Fréttablaðið - 13.11.2003, Blaðsíða 40

Við gerðum heiðarlega tilrauntil að meika það í útlöndum,“
segir Richard Scobie, söngvari
hljómsveitarinnar Rickshaw. Með-
limir bandsins, sem náðu hylli
landsmanna kringum 1984, hafa nú
dustað rykið af hljóðfærunum,
gefið út nýjan geisladisk og verða
með útgáfutónleika á Nasa í kvöld.
„Það er búið að vera mikil eftir-
spurn eftir gömlu Rickshaw-efni
því það hefur verið ófáanlegt þar
sem það var gefið út á vínyl á sín-
um tíma. Ég bý úti í Los Angeles en
er nú búinn að vera hér á Íslandi
um tíma og við töldum því að þetta
væri kjörið tækifæri til að setja
punktinn yfir i-ið. Á sínum tíma
hættum við aldrei formlega og má
kannski segja að við séum að því
núna.“
En hverjir voru helstu áhrifa-
valdar í tónlist Rickshaw: „Ég get
ekki talað fyrir hina hljómsveitar-
meðlimana en fyrirmyndirnar
voru Bítlarnir, Stones og þannig
stórkarlar,“ segir Richard þótt út-
lit hljómsveitarinnar hafi verið
undir sterkum áhrifum nýróman-
tíkur og helst minnt á útlit hljóm-
sveitarinnar Duran Duran: „Þetta
var útlit nýrómantíkurinnar og við
skelltum okkur á það.“
Hápunktur tónlistarferils
Rickshaw var án efa þegar þeir
spiluðu fyrir tæplega 3000 manns
á Hippodrome í London árið 1985.
En hvað var það að mati Richards
sem stóð í vegi fyrir heimsfrægð:
„Þetta var heljarinnar ævintýri á
sínum tíma. Við lentum í smá-
hremmingum með samninga er-
lendis. Það tók langan tíma að
greiða úr þeim málum og einn
meðlimur fór í nám til Danmerkur.
Málin þróuðust þá þannig að við
lögðum upp laupana,“ segir Ric-
hard sem syrgir þó ekki hvernig
fór: „Maður var vonsvikinn á sín-
um tíma en í dag finnur maður að
þetta fór eins og það átti að fara.“
Húsið á Nasa opnar klukkan 21
en Sálin hans Jóns míns, dyggir að-
dáendur Rickshaw, sjá um að hita
upp mannskapinn. Richard finnur
ekki fyrir sviðsskrekk þótt langt
sé um liðið: „Við erum vel æfðir og
það er kraftur í okkur þannig að ég
hlakka bara til.“ ■
13. nóvember 2003 FIMMTUDAGUR
Fréttiraf fólki
Riskshaw
RICHARD SCOBIE
■ Sálin hitar upp á „come back“
tónleikum Rickshaw á Nasa í
kvöld.Heimsfrægðin var á næsta leiti hjá
hljómsveitinni þegar hún lagði upp
laupana en drengirnir hafa ekki komið
saman í fjórtán ár.
TÓNLIST Miðasala á tónleika bresku
rokksveitarinnar Muse hefjast á
morgun. Miðar verða seldir víðs
vegar um landið en verslanir Skíf-
unnar á höfuðborgarsvæðinu ríða
á vaðið og opna klukkustund fyrr
en venjulega, eða kl. 9. Miðarnir
verða seldir á Laugavegi, í Smára-
lind og Kringlunni.
Einnig verða seldir miðar í
Pennanum-Eymundsson, Akur-
eyri, Hljóðhúsinu, Selfossi og
Pennanum-Bókabúð Andrésar,
Akranesi.
Muse-menn eru búnir að vera á
stífri tónleikaferð um Evrópu til
þess að fylgja eftir hinni geysivin-
sælu þriðju breiðskífu þeirra
Absolution. Þessa stundina eru
fulltrúar hljómsveitarinnar að
fara yfir tillögur að íslenskum
upphitunarhljómsveitum og verð-
ur niðurstaðan kynnt um leið og
hún berst.
Miðaverð er 4.500 krónur í
stæði og 5.500 krónur í stúku. ■
Barði Jóhannsson hefur veriðað gera góða hluti með hljóm-
sveit sína Bang Gang undanfarið
og meðal annars tryggt henni út-
gáfusamninga erlendis.
Fyrsta plata sveitarinnar í
nokkur ár, Something Wrong, fer
vel af stað. Hið rólega Inside, eitt
af þremur lögum sem Esther Talía
Casey syngur með mikilli prýði,
gefur tóninn. Næsta lag, Follow, er
eitt það besta á plötunni. Flott,
seiðandi lag í Air-stílnum með fal-
legu píanóstefi. Áhrif frá Massive
Attack má greina í titillaginu,
Something Wrong, en stemningin
er nokkuð léttari í It’s alright, ákaf-
lega fallegu kassagítarlagi. Daníel
Ágúst Haraldsson á sterka inn-
komu í In the Morning auk þess
sem útfærslan á Stop in the Name
of Love er prýðileg.
Annars er erfitt að taka ein-
hver lög út því platan virkar mjög
vel sem ein heild. Hún hefur yfir
sér gamaldags yfirbragð og ein-
nig nokkuð þunglyndislegt sem
gerir útkomuna afslappaða og
þægilega. Umslagið er gott dæmi
um þessar áherslur.
Þrátt fyrir titilinn er í raun
ekki hægt að finna neitt að Some-
thing Wrong. Þetta er virkilega
vönduð og góð plata og ljóst að
það er engin tilviljun að útlend-
ingar hafa áhuga á Bang Gang.
Freyr Bjarnason
Umfjölluntónlist
BANG GANG:
Something Wrong
Ekkert að B
eibið Britney Spears roðnaði
víst mikið er hún var spurð á
MTV út í nýja lagið sitt Touch of
my Hand sem fjallar um sjálfs-
fróun. „Þetta er viðkvæmt mál-
efni. Ég get farið í hljóðver og
sungið um það en þegar ég þarf
að útskýra það líður mér skringi-
lega. En þetta er jákvætt
mál og heilbrigt og ég
held að raunveru-
leikinn sé
svona,“ sagði
Britney um
sjálfsfró-
unina.
Nýrómantík
og heimsfrægð
RICHARD SCOBIE
Söngvari hljómsveitarinnar Rickshaw
býr nú í Los Angeles þar sem hann semur
tónlist fyrir sjónvarp og kvikmyndir.
RICKSHAW
Svona litu þeir út fyrir
fjórtán árum undir sterk-
um áhrifum nýrómantíkur.
■ TÓINLIST
Miðasala hefst
á morgun
MUSE
Miðasala á Muse-tónleikana hefst í
fyrramálið. Selt verður á höfuðborgar-
svæðinu, Akranesi, Selfossi og Akureyri.