveit lögreglunnar réðst inn í
íbúðina.
Maðurinn, sem var 32 ára,
hafði áður hleypt gíslunum út en
neitaði að gefa sjálfan sig fram.
Lögreglan réðst því til atlögu og
skaut hann. Áður hafði hann sært
fjóra lögreglumenn. Inni í íbúð-
inni fundust tveir aðrir menn látn-
ir. Síðdegis í gær vildi lögrelgan
ekki gefa upp hverjir mennirnir
tveir sem fundust látnir voru. Þá
lágu heldur ekki fyrir upplýsing-
ar um tengsl konunnar við mann-
inn. Ekki er vitað hvers vegna
maðurinn hélt fólkinu í gíslingu,
en málið er í rannsókn. ■